吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 點算好:::???　急問*＊求救

想生BB 今日: 1|主題: 109050

收藏本版

發帖

返回列表

跳至頁

樓主: shan6233

點算好:::???　急問*＊求救 [複製鏈接]

123

zzzlam

男爵府

積分: 9116

21^#

發表於 06-2-14 20:38 |只看該作者

Re: 點算好:::???　　　

生命黎架....唔好咁輕率...你男朋友有幾大?有冇工作能力?

http://kawaii-kids.com/

私人傳訊

fung933

民房

積分: 7

22^#

發表於 06-2-14 22:08 |只看該作者

Re: 點算好:::???　　　

我諗你應該同屋企人商量,因為始終屋企人先可以幫到你!

私人傳訊

小寶貝兒

珍珠宮

積分: 30247

23^#

發表於 06-2-15 01:40 |只看該作者

Re: 點算好:::???　急問*＊求救

shan6233,
而家都有左, 話妳做乜咁唔小心都冇用~~
唯有睇下而家妳有咩路可以行!!
(但重申一次, 任何女性, 由第一次m come開始, 只要有發生性行為, 都會有機會懷孕, 所以請切記做好一切預防措施!!!)

第一, 妳可以選擇落左佢, 方法有2個, 食藥同做手術, 食藥就會方便d(但我唔知香港有冇得賣呢d藥, 我剩係知台灣有), 做手術呢, 就分黑市同埋醫院做, 黑市, 千祈唔好, 唔好因為貪平或者唔會查妳身份而去黑市做, 因為落仔唔同病, 始終係一種手術, 會有生命危險, 就算唔死得, 都可能以後一世冇得生, 妳自己諗, 博唔博得過????? 係香港既醫院做手術, 好處係安全, 唔好處係佢地唔會隨便同人做手術, 尤其是妳咁細個, 一定要同屋企人同意同支持先會幫妳做!! 仲有, 始終係一個生命, 落左佢, 妳又會唔會後悔又或者之後會有好重既心理負擔呢?

第2, 生左佢落黎, 咁妳又要考慮下妳係咪負擔得黎照顧一個小生命呢? 妳男友有冇諗過負責任呢? 妳屋企人支唔支持妳地呢? 結婚定同居? 好多問題要諗清楚, 我建議妳同妳男友想清想楚勒, 再一齊同妳父母及妳男友既父母講, 呢個問題係要大家一齊去面對, 係, 佢地(妳父母及妳男友的父母)係會鬧妳地, 仲可能會要打要殺咁, 但妳地都要同佢地講, 因為妳地真係做錯左!! 實在唔應該咁細就發生性行為, 而且仲要大安旨意唔避孕添!!

以上, 係我既建議, 無論做咩決定, 一定一定要同父母傾清楚, 因為唯有佢地可以幫到妳, 亦都只有佢地會永遠企係妳果邊!!!

shan6233 寫道:

今日我會同男朋友傾應該點算好**

你地話點算好呢?** 可唔可以俾d 意見我呀??

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

shan6233

男爵府

積分: 5753

環保接龍勳章

24^#

發表於 06-2-18 20:59 |只看該作者

Re: 點算好:::???　急問*＊求救

我冇可能生佢出黎嫁喇><""

我可以o係邊度落左佢呀??**

e+已經拖左好耐嫁喇,,再唔落,我驚我唔捨得而且會痛好多

私人傳訊

happyivy

大宅

積分: 1328

25^#

發表於 06-2-18 22:11 |只看該作者

Re: 點算好:::???　急問*＊求救

shan6233,

你真要認真面對一下喇,如果你真係唔想要,我認為你可以去家計會既青少年仔保健中心,我知道灣仔修頓中心有,元朗有,旺角弼街都好似有,你再係網上check下吧!!佢地都好專業,可以幫到你同提供有用既資料,你可試試去找他們... 但最好你係可以同男友.家人交待,傾一下大家既期望... 你要快些決定,因時間愈耐,bb就愈大個,真係做手術既話,危險性亦愈大,佢地可能唔建議你唔要添...
既然你同得男朋友一齊,而家仲有左,不可以再以為自己仍係細個,逃避唔去面對,比家人罵一定走唔甩,但都係代表佢地緊你... 而且,日後你真係要好自為之,食得鹹魚抵得渴呀,女... 每個決定或action都有後果或責任係背後架...

私人傳訊

NaughtyLuiLui

男爵府

積分: 7533

26^#

發表於 06-2-18 23:48 |只看該作者

Re: 點算好:::???　急問*＊求救

shan6233,

睇左你個post,真係令人心寒!

你話你兩3年冇避孕都冇bb,仲以為自己係不育,原來你今年先16歲,oh my god!你知唔知你甘細個就同人發生性行為,後果係點?
你同你男朋友真係........唔怪得你話唔可以比你父母知,又唔可以生個bb出黎,我諗你心裡有數!

