夫婦情感

收藏本版
發帖
返回列表
跳至頁

首頁
1234

尾頁
   0
冬兒


複式洋房

積分: 296


1#
發表於 05-12-21 14:56 |只看該作者

哭得太累....有冇人幫到我

老公一直同一位要好女性朋友經常聯絡(傾電話及sms), 早在7月已經俾我發覺佢同個女仔影左張好親密貼紙相(面貼面), 果時我心知遲早出事又或者一早已經出左事, 於是我千叮萬囑佢唔可以行差踏錯。老公7月底去過一次兩日一夜既camp, 但係一次偶然機會下我發覺呢兩日就正正係個女仔既生日, 當時我好嬲好嬲, 老公解釋係一大班人去玩, 唔講我知係因為驚我唔俾, 當時我個心唔係咁諗, 係唔係我亦心中有數。

最唔好彩係11月中既一晚, 我見到佢電話有個sms收到, 竟然係個女仔send黎, 仲以老公仔老婆仔互相稱呼。我即刻同我老公反晒面, 佢終於承認同左個女仔一齊, 但只不過係岩岩開始。當時我想帶埋個囡返屋企佢極力挽留我, 係我心軟之下又留低, 但我開出個條件就係當我面同個女仔係電話度講分手, 但佢唔肯, 原因係佢覺得多我係度好難同佢講到, 於是我又相信佢, 但我亦重申唔可以再搵呢個女仔, 無論電話、見面、sms都好都唔可以, 佢應承我佢會做到。仲話比我check佢mobile張bill有冇同佢傾。

幾日前我好認真咁問佢仲有冇搵個女仔, 佢話冇, 我話電話費單就到喇喎, 佢都堅持冇。結果, 依然日日搵佢！我好心淡, 真係好心淡, 今日一怒之下睇佢信用卡statement, 我知係我唔岩, 但我真係唔信佢！結果比我發現佢十月尾book過一晚酒店加上佢係間diamond shop買左樣野, 於是乎我打電話比佢問過明白, 佢解釋diamond shop係買左隻介子黎送比我做聖誕禮物, 但酒店佢解釋唔到, 我話佢同人開房佢就話呢d係過左去既事點解要搵出黎講, 但過去佢話我知佢冇同個女仔有過sex.....

到左今日仲叫我點相信佢, 呃完我一次又一次, 我比advise一次又一次到頭黎都係咁, 我好心淡。之後佢打比我解釋佢開間房係同班朋友飲酒食大麻, 因為落酒吧飲酒好貴食大麻都唔方便, 一班朋友夾錢買埋酒平d, 比你....又會相信咩?

佢問我係咪再冇得掹, 我話我原諒唔到佢掂過第2 d女人, 我覺得好污糟, 佢仲話11月中我知左已經同佢分手, 但我搵返10月份既野講好唔公平, 而且佢呢排開始對我好, 問我點解唔比機會佢, 佢唔想冇左我同個囡。

雖然間酒店係10月份book, 但係問題係佢話冇同個女仔有sex, 我好蠢咁信佢, 但比我發現呢個record仲有得呃咩?另外, 我11月中好認真咁講唔可以再搵佢, 佢應承完一樣係搵。

老實講我對佢完全失晒信心, 問我想唔想掹, 我都想知有咩彌補到今次我受既傷害, 再一齊我知我唔會再信佢, 我真係有d唔捨得個囡冇daddy, 我可以點.....
私人傳訊

康仔媽咪


大宅

積分: 1823


2#
發表於 05-12-21 15:19 |只看該作者

Re: 哭得太累....有冇人幫到我

我都唔明D男人咁o既.....

又要偷又要比老婆知, 知道左仲有乜可能有得
希望相信 "快樂不是因為擁有的多，而是因為計較的少。"
私人傳訊

joeyy217


複式洋房

積分: 190


3#
發表於 05-12-21 15:20 |只看該作者

Re: 哭得太累....有冇人幫到我

唔好咁唔開心啦..講真做女人有邊個鍾意個老公同人佔一半,但係真係好睇你怎樣想...如果你仲愛佢,你未同佢講一定唔可以再同佢(衰女人)一齊,及唔好再同佢所謂d朋友玩lo(因食大麻我覺得非常有問題)

*你同女幾大?你有冇出黎做野架?


