懷孕前後

跳至

首頁

尾頁
   0


大宅

積分: 4004


發表於 06-7-26 00:54 |顯示全部帖子

Re: 7月份生既準媽咪, 心情同身體ok嗎?? 傾下

minno,

恭喜晒!你好叻呀!我個b都係面向天,不過差唔多出世時醫生都有用吸管幫手呀.

小豆媽,

雖然而家辛苦d,不過有兩個小朋友應該會好d,開心d.但係未隔遠d時間會好d呢?


複式洋房

積分: 388


發表於 06-7-26 16:13 |顯示全部帖子

Re: 7月份生既準媽咪, 心情同身體ok嗎?? 傾下

aquarius721,

生到中途, 我試過大叫"我唔得喇~!", 好彩仁安個姑娘不斷鼓勵我, 我先可以堅持. 我真係好感激佢, 同埋醫生非常skilful地幫我接生. 我都唔相信自己可以做到, 到E家個情景仲係好似尋日發生咁呀!

我阿b尋晚由1:00am咸到7:30am, 我同老公都冇得瞓, 日頭佢又可以瞓得好腍, bb係咪會怕黑? 好辛苦唔知點算好! 我有好多要請教你同其他媽咪喇!

aquarius721 寫道:
minno,

恭喜晒!你好叻呀!我個b都係面向天,不過差唔多出世時醫生都有用吸管幫手呀.

小豆媽,

雖然而家辛苦d,不過有兩個小朋友應該會好d,開心d.但係未隔遠d時間會好d呢?


大宅

積分: 1401


發表於 06-7-26 23:49 |顯示全部帖子

Re: 7月份生既準媽咪, 心情同身體ok嗎?? 傾下

minno,

阿b由1點喊到7點
會唔會佢肚餓, 又或者佢條片唔ok, 抑或係0的衫著得佢唔舒服呀??

又或者會唔會個肚有風? 如果係, 試下用bb油同佢按摩下個肚

又或者bb個nose塞左..

您要


大宅

積分: 4004


發表於 06-7-27 01:35 |顯示全部帖子

Re: 7月份生既準媽咪, 心情同身體ok嗎?? 傾下

minno,

你睇下fifi所講既情形有冇出現?佢喊咁耐你地應該都有抱下佢架啦,如果抱住都不停喊,可能有d野令佢唔舒服.我個b暫時都叫ok,咁耐以黎係半夜都冇乜扭計,有都係一個鐘到.

昨日返健康院,阿b d黃都仲未退得晒,醫生話要睇埋佢個眼白再check下黃,點知阿b勁好訓,醫生搞極佢都冇乜點醒過,搞到睇唔到對眼,醫生話要返去瑪麗再check,唔知到時使唔使抽血呢?


大宅

積分: 4004


發表於 06-7-27 01:37 |顯示全部帖子

Re: 7月份生既準媽咪, 心情同身體ok嗎?? 傾下

你地個b而家食幾多安奶呀?我個b到而家都係食3.5oz到,仲要食得好慢,食左1.5oz到就分分鐘唔再食.近來都唔知點解會咁?


大宅

積分: 2138


發表於 06-7-27 15:13 |顯示全部帖子

Re: 7月份生既準媽咪, 心情同身體ok嗎?? 傾下

minno,

..你好叻呀, bb甘重...你去左仁安生, 甘係唔係鍾e生幫你接生呀?

如果bb勁喊, 唔係肚餓, vv, poo poo, 想訓, 發燒...甘一定係肚仔有風, 你一定要幫佢掃出來至得, 唔係bb一定喊唔停, 你除左將bb坐起樹掃之外, 你可以試下將bb伏起你個shoulder 處幫佢掃, 呢招好惦, 一定將佢肚入面d air 掃出來, bb就好舒服唔喊架啦.

我之前以為bb抖計, 勁喊, 抱又唔得, "愛"又唔得...原來佢有好大既風未出, 搞到唔舒服, 佢ur左一大啖氣, 就好乖甘訓得食得...你都試下.


大宅

積分: 2138


發表於 06-7-27 15:24 |顯示全部帖子

Re: 7月份生既準媽咪, 心情同身體ok嗎?? 傾下

aquarius721,

我個b都係食3.5oz - 4.5 oz 倒炸, 不過呢排, 佢食得好快, 一口氣食左一半, 跟住掃完風, 再食埋餘下一半...反而我覺得掃風最花時間...

