意見反饋
義工

產前產後 今日: 2|主題: 241055

查看: 692 | 回覆: 9
我都唔想人地唔開心架...


大宅

國民生產總值:2617


發表於 06-2-20 15:20 |顯示全部帖子

我都唔想人地唔開心架...

Hi, 各位媽咪,

妳地大左肚, 有冇令一d好近的, 要成日見的親戚唔高興呢?

我就唔係幾好彩, 因為我呢個親戚身體有事, 試左好久, 都冇小朋友, 佢之前見我小產左, 都好關心, 但係見我再大肚後, 變得好唔鍾意我 (好明顯個隻), 成日冷言冷語....我自問已經極少極少主動係親戚中講我大肚的事, 我有左係冇通知任何人(包括我媽咪爸爸), 直到新年, 我爸媽先知, 同埋一班親戚有人見到我個肚突突地先問起, 我都知人地係為我高興同埋有野可以幫到我先問, 我都係一兩句止, 費事好張揚.

況且我都算高齡, 身體又唔係幾好, 剛小產過, 再有番左bb, 仲有好多關要過, 同埋有事我都得自已同老公攪定. 有冇BB我真係唔需要周圍去"晒命"羅, 我只求時間快D 過, 上天到時可以俾個健康bb 我地兩公婆, 同俾個孫仔我爸媽玩下.

唔知點解, 佢都唔開心, 其實我都唔敢同老公說得多, 免得好似說人事非, 尤其係大家係親戚(佢都係我少少長輩), 所以係度發泄下...唔好見怪......唉, 而家出來見到面, 真係好怕見到佢唔開心. 我唔係惱佢, 以心比心, 我都希望大家有冇bb生活都過得好. 如果係佢有我冇, 我諗我絕對唔會有大反應...


複式洋房

國民生產總值:240


發表於 06-2-20 15:58 |顯示全部帖子

Re: 我都唔想人地唔開心架...

其實呢個世界咩人都有的.
我都試左兩年, 眼見身邊想有的都有了.
仲生埋出來tim, 有個仲係經不準之餘,仲勁bleeding 都有左.

自己都有d心淡, 點知自己都有左就好小心.
唔敢周圍同人講, 希望到五六個月大先同人講.

你都可以低調d, 人地講乜由得人地講.


複式洋房

國民生產總值:478


發表於 06-2-20 16:11 |顯示全部帖子

Re: 我都唔想人地唔開心架...

BH,
你都唔好怪你親戚,一個人越無一樣野就越(恨)有
我自己都曾經失去bb, 講真, 果時見到邊個親戚有左, 自己都唔開心架, 我認我小氣, 唔大方.... 我成幾個月唔見任何大肚既親戚添
但, 人之常情囉!!!
到我自己再有左, 到bb而家出世, 有時開開心心同朋友分享, 原來人地其實好唔開心, 我自己都無為意... [我朋友就係好似你親戚,試左好久, 都冇小朋友 ]
既然有人無bb唔太想知我地有左bb既喜悅, 咁咪唯有暫時大家唔好見面, 或者唔好傾bb野住!!!
將心比己, 我都唔想將自己既快樂, 建築係別人唔開心身上


大宅

國民生產總值:2617


發表於 06-2-20 16:49 |顯示全部帖子

Re: 我都唔想人地唔開心架...

多謝妳地回應呵,

不過沒法我會成日見到佢架, 依家我都急急腳盡量行遠d, 費事啦. 唔通冇啦啦俾人話咩. 我唔想 因為佢的原故令自己 大住個肚辛苦中, 仲唔開心. :cry:

係呀, 我都唔係怪佢, 其實大家都係女人, 我都小產過, 係有切膚之痛, 我有番 b 都日夜擔心 (自己知自己事, 雖然佢地唔知) 所以我都係遲遲唔講, 而家 我個肚都5個幾月, 我都冇穿大肚衣. 一部份原因都係怕有人見到仲會更加唔開心.


男爵府

國民生產總值:5339


發表於 06-2-20 17:02 |顯示全部帖子

Re: 我都唔想人地唔開心架...

我都覺得係佢自己睇唔開囉, 你都己經咁低調啦, 咁真係大肚唔通扮無咩?? 佢唔想見到既可以迫開架, 點可以怪你喎!!仲要比說話你聽.....