*點解有d咁衰女人,鍾意破壞人地家庭
私人傳訊

CeciLeung


大宅

積分: 3196


4#
發表於 05-12-21 15:29 |只看該作者

Re: 哭得太累....有冇人幫到我

一次又一次，你認為仲可以相信咩?
一次不忠，百次不用，希望你可以理解哩個道理

私人傳訊

哈哈笑


大宅

積分: 3771


5#
發表於 05-12-21 15:30 |只看該作者

Re: 哭得太累....有冇人幫到我

要睇下佢本身係一個點樣既人....如果佢不嬲都唔係成日返屋企訓既, 你check唔到咁多ka喎, 不過我覺得佢既生活都唔係好正常喎(又食大麻, 又玩通宵), 睇佢係有心想改既, 但係佢改唔改到, 就要睇好多因素喎.....好似我老公咁, 佢身邊所有朋友都賭錢既, 你只好望佢賭少d, 冇可能要佢唔賭喎, 所以我一路都冇要求佢唔賭錢 :cry: :cry: :cry:
私人傳訊

康仔媽咪


大宅

積分: 1823


6#
發表於 05-12-21 15:31 |只看該作者

Re: 哭得太累....有冇人幫到我

佢都同過佢c6 講唔可以再聯絡個女人, 個c6應允完咪又係咁!

有d女人又真係好怪, 唔知就話o者, 明知都要咁喎, 好似搶到人老公就好叻咁.....
joeyy217 寫道:
唔好咁唔開心啦..講真做女人有邊個鍾意個老公同人佔一半,但係真係好睇你怎樣想...如果你仲愛佢,你未同佢講一定唔可以再同佢(衰女人)一齊,及唔好再同佢所謂d朋友玩lo(因食大麻我覺得非常有問題)

*你同女幾大?你有冇出黎做野架?


*點解有d咁衰女人,鍾意破壞人地家庭
希望相信 "快樂不是因為擁有的多，而是因為計較的少。"
私人傳訊

joeyy217


複式洋房

積分: 190


7#
發表於 05-12-21 15:38 |只看該作者

Re: 哭得太累....有冇人幫到我

但真係睇下過唔過到自己,睇下想唔想分開,如果唔想未比多一次機會大家...


講真比我就一定唔可以接受(一次都唔可以),因為我覺得男人有前科,之後都會again
私人傳訊

boyboy147


洋房

積分: 75


8#
發表於 05-12-21 15:40 |只看該作者

Re: 哭得太累....有冇人幫到我

算啦！我覺得你老公咁樣，都唔可能再畀幸福你同你個女，所以我建議你早下決，長痛不如短痛！
私人傳訊

琳


大宅

積分: 4456


9#
發表於 05-12-21 15:48 |只看該作者

Re: 哭得太累....有冇人幫到我

你老公一次又一次咁呃你, 仲要mark 大眼講大話, 如果你繼續同佢一齊就要預左佢會keep住同個女人聯絡, 不過你認為你同你個女會得到幸福咩?

私人傳訊

Alanhoky


大宅

積分: 1507


10#
發表於 05-12-21 15:52 |只看該作者

Re: 哭得太累....有冇人幫到我

飛佢啦!
確实到佢以後吾食大麻先講啦.
私人傳訊

SHAN1226


別墅

積分: 886


11#
發表於 05-12-21 15:53 |只看該作者

Re: 哭得太累....有冇人幫到我

如果係我,我就會同佢分開住先,唔一定要馬上搞離婚
比自己靜一靜,唔好因為個女唔同佢離婚,咁係好蠢
如果佢真係有為過你同個女就唔會咁樣對你,
靜一靜比自己諗下你仲會唔會信佢,信佢就要信哂,
佢係唔係真係唔再同o個個女人一齊,你係佢老婆
一定清楚佢係咩性格.女人一世都係想搵一個信得過
又愛自己的男人,唔好再哭,我地會支持你
私人傳訊

