吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我的婆婆昏迷了.................

心聲留言今日: 0|主題: 17310

收藏本版

發帖

返回列表

跳至頁

查看: 2578 | 回覆: 20

我的婆婆昏迷了.................

robbieyan

子爵府

積分: 12296

2018復活節勳章

發表於 06-4-23 23:50 |顯示全部帖子

我的婆婆昏迷了.................

只係短短一個星期, 由係老人院可以自己食野, 頭腦清醒, 變成要餵食野, 問炬野無反應, 到今日係醫院既病床上軋喉, 垂死挣扎, 個心好痛好痛:-( :-( :-( :-(
媽咪話醫生尋日講叫D親人盡量睇到既就睇, 直到今日為止, 仲爭細姨同一個姨媽未睇, 唔知係唔係甘, 媽咪話婆婆可能等要等齊要見既人就 :-( :-( :-( :-(
媽咪仲同我講, 想炬好好既黎到呢個世界, 亦好好既離去, 唔好受甘多苦(意思係軋哂喉)至走!
聽得出媽咪講呢番說話時既不捨, 我自己顧得忍住喊都唔識點安慰炬 :-( :-( :-( :-(

私人傳訊

YuYung

男爵府

積分: 8633

發表於 06-4-24 00:00 |顯示全部帖子

Re: 我的婆婆昏迷了.................

多d陪伴你媽媽身邊,

記得我爺爺,麻麻過身時, 我只係希望佢地會去得舒服d, 唔好太辛苦, 希望佢地到左另一個世界開心地生活,

小肥肥一族 我家有個肥爸爸，又有個肥媽媽，一定有個肥囝囝

私人傳訊

cheerio

男爵府

積分: 7792

發表於 06-4-24 00:39 |顯示全部帖子

Re: 我的婆婆昏迷了.................

robbieyan,
妳要保重, 不要太傷心! 好黎好去都真係一個福份!
我記得我爸爸昏迷咗三個月先走....真係好心up :-( :-(
雖然已經十年有多, 但我仍然記得那些日子, 每日放工就去醫院同佢按摩, 希望佢唔好因長期臥床而肌肉腐爛, 亦希望有奇蹟出現佢會突然清醒返 :-( :-( :-( 足足三個月，佢都係喺我哋無人在佢身邊時，悄悄地走了，當趕到ｅ院時真不能相信佢這樣子就走了 :-( :-( :-( :-( 好難過！但都要接受！希望妳婆婆能如妳媽媽所說，好來好去罷！
祝福妳！

私人傳訊

mclam

水晶宮

積分: 71818

畀面勳章環保接龍勳章

發表於 06-4-24 11:35 |顯示全部帖子

Re: 我的婆婆昏迷了.................

robbieyan,

親人有事真係會好難過, 但係生老病死係人生必經階段, 唔好太傷心, 保重!!

謀事在人，成事在天，個天先係最終揸"fit"人！！

你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。

私人傳訊

yunhai

大宅

積分: 1146

發表於 06-4-24 12:15 |顯示全部帖子

Re: 我的婆婆昏迷了.................

B l e s s i n g s . . .

私人傳訊

chumama05

男爵府

積分: 9584

發表於 06-4-24 16:14 |顯示全部帖子

Re: 我的婆婆昏迷了.................

robbieyan,

妳要保重, 不要太傷心! 好黎好去都真係一個福份!

cheerio,

每日放工就去醫院我都試過..... :-( :-( 喺我哋無人在佢身邊時，悄悄地走了，當趕到ｅ院時真不能相信佢這樣子就走了 :-( :-( :-( :-( , 到e家都好難接受, 雖然已5年多......

私人傳訊

SandyWu

珍珠宮

積分: 48190

畀面勳章

發表於 06-4-24 16:32 |顯示全部帖子

Re: 我的婆婆昏迷了.................