我自己都小產過, 仲攪到抑鬱症! 用左好多時間先重新再黎過....我明白當時會好難過, 聽到/見到人地有bb都會好傷心!但傷心還傷心,無理由要全世界既人就晒佢, 要人避開佢架?? 佢無bb又唔關你事.....

你盡量小見佢啦! 費時傷神....
hello, 我叫澄澄yubi, 2009年5月29日出世 ^__^


大宅

國民生產總值:2617


發表於 06-2-20 17:24 |顯示全部帖子

Re: 我都唔想人地唔開心架...

多謝妳呀 傻太太,

我都覺得我自己小產過, 除左當時係好痛苦之外, 最正面係學識左處理自己的情緒, 同埋更加體諒其它身邊的人. 到底自己同身邊人的生命同健康先係我地要珍惜的.

有bb 係上天恩賜, 冇bb 都可以有另一種生活, 可能都係上天的安排. 希望大家都開開心心, 唔好影響到其它人, 又唔會比別人影響到就好啦.


男爵府

國民生產總值:5339


發表於 06-2-20 17:35 |顯示全部帖子

Re: 我都唔想人地唔開心架...

咁咪係囉! 既然都想做mami, 點解d思想仲咁(小朋友)! 當然啦...等極都無/小產過, 個陰影真係好大好大! 唔開心/傷心一定有, 一定會! 不過並唔能夠怪別人, 並唔能夠要全世界人就晒佢! 唔通佢出街見到大肚婆會走去叫人(行開),叫人避開佢咩?? 可以做既, 係不如佢自己唔好出街, 咁咪見唔到囉!!

我以前因為小產攪到抑鬱, 又要睇醫生, 又唔可以有bb (怕影響到)! 用左勁長時間重新reset 自己!! 個時我咪仲唔開心.....但我無怪任何人, 只係怪自己! 見到人地有bb, 個心會唔舒服, 但一樣會替對方開心同高興 ! 唔係扮出黎, 係真心替佢地高興, 只係會心諗"幾時到我呢?" , 心酸酸而已!!

講真, 如果一直都無, 我地一樣要生活, 一樣要開心面對人生! 點可以因為自己既問題而令身邊所有人都唔開心, 都要千就佢呢!!
hello, 我叫澄澄yubi, 2009年5月29日出世 ^__^


大宅

國民生產總值:2617


發表於 06-2-20 17:50 |顯示全部帖子

Re: 我都唔想人地唔開心架...

傻太太,

我之前都有曾經因為之前份工同個老細唔夾, 同之後小產過攪到2次比較抑鬱, 重睇左一次情緒輔導 e生, 好彩唔駛藥我都 可以慢慢走番出來, 好好彩, 妳都克服到 ! 而家大家仲要面對生bb 哩個更大的考驗. 而我仲係高齡, 有咩都緊張架.

我覺得想要有bb 真係要自己放開d, 成日轉住諗住以前d 唔好野, 真係對身體唔好的, 所以我估我個親戚可能都係未走出來, 唉...


男爵府

國民生產總值:5339


發表於 06-2-20 18:00 |顯示全部帖子

Re: 我都唔想人地唔開心架...

原來你都試過呀!! :cry: 我都算係高齡架喇, 今年生日就32歲喇 :cry: 依家都係咩都緊張一餐! 始終係得來不易 :mrgreen:

如果你個親戚唔係咁轉牛角, 你可以同佢好好地傾, 不過佢依家咁樣就真係唔好喇, 只能靠佢自己諗通! 越急就越難呢個道理我地好明白, 因為我地都係過來人
hello, 我叫澄澄yubi, 2009年5月29日出世 ^__^


大宅

國民生產總值:2617


發表於 06-2-20 18:13 |顯示全部帖子

Re: 我都唔想人地唔開心架...

係呀 傻太太...

我諗我都唔係好適合幫佢架啦.

原來大家都幾似 wow.. 不過我再老d 啦...:-P

ps 我覺得妳出d topic 好有用 , 妳預產期 早過我少少, 問個d 野好有用, 我有時都有 drop note 寫低架, 依家我咩都未買, 等埋人地會送個d, 同埋收集多d 資料.. 買左都唔知堆係邊...


© Baby-Kingdom.com Limited. All rights reserved.