吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我與Bruce Wayne的大鑊婚禮（完，多謝）

夫婦情感今日: 1|主題: 42419

收藏本版

發帖

返回列表

跳至頁

樓主: oguh

我與Bruce Wayne的大鑊婚禮（完，多謝）

3 456 7...28

積分: 692

81^#

發表於 12-7-31 21:46 |只看該作者

回覆：我與Bruce Wayne的大鑊婚禮

冧死人咩！唔止結婚仲計劃埋渡假，退休同生意！

私人傳訊

angie127

大宅

積分: 3538

82^#

發表於 12-7-31 21:50 |只看該作者

本帖最後由 angie127 於 12-7-31 21:51 編輯

唔知有無相睇下?

私人傳訊

rosemimi22

男爵府

積分: 5254

83^#

發表於 12-7-31 21:51 |只看該作者

回覆：amywong9 的帖子

好搞笑

私人傳訊

Muimui2011

男爵府

積分: 7802

2024年龍年勳章

84^#

發表於 12-7-31 22:32 |只看該作者

回覆：我與Bruce Wayne的大鑊婚禮

呀........我慢咗添!

私人傳訊

oguh

子爵府

積分: 11575

85^#

發表於 12-7-31 22:36 |只看該作者

第四節：

Bruce話，場地既事，佢搞晒，我唔洗煩。其實係佢唔想我插手煩住佢，佢直頭當左果度係佢既wonderland，佢放假一有時間就去，學人做「素人園丁」，又成日去監督住維修工程，用平時做野果種集中專注同要求去做。

有一日，佢打電話比我，話我知佢今日發生意外，差D死左。

我好驚好緊張，問：「你受傷？有無事呀？」
佢用好慘既語氣講：「今日我差D死。」
我以為佢炒車，因為佢成日開快車。迫佢快D講咩事，唔好嚇我啦。
佢話：「今日我去左農莊，大屋幾乎修葺好喇，係屋頂仲漏緊水，我上去閣樓度，條木樓梯爛左，斷開左，我成個人跌左落黎！」
我：「下！咁你有無受傷？有無跌斷骨？」
佢：「好驚呀，真係差D死呀。」
我：「你咪嚇我啦，有無整親？」
佢：「係咪好彩無死先？」
我：「咁你有無整親？」開始用嬲既語氣問。
佢：「好彩係我上到第二級樓梯就斷開，唔係上到頂先斷。」
我：「#(%&#&$**#$&@%!!!」

如是者，自從佢鍾意左呢D玩笑之後，佢成日咁玩我。有時打比我話，我今日無左隻腳呀！原來係落田有地陷，佢差左隻腳落去覺得好驚；有時又打比我話，慘喇，依家我係急症室，我比隻狐狸咬傷，要打瘋狗針喇！其實隻狐狸係老遠，根本無搞佢。我次次都中招，因為佢本身工作，都要經常去地盤視察的，有幾次佢真係幾乎發生意外，同埋有次佢真係滑倒閃了腰。次次佢都玩我玩得好開心，我越嬲，佢笑得越開心。我話佢，你真係變態，你見我咁擔心好開心咩？！佢話，我同佢成日分隔兩地，佢要知我有無放佢係心上。

之後，我地去左法國影engagement photos，原本我極唔願意影，但Bruce堅持要影，因為佢太靚仔，佢要世人都記得佢既俊樣，同埋要世人知我地幾sweet。成個過程，只能用痛苦來形容。

第一，我唔鍾意比人影相，更加唔鍾意擺pose影。
第二，Bruce佢成日挑剔我表情生硬，話我唔笑，所以成程都要強迫住笑，仲要迫我擺pose，唔係普通既pose，佢要似Vouge果種model先識擺既pose。
第三，當時天氣好凍，係巴黎凍到我癲，仲要著住條露膊婚紗，一路影一路震。
第四，我休息時，Bruce強迫攝影師不停幫佢影單人相，因為佢打算之後用來做公司credentials佢嘅人像相，cheap佬又公私不分，我見佢不停chok真係想嘔，而佢真係樂在其中。
第五，Bruce想順道去巴黎買埋big day當日既手飾珠寶呀、鞋呀etc.我已經攰到嘔電，佢仲要我地一齊去行街買野，我真係無心機睇。

