嬰兒醫護

跳至

首頁
12

尾頁
   0


大宅

積分: 2724


發表於 06-2-17 17:07 |顯示全部帖子

我小朋友動不動就發燒~好煩~!!

我囡囡3歲.2歲返N1時,已經開放成日病.
有時只係咳2聲,無幾耐就發燒.
有時會高燒.有時會KEEP住低燒.
睇一次醫生唔斷尾.要睇幾次.
差唔多一個月病一次.
我真係就黎崩潰喇~!

我應唔應該帶佢去BODY CHECK??
我應該點做好??

呢幾日,佢又感冒.KEEP住低燒~尋晚一度燒到104.
而家燒下唔燒下.睇左醫生.醫生話食晒藥仲唔退再返去睇.

唉........我好累~!

教教我點做好??


伯爵府

積分: 15012

好媽媽勳章


發表於 06-2-17 17:29 |顯示全部帖子

Re: 我小朋友動不動就發燒~好煩~!!

bb2002,

可能你囡囡的抵抗力比較弱 , 醫好後要從食物及運動等方面增強抵抗力 , 特別返學後更難避免的 .

另外 , 你囡囡keep住發燒 , 應該係有細菌在身體內未清 , 最後一步係要食抗生素剎死細菌 , 否則會有更多拚發症出現 , 同醫生詳細傾下吧 ! 祝囡囡早日康復.


複式洋房

積分: 153


發表於 06-2-17 17:32 |顯示全部帖子

Re: 我小朋友動不動就發燒~好煩~!!

不要崩潰, 身子唔好其實都可以做好多野
有好多小朋友想救都無得救
有沒有問醫生什麼食物, 維他命適合
有沒有做運動?
無論大人小朋友老人家, 身體健康都不是必然
有恆心, 關心是非常重要的
加油


大宅

積分: 2724


發表於 06-2-17 17:40 |顯示全部帖子

Re: 我小朋友動不動就發燒~好煩~!!

事實我個女係好偏食.食量又少.
佢好活躍,無時停.
我每日都有比佢食PAPA JELLY
食芝士,生果........佢肯食.

尋日同佢睇左醫生.醫生話係感冒.沒有開抗生素.

我要返工.個女要入幼兒園.如果佢病,我就要請假.
一方面怕公司唔喜歡,一方面怕個女有事.
我真係好累~!

想過比佢返半日.搵人湊.
不過醫生話小朋友返學就會病.同返半日/全日無關~!
我話個女偏食.醫生話佢體重正常.叫我唔好迫佢食野.等佢慢慢接受唔喜歡O既食物.
事實返左幼兒園.個女係食多左野.不過一放假,對住我/家人.佢好似練仙咁,食就食,唔食就唔食.

今日我返左工.家人湊.我成日都好擔心.
我真係唔知點好~!
其實我知擔心都係無用.
等食晒D藥再打算.

不過我個女試過肺炎入院.果次令我好驚惶.聖誕節果幾日假.O係醫院過.

真係令我好怕.


男爵府

積分: 5048


發表於 06-2-17 17:43 |顯示全部帖子

Re: 我小朋友動不動就發燒~好煩~!!

冇計,小朋友一返學就好易病,加油呀!媽咪

你可以等佢好番後,平時俾佢食下魚肝油之類保健食品,思X脫,KAWAI肝油糖都是唔錯選擇,唔洗話要好貴果D先得,我記得大仔初初返學,平均10日唔夠就睇醫生,佢辛苦時我又辛苦,晚晚咳到嘔,要放定個盆仔係床邊,佢一咳,我就即刻彈起身,攪到好神經質,後尾可能佢又大D,我又有俾KAWAI佢食,一路一路少咳,起碼3幾個月先會話有唔妥要睇醫生。到細仔,我就未雨綢繆,歲幾開始,俾魚油丸(溶入飯仔)佢食,當然佢都會有發燒呀,咳呀,傷風感冒,但比哥哥以前康復得快,所以幫小朋友打好個底好重要,而家冇食魚油丸咯,得閒就食粒KAWAI
如果你諗住俾第2D維他命囡囡食,記得要留意佢食後有冇唔妥,因為唔係人人受得,記得我細個時,媽咪俾我同家姐食"魚油"(其實係醫生介紹的維他命DROP,好好味,牌子唔記得,不過有時行過藥房仲見到),我食左好地地,家姐食左燥得濟生瘡
My little Son


