親子旅遊

跳至

首頁

尾頁
   0


男爵府

積分: 7703


發表於 06-5-21 10:24 |顯示全部帖子

一歲bb東京遊-分享篇

返黎lu,同大家分享下我呢幾日既旅程.

2006年5月14日(SUNDAY) 天陰
原定行程: 香港--日本成田--新宿--池袋
結果行程: 同上

今朝一早5點幾就要起身喇, 亞仔係睡夢中食左半支奶, 佢D鼻水仲未收, 好彩已經退晒燒, 打點好一切, 出發lu, 7點,上機場巴, 7點半就到喇, 真係幾快, 亞仔真醒, 一落車就醒, 影左陣相, 就check-in lu, 安排左坐窗口位, 一睇, 一張係A位, 一張係C位, 咁B位呢? 唔通見我有小朋友,比多個位我? 過完海關,都係時候到D大人食肚lu,求其去大家樂買左兩個餐黎食,順便比亞仔食D通粉.食飽飽就四圍行下D shop,睇下有無地方有兒童區,搵到兩個兒童區,有小小設置比小朋友玩下, 玩左一陣, 又係時侯入閘lu, 9點正,開始登機, bb車交比空姐寄倉就上機lu, 搵到位坐好, 影左幾張相, 無耐就開機喇, 真好,架機唔係好多人,比較安靜. 上機無耐,就有空姐拎住兩個袋黎,一個係我之前order定比亞b既尿片同一包濕紙巾,另一個袋就裝住之前order比亞b既嬰兒餐,內有一盒牙仔餅同一隻香蕉,可能真係太早喇, 起機無耐,亞仔已係自己個位都訓著左. 等到架機穩定下來時,空姐又拎住一盒食物黎比我睇,今次係亞仔既熱盤(肉醬意粉),仲叫我等亞仔醒左就通知佢地,佢地會幫我熱返個餐.同時又幫我set好個BB籃,等亞仔可以訓得舒服D. 襯亞仔訓著,我地可以安靜地開餐.謝天謝地,亞仔訓足大半程,我幾驚佢會搞破壞,仲有個零頭落機,亞仔訓醒喇, 空姐代為熱返個意粉, 放係卡通餐紙既餐盤上,仲拎左個JAL口水肩比佢添,可惜d餐具同大人個d一樣,都唔靚既. 食完bb餐,開埋隻蕉比佢食,又係時候降落lu, 今次無上機咁順灘,有d扭計,可能嫌坐得太耐,要落地. 落機時,坐係後一排有兩個類似旅行團領隊既男女,男既係隻話亞仔好乖,好少可以咁安靜. 聽到佢咁講,我都好安慰,起碼亞仔唔會影響到其他人. 2點半,到日本喇,超多人過關呀,有彩有條特快隊,比老人,孕婦同有小朋友既旅客, 但呢條隊超慢, 人地過5-6個人,呢度先過一家,搞到要成半個鐘先出到去. 亞仔竟然係呢個時候痾屎,好彩機場廁所都方便換片,出左關,唔想再諗坐咩車去酒店喇,就Limousine Bus啦,京王酒店 3:15有車,車程都要成1小時20分鐘.到左酒店Check-in,問佢19號可唔可以遲dcheck-out,佢竟然話OK,比張VIP FORM我,話比我JOIN MEMBER, 即刻比張TEMP咭我,同時仲幫我將CHECKOUT時間延到3:30pm. Shedule聽日去廸士尼,順便book埋架shuttle bus,7:30am太早喇,要左9:00am, 上到房,間房唔算好大,但都有空間比亞仔走動,仲有bb床,set好晒個架步,亞仔食埋餐奶,我地就出發去池袋lu. 去到池袋,都6點有多lu,行左轉Toyrus,買左2盒旅行袋奶粉,無買尿片(都無細pack裝),係basement個層行左個圈,又係晚餐既時間lu,係sunshine city入面間鳥冬店度食鳥冬,一個冷一個熱,加隻溫泉蛋同小小炸野食, 分左小半既熱烏冬同隻蛋比亞仔,都幾好味,件炸南瓜好甜.食飽飽,出去行下街,影下相,買左盒墨魚丸子食,一盒得一粒,但有成個拳頭咁大,都幾多材料架,夠膽死成隻um春蛋放入去,都幾新奇.返黎見到Gap仲未關門,行左一陣,不過d衫件件都二百幾,唔係好抵,空手而回,今日行程到此為止,同亞仔沖埋涼,食埋個旅行指定既宵夜(杯麵)又係時間休息lu.

