潮流時尚

跳至

首頁
1

尾頁
   0


大宅

積分: 3270


發表於 06-5-17 23:11 |顯示全部帖子

唔好係葵涌廣場69.9鞋鋪買鞋

我係BUTTERFLIES只買過兩次鞋, 第一次買時無事, 第二次買就出事, 我要左對37號鞋, 發現有D問題, 要佢地再俾對新, 等左好耐, 先找到對俾我, 之後好快入左袋俾我. 番到屋企, 我試著, 點知唔岩著, 貼住個NO係37, 但著唔到,俾我發現貼紙下NO係35, 甘我羅番去換, 佢地揾哩揾去都無, 要我轉第二個顏色或要display o個對, 我話要換款, 佢地唔俾, 最後就要我等多1星期後再羅貨. 今日我朋友幫我去羅貨啦. 佢地個態度好差, 我fds 發現對鞋有問題, 佢地就話係甘架, 我唔會再係哩間野買.

minnie


別墅

積分: 957


發表於 06-5-18 02:39 |顯示全部帖子

Re: 唔好係葵涌廣場69.9鞋鋪買鞋

佢地好衰姐


伯爵府

積分: 18885


發表於 06-5-18 09:22 |顯示全部帖子

Re: 唔好係葵涌廣場69.9鞋鋪買鞋

都唔明點解咁做生意!!


複式洋房

積分: 377


發表於 06-5-18 09:25 |顯示全部帖子

Re: 唔好係葵涌廣場69.9鞋鋪買鞋

唔係呀! 不過我都唔鍾意係葵涌廣場shopping呀! 唔知係咪自己唔知點行呀! 好多次行都買唔到野呀! 而且d人好似唔多有好甘,睇見都怕怕呀!


大宅

積分: 2068


發表於 06-5-18 10:01 |顯示全部帖子

Re: 唔好係葵涌廣場69.9鞋鋪買鞋

Minniechung~佢o地淨係葵涌廣場都有3間定4間ar... 旺中又好似有wor...荃灣都有o架...所以小心...小心呀!! 我都去買過幾次... 你係邊一層buy o架... 我見o岩就買o架la!!


大宅

積分: 1684


發表於 06-5-28 01:26 |顯示全部帖子

Re: 唔好係葵涌廣場69.9鞋鋪買鞋

係,我都試過


複式洋房

積分: 156


發表於 06-5-28 08:13 |顯示全部帖子

Re: 唔好係葵涌廣場69.9鞋鋪買鞋

我之前去第二d地方買鞋都試過. 佢地又係攪一輪. 將我唔啱o個對都拎埋入倉. 正常的就咁入倉拎第二對都得. 另一對出來個貼紙係另外一碼. 但一樣唔啱. 所以我就著住話要再大一碼. 當然係無啦. 因為全場得返一對. 只係換了個呎碼貼紙又再比我. 所以如果係無呎碼刻在鞋. 一定要試啱. 唔好信個貼紙. 因為d細舖同賣平鞋地方. 好容易做到呢d手腳.


伯爵府

積分: 18885


發表於 06-5-28 11:42 |顯示全部帖子

Re: 唔好係葵涌廣場69.9鞋鋪買鞋

我都試過咁呀,唔知係咪我去個間呢...


大宅

積分: 2741

2019新春慶豚圓


發表於 09-8-15 16:09 |顯示全部帖子
我都係呀, 手法一模一樣. 叫佢拿35 (5號) 比我, 佢貼左四, 五個五號字. 我買左著落鬆到死. 原來膠紙下面係36, 同佢地講佢地仲要奸笑同打眼式


大宅

積分: 1567


發表於 09-8-15 21:49 |顯示全部帖子
係呀!!
我果次趕時間急急腳咁買左兩對~
仲諗住"真係好~到到都無9號既高跟鞋,就俾我係呢到搵到"
點知返到去著黎行左2步...已經好痛同傷左,
根本就唔o岩 size!!!
搞到而家對鞋放係到都唔知做咩!!!