冬兒


複式洋房

積分: 296


12#
發表於 05-12-21 15:57 |只看該作者

Re: 哭得太累....有冇人幫到我

老公頭先打黎都講緊點解我要睇佢d私隱，好老實成件事由頭至尾都係因為我睇佢d野開始我先知, 我又點會忍到唔睇, 因為我每睇一次就知得更多, 如果我真係從來都冇睇過的話宜家既我仲係蒙在鼓裡既仲以為自己好幸福既蠢女人！

佢班朋友都係鍾意落bar飲唱吹水果隻, 佢要去我冇唔比佢去喎。有時去一個禮拜幾次都話唔係飲酒就唱k一係話食宵夜我先會出聲, 佢就話佢自己無自由。又話我唔好成日悶係屋企湊囡, 出去行下街約下朋友, 佢覺得我唔去街所以都唔想比佢去係一個好大問題, 覺得我係自私想佢成日係我身邊或者係屋企痴住, 但我生得個囡出就算有工人湊係咪都應該比返時間佢, 有工人湊唔係大晒架, 我都要返工, 放工第一時間陪囡又係我錯咩?我乜都為屋企乜都就佢, 佢話今晚想食乜就買乜, 放假想去邊就去邊, 我問佢點解都要咁對我, 佢話因為佢貪玩！

如果貪玩當初點解唔玩夠先結婚, 點解要生阿囡, 個囡佢自己話要架, 唔係話要就唔洗負責任架。

要養起個囡同工人, 我都有能力, 我怕我自己放唔低對佢既感情, 但一諗到佢所做既野又再一次令我卻步。頭先我打番屋企同個囡傾計(佢係幾個月大BB), 雖然佢唔識講野, 我都想話佢知媽咪真係好錫好錫佢...

p.s.佢食大麻我一早知, 但我都講過千萬唔可以再食, 今次比我發現佢都仲食緊, 我好hurt...佢永遠當我講既野係耳邊風, 為佢好佢知咩?淨係覺得呢樣唔夠果樣唔好, 點解會搞成咁....
私人傳訊

CeciLeung


大宅

積分: 3196


13#
發表於 05-12-21 16:08 |只看該作者

Re: 哭得太累....有冇人幫到我

身冇Ｃ怕咩你睇呀∼∼∼
佢幾歲？
私人傳訊

冬兒


複式洋房

積分: 296


14#
發表於 05-12-21 16:12 |只看該作者

Re: 哭得太累....有冇人幫到我

cecileung,

佢27歲
私人傳訊

mchan89


男爵府

積分: 9516

好媽媽勳章


15#
發表於 05-12-21 16:32 |只看該作者

Re: 哭得太累....有冇人幫到我

我就算睇老公既 statement or mobile phone, 我老公
都唔會話我架喎, 不過我睇都唔係要 check 佢, 係八下佢
有幾多儲蓄啫. 佢都會睇我 bank / credit card statement,
睇下我有冇洗大咗. ....

不過我地都唔 mind 對方睇, 因為我地身冇 c

我覺得你老公係惡人先告狀

私人傳訊

哈哈笑


大宅

積分: 3771


16#
發表於 05-12-21 16:33 |只看該作者

Re: 哭得太累....有冇人幫到我

佢都算係後生, 有時真係身不由己, 好似我有個親戚都係咁, 個老公都係30左右, 有2個仔, 近呢1年發覺佢老公同個女人有d野(係同事), 大家都知道發生咩野事, 但係個老公都死口唔認, 大佬, 有時唔返屋企訓, 係屋企成日呢埋傾電話, 放假例牌唔知死咗去邊, 你講冇野有冇人信先得ka, 重要成日講大話, 其實大家都知ka啦, 但係我個親戚就慘d, 因為頭家重要靠個c6, 自己個份又唔夠!! 你話, 呢d係邊個既錯, 佢唔定性就唔好結婚啦, 依家咪累人累物囉
私人傳訊

