夫婦情感

跳至

首頁
1

尾頁
   0


大宅

積分: 3218


發表於 06-5-16 12:39 |顯示全部帖子

我62 & 99好麻啦....

層晚我老公放工嬲爆爆走返黎, 話佢亞媽講佢亞哥(大伯)點唔生性, 佢亞哥d結婚擺酒d錢都要佢老人家出, 又話我地層樓係佢地幫我地俾首期, 但係我地已經還左一半, 可能佢依家無錢用, 又囉出黎講, :tongue: 你大仔都洗你地d錢啦, 你又唔同佢講叫佢還錢, 我地有俾家用架, 佢亞哥一豪子都無俾,不孝既仔反而有人錫, 佢亞哥一年都返唔到屋企食飯兩次, 一返屋企食飯就煮九大"鬼", 偏心偏到出汁 跟住我老公話快快趣趣還埋條尾數, 之後斷六親


大宅

積分: 4233


發表於 06-5-16 13:38 |顯示全部帖子

Re: 我62 & 99好麻啦....

王菀之年度創作專輯《On Wings Of Time (CD+DVD) 》現已上市
請支持正版...請支持唱作女皇
(隻碟要煲架--不是放落個煲道煲...)
click入去試聽下..月亮說
飯婦人Blog


大宅

積分: 4233


發表於 06-5-16 13:42 |顯示全部帖子

Re: 我62 & 99好麻啦....

王菀之年度創作專輯《On Wings Of Time (CD+DVD) 》現已上市
請支持正版...請支持唱作女皇
(隻碟要煲架--不是放落個煲道煲...)
click入去試聽下..月亮說
飯婦人Blog


大宅

積分: 4233


發表於 06-5-16 13:44 |顯示全部帖子

Re: 我62 & 99好麻啦....


王菀之年度創作專輯《On Wings Of Time (CD+DVD) 》現已上市
請支持正版...請支持唱作女皇
(隻碟要煲架--不是放落個煲道煲...)
click入去試聽下..月亮說
飯婦人Blog


大宅

積分: 4233


發表於 06-5-16 13:49 |顯示全部帖子

Re: 我62 & 99好麻啦....

好, 我一定支持你. 囄啲62.99最好就喺時運高, 睇唔到, 見唔到, 聽唔到. 最憎啲人唔公平架.
王菀之年度創作專輯《On Wings Of Time (CD+DVD) 》現已上市
請支持正版...請支持唱作女皇
(隻碟要煲架--不是放落個煲道煲...)
click入去試聽下..月亮說
飯婦人Blog


子爵府

積分: 13327

2019新春慶豚圓 2019勳章


發表於 06-5-16 14:10 |顯示全部帖子

Re: 我62 & 99好麻啦....

唉..鬼叫你同你老公欠你62同99錢咩,把聲就真係細d ga啦,有錢咪還番晒比佢地先囉,費事好似有把柄比佢地揸住來講咁煩...

不過就算你還晒,佢第時都會話「個陣你地首期都係我借比你地」,呢個「恩」你地還唔到ga..

所以,有時62, 99唔係好過份,就當聽唔到囉....
8-)


男爵府

積分: 5644

2019新春慶豚圓 2019勳章


發表於 06-5-16 14:43 |顯示全部帖子

Re: 我62 & 99好麻啦....

二小姐 寫道:
唉..鬼叫你同你老公欠你62同99錢咩,把聲就真係細d ga啦,有錢咪還番晒比佢地先囉,費事好似有把柄比佢地揸住來講咁煩...

不過就算你還晒,佢第時都會話「個陣你地首期都係我借比你地」,呢個「恩」你地還唔到ga..

所以,有時62, 99唔係好過份,就當聽唔到囉....


計返同業拆息俾佢,要笑笑口咁俾,TUM到佢收為止,至於以後唔攞出黎講由自可,講出黎咪回返句:〔息到計埋俾你啦,有你著數添呀,仲想點?〕

包佢以後無得攞黎講...


大宅

積分: 3218


發表於 06-5-16 14:52 |顯示全部帖子

Re: 我62 & 99好麻啦....

[quote]
二小姐 寫道:

不過就算你還晒,佢第時都會話「個陣你地首期都係我借比你地」,呢個「恩」你地還唔到ga..