大宅

積分: 2724


發表於 06-2-17 17:49 |顯示全部帖子

Re: 我小朋友動不動就發燒~好煩~!!

k-k-mummy ,
THX~!
我想我都係神經衰弱~!!
佢一咳2聲,我超緊張~!
佢發燒,我訓唔到~!

食藥都食到佢驚~!
有一次,佢食完後.特登咳到嘔返D藥出黎.
我知當時係我反應大.我癲左咁~佢又喊,我又喊~!
唔得喇~!我打比朋友訴苦~!我真係好辛苦~!

我做好多野.都係唔想佢病.但好似無咩用咁~!
D人話飲咩湯對咩好.食咩對身體好.我都有試.
真係唔夠一個月又黎病~!

唉........我差唔多放工喇~我要趕返去睇佢.


大宅

積分: 1889


發表於 06-2-17 19:19 |顯示全部帖子

Re: 我小朋友動不動就發燒~好煩~!!

bb2002,
唔好氣餒, 我好明白你既感受......
一轉天氣(好似近排)我亞囝(佢係早產b, 可能因此身體比較弱d) 就會病, 多數係發燒, d燒時高時低, 半夜通常都發高燒, 下下都39-40度, 有時真係驚佢會燒壞腦....佢成身興烚烚, 又唔識講好辛苦, 一味只有喊, 我只可以比panadol食, 幫佢貼退熱貼, 比水佢飲, 跟住無野可以做, 成晚無教好訓, 幾次睇醫生, 都係要食抗生素先好番。
講真, bb病, 大人更辛苦, 我亞囝一病, 我就同佢講: "bb你快d好番啦, 要病等媽媽病啦..." 呢句係真心話。不過講完佢都係病, 唯有望佢快d好番......
做媽媽既真係好偉大......


大宅

積分: 2724


發表於 06-2-17 20:49 |顯示全部帖子

Re: 我小朋友動不動就發燒~好煩~!!

mchan 寫道:
bb2002,
唔好氣餒, 我好明白你既感受......
一轉天氣(好似近排)我亞囝(佢係早產b, 可能因此身體比較弱d) 就會病, 多數係發燒, d燒時高時低, 半夜通常都發高燒, 下下都39-40度, 有時真係驚佢會燒壞腦....佢成身興烚烚, 又唔識講好辛苦, 一味只有喊, 我只可以比panadol食, 幫佢貼退熱貼, 比水佢飲, 跟住無野可以做, 成晚無教好訓, 幾次睇醫生, 都係要食抗生素先好番。
講真, bb病, 大人更辛苦, 我亞囝一病, 我就同佢講: "bb你快d好番啦, 要病等媽媽病啦..." 呢句係真心話。不過講完佢都係病, 唯有望佢快d好番......
做媽媽既真係好偉大......



睇到我好想喊~! :-( :-(
我放工回家,佢成日無訓.食過粥仔(無胃口)
就叫我開奶訓~訓左喇而家~!我同佢探熱,無燒.
d藥食埋今晚~!
臨訓前,佢同我講:"我好返,唔食藥~"
我真係好心痛~!! :-(

我都唔想佢成日食藥~我都想病果個係我~! :-(

2日無返學.佢成日問我點解唔比佢返學.
"女呀~唔係我唔比你返學,係你身體唔好~!" :-(

希望快d好返~
希望大家o既小朋友都唔好成日病~!


男爵府

積分: 8513

好媽媽勳章


發表於 06-2-17 22:11 |顯示全部帖子

Re: 我小朋友動不動就發燒~好煩~!!