之後出左黎既相，Bruce不停欣賞自己既俊樣，又話，無佢咁靚仔，點襯到我咁靚女。（滴汗）

不經不覺，搞呢樣、搞果樣，期間我地將日期延遲，放棄夏季，改為初秋結婚，距離我地大喜之日，只剩下半年都唔夠。

以為相安無事，最多都係平時為小事吵下架，有一日，當時我在倫敦，佢打比我，話：「個莊園水浸呀，浸左好多地方呀，死喇今次。」我以為佢又講笑，唔理佢，點知佢認真話：「落左幾星期雨，莊園附近條河氾濫呀，水淹左出入條主要道路，我想入去睇都睇唔到，佢地同我講仲浸埋陪份農田呀！D雨又令到間大屋漏水問題嚴重，當日都唔知可唔可以用！」然後佢不停爆粗。

唉，我又一次覺得，個天總係唔比我地兩個順順利利，Bruce因為自己既心血被大自然摧殘，佢感到非常氣餒。（續）

點評

iluvmeeself 大半世人接觸老外，No offense, 佢地個腦既構造係唔同中國人。。

發表於 12-8-4 00:49

me920 有冇結婚相可以睇下呀?

發表於 12-8-1 10:20

ahMeow now i really want to see your c6's pix....oops not c6, should be Bruce....lol 發表於 12-8-1 08:19

JessL 好緊張，希望一切順利。發表於 12-7-31 23:41

私人傳訊

BooBooYau

大宅

積分: 1610

86^#

發表於 12-7-31 22:41 |只看該作者

私人傳訊

glorialip

禁止訪問

積分: 3212

好媽媽勳章

87^#

發表於 12-7-31 22:43 |只看該作者

回覆：oguh 的帖子

提示: 作者被禁止或刪除內容自動屏蔽

私人傳訊

TPI

複式洋房

積分: 160

88^#

發表於 12-7-31 22:49 |只看該作者

回覆：oguh 的帖子

佳人才子，何等匹配！日思夜追，欲罷不能！

私人傳訊

sinyeechu

珍珠宮

積分: 32329

89^#

發表於 12-7-31 22:52 |只看該作者

回覆：我與Bruce Wayne的大鑊婚禮

好好笑呀你c6真係我一路睇一路笑到標眼水我c6係咁望去我度@@我差啲笑到呀女都醒埋，

私人傳訊

isa_ty

子爵府

積分: 11862

畀面勳章環保接龍勳章大廚勳章

90^#

發表於 12-7-31 22:59 |只看該作者

回覆：我與Bruce Wayne的大鑊婚 ...

因為太靚仔，要世人記住佢個俊樣！！！

樓主你吾止文筆好，仲好生鬼風趣

私人傳訊

魔b媽b

男爵府

積分: 5840

91^#

發表於 12-7-31 23:02 |只看該作者

回覆：我與Bruce Wayne的大鑊婚禮

好有商業頭腦。。
做每件事都可以有好多方面去諗。。。
好勁丫。。

真係想睇下Batman個樣

可唔可以post下wedding 場地d相

好靚既view。。

~* 如果因為對方有病就唔愛嘅，就唔係真正嘅愛。
無人，知道生命嘅長短，就算做醫生嘅，都唔可以，保證自己長命百歲....
所以結婚誓詞裡面無話到"百頭到老"，但係就要保證，無論健康疾病，都要係埋一齊........ *~
★這是一輩子的諾言，你願意嗎�

私人傳訊

ghchan

子爵府

積分: 12965

92^#

發表於 12-7-31 23:05 |只看該作者

追

私人傳訊

田心

大宅

積分: 1891

93^#

發表於 12-7-31 23:11 |只看該作者

回覆：我與Bruce Wayne的大鑊婚禮

樓主，相信你對住你未來老公講婚禮d事，一定比激到又好嬲，又好笑！

佢好creative又有sense of humor, 你應該好欣賞佢！人要有童真才會快樂，才能給予別人快樂！祝福你倆有個空前絶後的婚禮！唉！又要追追追嗱！但呢個post，真係追得好開心！

私人傳訊

ccyin

珍珠宮

積分: 33628

BK Milk勳章

94^#

發表於 12-7-31 23:14 |只看該作者

講到咁令, 要POST WEDDING PHOTO同場地相呀

點評

angie127

發表於 12-7-31 23:19

私人傳訊

angie127

大宅

積分: 3538

95^#

發表於 12-7-31 23:18 |只看該作者

真係可以出書

私人傳訊

oguh

子爵府

積分: 11575

96^#

發表於 12-7-31 23:32 |只看該作者

第五節：

英國夏季係好恐怖，太陽出來五分鐘，然後落雨落足五個鐘。郊區河水氾濫都好普遍，但我無諗到，我地果個農莊都身受其害。

大屋本身都殘殘舊舊，Bruce將佢返新，打算大喜當日用來做party主要地點，比客人聚下休息下，我家人同我地當晚入住，同埋個廚房比Robin餐廳既員工準備當日飲食。然後我地係後花園行禮，佢請左園藝公司執靚個後園，原本一片荒涼，佢用左近一年時間，整得似模似樣。

