嬰兒醫護

跳至

首頁
1

尾頁
   0


別墅

積分: 942


發表於 06-5-18 17:37 |顯示全部帖子

割包皮?

由細到大都覺得阿仔包皮好長,而家佢三歲,有冇人試過割呢?
手術費多少?幾歲做最好?會唔會好痛?要住幾多日醫院ga?


洋房

積分: 254


發表於 06-5-29 17:00 |顯示全部帖子

Re: 割包皮?

我個仔5yrs,4月頭响仁濟做咗割包皮。

先講流程:
由政府診所先睇街症(或由私家診所寫轉介信都得),再轉介到仁濟睇小兒內外專科(1/F),再排期做手術都係好快,唔超過三個月。
手術前一天入院 (08:00),下午(16:00)醫生簽紙回家放假,晚上(23:00)開始禁食。第二朝一早(07:00)回院準備好就入手術室(08:15),手術大約十五至二十分鐘,要等佢醒返大約十分鐘,共30分鐘喥(08:45)!至大約(12:30~13:00)醫生再睇吓佢就出得院啦!

注意事項:
因為前一天入院係冇嘢做嘅,係等見醫生同麻醉師,所以要帶定D玩具去玩;
見醫生同麻醉師時,要清楚交待你個仔嘅健康狀況,因為有病(輕微至傷風咳)都唔可以做麻醉嘅。
其中最令人担心就係全身麻醉,仁濟可以比父母陪同入手術室做麻醉,令我同阿仔都安心好多!其實全身麻醉係好似我哋生仔果時聞"笑气"咁,不到半分鈡佢就"雲"咗。當然手術期間唔可以陪啦!切記 - 麻醉前最少六個鐘頭唔可以飲食!!否則麻醉期間食物倒流入气管,咁就大件事,可以無命!!切記!!

另外帶入院必需品,衣服、拖鞋、毛巾、、、& 買定紙杯同醫生膠布(用嚟保護傷口)。

手術後護理:
佢剛做完嘅時候,D麻醉藥未過哂就唔知痛,之後1個鐘就痛。
傷口位好"亂",紅腫得好肉酸,有D心痛!
每次去完廁所都要用生理盬水清潔。 回家後,可以買生理盬水或自已把1匙"粗鹽"加入一煲水喥煲滾再攤涼就得。
每日最少同佢用杯仔浸四、五次,每次15至20分鐘。
响屋企就可以唔着褲,貼住個杯。
大約兩個禮拜喥就會生返哂D靚"頭"皮啦!
最緊要清潔!冲涼時唔好比D沐浴液接觸到傷口,會好"乸"

呢D就係我嘅經驗。希望對有需要嘅朋友有幫助啦!

首頁
1

尾頁

跳至
相關內容