onon1022 寫道:
我有睇...讀書唔係求分數...係求學識...讀書係佢地...將來得益係佢地...身為父母...比最好既野佢地...教導佢地邊d係好...邊d係唔好...要比佢地知道...讀書對佢地有咩用...有咩幫助...書讀得唔好...並唔代表無前途...讀得叻...唔代表佢地前途無限...只要盡左力...問心無愧就得...點解會攪到d小朋友咁大壓力...係因為每個父母都想自己既仔女入名校...佢地想子女成龍...但係無諗過仔女係咪適合...不斷要仔女學唔同既野...拎唔同既證書...學校提升入學要求...父母就將仔女提升最好...如果每一個父母...唔強迫仔女學呢樣...學個樣...學校既要求相比都會下降...無錯係父母都想仔女成才...但係站係小朋友立場...都要理下佢地既感受...良性既競爭係好...但係過份既競爭...受苦既都係小朋友...
youngyoung 寫道:
我自己未有bb,但都有感而發..
節目中個媽咪似乎係過份左..但其實亦都係好多家長o既寫照..
以前,我父母顧住搵食,我在屋村樓下的飛仔學校返學,當然亦唔會有課外活動同補習,不過幸運地成績幾好,升中時派左去一間名校,最後總算大學畢業....
所以,我以前成日覺得點解而家d家長o廿緊張,以為只要小朋友比心機讀書,成績好一樣可以入到好學校..
點知,原來好多好學校都轉左做直資,連我母校都係,即是如果係而家,我成績幾好都唔會有機會入讀..因為直資中學多數由小學部直升,而考入小學部,學校取錄又以小朋友讀邊間幼稚園,學左幾多野決定,
又或者有人會話,o廿點解一定要讀名校,但我由飛仔小學升中去名校中學就讀,真係完全親身感受到兩種學校完全不同的校風,學習氣氛,學生教養..
所以,而家我都明白點解而家d家長o廿緊張..亦因為o廿,我唔想生bb,因為如果有bb,我都會係o個類家長..