我都係咁同我老公講, 佢始終會咁講, 就算你還左, 人地聽左只會覺得我地欠左佢地兩個老人家, 至於你有還同無還人地都唔會聽得入耳
我99之前仲問我地供樓欠幾多, 洗唔洗幫手, 我同我老公講唔洗, 費時用左佢d錢, 成日係我地面前講, 除左講黎單野, 仲成日係我同我老公面前講, 話供我老公去英國讀書用左幾多幾多錢, 我心諗你可以唔供佢讀書架, 再唔係唔好生佢囉, 咁咩錢都唔洗用啦
佢地兩個老人家一d都唔體諒我地, 我地要供樓, 又有兩個細路, 又要請工人湊b, 真係好手緊 :-(


大宅

積分: 4947


發表於 06-5-16 20:45 |顯示全部帖子

Re: 我62 & 99好麻啦....

i am in the same situationa as you. It is not easy!!!!

:-( :-( :-(


子爵府

積分: 11965

好媽媽勳章


發表於 06-5-17 02:44 |顯示全部帖子

Re: 我62 & 99好麻啦....

其實你奶奶佢地都係講...佢地講咪由得佢地講...唔o岩聽咪當聽唔到囉...有陣時老人家係咁...無野講...就會搵番以前既野黎講...



[url=http://lilypie.com][img]


大宅

積分: 3218


發表於 06-5-17 10:09 |顯示全部帖子

Re: 我62 & 99好麻啦....

onon1022 寫道:
其實你奶奶佢地都係講...佢地講咪由得佢地講...唔o岩聽咪當聽唔到囉...有陣時老人家係咁...無野講...就會搵番以前既野黎講...


係, 佢地要講, 把口生係佢地度, 我都阻止唔到, 但係我諗你都知道俾人成日講既感受啦 :cry: 所以我同老公商量過會決定貸款先還俾佢地, 就算佢地要講, 都可以大大聲話我地還左錢啦, 睇下佢地仲會唔會講


大宅

積分: 3218


發表於 06-5-17 10:11 |顯示全部帖子

Re: 我62 & 99好麻啦....

bobo_bo99 寫道:
i am in the same situationa as you. It is not easy!!!!

:-( :-( :-(


同是天涯淪落人 :-(


侯爵府

積分: 24705

好媽媽勳章


發表於 06-5-17 10:46 |顯示全部帖子

Re: 我62 & 99好麻啦....

mimosa
睇開d,算數啦!
起碼,妳99肯供妳老公出去留學,起碼,妳99肯借$比妳地買樓.........
比起好多99,佢最多都係把ロ衰!!!
如果我有個好似妳禁既99,真係可以去'還神'囉!


侯爵府

積分: 23569


發表於 06-5-17 11:38 |顯示全部帖子

Re: 我62 & 99好麻啦....

我99又係架, 一有咩事就吵吵鬧鬧, 3日一小吵, 5日一大吵!!
我地層樓又係佢地比首期, 仲要層樓係99選既, 夾硬寫左我老公個名, 然後逼佢5年內供完!! 買既時候我老公都仲未畢業!! 已經要負擔1萬1千蚊既貸款!! 每個月喎!!
佢仲成日週圍同人講, 點樣對d仔好, 點樣買晒樓比佢地, 結果呢, 我老公供到cc下, 想儲多個錢都冇, 樓都未供完就逼我地結婚, 而家就成日比說話我地聽, 話層樓係佢比首期既, 又話我地結婚係佢地出錢既!! 激到我老公cc下!!

而家我老公話我地要努力儲錢搬走, 層樓就比返佢, 唔要!! 係就係冇左幾十萬架啦, 但係總好過成日比人講, 又成日被人上黎掉晒自己d野丫!! 呢幾十萬, 就當係佢地供書教學養左佢咁多年既錢!!

唔係我地想做得咁絕, 好似斷六親咁, 其實一家人真係唔使計咁多, 但係99下下都數晒出黎, 次次有咩唔like就挖返出黎講(我同我老公一齊左5年, 我都聽到熟晒, 直頭識背, 可知佢真係講左好多好多次), 而家我老公話佢已經死心, 當自己而家係租客, 只會買必要既野, 唔會買多, 過幾年我地儲到錢就買過層樓, 費事佢成日上咀!!