大宅

積分: 1601

好媽媽勳章


發表於 09-8-15 22:26 |顯示全部帖子
原帖由 kayan_329 於 06-5-18 10:01 發表
Minniechung~佢o地淨係葵涌廣場都有3間定4間ar... 旺中又好似有wor...荃灣都有o架...所以小心...小心呀!! 我都去買過幾次... 你係邊一層buy o架... 我見o岩就買o架la!! ...


請問荃灣同葵芳分別你幾樓同邊度架?等我要小心D先~


大宅

積分: 2741

2019新春慶豚圓


發表於 09-8-16 22:54 |顯示全部帖子
葵涌廣場二樓 c122鋪, 叫 butterfly 呀. 唔好比佢呃呀!!!!


侯爵府

積分: 20467

2019勳章 好媽媽勳章 睛靈勳章


發表於 09-8-17 10:15 |顯示全部帖子
早前呢個集團老板娘上過雜誌訪問,好後生咋,仲有少少靚妹款,佢因為開左呢間野依家住大屋,我當時巳經心諗,佢D鞋咁cheap,點做到住大屋?! 仲講到自己好認真,有獎罰制度、夜晚收工後仲要開員工大會。。
原來做生意咁喇咋。。。。睇下佢幾時收皮囉!


侯爵府

積分: 20467

2019勳章 好媽媽勳章 睛靈勳章


發表於 09-8-17 10:27 |顯示全部帖子
http://hk.next.nextmedia.com/tem ... 848&art_id=12914936

有張相睇下.

26歲o靚妹賣鞋月賺$90萬

我叫韋家璧,你可以叫我「家家」。我今年二十六歲,爸爸自細便拋下我和媽媽,由媽媽到工廠打工養大我。十八歲我便結婚,到二十一歲那年,我和老公曾夏旭掏出整副身家三十萬元,開了我們第一間專賣平價女裝鞋的鞋店。至今五年間,我已開了十四間分店,月賣四萬多雙鞋,每月賺近九十萬!雖然我今天事業有成,兩名兒子已經兩歲及八歲,人生上了軌道;但翻開自己的日記,回首這幾年歲月,真的是有血有淚!開店遇集體杯葛



二○○四年八月十一日
有雨

今日我擁有自己的鞋鋪了!今次和老公拿了三十萬積蓄出來,囝囝就住在婆婆家,讓我們全力搏殺!決定賣鞋,是因為我從小對鞋情有獨鍾,就連行街也會留意其他人的鞋款,對自己揀鞋眼光亦特別有信心!



我和老公早些時候已到過廣州鞋城,搜購女裝平底鞋和高跟鞋。由於是新手,批發商都不願供貨給我,我低聲下氣求他們說:「我會好俾心機做o架,求求你批俾我啦!」求了大半天才說服他們(後來我才知當時入貨,每對鞋比行家入的貴了兩、三蚊)。我們第一次入了一百款鞋,每款二十對,每對成本三十三元。當時為了慳運費,便和老公各自拉車仔,將幾百雙鞋自己拉回港,其餘則託運。批發商見狀都白眼,還先搞掂熟客訂單,要我們白等了大半天!當時我跟自己說:「唔好嬲,終有一日佢哋會求番我!」



正式開鋪前,我已鎖定鞋鋪設於葵涌廣場二樓。我統計過這裡有五間同類型鞋鋪。為了搶客,我特意定價為全場最平,即每對六十至八十元,比他們便宜約十元,毛利仍有五成。同場行家並無因此減價,反而聯合針對我,他們恃着與兩、三個最多港人幫襯的批發商相熟,且攞貨量比我多,便留難批發商不給我時興款式。我只好揀其他鞋款,我深信我若能於這兒開三間鋪,即「插旗」過半數,便能於場內站穩陣腳。



揣摩賣鞋心理學

二○○五年八月十一日
天x



開業以來,我由早上十一時工作至凌晨二時,一星期七天無間斷,每天只捱杯麵飯盒,衫無買過,兒子亦無見過;就是要儲錢開分店搶佔市場!現時鋪頭月賺五萬元,我亦終於儲到四、五十萬,開第二間分店了!我始終讀得書少,所以盡量抽時間參加不同機構舉辦的營銷、減壓及消費者心理學講座。我學到一招很管用,就是若客人拿起一隻鞋來看,尚未穿上你也不能從她手上拿走,應自行速配一雙讓她試穿。凡是客人願意試穿,便至少讓她試上三款鞋才讓她離開!因為除非客人十分不願買鞋,否則也會基於不好意思而買一雙,始終我的鞋也不貴嘛!