我最愛既外婆係年半前都係kum既情況 :-( :-( 佢係腦中風,所以昏迷左 :-( 係醫院捱左差不多個半月然後...走左 :-( 我開頭都係好接受唔到

因為佢平時係好地地既,雖然之前有跌過,但都好番七八成,所以我前年真係好唔開心,但後來想通左,正如我細佬講,有生必有死,外婆已經90歲,所以e個係必經既人生階段,只要佢走既時候安詳,就已經係一種福氣,最後外婆都可以係差不多所有仔女同孫既陪伴下離開左我 :-( :-( 而家諗番都仲係好掛住外婆,因為我係佢湊大既 :-(

希望妳唔好太唔開心,對於我地改變唔到既事實,我地唯有接受,同埋要珍惜多d身邊擁有既,祝福妳

私人傳訊

特務A

大宅

積分: 3502

發表於 06-4-24 17:02 |顯示全部帖子

Re: 我的婆婆昏迷了.................

我爸爸離開我們已經一個月了, 但個心仍然好不捨, 好難過, 好掛住佢, 我地原全感受到媽媽的心痛, 不過我地要忍住自己的傷心而去安慰媽媽, 爸爸因為肺功能衰竭離開的, 在他離開的前一晚還好好地和我們談話, 第二朝的早上他還用手機call媽媽傾談了一陣, 到10點多我們就收到醫院的urgent call, 當天我敬愛的爸爸就安詳地離開了, 個一刻真係無法接受爸爸的離去, 但諗番爸爸能夠見到屋企所有人而他又冇痛苦地好像平常睡覺一樣地離開, 我們都覺得安心, 但我每當想起爸爸的時候就好難過. :-( :-( :-(

私人傳訊

該用戶已被刪除

發表於 06-4-25 04:10 |顯示全部帖子

Re: 我的婆婆昏迷了.................

提示: 作者被禁止或刪除內容自動屏蔽

私人傳訊

robbieyan

子爵府

積分: 12296

2018復活節勳章

發表於 06-4-25 23:30 |顯示全部帖子

Re: 我的婆婆昏迷了.................

謝謝各位既安慰及抱歉也令你地想起唔開心既回億

亦感謝主, 我前晚探望她時, 她有D意識知道我地叫喚讵

, 眼晴也免强開到一線, 但手腳也是不停掙扎?-(
媽咪話讵正處於同閻羅王講緊數 ?-(
到左今晚, 我同媽咪都無探她, 只叫我家姐去

但神既奇蹟又一次顯現

她出奇地可以坐在床上, 眼晴係正常的開到, 我家姐問她知唔知道我係邊個呀? 她可回答到:知! 但叫唔到我家姐個名與及說話有D含糊不清.
聽我舅父轉述醫生說我婆婆既情况, 係肝炎的烤素抗散及入腦, 所以令到她突然間無胃囗食野及昏迷:-|
無論如何, 就算係俗語所謂既回光反照也好, 都希望神的恩典令她可以繼續堅持落去

私人傳訊

ellenclive

別墅

積分: 584

發表於 06-4-26 00:38 |顯示全部帖子

Re: 我的婆婆昏迷了.................

我亞爺走咗2年, 直到今日都覺得他在我們身邊, 他離開果刻, 今日我仲記得好清楚, 當時我覺得亞爺已經連人都唔認得, 路都走唔到, 我令願亞爺舒服地走, 點知幾日後他走咗, 醫生話他差唔多, 叫d家人來見一面, 果晚我們都稔住在醫院唔走, 有事都可以見他最後一面, 我們一家去食飯, 甘食完去亞ma到, 同她講問她去唔去見最後一面, 在的士途中他已經走咗, 他好鍚我們, 唔想我們見他好辛苦一刻. 果年是我人生最低潮, 果年我亞爺走咗, 亞ma又做心臟大手術, 加埋我離婚, 04年是我最難過一年, 今日一切都過去, 我積極而對人生, 人有生離死別, 亦有離離合合, 睇開d個人會開心d.

希望你婆婆無事, 如果好番你們陪她多d.

私人傳訊