自由講場

跳至

首頁

尾頁
   0


男爵府

積分: 9746

2019新春慶豚圓


發表於 06-5-15 22:50 |顯示全部帖子

想開洗衣舖 , 唔知加盟 "優質乾洗會" 定自己開好 ?

我老公想開洗衣舖 , 本身我地無呢方面經驗 , 想係將軍澳果頭d新樓附近開 , 諗住果度多年輕夫婦唔得閒 / 無地方洗衫 . 佢想加盟 "優質乾洗會" , 因為有人教點用機器同有名d , 不過每月要俾 $1000 行政費或更多 , 同埋第一炮要俾 $50000 加盟費 . 俾我就想自己開用自己名 , 但又怕無人識無人幫襯喎 .
大家可以俾d意見我嗎 ? 有無親戚朋友開呢類舖頭可以同我分享下利與弊嗎 ?


子爵府

積分: 14839


發表於 06-5-15 23:01 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

我朋友以前自已開左間洗衣鋪,當時佢都係新手,但就有呢行


男爵府

積分: 9746

2019新春慶豚圓


發表於 06-5-15 23:08 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

bobo_lam ,
多謝你回應先 . 我想請教多dd資料 .
請問你朋友間舖係邊頭開 ? 開左幾耐 ? 依家仲有無做喇 ? 佢開頭第一炮投資左幾多錢落去 ? (優質乾洗會要 $19萬幾起) 幾耐可以回到本 ?
我地無呢方面既朋友 , 所以好需要曾經做過既人有經驗咖 .
謝謝


子爵府

積分: 14839


發表於 06-5-15 23:20 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?



男爵府

積分: 9746

2019新春慶豚圓


發表於 06-5-15 23:26 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

bobo_lam ,
我地都知會好困身 , 因為初頭預左要守 , 分分鐘無糧出 .
打開報紙都有見到洗衣舖頂讓 , 但 ... 如果生意好既話 , 又點會頂手呢 ???


男爵府

積分: 8476


發表於 06-5-15 23:36 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

以我所知, "優質乾洗會"最好賺既就係呢d加盟費, 你自己要負擔鋪租, 燈油火"立", 管理, 仲要幫襯佢地買營運必需品, 佢地唔會幫你, 睇見屋企附近2間都係開左1年為唔到"皮"摺左 (死約完), 咁佢地就袋袋平安 ~ 如果完全冇經驗, 試下問下再培訓局, 好似有呢方面既協助 ~ 有關創業的. 可以既話自己做番一定好過入會, 未見官先打80大板. 洗衣鋪收左既衫要同洗衣工場5-5對分, 一件衫收得果幾十元, 仲要冇左半, 你話如果入會既, 要幾耐先歸本 你地都係做多d資料搜集先, 唔係想像中咁易


男爵府

積分: 9746

2019新春慶豚圓


發表於 06-5-15 23:55 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

niklaus903 ,
多謝你既意見先 .
請問你屋企附近果兩間係邊區咖 ? 兩間都係 "優質" ? 你覺得佢地摺似係因為附近人流唔多 ? 太多同類舖頭 ? 人口老化 ? 為唔到皮 ?
頭先上網 search , 有個中小企資助創業計劃 , 唔知得一兩個人既公司合唔合資格做小企呢 ?


大宅

積分: 2373


發表於 06-5-16 00:15 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

我有個朋友在太子開了間優質乾洗會,開業至頂讓只不過維持五個月,足足賠了三十幾萬.. :-(


男爵府

積分: 9746

2019新春慶豚圓


發表於 06-5-16 00:24 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

Longman ,
Thx 回應 !
太子區都好多年輕人租套房住兼且無地方洗衫浪衫咖喎 , 咁都頂唔住呀 ? 仲蝕成30萬添呀 ? 真慘 ! 佢拎住幾多錢開舖咖 ? 你覺得主要係咩問題呢 ? 加盟既問題 ? 地區問題 ?
我老公越睇越多呢方面既野就越覺得開舖無望 , 不過我就覺得有野趁早知好丫 . 佢成日唔想/肯問人 , 我話咪去d洗衫舖度向人取下經囉 , 問下之嘛 , 又唔洗死既 , 總好過到蝕到阿媽都唔認得既時候先知丫 ! 好彩我夠八卦上黎問下你地唧 !


