吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 不如講o下你同老公開始o既故事咯

夫婦情感今日: 16|主題: 42418

收藏本版

發帖

返回列表

跳至頁

樓主: cheers_maggie

不如講o下你同老公開始o既故事咯

gigiic

伯爵府

積分: 17377

2024年龍年勳章牛年勳章開心吸收勳章 hashtag影視迷勳章

發表於 06-2-10 12:21 |顯示全部帖子

Re: 不如講o下你同老公開始o既故事咯

我同老公喺yahoo有緣人度識, 網上聊天咗一個月後見面, 第四次見面就發生關係, 剛滿一週年就有咗bb跟住結婚生仔, 做全職媽媽, 阿b而家快三個月大了. 由相識到結婚生仔前後都唔駛兩年就搞掂晒, 係幸運, 亦係緣份令我哋認識喺埋一齊. 之前兜兜轉轉十幾年, 估唔到會喺網上揾到我老公, 所謂'千里姻緣一線牽', 就係咁!

私人傳訊

cheers_maggie

大宅

積分: 3543

發表於 06-2-10 13:58 |顯示全部帖子

Re: 不如講o下你同老公開始o既故事咯

paul_sir,

welcome啦！老公老婆有乜所謂！

魚生,

唔講老公，講男女朋友都得o架

私人傳訊

emeraldlam

公爵府

積分: 29293

發表於 06-2-10 14:56 |顯示全部帖子

Re: 不如講o下你同老公開始o既故事咯

見到你地咁多故事, 真係好sweet.

我老公係我上司. 做滿3個月, 佢話要我請佢食飯. 而佢去完trip, 又特別買了一份手信給我. 跟住佢成日都同我講野, 無論公事定私事. 又約我去看戲. 就係咁, 慢慢就開始. 一直係同一公司拍拖真至結婚前3個月到辭職. 現在有埋囡囡.

私人傳訊

mupooh

琥珀宮

積分: 152236

好媽媽勳章畀面勳章環保接龍勳章 BK猜猜猜慶中秋

發表於 06-2-10 17:23 |顯示全部帖子

Re: 不如講o下你同老公開始o既故事咯

我同bf 0係夜總會度識，我做侍應佢做大班(即帶d"囡囡"入房比客果d)，做左一個月(7月)，就發現佢成日有意無意咁撩我講野，又成日望住我，我當然行過都有望佢啦!
(8月)中途我有對佢心淡過，因佢好似忽冷忽熱咁!
到左差唔多9月尾，佢借d意問"你男友唔黎接你收工?"(我當時有bf，個個同事都知)，又同我講佢住0係屯門，之後幾日，都同佢有講有笑，而佢成日我行到邊佢望到邊呢個現象比個"媽咪"踢爆左!!
到左十月頭，0係間房入面我同佢有短時間單獨兩個人，我就問佢有無女朋友，佢竟然話無(我以為佢結左婚，因佢逢星期日放假and果年ge中秋節放左幾日假)，佢就借呢個機會同我講鍾意我，想永遠照顧我!
佢果陣未有我電話又唔知我全名，而我又唔記得左點解有佢手機no(唔係佢比，我係0係佢同我表白之後至知佢手機no，我隨即儲存0係自己手機)，
到左第二晚，好神奇地又有短時間同佢單獨兩個人0係房，佢就問我肯唔肯比佢照顧!同一晚，我手機來電顯示佢打電話黎，唔記得佢問我咩!(事後佢至同我講有次差佬查牌佢睇過我張工咭，仲抄低左我個電話同名)
到左第三晚，佢叫我等佢收工(佢收半夜兩點，我收晚10點零)，我問佢"去邊"，佢話"去行街"，我話"半夜三更去行街!!?不如去你屋企啦"，佢竟然話好!
果晚我自願加班到兩點!放工後就同佢前後腳走，0係附近ge街口等!
同佢一齊第一日就去佢屋企，而家佢ge屋企變左我同佢ge屋企!

