我十多年前已開始光顧妹頭拉麵,最愛食生姜燒飯餐,食過十幾間分店,我熟悉到邊間咸D邊間肉硬D都分得出,但都欣然接受。
我們剛搬到寶琳十個月,去過十幾次新都城呢間妹頭拉麵嘅,我差不多次次都叫生姜燒飯餐。
呢次第二次輪到我出事,上週六晚,我同囝囝又去呢間妹頭拉麵,又叫生姜燒飯餐,好彩囝囝叫炒飯!
我等咗30-40分鐘,有催過,第一嬲是隔籬枱遲我10分鐘落單,都快我10分鐘出菜,即是我比佢出菜遲了20分鐘。
等咗35-40分鐘也 OK啦!生姜燒OK,但第二嬲是碗飯又硬又乾又微微暖,第三嬲麵豉湯好咸,兩樣哪嘢都異於平日。埋單過了15分鐘,嚟料,極肚痛,疴水瀉!好彩新都城Toilet多….
那晚我疴5、6次都是水瀉,都頂得住,第二日3次又是水瀉,第三四日又1、2次水瀉,惡劣程度比兩年前凱X麵包金黃葡萄球菌超標幾十倍,還要疴得辛苦幾十倍!咁計法,難道有乜菌超標幾百倍!?
心存厚道,第一輪老公在這間妹頭拉麵出事也忍了八個月無投訴,又愛又恨,我好想再幫襯佢,愛之者責,也知道是廚房的問題,不是樓面及品質的大問題,所以我不憤氣辛苦了四日三夜,也好想給他們管理層知道廚房出菜時間及令我肚疴三日的問題,順帶老公在八個月前的曱甴飯事件投訴埋。
但我氣憤卻是我投訴後的跟進......
人有善念,天必佑之,福祿隨之,眾神衛之,眾邪遠之,眾人成之