而家罵你都太遲,因為我諗你而家都係六神無主......最緊要係先處理好問題!

我個人覺得,你而家要同男朋友及屋企人講清楚,因為以你甘 o既年紀同睇你d post,我覺得你根本唔可以做到正確o既決定,你需要家人或一d有經驗處理類似事件o既人去幫你,如家計會或母親的決擇,佢地好有經驗,可以係唔同角度同你分析,你要知道,你而家面前唔係只得一條路,唔係只有墮胎先可解決問題,你已經錯左一次,今次要小心去面對,因為有d野,行錯多一步,可能你都會因呢個錯誤而內疚一世,你而家仲年輕,好需要其他人意見,其他人幫助,只要你肯去面對,屋企人最多會先罵到你狗血淋頭,但最終佢地都會同你一齊去解決!

講個case比你聽,我朋友以前都同你一樣,17歲就同男朋友有左,佢果時都仲讀緊書,仲要考會考,佢知道有左之後,都唔知點算,佢同父母關係唔好,所以唔想講比佢地知,淨係諗住墮胎,但又冇錢,四出問d死黨同學借,但最後佢冇墮胎,因為佢去睇醫生時,醫生話比佢聽,bb有心跳,佢聽完之後根本唔忍心落左佢,
根住就帶左幾個同學(包括我)一齊番屋企,佢最後都面對父母講左佢有左o既事實比佢地知,果晚o既情形我呢世都記得,佢媽媽一巴打左落佢度,跟住d xyz出晒黎,爸爸就嬲到想打死佢.最後,差不多吵鬧左成晚,佢媽媽話點都好,先要男方交待好事件先決定.
之後我個朋友冇番學成個星期,之後佢同我地講,屋企人要佢停學一年,生個bb出黎,之後再讀番書,男o既就要考埋會考.
而bb出世之後就交左比男方父母照顧,直至我個朋友讀完form 7出黎做野先自己睇番,男o既就仲讀緊大學,雖然佢地最後都冇結婚,但仍然係bb o既父母,仲有聯絡同共同出錢照顧個仔.到而家個仔都16歲啦(我個契仔),我朋友都冇後悔生左個bb出黎,雖然佢好辛苦帶大個仔,但佢都好慶幸當年冇落左個仔,而家個仔都考會考啦!

我知BK呢度都應該有好多過來人,佢地都可以比d意見你,
所以你唔好以為只有一個選擇,勇敢去面對,可能有更好o既方法!

點都好,shan6233,你要諗清楚呀!

私人傳訊

伯爵府

積分: 16464

27^#

發表於 06-2-19 00:42 |只看該作者

Re: 點算好:::???　急問*＊求救

唉.....小妹妹,係時候學吓點做個會負責任的人

私人傳訊

wkm

複式洋房

積分: 180

28^#

發表於 06-2-19 01:13 |只看該作者

Re: 點算好:::???　急問*＊求救

咁你同左屋企人講未呀?
無論如何要同佢地講,一齊去見醫生(家計會或母親的決擇比較好)
始終是一家人,他們不會不理你的

be 寫道:
唉.....小妹妹,係時候學吓點做個會負責任的人

私人傳訊

mupooh

琥珀宮

積分: 152240

好媽媽勳章畀面勳章環保接龍勳章 BK猜猜猜慶中秋

29^#

發表於 06-2-19 11:49 |只看該作者

Re: 點算好:::???　急問*＊求救

我三年前都落過，o個種遺憾ge感覺而家仲好深刻，那時0係醫院驗到有，第一句同醫生講ge說話係"我唔要"~
因為果陣發生左一d事，令到我bf好傷心，我bf要同我分手，佢同我講"你要留我ge話一定要留個bb!"，但我真係好驚我父母會知，加上我果陣同我bf只係一齊左兩個月!

直到而家，0係街/搭車時見到孕婦．bb同幾歲ge小孩，都令我覺得自己當年好蠢，將自己身上ge野由自己親手毀滅!

我同自己發過誓，如果第時未結婚就有左，我係唔理別人反對，任何因素我都會生佢出黎，養大佢!
如果果陣決定生，"佢"而家都兩歲半了!

shan6233，你一定要諗到好清楚，如果你本身係唔鍾意bb ga人，你將來都一定會後悔，呢d錯係唔可以用任何野來彌補返架!