當我開第二間鋪時,批發商開始對我另眼相看,照正常價格,即約三十元批一雙鞋給我,鋪頭每月慳了六千元。我每星期仍親自到內地補貨,入貨量亦掌握得較好。凡是高跟鞋款,我每款入十五雙五至七號碼的鞋,五雙九至十二號碼;平底鞋則倒轉,較大碼的會入十雙以上,這是因為高大的女孩總愛穿平底鞋,而身形較矮小的則愛穿高跟鞋。

我每月更設特賣日,以批發價、甚至蝕本價二至三十元促銷舊款鞋。開業半年後,店內曾被千多雙舊款鞋逼爆!我才醒覺舊款鞋存放越久,越難賣出,所以寧願蝕讓也要騰空位放新款鞋。這時同場的「敵人」會以十元一雙鞋促銷,刻意跟我鬥氣!但近日我發覺葵涌廣場已悄悄地少了一個對手,因為有一間鋪已執笠了。


循環借糧員工



二○○七年三月八日

陰天



事業非常順利!最近我每季都多開一間分店,所有開鋪程序就如「複印」般,現在已有八間分店。由於店員越請越多,管理上亦要花點心思。除了將售貨「心理學」傳授給她們,我每晚還會花時間和店員傾電話,論盡公私事。有次有員工家人突然須入院做手術,我亦毫不猶豫借了萬多元給她,讓她分一年攤還。

由我請第一個員工開始,便有員工借糧。我明白她們年紀小,始終貪玩大使,很多時出糧後幾天便打電話來借糧,真沒好氣!但我還是會每月借一千元給她們,並於下個月人工扣回。每逢過年、聖誕、有員工生日,我亦會請她們吃飯、遊船河、打war game,增進感情。我每年還會挑一、兩個表現最出色的員工,請她們去旅行!

不過有獎有罰,每星期我會抽五名員工開會,逼她們「互隊」。除了給她們機會發洩,亦可加深彼此了解,對事不對人,日後共事便更順利。這班員工很忠實,有行家曾走來「撩」他們過檔,但她們都寧願留在這裡幫我呢!



收銀紙數到笑

二○○九年六月二十二日
天x



我已成功開了十四間分店,由第一間鋪花了約五天裝修,到現在三日兩夜便完工!每間鋪我都只須架起層板,將最多的鞋show出來便成了。相熟的裝修師傅阿東在我簽租約前已隨我看鋪,預訂裝修物料,在我簽約一刻,他已帶同五至八名伙記裝修,爭取賺錢機會!每間鋪我都數足七日人流,有些街鋪如尖沙咀加連威老道頗難租的,我便自訂租約協議書,開出令自己「蝕底」的條件,如每月自動轉賬交租、多交一個月按金、或不要裝修期等,業主便會優先考慮。

因為分店多,內地鞋廠還來鋪頭主動找我合作,原來他們追查批發商的客路找到我!我便參考日本時裝雜誌的鞋款,讓他們生產,成本每雙還比批發便宜十元。現在連批發商都主動減價給我,每雙鞋來貨價比行家便宜兩、三元,還可賣清貨才找數呢!