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-21 10:25 |顯示全部帖子

Re: 一歲bb東京遊-分享篇

2006年5月15日(MONDAY) 天晴

原定行程: 新宿--廸士尼--幕張outlet--新宿
結果行程: 同上

今朝7點幾就要起身喇,同亞仔食完奶去埋便便,梳洗完就出去食早餐,點解周圍d地方都係食飯既,求其入左一間24小時既食店,買左一個雞飯定食餐share黎食,附近既藥房已開門,個sale一早已開始叫賣,一日由早叫到晚,都代佢把聲辛苦呀,去埋便利店買左個蛋糕比亞仔,8:50返到酒店集合點名,個bell boy竟然話我book既係8:30個程,咪玩啦,尋日個check-in個員工驚我聽唔明,同紙寫晒d時間比我 ,仲圈住10點個轉話幫我book左呢個時間架. Bell boy哥哥好唔好意思咁同我講,佢手上仲有3個家庭未到,要睇下有無人放飛機先可以比我地補上,老公有d唔高興,話如果上唔到實要投訴. 好彩,個3家人都無出現,我地可以如期出發. 好快,都未到10點就到在disney land喇,入場同donald,起飛影相,d日本人好瘋狂下,一味wear住d公仔唔放,唔同香港咁有得排隊,好彩有小朋友,d大公仔都會肯停下黎影相,差唔到巡遊lu,d人走晒去大街度等,我地襯呢個時間玩左個賽車遊戲,不過亞b玩玩下訓左,之後去米奇屋參觀,雖然無咩人,都要成45分鐘先有得入去,亞仔一邊等一邊食蛋糕,睇埋米妮屋,周圍影下相,玩多個車車機動,都已經12點幾lu,買左個donald餐盒個午餐,有個菠蘿煙肉包,薯條同橙汁,但一d都唔平,成千幾yen,影多陣相,買左個煙火雞腿食,都幾好味喎. 行下d shop,買左個小飛象杯杯,就離開去下一個景點,幕張outlet,都幾近,3點多d已到達,d野唔算太平,買左條addidas運動褲仔比亞仔,老公買左兩對鞋一件tee,食埋個雪糕就返新宿. 無左架shuttle,真係唔係咁方便. 返到新宿都就黎8點,路過KEIO百貨,見到半價先生,買左盒小壽司,八爪魚刺身同一盒士多啤梨做宵夜. 返酒店放低D野,就出去搵食lu,今晚去左歌聲妓町個頭,好熱鬧,去左curry king度食咖哩,尋日路過時已聞到好香,叫左個咖哩豬扒飯同一個炸雞薯餅咖哩飯,兩個都好好味,明明叫中辛,但都咁甜既,有機會都想再返黎食,食完行去隔離既企鵝雜貨度睇野,好大但d野唔太岩我地,落去basement掃呢幾日既杯麵,買左個pancake食,都成10點幾,返酒店同亞仔食奶同食我d宵夜,今晚太多野食,超飽.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-21 10:26 |顯示全部帖子

Re: 一歲bb東京遊-分享篇

2006年5月16日(TUESDAY) 有雨

原定行程: 新宿--上野--台場--新宿
結果行程: 新宿--上野--新宿

今朝成9點先起身,同亞仔食完奶去埋便便就出發喇,係車站求其搵間食店,叫左個咖哩飯share黎食,同尋日比,真係差好遠,一d都唔香既,去到上野站都10點幾lu,哎,竟然落雨,好彩只係毛毛雨,好多幼稚園生同老師一齊黎,好奇怪,仲有著校服既學生係度,發現無論咩時間都會見到學生係度,動物園係,disney都係,真係想知佢地到底係咩時間返學架呢? 呢度真係好多動物,亞仔對隻老虎好好奇,我就好鐘意d企鵝喇,唔只亞仔,連我自己都睇得好開心,除左一般既動物,仲有雀鳥,企鵝,食蟻獸,北極熊,爬虫類,夜間生物,仲有個位比d羊呀豬呀雞呀係度行黎行去,可以買野餵佢地食添. 離開動物園,有個兒童遊樂場,落雨都無人玩d機動,同亞仔上去影左d相,都成點鐘lu. 醫肚要緊,搵左間小店叫左個拉麵+炒飯定食加埋碟餃子做午餐,分左半碗飯比亞仔,食飽飽,行下手信街,行下ABC-MART,睇下d海鮮檔,食件路邊的燒年糕,去到二木果子店買左d食得既手信,哎呀,買得多左d,拎住咁多野,去唔到台場,唯有改行程,返新宿行街先啦. 返到新宿,都成4點lu,係地下食店見到好多人排隊,排埋一份,買左個肉飽同豆沙飽,再買多個飯團,都唔錯,返酒店同亞仔補給先,老公話襯亞仔食奶,自已去附近行下,想搵黎第一日到步時見到個間運動店,可惜行左一陣佢都搵唔到,搞掂亞仔,再出去行過,行下小田急,Uniqlo,去高島屋行下blue label & black label,哎呀,大出血喇,再落去haba買用開既護膚品,正打算上樓上11樓退稅,一睇,完來已經8點喇,所有既lift都唔再上,工作人員話聽日先可以返黎退稅.Too bad,又要返黎一轉. 返出去再行左一陣,路過百果園,買左盒哈密瓜同菠蘿,正打算去附近間野度食蛋包飯,點知佢話10點收工,問我OK嗎,已經9:40,連order到埋單得20分鐘,我得亞仔都唔得啦,唯有去另一邊食喬麥麵啦,成間野得一對情侶(聽佢講野似香港人),其他都係男人,唔通日本女人唔會出街食野既?叫左兩個麵,分左d比亞仔. 食飽飽,去便利店買野飲,又返去食生果同宵夜lu.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-21 10:27 |顯示全部帖子

