興趣嗜好 今日: 4 | 主題: 123770

積分: 7055

1^#

發表於 03-5-12 22:00 |只看該作者

謬思庵

雖然，肺炎肆虐，犧牲了電影節，但係呢段期間，我都揀小人的時段睇下戲咁，除０左昨晚高朋滿座的＜阿飛正傳＞。
＜阿飛正傳＞真係我其中一套最喜歡的電影，看了不下五次。另一套是＜春光乍洩＞。
當戲完場了……掌聲，一直響至最後一粒字幕，而我便握著我０個隻隻手，眼濕濕。
張國榮的身段是完美的……自信從容，呼著調子，一口咬在嘉玲的肩膀,一臉自戀的梳著頭髮……完全沒有話說了……
再看更覺電影圈委實欠劉嘉玲一個女主角獎,若將蘇麗珍一角由劉嘉玲做絕對沒有問題,但,個人意見,張曼玉一定做不了Mimi。

容我將場刊「風流無價．灼灼其華」其中對此戲的評語打出來，跟大家分享：

沒有他，不會有＜阿飛正傳＞的郁仔。沒有腳的小鳥從此以不同的形式延續，成為張國榮不同階段的註腳。郁仔並不真實，那是張國榮精神的投射。然後大家都滿足，包括他自己。
∼王家衛

張國榮在此片，中真實又不費力地呈現一個自我放逐自戀自溺的叛逆青年，那是一種六０年代特有的頹廢美，內裡卻蘊含了巨大的空虛和傷痛，成為香港James Dean的icon。
∼焦雄屏

大家隨便講下最近玩過ｄ咩

小女子最近落種種緊盆番茄

私人傳訊

曳媽咪！

積分: 2174

2^#

發表於 03-5-13 02:12 |只看該作者

Re: 唔講書又得，齋吹水……

我種緊盆 "金魚花" ！花樣真係好鬼似條金魚架！哈~~~

…

執業全職曳媽咪！小樹屋之首席呀四！

…

私人傳訊

積分: 603

3^#

發表於 03-5-13 18:07 |只看該作者

Re: 唔講書又得，齋吹水……

我呢幾日玩緊部 4合一 ....printer

, 有scanning, copying, faxing 於一身.
有好多資料要scan 入部腦到.
又print 下相咁.

你地種花會否好多蚊??

曾經種過小玫瑰, 我很喜歡的, 紅､黃､粉紅色都有.

張國榮佢自己最鍾意"東邪西毒".
我最鍾意係佢

私人傳訊

積分: 603

4^#

發表於 03-5-13 18:26 |只看該作者

Re: 唔講書又得，齋吹水……

第一次光頭~~

(剛剛 SCAN 番以前的舊相.)

私人傳訊

積分: 7055

5^#

發表於 03-5-13 18:31 |只看該作者

Re: 唔講書又得，齋吹水……

嘩∼∼∼咩剪晒ｄ頭髮

上次見你仔仔張相ｄ頭髮長ｄ

似你定似水皮爸爸？？

幾「英」

私人傳訊

積分: 7055

6^#

發表於 03-5-13 18:33 |只看該作者

Re: 唔講書又得，齋吹水……

jennifer-c
多蚊買多盆「食蚊草」,我0係花墟買的~~

我自己就最唔鍾意「東邪西毒」，王家衛白白浪費最好的演員……
嗯，今日我執公司張書桌（我ｄ野好亂的）……游番好多本書出來（我公司的同事最興你０係我張台攞本書望望，佢又鴿鴿你有咩新野）比我見番李天命本「從思考到思考之上」，我未睇過已經唔見０左，剛剛睇０左幾頁，好好笑，你係０米睇０左？仲有ｄ金田一、白鳥麗子，好開心∼

曳媽咪！
我都有種金魚花,橙橙地色好可愛,可惜,唔知係0米比太多陽光佢,佢好快沒晒花……依家種緊白蘭花

私人傳訊

積分: 603

7^#

發表於 03-5-14 01:12 |只看該作者

Re: 唔講書又得，齋吹水……

米米:
你睇下p.70丫, 第三節. 講呀肥輪大法

私人傳訊

Blythemia

積分: 4462

8^#

發表於 03-5-14 23:14 |只看該作者

Re: 唔講書又得，齋吹水……

最近成日玩o既就係做亞茂--整餅是也.焗蛋糕啦,曲奇啦,muffin呀咁啦,重玩埋擠花(忌廉),都好有成功感o架.

另一樣就係講故事,因為停課期間小朋友實在好悶,我又唔想佢虛耗光陰,所以成日趁食晏去圖書館借書俾佢睇,佢唔識就講俾佢聽.一次借五本,一個星期左右又換批新書,所以最近做左說書人.

話時話,我借左本城南舊事大插圖本俾佢,講惠安館既瘋子秀貞找回親生女兒小桂子o既故事,我一路講一路標眼淚,重要係o係餐廳,唔係屋企,真係尷尬到死.

私人傳訊

積分: 603

9^#

發表於 03-5-15 14:46 |只看該作者

Re: 唔講書又得，齋吹水……

Blythemia:

城南舊事大插圖本, 呢本書我鍾意.

我諗遲些我會走去借,
我唔怕標眼淚

私人傳訊

積分: 603

10^#

發表於 03-5-15 19:50 |只看該作者

Re: 唔講書又得，齋吹水……

想講下李生所謂的愛情宗教.
呀李先生話~真愛就是重遇---...走遍天涯海角, 歷盡無數輪迴, 仍尋找不到自己另外的部份, 那是最可哀的. 許多人在世上倉倉惶惶, 東尋西找, 就是要重遇自己另外的部份. 人只有在重遇自己另外的部份之後, 才算完整. 在此情況下, 愛是最根本的相依為名--在茫茫宇宙中相依為命.
~你所愛的人是絕對獨特無可替代的.