私人傳訊

monalam

男爵府

積分: 6259

發表於 06-2-10 21:02 |顯示全部帖子

Re: 不如講o下你同老公開始o既故事咯

我老公失戀走黎我屋企搵我, 當時我訓緊覺, 基本上我係無時無刻都係訓緊覺, 我d朋友叫我做睡公主, 佢係我樓下, 打電話嘈醒我, 話佢失戀, 叫我陪佢, 咁我就用左我既愛去溫暖左佢失落的心啦. :mrgreen: :mrgreen: :mrgreen:

私人傳訊

靜精媽咪

男爵府

積分: 8710

畀面勳章

發表於 06-2-10 22:55 |顯示全部帖子

Re: 不如講o下你同老公開始o既故事咯

jessicayau,

hello,我記得妳呀,妳隻雪橇眼睛鴛鴦顏色好靚 :mrgreen:
妳先生問我老公係咪有架大R,我今個星期日都會去西貢呀,妳同妳先生去唔去呀,一齊玩丫~我想同妳隻雪橇影相呀~可以嗎?

私人傳訊

miffy

禁止訪問

積分: 30004

發表於 06-2-10 23:17 |顯示全部帖子

Re: 不如講o下你同老公開始o既故事咯

提示: 作者被禁止或刪除內容自動屏蔽

私人傳訊

阿Be

男爵府

積分: 6412

發表於 06-2-11 09:14 |顯示全部帖子

Re: 不如講o下你同老公開始o既故事咯

miffy,
哈哈, 你落雨個一幕, 好似好耐之前, 陽光檸檬茶一個廣告, 個女主角在車的倒後鏡練撞到男主角既反應 "咁岩既?!"....後來發覺佢走左, 之後在另一條路"反追", 不過男女主角調轉左....

私人傳訊

該用戶已被刪除

發表於 06-2-12 19:47 |顯示全部帖子

Re: 不如講o下你同老公開始o既故事咯

提示: 作者被禁止或刪除內容自動屏蔽

私人傳訊

kawai928

子爵府

積分: 14357

好媽媽勳章醒目開學勳章

發表於 06-2-12 20:20 |顯示全部帖子

Re: 不如講o下你同老公開始o既故事咯

我同我老公...icq識既

2004年9月~果時我冇讀書一排...成日o係屋企...悶到爆炸咪日日狂玩icq囉~(果時冇乜人玩msn)
之後生日前幾日(9月尾)見到有個人...遲我一日生日...見咁得意咪add左佢囉~
傾下傾下...發覺佢成日好似個阿sir咁講道理我聽...
我d fd入面冇一個係咁架,所以覺得佢好得意~
之後傾傾下,一個月度啦...發覺自己...好似日日online都係等佢咁...
之後交換左電話,我重成日好似個大佬咁,所以佢成日叫我做大佬,問我有咩吩咐 ?-(
玩玩下...唔知點解佢叫我{傻豬}我會應佢囉~~

我重叫番佢做{傻佬}

之後11月尾我部電腦壞鬼左...佢o係電話度教我整都唔得~
佢就話:谷鬼氣我聽日黎幫你整!!
跟住我重猛話唔好...大佬...見又冇見過...就比佢上屋企(雖然佢唔似衰人但好似...)
最後佢都係黎左...重pong住個電腦mon黎...佢話我成部電腦唔要得...佢由葵涌pong住部電腦/keybroad/mouse/喇叭等等基本上係成set電腦pong左過黎搵我~
黎到我樓下先打比我

之後咪哩有落去接佢囉~我重毋寧驚而抱住隻狗一齊落去,佢問我我重話佢自己跟住黎之嘛~!
第一眼覺得佢好...娘...著衫好娘...成個黃家駒咁呀大佬!!
不過我冇理由佢啦,我又唔係要同佢拍拖 ?-(
之後佢上到黎整...最後食埋晚飯先走(我自己煮,果時因為我daddy媽咪要做野,我冇讀書之後日日o係屋企幫手湊細佬妹,會自己煮飯大家食)
跟住佢幫我整番好部電腦...咪繼續傾囉~
詔左幾日就問我x'mas出唔出去睇戲喇~我果時重好無聊咁話:唔啦,我去戲院會悶到訓覺...
佢都冇話迫我去呀果d~
之後我地就成日o係個icq info度寫d曖昧野黎比大家睇
但果時佢都重未問我做唔做佢女朋友架~
到左聖誕節果晚...我忍唔住,叫我個fd add佢同佢傾計,扮晒野咁成日問我地2個依家既關係...佢淨係話鐘意我...我咪同我fd講,問下佢點解唔問我做唔做佢女朋友呀?
依家咁即係點...??
咁之後佢就o係icq度問我囉!!
我重要好衰咁過左成10分鐘先答佢：哦
佢重話我答得好型