好返後可試下睇中醫, 西藥係緊急既, 好返後就要中藥清底同強身, 我都係有左仔仔先信; 中醫多數會開d唔多苦既俾小朋友, 查實有時小朋友接受能力好強, 我朋友個仔經媽咪講"大道理"後食藥幾個月, 而家好大隻, 而且佢都會感覺到舒服既.

我都有時感到好無奈/無助, 湊仔/教仔好辛苦, 沖個涼嘆杯奶茶, 一切又重頭黎過, 仲有排湊呢......下星期仔仔仲要做手術, 可以點樣??!! 話俾自己聽要撐住哦, 共勉之. ^_*


子爵府

積分: 11718


發表於 06-2-17 22:37 |顯示全部帖子

Re: 我小朋友動不動就發燒~好煩~!!

其實好多MAMA都會明白大家的感受,因為小朋友個個番學都走唔甩病呢關,大D會好好多的,我囡囡11月,12月,1月都每月一大病,11月腸胃炎,12月過濾性病毒感染,1月氣管炎兼肺炎,下下燒到40.6度,E生話近年小朋友好多都是這樣,在診所都見唔少,無辦法,我都係每次病後都執濟中藥俾佢,幾WORK的.各位偉大的MAMA,共勉之!!!
盡可能試下每日帶小朋友出去跑跳番一個半個鐘,運動了會增強抵抗力之餘胃口都會好得多.


男爵府

積分: 6412


發表於 06-2-18 12:09 |顯示全部帖子

Re: 我小朋友動不動就發燒~好煩~!!

我睇到之後, 真係心同感受. 因為我個小朋友都係咁.
自從佢12月返幼兒園後, 就開始成日病, 發燒/流nose水/咳走唔甩. 晚晚都咳到瞓唔到覺. 差唔多日日都要食藥, 食抗生素. 見到都心痛. 佢食1次藥, 都唔知要食返幾多野先補返好. 好返2日, 又再病過. 到依家2月中喇, 都仲係病, 足足兩個月.
好彩嘅係佢唔係肺炎, 唔果唔係我仲死.
有時唔想俾佢食西藥, 食保嬰丹/猴x未, 都係唔得, 晚晚咳到我都頂唔順, 都係俾佢食西藥先好少少.
夠竟幾時先可以斷????? :-( :-( :-( :-(


大宅

積分: 2724


發表於 06-2-18 22:55 |顯示全部帖子

Re: 我小朋友動不動就發燒~好煩~!!

IRON,
請問你小朋友咩事要動手術?

各mami,
好一句"共勉之"~

原來唔只我一個人面對疾病/痛苦~
好多謝你地同我分享~

今日我個女都係燒下唔燒下.聽日再同佢睇多次醫生.
希望星期一返到學.

好多謝你地~!
最衰我唔識整公仔.我想錫你地&你地o既小朋友~


伯爵府

積分: 15354


發表於 06-2-19 00:33 |顯示全部帖子

Re: 我小朋友動不動就發燒~好煩~!!

bb2002,
不如你等佢好返後, 同佢去信得過既中醫到睇, 調理一下身體, 我同你差不多, 我囝係返育嬰園, 成日都好多病, 咳, 痰, 傷風感冒不在話下... 連水痘都係11個月時出埋, 之後身體就更虛, 冇晒抵抗力. 佢最近又勁咳多痰傷風感冒, 個多星期睇左3次西醫都未好,,, 我昨天帶他去位X堂睇中醫, 尋晚食左一劑藥, 明顯好左好多, d痰聲都細左好多, 今日再睇, 希望食多兩劑會更加好; 我諗住佢好返, 我都比佢keep住睇一排, 等醫師開藥比佢慢慢調理身體, 強化機能, 増強抵抗力. 哩方面我覺得中藥一定優勝過西藥, 因為西藥只係醫病, 唔係強身健體.


