點知幾星期既雨，白費左Bruce大半心血。

婚前我請左大假，長留倫敦，佢因為心情差，我地兩個又成日相對，搞到我地成日吵架。好多時候，我直頭連愛佢既感覺都無左，甚至諗過悔婚，唔結喇，好煩。唔知呢D係咪叫「婚前恐懼症」。

有一日，我地整緊個guest list時，我又要觸及一個可能大家又會吵架既事：請唔請Batmom。

上一個post有講，Bruce好憎佢媽媽，原因係佢拋棄過佢同Robin兩兄弟，如果用中國人既講法，佢地就係「父母緣薄」。本身佢直頭無諗過要請佢媽出席，但我諗，呢個係一個好機會比佢地修補下關係，可能我係多事，但我怕過左呢個人生大事，以後佢地重修舊好真係無機會，同埋我驚Bruce以後會後悔，始終係重要事，咁多親友見證，偏偏媽媽唔係度，好似係人生一個遺憾。

Bruce把口好硬，如果我直接問，佢一定話唔會請，唔會後悔，一定唔會。

所以我唯有用軟法去攻佢。首先，我去試婚紗，扮搵唔到女性朋友陪我去，我有意無意咁話，不如叫你媽陪我去，佢講過佢樂意幫手。開頭佢反對，佢話佢陪我去，但我話要女性朋友幫眼先得，你地男人唔識睇，佢發嬲問，你咁多個姊妹，無一個得閒？我話人人都要返工，真無好忙唔得閒。咁佢無聲出。之後，我搵Batmom同姊妹們一齊去試裙，Batmom好感激我比佢參與婚禮過程，但我好坦白咁同佢講，其實我都係試下軟化Bruce，佢都未肯正面回答我請唔請佢去，我怕佢有太大希望，最後失望。

但Batmom扮到好開通、好了解咁話，無所謂，真係無所謂，我知自己對佢做過乜，我明佢點解會咁做。而佢越扮到無事，我個心就越酸痛。雖然我同Batmom只係第二次見面，但我真係感到，佢本身都係一個善良既女人，只係年青時被迷惑，犯下大錯。

其後，我成日同Bruce「借D椅」講，話我唔係好熟邊到買D乜、買D物，我都要Batmom陪我去，佢都無出聲，我開始感到有佢心軟。有次好大膽咁問佢，同埋我地一齊去買野，佢當然唔去。

但有一日，佢叫我幫Batmom買些珠寶，佢之後會比返錢我，我就知道係big day當日戴的，即係佢接受邀請Batmom來。我好開心，第二日即刻約Batmom出去買野，我未見過Batmom笑得咁開心，當日我同佢發左癲咁不停試試試，個SA都話，好少見新娘同mother-in-law買野買得咁開心。

其實做新娘唔係咁開心，真係好大壓力，要處理好多野，Bruce又要求高又煩，我又有婚前恐懼症。但我見到Batmom同Bruce既關係可能有機會改善，呢樣係唯一令我無壓力既事。

另外，姊妹團當中，其中一位好姊妹突然前小產，令大家心情都低落了，我連同朋友一齊僅有的開心感覺都無埋，因為呢位好朋友已經係第三次小產，對佢打擊好大，我去探佢時攬住佢一齊喊，已經唔係第一次，點解仲要有三次？呢位朋友向來比較內向脆弱，有事就會收埋自己唔想見人，要長時間復玩，我同佢講，你未必想繼續做bridesmaids我可以體諒，你想好好休息的話真係唔好勉強，但呢位好姊妹最後都忍住傷痛，堅持繼續做，仲好幫得手，令我非常感動。

另一方面，Bruce用盡辦法，想用極短時間，將莊園重新整理，有時weekend前佢已經帶埋幾個下屬，入左去camping，同D工人一齊搞，用盡佢平時工作上既人情牌。佢係工程專家，我幫唔到手，就唯有向上天默默祈禱，希望一切順利。

我同佢都係極大壓力下，婚前兩個月，大家都瘦左一個碼，我本身已經瘦，再瘦一個碼佢話我消失緊。所以佢有一日突然懶好咁，話要請我同班姊妹、同佢班兄弟一齊出來去玩，話要比大家減下壓。

原來莊園已經修復得七七八八，我地成班人係個long weekend入去「試住」。而呢個三日兩夜既短trip，用老土既方法講，有人「擦出火花」。（續）

私人傳訊

isa_ty