意見反饋
義工

基督家庭 今日: 0|主題: 9907

查看: 5133 | 回覆: 13
請問一個"基督徒",但要參加"道教"儀式的喪禮,有什麼需要


大宅

國民生產總值:2639


發表於 06-2-16 21:12 |顯示全部帖子

請問一個"基督徒",但要參加"道教"儀式的喪禮,有什麼需要注意呢?

如題


大宅

國民生產總值:1479


發表於 06-2-16 22:17 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

去之前求祈禱保護你身心靈,去之後再求身心靈潔淨,應該無問題。
如果都驚,多讀聖經和祈禱。。。
萬有都服在他的腳下(弗1:22),不需懼怕!
穿戴神所賜的全副軍裝,就能抵擋魔鬼的詭計( 弗6:11)-D
得閒讀左以弗所書,得幾章唶,好快睇晒,好好架!


子爵府

國民生產總值:10828


發表於 06-2-17 10:02 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?


入堂前,向職員表明是「基督徒」「不能上香(如果你教會認為躹躬都不可以,請亦表明“不躹躬”)」。他們便識做!
「多元社區,和諧並存;你我出手,聾健共融 」


水晶宮

國民生產總值:55493

好媽媽勳章 畀面勳章 環保接龍勳章


發表於 06-2-17 22:09 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

[size=x-large]站在堂中,垂低頭向死者默哀便已足夠!

不需【上香】

不需【

路遙知馬力,日久見人心!


大宅

國民生產總值:1058


發表於 06-2-18 01:36 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

如果在殯儀館辦, 你又不想向靈壇上香, 只要入去時向堂官說: 我是教徒 (如你不想向靈壇鞠躬, 亦只須向堂官講---但要入去在門口時講定先----:我是教徒, 只用默哀, 不上香和鞠躬), 佢就日識DO不會 "唱" 上香或鞠躬, 改為唱 "請上前默哀", 你就站在相片前閉目一刻 (心中可默禱求主安慰喪家), 很快堂官就會唱: "家屬謝禮".

記住一入去就要同堂官講, 否則佢一見你行入禮堂去, 就會唱 "有客到, 上香, 一鞠躬, 再鞠躬.....",那麼你就會很尷尬. 特別是喪禮禮堂很小時, 就更要注意 ,不要一到達就行向中間通道(否則堂官即唱.....)

喪家不會介意的, 因為佢地當時已經很傷心,唔多理會你做了甚麼.


大宅

國民生產總值:1058


發表於 06-2-18 01:44 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

另外, 我自己很不接受(自己唔中意)他們一大串的道教儀式(最近舅婆的例子), 跳火耍劍等等 (而且是熄了燈來做), 我們一家(包括爸爸和我們幾兄弟妹幾個家庭--已信主)都不想參與, 所以到場後捉緊時間慰問親友, 並把握機會講:唔好意思今晚有事一陣要早走.到道士出來搞東搞西時, 我們便全家徹退.


大宅

國民生產總值:2639


發表於 06-2-18 11:53 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

多謝大家的意見,我心平安多了,因為自己是初信主的,很擔心做了些不應做的事

林太太,
想問問,當日我是與我丈夫一同入靈堂的,但我丈夫又未信主,那我們應怎樣呢,是否要分開到堂前呢???

另外我還有以下問題,請問大家可否再為我解答呢?謝謝

1) 如果"家屬謝禮"時,是否都不能向家屬鞠躬呢??

2) 喪家是我很親的長輩,我相信當日我都要留一段長時間在靈堂,那當做法事時,我是否低頭默哀就可以呢?

3) 作為基督徒,我當然不會摺"衣子"的,不過當全部家屬出去燒"衣子"時,我是否都不可跟出去呢,因為我怕不出去,要自己留在靈堂內,會很害怕,但跟埋出去,又怕不應該咁做.........

4) 在"大殮"當日,我記得有一part是要全場人出去,向棺木繞圈"瞻仰遺容"的,我應當留在位上,還是要跟埋出去呢?