chriswanwan


大宅

積分: 3265


17#
發表於 05-12-21 16:34 |只看該作者

Re: 哭得太累....有冇人幫到我

冬兒
你問下自己重可唔可以當無事發生再同番佢一齊先...
如果唔得,離婚已經係改變唔到,放唔底都係一時者,唔會永遠都放唔底!
希望唔好再咁傷心,因為囡囡會知道架!!
加油
私人傳訊

my1215sui


男爵府

積分: 6328


18#
發表於 05-12-21 16:39 |只看該作者

Re: 哭得太累....有冇人幫到我

我覺得你應該睇下自己仲愛吾愛佢,仲值吾值得佢去相信.....
最好你真係同佢分開下先,等大家將件事冷靜落O黎,而且等大家係這段時間想清楚,
你要記住你有個女,有好多野都要以個女行先,單親家庭長大對小朋友真係影響好大,但你自己又要睇下自己仲可吾可以接受到佢呀....
佢話晒都同另一個女人SEX,比我真係接受吾到呀......
可能我自己佔有慾比較強....
我都係有個仔仔十個月大,我樣樣都以仔仔為先呀,一放工返到去就吾理咁多湊仔呀,老公放第二......
私人傳訊

honeyBB


男爵府

積分: 8378

2024年龍年勳章 2018復活節勳章 好媽媽勳章 醒目開學勳章


19#
發表於 05-12-21 16:40 |只看該作者

Re: 哭得太累....有冇人幫到我

sorry...........怒我直接...呢種男人你點會揀得落,人又唔健康,仲有食毒品的惡習,佢d朋友都唔好得去邊,心智唔成熟,連自己都照顧唔到,點照顧你同個女?點照顧個家庭?點做個好榜樣俾個女學習呀?,玩..玩...玩,...唉!
你既然可以照顧到個女,你不如同你老公冷靜分開一段時間,睇下佢會唔會真係改到啦!如果,佢係真心珍惜呢個家,我相信佢一定會洗心革面,做番個好老公,好爸爸的;但佢係呢段時間都係講大話,又食毒品,又搵番個女人,又係夜夜笙歌,咁你就放棄佢啦!...有一個健康家庭,先自係對你個女好同負責任呀!
你唔走,唔嚇下d男人,佢地只會以為女人最叻係屋企喊,我地女人心絕係上黎,可以好狠,你要堅強呀!世界唔只得你眼前呢個男人的.
私人傳訊

mc991201


複式洋房

積分: 492


20#
發表於 05-12-21 16:41 |只看該作者

Re: 哭得太累....有冇人幫到我

冬兒,

其實如果你有工作, 有能力養個女同埋工人, 就唔需要太擔心, 你可以單單考慮自己嘅感情需要, 個女方面, 其實唔會因為父母分開而無左daddy, 如果daddy成日唔返屋企, 對屋企及個女都唔關心, 就算唔分開, 都好似無daddy一樣喇! 而且佢嘅生活方式, 我怕會教壞你個女. 做父母, 當然事事以子女為先, 你老公太自私, 根本未有做人父親嘅資格.

到依家, 佢都似乎無悔意或者覺得有愧於你, 反而仲去怪你睇佢嘅私隱, 佢根本無誠意改過而且根本唔覺得自己有問題, 佢一句"貪玩"就已經原諒左自己. 我唔係想淋你冷水, 所謂寧教人打仔, 莫教人分妻, 如果大家有誠意, 大家努力, 當然希望可以破鏡重圓, 但佢咁嘅情況, 我覺得不如分開, 以免令自己傷害更深.

最緊要自己開開心心, 老公唔錫自己, 自己就要錫自己多d, 老公唔protect 自己, 自己就要protect 自己, 唔好俾人傷害, 要好好照顧自己先可以好好照顧個女. 加油!!!
私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見