17/1~2.81kg;17/2~3.41kg;18/3~5.5kg;29/4~7kg;30/5~7.53kg;17/6~8.1kg;22/7~8.8kg;31/8~9kg;30/9~9.4kg;28/10~9.7kg;29/11~10.3kg;30/12~10.9kg;16/1~10.8kg;28/2~11.3kg;31/3~11kg;30/4~11kg;31/5~12kg;30/6~12kg;17/7~12kg;30/8~12kg21/9~12.7kg;27/10~13kg;29/11~13.5kg;2/1~13.5kg;28/2~13.5kg;13/4~13.25kg


大宅

積分: 2724


發表於 06-2-19 01:33 |顯示全部帖子

Re: 我小朋友動不動就發燒~好煩~!!

可樂皓皓:
多謝你提醒我~
我真係唔知位x堂有中醫.
果度睇幾多錢?

thx~!


伯爵府

積分: 15354


發表於 06-2-19 01:50 |顯示全部帖子

Re: 我小朋友動不動就發燒~好煩~!!

bb2002,
no thx~
我尋日一劑藥連診金$6x
今日兩劑連診金$9x


































17/1~2.81kg;17/2~3.41kg;18/3~5.5kg;29/4~7kg;30/5~7.53kg;17/6~8.1kg;22/7~8.8kg;31/8~9kg;30/9~9.4kg;28/10~9.7kg;29/11~10.3kg;30/12~10.9kg;16/1~10.8kg;28/2~11.3kg;31/3~11kg;30/4~11kg;31/5~12kg;30/6~12kg;17/7~12kg;30/8~12kg21/9~12.7kg;27/10~13kg;29/11~13.5kg;2/1~13.5kg;28/2~13.5kg;13/4~13.25kg


子爵府

積分: 11718


發表於 06-2-19 13:03 |顯示全部帖子

Re: 我小朋友動不動就發燒~好煩~!!

如果小朋友病好得八八九九,通常會咳唔斷尾,呢個時候最好睇中DOCTOR,我囡囡次次都WORK,位元堂我都睇過


大宅

積分: 2724


發表於 06-2-20 09:53 |顯示全部帖子

Re: 我小朋友動不動就發燒~好煩~!!

可樂皓皓 寫道:
bb2002,
no thx~
我尋日一劑藥連診金$6x
今日兩劑連診金$9x


可樂皓皓:
thx~
等我女好返我會帶佢去睇.
尋日我個女已退燒.不過咳得好厲害.我再帶佢睇多次西醫
醫生話佢咳聲唔同左.再詳細d check,話佢氣管收窄.要即時聞氣.
唉..........希望快d好返~!


子爵府

積分: 11718


發表於 06-2-20 12:04 |顯示全部帖子

Re: 我小朋友動不動就發燒~好煩~!!

退燒就代表快好啦,唔好唉啦! 我囡囡一月又係氣管收窄,聞了四日氣,不過好番最好休息多兩日先上學,否則比較容易再惹別的病菌,小心了


大宅

積分: 1653


發表於 06-2-20 12:58 |顯示全部帖子

Re: 我小朋友動不動就發燒~好煩~!!

bb2002,
唔好唔開心, 你要堅強d因為你個女係睇你頭如果你都咁様佢更加唔知點算, 我非常明白你個心情因我現在個情況比你更差, 我小女現在才七個多月大, 在兩個月開始已返育嬰院, 在此段期間差不多每個星期都要睇醫生, 年廿八開始因為病毒入腸引致 - 腸套叠, 需要緊急開刀做手術, 現在我個女一有兩聲咳或嘔少少奶我都緊張到死, 但係唔開心都於是無補, 所以我哋要加油.. 努力.....


大宅

積分: 2724


發表於 06-2-20 14:26 |顯示全部帖子

Re: 我小朋友動不動就發燒~好煩~!!

CHING_BB625,
多謝你~!
大家努力~

今日我女返學喇.
幸好佢喜歡返學.放假都唔會浪費時間.
會搵書睇,成日做練習(我大姑奶係幼師.拎左D練習返黎比佢)
呢D都係佢自願做.我好開心.

好多謝你地咁多位媽咪~
以前我成日覺得自己好不幸~
因為我童年同過去都係唔開心.
直到有個女.我先體會到人生O既意義.
雖然我有時嫌佢煩.(因為佢好好動.)
不過佢好識逗我.

首頁
12

尾頁

跳至