私人傳訊

yotal

大宅

積分: 2369

30^#

發表於 06-2-19 16:47 |只看該作者

Re: 點算好:::???　急問*＊求救

你話左比你父母知咪呀？依果時候都係大人先有最多既經驗同意見比到你，你如果怕同家人講，不如你去搵依d機構先，就例如母親的抉擇，佢會比好多意見你參考，亦會同你一齊渡過依段時間，如果你決定唔要個小朋友，可能即時會覺得輕鬆d，不過日後既心理負擔係一世跟住你架，我讀中學果時都有幾個朋友唔小心有左bb，有d就選擇生個bb出黎，有d就選擇唔要，仲去黑市墮胎，佢地去黑市墮胎就係怕受責任，點知出左事，落仔果時流血不止，仲送左去醫院，咪又係叫屋企人黎醫院接返個女仔，個女仔日後亦會變不育，如果第時到佢遇到真命天子，要結婚，佢地就唔可以有屬於佢地既愛情結精品啦﹗我知如果你決定要個bb都會有好多條路行，包括你同你bf養大佢，或者比人領養等，聯絡母親的決擇啦﹗佢地會幫你，唔好因為一時唔知點算或逃避而誤左自己的一生，你上年八月夠十六歲，所以你男朋友應該會冇事，因為與十六歲以下的少女發生性行為是犯法。勇敢去面對啦，依d就係你一生中成長的經歷啦，面對事情先會成長架。加油﹗附上母親的抉擇網址http://www.motherschoice.com/pages/index.asp?pg=home

私人傳訊

Meowcat

男爵府

積分: 5417

31^#

發表於 06-2-19 17:22 |只看該作者

Re: 點算好:::???　急問*＊求救

linlin 寫道:
i think you should discuss with your mommy, and even she will blame you, but at least you will find a channel to solve.

even your mom agree you to take abortion. she will support you on financial problems.

of course, this topic appears in here , so many pre-mommy will feel sad about this....As we all wait for a long long time and never can get one. Anyway, hope you will find a better way to solve..............

totally agreed with LinLin

私人傳訊

shan6233

男爵府

積分: 5753

環保接龍勳章

32^#

發表於 06-2-19 17:39 |只看該作者

Re: 點算好:::???　急問*＊求救

好對唔住,,要你地擔心::**

我同我男朋友傾過~佢想要,但係知一定照顧唔到~*

所以由我選擇唔要個bb,,我冇同屋企人講過~~

我男朋友都唔想同屋企人傾,,所以最後都冇講**

bb e+仲細,,我最後黎m係12月尾** 我唔知幾星期大????*

e+希望既就係o係佢未成型之前唔要佢,我唔想我後悔**

但係以我自己同男朋友一定冇可能照顧到個bb~~

而且一路以黎,,個個親戚都視我係乖乖女,我唔想我阿媽無面

p.s最後我e+已經搵緊人借錢同埋搵地方落左個bb::**

我想問家計會會唔會同屋企人講嫁??同埋自己一個去得唔得

仲有冇d 更加平同埋方便既地方??

我真係唔想有屋企人知道**

私人傳訊

mupooh

琥珀宮

積分: 152240

好媽媽勳章畀面勳章環保接龍勳章 BK猜猜猜慶中秋

33^#

發表於 06-2-19 17:55 |只看該作者

Re: 點算好:::???　急問*＊求救

假如有一日，你阿媽知你落左bb，佢會覺得好開心你當初無落佢面咩??

你一定要諗清楚，我就係當年好似你而家咁，又係因為怕父母知而做左個有生之年最錯ge決定!

私人傳訊

LuLuJoJo

禁止訪問

積分: 3143

34^#

發表於 06-2-20 01:36 |只看該作者

Re: 點算好:::???　急問*＊求救

提示: 作者被禁止或刪除內容自動屏蔽

私人傳訊

peggy@_@

男爵府

積分: 5707

35^#

發表於 06-2-20 02:05 |只看該作者

Re: 點算好:::???　急問*＊求救

shan6233
你依家應該8w左右,如果你想係香港到墮胎(除左黑市),你一定要有家長簽紙至可以做,因為你未夠21歲!唔想家人知道可以去深圳,一定要去大醫院(仲有深圳係無麻醉藥打呀),一定唔好信係火車站叫你果d,因為係深圳的黑市會好危險,有朋友無聽我講去果間,去左黑市,返香港要睇左好耐醫生至好反,不過依家都係兩子之母了!!!(如果想知可以pm我)
其實你的決定唔係唔好,因為我都會咁做,到依家我都無後悔,而且當年的男友,亦係依家的老公,如果我果時結婚.生仔,一定無依家咁幸福,因為年輕始終都係唔識諗囉!好似我d朋友.姑仔大多係離婚結果!!!