版主

國民生產總值:28399

2019新春慶豚圓 2019勳章 版主 好媽媽勳章 BK Milk勳章


發表於 06-2-18 17:25 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

我老公的二哥, 在聖誕節前出殯, 他們是用道教儀式
但係 - 我奶奶, 我老公四哥,四嫂, 妹妹, 妹夫 & 細佬都係基督教

因為近親關係, 我地一定要去 (我仲要帶埋 6歲 囡囡去), 守夜果晚, 我同亞女去到 (因老公早去打點), 老公就帶我地去睇佢亞哥 (遺容), 之後 堂官 帶奶奶一家人 做的儀式, 都分開 基督教 & 道教, 例如"靈壇上香", 佢會講 : 帶黑紗請出來默禱... 跟住又會話, 上香請上前

我印象中, 我沒有 向家屬謝禮 (就算有都只係低頭, 因為老公屋企好多兄弟姐妹, 當時我站在最後一行), 而 他們一大串的道教儀式, 跳火耍劍等等 (而且是熄了燈來做), 我帶住亞女, 四嫂 等... 都在堂外坐, 我更加唔會比亞女睇到, 我怕她心裡有暗影, 而且做法事時, 會好煙, 又嘈.... 你可以話, 在門外幫手, 不入去坐, 做完法事後, 老公二哥的仔女會 圍繞 殯儀館 行一個圈, 我地都冇去.....

4) 在"大殮"當日,我記得有一part是要全場人出去,向棺木繞圈"瞻仰遺容"的,我應當留在位上,還是要跟埋出去呢? <---- 對 "瞻仰遺容" 我又冇咩印象

唔知係咪我要湊細路仔關係, 我冇咩埋佢地做咩.... 而且個堂官帶得唔好, 感覺上好亂, 好多野都好 "是但"
「到我這裏來的,我總不丟棄他。」(約6:37)"

該用戶已被刪除

發表於 06-2-20 20:08 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

提示: 作者被禁止或刪除 內容自動屏蔽


民房

國民生產總值:5


發表於 06-2-21 20:48 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

你地好呀,我是路過的。看見你熱心討論信仰問題,所以進來一起分享。很高興你們互相扶持,作弟兄姊妹的精神。
關於道教.....等等喪禮的事儀,可以請教各位人的堂會牧師,因為間間都有不盡一樣的做法,大原則是要表達你作基督徒的對先人的尊重,其次是尊重喪家的安排。個中的細節,作為成人的你要臨埸處理啦...最好事前問人一段喪禮(例如:道教)的程序和安排,以免屆時雙方出現誤會就真係唔好啦。

該用戶已被刪除

發表於 06-2-21 23:09 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

提示: 作者被禁止或刪除 內容自動屏蔽


男爵府

國民生產總值:5856

2018復活節勳章


發表於 06-2-23 21:42 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

穿黑衫褲,谷公後默譸,不用上香。

如果係有份帶孝,你同個場官講,佢會教你點做。


大宅

國民生產總值:2711


發表於 06-2-23 23:09 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

我上幾個禮拜都出席左朋友既喪禮,
我去到時照樣行入去,不過只默禱,咁d人就就做架喇!

另外瞻仰遺容呢,其實基督教都會有,我唸冇問題掛


大宅

國民生產總值:1279


發表於 06-2-23 23:50 |顯示全部帖子

Re: 請問一個"基督徒",但要參加"道教"儀式的喪禮,有什麼需要注意呢?

Is wearing the traditional white linen clothing okay? I mean...the clothing is just a tradition...it is nothing religious...it is just a traditional thing for Chinese to wear white linen instead.
As long as we don't light incense..or burn offerings...we should be fine.
Even take a bow is fine too I think...it is just like giving the final salute to the person who passed away, since we are not bowing to idols.
Do you guys think that bowing should not be allowed? We bow at that dead person's family too...
Lenglengma


© Baby-Kingdom.com Limited. All rights reserved.