去年我遇上生意的一大難關:金融海嘯。店鋪的銷售額由最高峰的五百多萬,縮減至四百多萬,我亦放慢腳步,只開了兩間分店,及裁了部分員工。還記得開至第五間分店時,有一晚我如常到各鋪收錢埋數,和老公在家數着十多萬元現金,大家突然相視而笑!那一刻我們都覺得很滿足,我們真的成功了!我想起自小家貧,我明白媽媽賺錢辛苦,故小時候被同學取笑穿得寒酸也沒出聲,十三歲便兼職賺生活費,中五畢業後都不想嘥錢繼續讀書。



雖然很多舊同學很羨慕我,但我同樣羨慕她們可以去喝酒,落的士高,輕鬆地度過少女最青春快樂的時光!兩年前我曾許下諾言,目標要住過千萬大屋。最近我們用九百萬元買了珀麗灣一個二千呎相連單位,花了約一百萬元裝修,終於達到目標了!



開業資料(08/04葵涌店)

租金#$150,000
裝修$30,000
入貨$120,000
總投資 $300,000
# 包括兩個月按金,一個月上期及佣金

營業資料(05/09,十四間店總計)

營業額$4,670,000
租金$1,530,000
入貨$1,500,000
人工▲$580,000
運費$40,000
雜費*$120,000
盈利$900,000

▲包括60名全職及2名兼職員工

* 包括差餉及地稅等



一點意見

一名女子開十四間鞋鋪分店實在不簡單,但她始終年輕,而且是小本經營,又缺乏經驗,遇上金融海嘯,應專注鞏固現時生意:

1 若非全線分鋪均錄生意增長,應該暫停開分店;若某些分店四個月內持續錄得虧損,更應考慮結束該店。

2 需注意物流管理,應使用條碼系統,方便監控存貨、款式受歡迎程度等,否則將來若再開分店,負責物流的員工亦未必應付得到。

3 這類平價女裝鞋在港雖有市場,但相信將會越來越多人北上消費,故最大的對手將是深圳的平價鞋鋪,要注意不要與他們重複鞋款。


[ 本帖最後由 gion 於 09-8-17 10:31 編輯 ]


大宅

積分: 4036


發表於 09-8-17 16:28 |顯示全部帖子
我都看過呢篇報導, 心諗幾間舖仔幾年間就可住大屋, 佢都好好賺, 原來做生意手法咁低莊, 怪不得 !

其實我都好少買呢的抄款鞋, 看好似幾好看, 但穿上腳唔舒服 !


大宅

積分: 3971


發表於 09-8-18 15:19 |顯示全部帖子
我自己就唔會買呢d鞋, 咁平, d料一定麻麻, 好易爛, 我寧願買貴少少, 一定要着得舒服.


翡翠宮

積分: 93565

2019新春慶豚圓 2019勳章


發表於 09-8-18 15:31 |顯示全部帖子
我也有看過這份報導..當時想, 這個女仔幾叻..有拚博又有生意頭腦..
但如果做生意手法不良..就勝之不武..
其實她做批發跟retail..住大屋都不奇..女人錢最易搵..反而有些細boutique仔更難搵食, 大家都是一樣貨源, 只看買手的眼光, 客路和mark-up strategy..


珍珠宮

積分: 45881

2019新春慶豚圓 2019勳章 2018復活節勳章 親子王國15週年勳章 畀面勳章 醒目開學勳章 環保接龍勳章 BK Milk勳章 hashtag旅遊勳章 hashtag影視迷勳章


發表於 09-8-18 16:51 |顯示全部帖子
睇完我想講.其實可能唔關間舖頭事.可能連佢地自己都唔知.
我有朋友開時裝店.係大陸law貨.d大陸批發店好衰架.你要既size無.明明係35,佢會貼36,37架.拎番黎比客著先知架.
有時我fd都好激氣.但大陸做生意就係甘.


侯爵府

積分: 22273


發表於 09-8-19 10:04 |顯示全部帖子
我啱啱見到, 生意額有成 4xx 多萬, 都要 cut 人
but 我都好少响呢 d 地方買鞋... 其實佢生意手法咁, 遲早倒自己米


大宅

積分: 2153


發表於 09-8-19 18:49 |顯示全部帖子
人地唔係咁做生意點可以搵到咁多錢開十幾間分店,仲要上埋壹週呀。:;pppp:
人地日日都拎十幾萬返屋企玩數錢紙架:;pppp:

首頁
1

尾頁

跳至