Plato 在 Symposium 的對飲篇裡提到, 神話裡的男女本來係一體, 有四手四腳, 是自我完滿的.但他激怒了天神, 所以宙斯將他一剖為二，分開兩邊。但從此人類變成兩性分離，他們生命成熟後便須四處奔走，在這世上尋尋覓覓，追求自己失落的另一半，找來找去, 找錯了就成為怨偶, 可能要找好多世才找到真正的另一半.
這便是Eros(愛)的誕生。

私人傳訊

積分: 7055

11^#

發表於 03-5-15 22:54 |只看該作者

Re: 唔講書又得，齋吹水……

Blythemia！
令千金真是好口福啊∼∼

佢有無同你一起整？好溫馨呀∼∼∼ :-P
我曾經整過曲奇餅∼∼想比個驚喜我0個隻……結果，當佢試過我的手勢，佢去咗皇后買曲奇回家……用行動支持我「唔好整」幾衰呀佢

我都好喜歡「城南舊事」，不知你有沒有看白先勇的「我們看菊花去」講作者想送姐姐往精神病院的經過……同樣是很令人心痛的故事！！
不知怎地，我想起一套電影－－「春風秋雨」女兒不肯跟黑人媽媽相認的故事，很細個０個陣看的……
看見你跟女兒相處的片斷，我都有幻想一下將來怎樣跟囡囡相處的……
我會跟她說甚麼故事呢？幾時跟她說人魚公主、小紅帽好呢？幾時跟她去迪士尼樂園？

但係，我依家只係想佢出世０個陣，乖ｄ，唔好令我痛都死

私人傳訊

積分: 7055

12^#

發表於 03-5-15 23:28 |只看該作者

Re: 唔講書又得，齋吹水……

Jennifer-c.
人家剛看到56頁，仲未睇到法輪功，已經比佢笑死

佢講「裝置藝術」0個部分,不其然令我想起本地最「出名」的進念,佢…佢講中晒呀~~
好鬼「後現代」的吋人模式

我希望呢個星期睇完佢……最衰係好鬼好睇,我唔想隨便開新一篇

你係0米已經睇晒佢之前的書?

私人傳訊

Blythemia

積分: 4462

13^#

發表於 03-5-15 23:40 |只看該作者

Re: 唔講書又得，齋吹水……

小米米,

小女幾鍾意入廚房,因為佢覺得自己幫得手係好自豪o既事.冇危險o既部分我都會同佢玩,小女係我忠心不二o既fans,而且好享受食o野.我做任何食物佢都會話好食.同佢去Dan Ryan食o野,婆婆話食剩Dmuffin不如拎番屋企啦.佢話唔拎喇,都係媽咪o個D好味D.每餐在屋企吃飯,坐埋枱,佢就會話多謝媽咪,今餐好豐富呀(其實得兩味),食兩啖就會話D飯菜好好味,多謝媽咪.然後同爸爸講,你未多謝媽咪呀,係要迫我老公出聲多謝我.所以我冇辦法唔俾呢個小朋友氹死.(最攞命o既係佢唔係口甜舌滑,佢個心真係咁諗)

講真其實有D食譜唔係太難整o既,由簡單做起,只要經得起失敗,總會有成功一日o既.你o個隻...都係錫住你,唔想你咁操勞o者.你咪領左佢情囉.

多謝你介紹白先勇既故事,等我試下揾先.不過講故事俾小朋友聽唔好揀D咁傷感,佢地聽完會唔開心架.

你既小寶寶係咪仲有段時間至面世呀?好好珍惜呢段相對風流o既日子,佢呱呱墮地之後,你有排辛苦呀!

Jennifer-c.,

我同事遲D會借部城南舊事電影俾小女睇,個女主角都好可愛呀.令公子識睇西遊記漫畫都應該有番咁上下大喇係嗎?

私人傳訊

積分: 7055

14^#

發表於 03-5-15 23:48 |只看該作者

Re: 唔講書又得，齋吹水……

我腹中孩兒∼∼米米，都要好似你囡囡咁乖

但係，都要睇下爸爸媽媽點教

好像你咁溫柔的媽媽，有無試過「打打」囡囡呢？？？

我０個隻，你不用幫他講好說話，佢真係覺得我整得難食，我的湯，佢飲一碗，我奶奶０個ｄ，起勢咁飲，所以，煮飯煲湯都係留比菲傭，佢重飲得多

剛剛睇完新聞……董伯伯佢……佢無得救…… :-( :-(

私人傳訊

Blythemia

積分: 4462

15^#

發表於 03-5-16 00:14 |只看該作者

Re: 唔講書又得，齋吹水……

我個女真係未打過.第一因為我唔信體罰可以令壞孩子變成好孩子.怕打可以令佢唔敢係父母面前做一D事,但唔能夠令佢明白點解唔應該咁做.第二我個女係個好sensitive(亦都係比較薄皮)o既小朋友,大聲小小話佢已經收到,已經話我大聲o左,嚇親佢.試過激到我好嬲(兩三次咁啦),我淨係話要罰佢咋,手板仔都唔駛掂一下,佢已經喊到收唔到聲.而且佢會知錯,亦甚少重犯,所以OK啦.

私人傳訊