我諗你bb係食左1.5oz, 回左氣, 跟住訓著唔開口食埋佢...你可以用個樽咀點佢個咀仔, 跟住比個咀頭佢啜啜, 引引下佢會啜住支奶, 訓住甘食埋個一半架啦...我都係跟我印印學, 之前bb又係食左一半, 唔開口食埋佢, 我又唔想迫佢開口便放棄...原來要有耐性, 引下佢, 佢真係會食埋佢架, 跟住就準時3粒鐘喊食下一餐... :-P


複式洋房

積分: 388


發表於 06-7-27 17:31 |顯示全部帖子

Re: 7月份生既準媽咪, 心情同身體ok嗎?? 傾下

fifi1018,

佢原來真係有便便唔舒服呀! 另外, 我都有同佢掃風, 明明已經"ur"咗, 佢都放好多屁. bb個nose塞咗, 我有時會同佢清潔, 不過健康院話唔好將棉花塞咁入, 怕會傷到佢, 我都唔知點算.


複式洋房

積分: 388


發表於 06-7-27 17:42 |顯示全部帖子

Re: 7月份生既準媽咪, 心情同身體ok嗎?? 傾下

aquarius721,

我小b原來怕黑, 所以夜晚特別瞓得好不安, 我抱佢佢會唔喊, 放低佢喺床仔先喊. e家唯有開夜燈. 雖然夜燈嘅光都唔夠, 但佢床仔喺我隔籬, 我梗係唔可以開房燈瞓, e家開夜燈情況好少少啦!


複式洋房

積分: 388


發表於 06-7-27 17:47 |顯示全部帖子

Re: 7月份生既準媽咪, 心情同身體ok嗎?? 傾下

Emen,

我唔係鍾醫生幫我接生, 我只係睇過鍾醫生1次. 我都覺得鍾醫生好好, 講解又詳細, 但係因location關係我轉咗另外嘅醫生.

你suggest嘅掃風方法我會試吓, THX!


大宅

積分: 2617


發表於 06-7-28 09:49 |顯示全部帖子

Re: 7月份生既準媽咪, 心情同身體ok嗎?? 傾下

我個b 都係5-6安, 不過以前可以頂4個小時, 依家3個小時又叫食, 同埋一滿月佢訓少左, 識得扭抱, 有時幾小時都放唔到手... 哩幾天佢成日 好似腹瀉, 條條片都有d bet bet... 以前一日一次. 食得更密. 個人就好精神, 我想等多幾餐佢都係, 就帶佢睇e生, 不過唔想大雨去, 好煩.

aquarius721 寫道:
你地個b而家食幾多安奶呀?我個b到而家都係食3.5oz到,仲要食得好慢,食左1.5oz到就分分鐘唔再食.近來都唔知點解會咁?


大宅

積分: 1401


發表於 06-7-28 20:51 |顯示全部帖子

Re: 7月份生既準媽咪, 心情同身體ok嗎?? 傾下

aquarius 721

我阿b都係咁上下
我都係開100ml, 即係3.5oz到
佢有心情, 就好快就食哂

之不過唔happy既時候, 就食得60ml到, 即係2oz多0的0的
我見好多阿b都係一個月到大就食4oz

我估我阿b如果唔夠飽, 會食完仲係咁啜, 又或者好快又喊肚餓呱


大宅

積分: 1401


發表於 06-7-28 20:55 |顯示全部帖子

Re: 7月份生既準媽咪, 心情同身體ok嗎?? 傾下

minno,

係呀~~
我都有同阿b開夜燈訓覺架

您地開始同阿b介夜奶未呀?
我阿b好似仲係要食咁
不過佢好多時都係11點至1點食
跟住下一餐就要睇之前幾點食啦, 如果10點11點食, 佢就會2點多食
如果係12點幾1點食, 就會4點鐘食

就黎要返工, 好想阿b介到2點幾至4點個餐, 咁就無咁辛苦

有0的人話阿b會自自然然要訓唔食, 又有0的人講拖長最後個餐~~有無心得呀??


大宅

積分: 4004


發表於 06-7-29 09:15 |顯示全部帖子

Re: 7月份生既準媽咪, 心情同身體ok嗎?? 傾下

Emen 寫道:
你除左將bb坐起樹掃之外, 你可以試下將bb伏起你個shoulder 處幫佢掃, 呢招好惦, 一定將佢肚入面d air 掃出來, bb就好舒服唔喊架啦.


我有時掃左好耐,但阿b都ur唔到,我都想用呢個掃法,但係我唔識掃呀.