**可入單親媽咪=母親的抉擇(還有其他解決方法提供)**
~墮胎真相~(轉貼:原貼者=信媽)

你知道什麼是「終止懷孕」或「墮胎」嗎？

你知道終止懷孕的方法是怎樣的嗎？

你知道終止懷孕手術後，可能對身體、心理及與伴侶關係的影響嗎？

很多人以為胎兒只是一堆細胞，並非真實的人，可是胎兒在懷孕期21日已經開始有心跳！七週大時，手掌的五指已經完全長成；八週時，胎兒已可感覺疼痛。在十二週時，所有器官已經長齊I

根據香港侵害人身罪中第四十七條規定，如果要申請終止懷孕手術，必須經兩位註冊醫生共同確信：

1) 繼續懷孕對孕婦生命所構成的危險或對其身心健康所造成的損害比終止懷孕為大
2) 胎兒出生後極有可能身心不健全並足以造成嚴重傷殘
3) 胎兒出生後極有可能身心不健全並足以造成嚴重傷殘
4) 孕婦未滿十六歲
5) 孕婦在三個月內曾向警方報案，自稱是亂倫、強姦、迫姦、誘姦或迷姦的受害者。

接受合法終止懷孕的婦女，懷孕期不得超過二十四週，但若為挽救孕婦生命而進行者則屬例外。合法的終止懷孕必須在政府指定的醫院或家計會手術室內由註冊醫生施行。

終止懷孕的方法：

在香港主要有四種墮胎手術，手術雖然各異，但均需得到兩名醫生簽署方可進行：

在懷孕十二週以內的墮胎手術：
1) 真空吸取法
2) 刮宮法

在懷孕十二週以上的墮胎手術：
1) 引產法
2) 剖腹取胎法

真空吸取法是利用塑膠或金屬製的吸管，由陰道通過子宮頸進入子宮，將子宮腔內著床的胎兒吸出。至於刮宮法，就是利用金屬製匙狀的手術用具，將著床在子宮內的胎兒撕碎然後刮出。

引產法就是採用藥物，先令母腹中的胎兒死去，再透過藥物刺激子宮收縮，經驗與生產嬰兒無異的過程，將死去的胎兒排出子宮外。剖腹取胎法一般是在生產過程中出現困難，需要以剖腹的方法將死去的胎兒取出。

墮胎對女性的影響：

心理影響 --「墮胎後群症」
部份女性可能出現以下的情況：

1) 罪疚感、自責
2) 睡眠失調
3) 自毀行為（例如藥物濫用、性濫交、暴飲暴食）
4) 每年都會害怕墮胎的日子的來臨
5) 怕與人建立親密關係（例如逃避面對孕婦及兒童）
6) 自我形象低落
7) 腦海中不時回想墮胎手術過程

身體影響
部份女性可能出現以下的併發症：

1) 失血過多，嚴重者可能需要割除子宮以助止血
易感染和有疤痕
2) 盤腔炎，如果輸卵管受感染，可導致不育
3) 子宮頸受損，容易導致日後懷孕時，出現流產或早產的情況
4) 較易患上乳癌，或是增加宮外孕和輸卵管不孕症的機會
伴侶關係

1) 伴侶間互相指責
2) 互不信任
3) 無法親密
4) 對伴侶產生憤怒，因為無法保護她免受傷害

終止懷孕善後輔導

由於終止懷孕後婦女可能會出現「墮胎後群症」，為協助有需要婦女、其男友及家人處理情緒上的困擾，專業社工會提供定期輔導或作出適切的轉介，詳情請致電母親的抉擇2868-2022。

私人傳訊

vvcc

大宅

積分: 1952

36^#

發表於 06-2-20 13:53 |只看該作者

Re: 點算好:::???　急問*＊求救

唉, 得罪講句, 點解啲唔係好懂事既小朋友咁就話有咗??

我哋咁恨有bb, 反而......

小朋友, 做人最緊要自愛呀!!!!

希望你冇事啦!!

私人傳訊

小寶貝兒

珍珠宮

積分: 30247

37^#

發表於 06-2-20 16:24 |只看該作者

Re: 點算好:::???　急問*＊求救

私人傳訊

小寶貝兒

珍珠宮

積分: 30247

38^#

發表於 06-2-20 16:44 |只看該作者

Re: 點算好:::???　急問*＊求救

shan,
妳真係要好好想清楚.....
話唔要, 只係一句說話, 好簡單, 但係妳真係要想清楚有好多後果, 我地唔係專業人士, 我地只可以從我地既角度話比妳聽我地既意見....
真係架, 建議妳去搵家計會或者母親的抉擇傾傾, 佢地會話到比妳聽有咩選擇同埋每個選擇有咩好有咩唔好!

係妳既情況黎講, 墮胎可能妳會覺得係唯一既選擇, 但係妳要諗下後果啊!! 唔止陰影係一世, 對身體既影響都係一世架!!

無論妳既決定係點都好, 我都希望妳同妳媽咪傾下, 係, 佢地係一定會鬧妳打妳, 但係妳始終都係佢懷胎十月生出黎架, 每一個母親都同子女有住分唔開既情感, 無論妳做左幾多錯事, 妳媽咪都一定會陪住妳!!
傾下, 先再決定好唔好?!