男爵府

積分: 8119


發表於 06-5-16 00:46 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

所謂不熟不做,本人做左多年洗衣,做洗衣吾係想像中容易,以我所見現時有好多人,手頭有十幾廿萬就首選做洗衣,貪佢收現金冇(澤)貨,其實做這行好麻煩,好多手尾跟,吾同一買一賣及困身通常想快回本就要自已做不請伙記,工作時間大多8:00 - 8:00 12hrs,
如果入會他們安排一切不用煩,但要給加盟費.其實自已做估然好.但好多野要自已揾.
1.你地首先揾鋪,揾鋪都有學問,要揾D有三相电壓既鋪,如果冇既要揾人整都要幾萬.
2.揾工場,你未做過好難揾到好既工場及机器
其實你可去參加D創業講座專講特許經營,現時特許经營既洗衣都有幾間,都可以參考吓.


男爵府

積分: 9746

2019新春慶豚圓


發表於 06-5-16 11:19 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?


男爵府

積分: 9746

2019新春慶豚圓


發表於 06-5-16 11:27 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

mouse0231 ,
多謝你既寶貴意見呀 !
請問你之所以能夠做到咁耐 , 最主要既原因係咩呢 ? 選舖 ? 地點 ?


大宅

積分: 2373


發表於 06-5-16 14:09 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

無錯太子多一對對年青夫婦而且屋細通常無乜曬衫位,我朋友當初選太子亦是因為這樣。但相對地講太子亦有好多乾洗舖,所以競爭好大。

記得初時佢好似用了成廿萬頭做加盟、買機器、置用品等等..做了五個月生意額平均每月只得數千元,佢巳經無請人,自己落手落腳做,但燈油火臘、舖租都維持唔到。最後有人用十萬頂左佢間舖,當時佢不知幾開心,其實計計埋埋聽佢講賠了成三十萬嫁 :-(

ps: 可能這只是一個特別例子讓你參考,或者我朋友無乜生意命,你作參考罷!

我覺得要睇下你附近有無多同類型店舖同你爭客,我朋友當期時真係爭客得好緊要,個個頂爛市咁,因為淨係同一條街巳經有三間洗衣舖了。


男爵府

積分: 8119


發表於 06-5-17 00:26 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

其實我已一年冇做嘢,因為太大壓力及想多D時間照顧BB我吾想錯過佢既童年我要親眼睇見BB第一步行及第一句說話,因為做洗衣實在很困身,想當年(我好早入行)朋友叫我去玩但要睇鋪冇得玩都幾慘連食飯都分多次食真係去厠所都唔得嫻.
我都係回正題啦,其實我做咁耐可能我頭幾年自已睇鋪做落一班熟客幾年後我先請兩個伙記幫手及我係自設乾洗工場品質可以控制,選鋪方面我提意你選擇一些多白領住既地方,因為多乾洗又冇時間洗衫及住宅密度高,太子做吾住可能年輕人通常T恤牛仔衭有幾可乾洗.


男爵府

積分: 8119


發表於 06-5-17 00:31 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

我想問你現在有冇工作及小朋友呀?


男爵府

積分: 9746

2019新春慶豚圓


發表於 06-5-17 14:22 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?


男爵府

積分: 9746

2019新春慶豚圓


發表於 06-5-17 14:29 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?


男爵府

積分: 9746

2019新春慶豚圓


發表於 06-5-17 14:30 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?


男爵府

積分: 9746

2019新春慶豚圓


發表於 06-5-17 14:34 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

mouse0231 ,
嘩...你間舖自設埋乾洗工場 , 都幾有規模喎 ? 濕洗同乾洗邊樣搵錢d咖 ?
我有工作 , 未有小朋友 , 但諗住下個月努力 . 如果看舖順便揍細路仔work唔work咖 ? 例如推埋架bb車出去舖頭 .
你果時係一個人定兩公婆看舖咖 ? 我諗住就算開得成 & 生到bb 都未必會辭工住 , 因為怕為唔到本 . 咁老公就全力看舖 . 我驚兩公婆一齊做野會磨擦多左 , 會唔會呢 ?
如果無相關經驗係咪需要去間洗衣舖度打下工攞經驗呢 ?


男爵府

積分: 8119


發表於 06-5-18 00:27 |顯示全部帖子

Re: 想開洗衣舖 , 唔知加盟 "優質乾洗會" 定自己開好 ?

通常都係乾洗揾錢D. 我果時都係老公放工後落舖幫手,一齊做野實多磨擦.但我就吾贊成bb係鋪頭,因為都幾吾衛生,又要揾地方安置佢,你知啦香港地方吋金尺土边有地方. 如果想自己開不經特許經營的話,又有時間可以去洗衣舖打工攞經驗都好嘅.

首頁

尾頁

跳至