大宅

積分: 4004


發表於 06-7-29 09:22 |顯示全部帖子

Re: 7月份生既準媽咪, 心情同身體ok嗎?? 傾下

emen,

我個女食下食下好似返去之前咁,食返2.5-3oz咋.佢唔想食就好堅架,一味搣實個咀,到你塞到入去,一係佢會用條脷頂番出黎,一係就唔吞由得d奶係個口流出黎.再唔係就到濁親咁,搞到我都唔敢勉強佢.試過放低佢係床仔,隔幾個字先餵過,都一時時成功.


大宅

積分: 4004


發表於 06-7-29 09:24 |顯示全部帖子

Re: 7月份生既準媽咪, 心情同身體ok嗎?? 傾下

minno,

我成日以為bb係個肚都慣左咁黑,佢地唔會怕黑既添.


大宅

積分: 4004


發表於 06-7-29 09:34 |顯示全部帖子

Re: 7月份生既準媽咪, 心情同身體ok嗎?? 傾下

BH 寫道:
我個b 都係5-6安, 不過以前可以頂4個小時, 依家3個小時又叫食, 同埋一滿月佢訓少左, 識得扭抱, 有時幾小時都放唔到手... 哩幾天佢成日 好似腹瀉, 條條片都有d bet bet... 以前一日一次. 食得更密. 個人就好精神, 我想等多幾餐佢都係, 就帶佢睇e生, 不過唔想大雨去, 好煩.


你阿b如果3hrs又叫,咁你係又可以加多d比佢呀?我到而家都仲係3hrs餵一次,想隔耐d都唔得. :-( 想比多d阿b食佢又唔肯多食.

我阿b食人奶,平日一日都有幾次大大,但前日到而家都係疴過一次,可能前日食左三餐奶粉.不過佢放左勁多屁屁,同埋覺得佢成日都想疴,但係疴唔到咁,如果佢真係便秘可以點算


大宅

積分: 4004


發表於 06-7-29 09:39 |顯示全部帖子

Re: 7月份生既準媽咪, 心情同身體ok嗎?? 傾下

fifi,

阿b都仲係食得好密,3hrs到一次,都未有戒夜奶跡象.我都好想好想佢快d戒,大家都舒服d.

你可b而家著梗掉帶衫拿?媽咪成日話驚會冷親阿b,都仲係著梗一件和尚袍再加多一件長袍,唔知阿b會唔會太熱?


大宅

積分: 2617


發表於 06-7-29 12:28 |顯示全部帖子

Re: 7月份生既準媽咪, 心情同身體ok嗎?? 傾下

aquarius721

我試過加到6安, 不過最後個安好似好勉強, 因為佢之前都好多時已埋身左人奶. 有時我見佢食完奶粉, 重要, 就再埋身由佢食到訓.

我昨天帶左佢睇附近個e生, 又話佢冇野, 可能係有風, 放大屁出埋betbet. 我都係見個b 好勁屁. 但平時掃風都好正常. e生說好難免, 只係叫我開稀d, 一半奶粉加一份水, 等佢飲下睇會唔會停潟先正常番, 另外俾左d止潟藥, 不過我見佢冇野我就唔俾佢食藥. 但係因為d奶稀左, 昨晚我2小時到要喂一次, 而家好鬼眼訓. 我而家d奶開暖少少, 因為天氣比較涼左. 今早個條片終於ok d, 冇betbet, 希望保持到.

如果便秘, 我聽人說可以用米水開奶 ? 不過我都未試過, 唔知得唔得.

aquarius721 寫道:
你阿b如果3hrs又叫,咁你係又可以加多d比佢呀?我到而家都仲係3hrs餵一次,想隔耐d都唔得. :-( 想比多d阿b食佢又唔肯多食.

我阿b食人奶,平日一日都有幾次大大,但前日到而家都係疴過一次,可能前日食左三餐奶粉.不過佢放左勁多屁屁,同埋覺得佢成日都想疴,但係疴唔到咁,如果佢真係便秘可以點算


複式洋房

積分: 388


發表於 06-7-29 14:08 |顯示全部帖子

Re: 7月份生既準媽咪, 心情同身體ok嗎?? 傾下

aquarius721,

健康院話bb手腳凍係正常, 要知佢熱定凍, 應該摸佢頸仔.

aquarius721 寫道:
fifi,

阿b都仲係食得好密,3hrs到一次,都未有戒夜奶跡象.我都好想好想佢快d戒,大家都舒服d.

你可b而家著梗掉帶衫拿?媽咪成日話驚會冷親阿b,都仲係著梗一件和尚袍再加多一件長袍,唔知阿b會唔會太熱?

首頁

尾頁

跳至