少年成長

跳至

首頁
1

尾頁
   0


大宅

積分: 1105


發表於 06-5-20 19:20 |顯示全部帖子

你地會點做?

今日帶BB去公園玩,有一個小朋友玩氦氣球,其他小朋友圍住佢,我見我個仔想玩,咁我即刻買咗個比佢,玩咗幾分鐘後,其他小朋友走過來問可唔可以SHARE,我知借比佢地玩實會飛走,但其實我想之後帶個氣球番屋企,我諗咗一二秒,最終都借咗比佢地,當然個氣球飛走咗.我之後諗,個氣球十二蚊,唔貴,但明明知道之後會無咗但自己係想要番,應唔應該借出去?我想問如果係你地,你地會點做.同埋如果個玩具係貴,你地做法會唔會唔同呢?


男爵府

積分: 5993


發表於 06-5-20 20:14 |顯示全部帖子

Re: 你地會點做?

查實你既反應同做法都好正面好正常,比着我都會考慮一下,個氫氣球吾係貴,而且都預左頂多玩一日半日就會漏氣無得玩,我覺得寧願囝囝同成班小朋友玩得開開心心好過留住個氣球番屋企得囝囝一個人自己玩囉!始終小朋友係一大班人玩最開心,同埋又可以乘機俾囝囝學下同人分享嘛!

至於貴d既玩具或者吾係玩一陣吾玩得嗰d(幾十蚊以上),我覺得吾理個玩具既價值問題,而係要俾囝囝同其他小朋友知道,玩任何玩具係要識得珍惜,玩壞左就無得玩,尤其嗰份玩具吾係屬於自己,更加吾可以玩得咁粗暴咁吾愛惜,如果係我,去公園前囝囝要响屋企揀玩具帶出街時,就已經要規定囝囝只可以帶邊一d玩具,仲要吾可以多,頂多兩件玩具,同埋都要同囝囝事先講定會有其他小朋友會問佢借黎玩,有機會整爛,等佢有個心理準備;去到公園真係有小朋友走黎問你地攞玩具玩,咁你就先同班小朋友講定要鍚住d玩具黎玩,吾可以玩得粗魯,要同埋你囝囝一齊玩,吾可以霸佔個玩具黎玩,玩完一定要交番俾姨姨(即係你),佢地應承至俾佢地玩,但話就俾佢地玩啫,你都要全程睇實,因為始終吾係每一個小朋友真係會愛惜人地物件,如果真係遇到,咁就要攞番份玩具,吾好俾佢地再玩喇!但亦吾需要向人地小朋友動氣,始終一句:"吾好幫人教仔囉!"始終教小朋友係父母本身既責任黎,就算你係姨姨,一黎無資格教(人地父母可能會咁認為),二黎人地個小朋友吾會聽你支笛,所以,無謂勞氣教人細路, 我地剩係教我地嗰d已經夠忙啦~!
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

積分: 1105


發表於 06-5-20 20:59 |顯示全部帖子

Re: 你地會點做?

十分同意.
咁想請你地會唔會容許自己小朋友主動問唔識的小朋友借玩具玩架?我唔比我個仔咁做,同埋攞野食我都唔容許.除"飛"佢攞住自己個玩具問人可唔可以交換玩,咁我就比.你地係咪咁做架咁樣做有冇問題呀?


男爵府

積分: 5993


發表於 06-5-21 11:20 |顯示全部帖子

Re: 你地會點做?

反而我又會俾佢咁做,只係我要佢識得點問人同埋要佢知道人地拒絕同佢分享,佢吾可以扭人地計囉!可能我囝囝本身言語發展慢同埋都吾太識得同人溝通,所以我次次都由得佢,俾佢多d大膽同人溝通講野甚至去理論(例如有大人話佢吾岩,我都吾會第一時間衝埋佢拉走佢或者幫佢口同人地亞媽理論),等佢學下點去應付,學下聽下人地點講,但我會全程離遠望同聽住佢點同人傾,真係勢色吾對時(有時真係會遇到d野蠻人嘛...),我至走埋去解決問題.

總之問人攞野食/借野玩都吾係完全吾岩既,係我地中國傳統觀念,變得我地比較客氣而已.小朋友要去問人攞野食/借野玩,至緊要小朋友佢地要有禮貌,問人攞野食要好好講,人地俾佢玩/食時,要佢地識得講多謝,我覺得已經無問題.

不過,如果你bb仲係好細個,佢吾識講吾肯講都吾駛鬧佢,慢慢教囉!一開始你可以選擇性去揀'人選'俾佢學習,咁當然係自己屋企人同熟識佢既人啦!練得多佢掂既,至慢慢俾佢响公園試下,佢慣左至少都識下待人接物嘛! 可能我既方法同想法係大膽左d,未必個個父母接受到,但我認為,小朋友有機會去學習成長去面對困難,點解吾可以俾佢地多作嘗試呢?佢地大個d遲早都有機會自己做呢類行為,點解我地作為父母吾一早教佢點對人,要到佢大個仔好無禮貌問人要野至擘大喉嚨鬧同罰佢呢?我係咁睇囉!

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


禁止訪問

積分: 716


發表於 06-5-28 19:34 |顯示全部帖子

Re: 你地會點做?

提示: 作者被禁止或刪除 內容自動屏蔽


民房

積分: 99


發表於 06-5-29 12:25 |顯示全部帖子

Re: 你地會點做?

我好詳細諗過, 但都唔知應該點做


男爵府

積分: 9730


發表於 06-5-29 16:52 |顯示全部帖子

Re: 你地會點做?

ilovemygirl 寫道:
我好詳細諗過, 但都唔知應該點做


ME 2 ,真係唔識點去做好


大宅

積分: 1105


發表於 06-5-29 16:54 |顯示全部帖子

Re: 你地會點做?

其實係咪冇話啱定唔啱呢?睇吓你想你地細路仔點表現就點教呢(當然其他人唔一定認同)?因為這個不是一個大是大"飛"的問題,存有灰色地帶,因為大家都係灌輸自己的價值觀或想法比小朋友,而每位家長的背景都唔同,係咪好難搵到一個標凖答案呢?


男爵府

積分: 5993


發表於 06-5-30 00:06 |顯示全部帖子

Re: 你地會點做?

查實都幾同意你既諗法架...始終每個小朋友吾同,小朋友怕羞得滯吾敢同人溝通時就會有我既方法去鼓勵佢訓練佢多d同人溝通;佢太過無禮貌時,你就會用方法叫佢學識收歛同禮貌甚至知足...查實都好睇小朋友係點既...再者每個人既背景吾同,每個父母都有自己一套諗法同埋對下一代既期望,自自然然大家都好難有個標準答案,再者,教小朋友吾係用死一種方法架!教佢一樣野都有好多吾同方式去教,睇邊條FORMULA岩自己小朋友而已.我係咁認為囉!
bigheadcat 寫道:
其實係咪冇話啱定唔啱呢?睇吓你想你地細路仔點表現就點教呢(當然其他人唔一定認同)?因為這個不是一個大是大"飛"的問題,存有灰色地帶,因為大家都係灌輸自己的價值觀或想法比小朋友,而每位家長的背景都唔同,係咪好難搵到一個標凖答案呢?
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息

首頁
1

尾頁

跳至
熱門主題