咁就開始左啦!!boxing day我地就第一次出街,果晚真係...從事試過咁sweet...
佢係我第2個男朋友,而我...就係佢第1個女朋友...我以前果個好衰...成日好似要我保護番佢咁...所以boxing days果日佢見人多...做左一樣野我以前男朋友從未做詔既...就係企o係我面前擋住d人唔好比佢地撞到我...我果刻真係好鬼touching!!但我真係唔知點解...可能係第一次有男仔咁型咁對我啦~又或者係我未試過所以咪感動囉~

之後拍左拖8個月度就般左去佢度住...12月我搵到份工,番早旌:30,放4:30,放左工就去街市買送,番屋企抖一陣就煮飯等佢番...果陣真係好sweet架!!
不過依家已經冇乜可能...因為2月我就知道自己有左...而打後既日子佢就不停工作...為左我地個家...依家好多時都係...佢番工...我同個仔...自己去街街...不過我諗等到仔仔大d,我會搵份野做...bb每日等人湊一段時間...搵多d錢老公就唔駛咁辛苦~
咁就多d時間可以有真正既[家庭樂]

話晒我依家先得19歲,重有好多時間,要快d搵野做,唔係到老我乎都冇錢呀...哈哈~~

私人傳訊

chetwyn.mama

大宅

積分: 4918

發表於 06-2-13 12:06 |顯示全部帖子

Re: 不如講o下你同老公開始o既故事咯

我地係Ｆ.4同班同學lai！我係插班生，佢係原校生，所以好多人會識佢（我老公），其實當時我已有男朋友，所以就算同班，都無話特別留意ｄ男生，到學期中左右，我個同班老死同我講話鍾意左佢（我老公），所以我開始留意呢個人了．心想：我個老死點會鍾意佢ｇａ！好廋好白好似一支光（官）咁，ｅ．．．．．．响呢段時間我地一班同學曾經約埋一齊去玩（ｂｂｑ）,發覺原來佢份人都唔錯，亦對佢漸漸有了好感，到我老死表明對佢（我老公）有意思時，佢又無反應，我老死心知不妙，亦同時已移情別戀了，响呢個時候我亦主動出擊，撩佢傾計．．．．．．　就係咁，我地响埋一齊了，飛埋個拍左兩年既ｂｆ，但係响佢身邊既人，都會問佢點解選擇我！！！ :-( 　（因我唔係一名靚女，我老死靚我十陪）我亦有問過佢點解，　點知佢答我唔知我老死當時鐘意佢！！！

不過而家我地都好好，一齊已有１１年了，有個２ｙｒｓ５個月大既仔仔

私人傳訊

Maggie519

大宅

積分: 4585

發表於 06-2-14 01:51 |顯示全部帖子

Re: 不如講o下你同老公開始o既故事咯

我係大近視,而我老公係視光師,係我第一次佩CON.既時候認識既,嗰次同個fd去佢做間眼鏡店佩CON,佢負責招呼我地,到最後臨走既時候,我只係禮貌上問佢貴姓,佢竟然答我:我講左你都唔記得啦! ?-( 跟住我串番佢,如果我記得又點呀,佢就話:如果妳記得我請妳食早餐,過左一個星期,我去check眼,我就同佢講:x生,我地餐早餐幾時食呀?後來早餐變左3人宵夜,係餐宵夜入面,佢問左我同我個fd攞電話,之後第二日,佢打電話約我睇戲,跟住開始左,到而家14年

私人傳訊