(ps, 我老公而家成日話佢個細佬真係醒, 當年自己問政府借錢買樓, c都唔肯用99 1個崩, 而家99冇得話佢, 說話都聽少左好多!!)
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


大宅

積分: 1243


發表於 06-5-17 12:07 |顯示全部帖子

Re: 我62 & 99好麻啦....

所以當年結婚, 我地兩公婆點都要自己出錢, 無用過雙方家長既錢, 就係唔想第時有說話聽. 就算雙方家長唔講, 都費事比其他唔關事既親友有半句說話講.


別墅

積分: 880


發表於 06-5-17 14:39 |顯示全部帖子

Re: 我62 & 99好麻啦....

我咪又同你一樣

大哥2哥借錢 99一蚊都唔洗佢地還

我老公借錢 追到瘦

2哥有錢又唔洗佢還

我老公又要供樓又要養女 又要還錢比佢

真係一個月搵6.7萬咩

.\/.還錢唔係問題 係大細超到咁真係


子爵府

積分: 13327

2019新春慶豚圓 2019勳章


發表於 06-5-17 19:00 |顯示全部帖子

Re: 我62 & 99好麻啦....

唉..總之講錢就麻煩啦

我有個同事,兩公婆無細佬,月入差唔多四萬蚊,本來好好洗啦,但係我同事的99又係佢地結婚前迫佢地買了層貴樓,攪到而家每月都要供萬幾蚊,重要還首期比佢99,攪到想買件靚d的衫都無,出去見客的衫,都係花園街貨仔咋....
8-)


複式洋房

積分: 280


發表於 06-5-17 19:39 |顯示全部帖子

Re: 我62 & 99好麻啦....

唉,真係講錢就係咁..

好似我62,成日話我老公欠佢好多錢,投資咗好多錢係我老公身上,而家要攞番d回報..我真係唔明係咩道理,生仔要養係父母嘅責任,如果當係投資根本就無得計..

但係衰在我老公搵得唔係多,仲要供緊層貴樓(買嘅時候我反對,係62支持我老公買,但唔係佢幫手比錢喎)又有2個小朋友,根本就無可能滿足佢地嘅要求,佢地已經成日用唔同嘅方法要我老公比錢佢地,次次都要幾萬,我老公都唔知幾辛苦.. 而家成60幾歲人,先要叫我老公同佢地買份保險養老..我老公都傻嘅,又真係乜都唔理幫佢地買,佢根本就供唔起,我講極都唔聽,真係唔知點算..

我已經好努力咁搵錢比哂我屋企嘅開支,佢地仲係咁,我老公又唔諗下我地2個仔嘅,我索性唔做嘢,等佢自己攪掂,我真係唔鬼理佢地,話知佢地無屋住啦..

衰在佢d家姐細佬又將全部責任推哂落我老公度,話佢係大仔喎..但係我老公係咁多個之中搵得最小嘅一個,負擔又最重..都唔知係乜嘢道理..


大宅

積分: 1397


發表於 06-5-18 10:08 |顯示全部帖子

Re: 我62 & 99好麻啦....

我地都係呀,買樓、結婚都係自己錢,寧願慳D,都唔要父母的錢,所以所有野都可以自己決定,亦都唔使睇人面色。
cleoyan 寫道:
所以當年結婚, 我地兩公婆點都要自己出錢, 無用過雙方家長既錢, 就係唔想第時有說話聽. 就算雙方家長唔講, 都費事比其他唔關事既親友有半句說話講.


大宅

積分: 3218


發表於 06-5-18 13:38 |顯示全部帖子

Re: 我62 & 99好麻啦....

sylviawu 寫道:

衰在佢d家姐細佬又將全部責任推哂落我老公度,話佢係大仔喎..但係我老公係咁多個之中搵得最小嘅一個,負擔又最重..都唔知係乜嘢道理..


大仔又點嗎, 就要負責架啦 我個大伯佢夠係大仔啦, 咁又點, 一豪子家用都無, 我99仲偏幫佢, 因為我大伯把口講得, 我老公份人就係衰老實, 把口又唔識講說話, 好似我大伯買部大陸cheapcheapDVD機俾佢地, 佢地就當寶, 我地送既野就當草(佢覺得應份唔會在乎), 谷鬼氣我地依家就物都唔買, 就連剛剛過左既母親節, 我物都唔買送俾佢, 亦都無出去食飯 :tongue:

首頁
1

尾頁

跳至