Re: 一歲bb東京遊-分享篇

2006年5月17日(WEDNESDAY) 有雨

原定行程: 新宿--原宿--涉谷--代宮山--五反田--新宿
結果行程: 新宿--池袋--台場--新宿


今朝成9點先起身,同亞仔食完奶去埋便便,梳洗完就出發,今日我地決定去池袋食餃子做早餐,買飛入場,影下相,NamjaTown整得幾靚,不過暗左d,叫左2客餃子加個白飯,亞仔食白飯加餃子肉,再入埋個妖怪番外地,行完2樓上3樓,睇下雪糕同puff,外賣雪糕超大,多到睇唔晒有咩雪糕,最後買左個土耳其手拉雪糕食,質地好似棉花糖咁,好得意. 食完雪糕去睇puff,dpuff整得好靚,但公仔puff比其他貴好多,結果買左個香蕉型既puff,好香既蕉味,dcream好滑.係呢度竟然行左成2個幾鐘,再係dshop度係咁依睇下,已經好晏喇,要快d去下一個景點──台場喇.坐JR到新橋,買左張800yen既open ticket,可以一日係台場不停坐呢架車,先去台場食蛋包飯做午餐先,叫左個珍寶size share黎食,嘩超大既,個飯有亞仔個頭咁大呀,好好味,仲有個雪糕送添.食飽飽,行左一陣Aqua City,行下snoopy shop,可樂專門店,飲返罐可樂,唔知點解d可樂好似特別好汽架呢,之後坐返車去公園個度,行下個沙灘,可惜有d雨,無咩人放狗仔,行到青海,睇下dpet shop,真係好大,咩都有,d狗bb好得意,可惜唔比影相o丫,買左d玩具,狗繩.搵到原定去租狗仔散步間pet shop,有野hush puppy同拉有拉多,好乖,亞仔走埋去抱住人地,但挨落去添.可惜落雨,唯有放棄呢個節目啦.行完pet shop,去左東京電視台,之後行埋Venus Fort,個天幕好靚,睇埋Dear Kids Park,好多童裝,但好貴,睇書話呢度有間賣sport既shop,一問reception姐姐,佢話早幾個月執左喇,o下,本書今年出架喎,都唔update既,過埋去Mega Web度睇車, 影下摩天輪,上摩天輪要成900yen一個人,覺得遠睇比較靚,都係唔坐lu. 坐返車過台場度食晚餐,叫左兩客定食,亞仔好曳,成日要上檯,真係比佢激死.食飽,影下彩虹橋,又係時候返酒店lu. 返到去食埋尋日買既菠蘿同杯麵.個菠蘿好甜,亞仔食完又要,食完又要,食到最後一啖時,無得再比,竟然發皮四,睇埋個吉盒都唔制.搞左好耐先靜下來.

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-21 10:29 |顯示全部帖子

Re: 一歲bb東京遊-分享篇

2006年5月18日(THURSDAY) 有雨

原定行程: 新宿--西武園--池袋--新宿
結果行程: 新宿--原宿--涉谷--代官山--五反田--新宿

見亞仔係disney唔係點玩,加上落雨同覺得好辛苦既關係,今日既西文武園行程cancell lu,本來有d失望,不過老公講得岩既,黎旅行都係想relax下o者,唔好將自己趕得咁辛苦啦. 呢幾日亞仔都唔多肯坐bb車,要人抱,真係好累.
今日第一站,原宿,點知係車度發現無帶個friend(指南)黎,要返轉頭拎,我同亞仔就係車站對面既snoopy town度行住等,老公一來一回,都用左40分鐘,我同亞仔亦係無人看管下買左幾件戰利品,齊人喇,可以起行,今日仲未食野,有d肚餓,係原宿度食烏冬併牛肉飯,同亞仔share,老公自己食個烏冬,再買左d炸蝦,南瓜同野菜餅,一個唔留神,亞仔竟然用自己隻食叉係我個碗度叉野食.食飽飽,又出動lu,沒有特別野想睇,所以只係竹下通行左一陣,行下Kiddy Land,周街看看,就一直行去涉谷,有間好大既UNIQLO,BLUE LABEL 同BLACK LABEL都好大間,仲有d只有呢間才有得賣既涉谷限定版賣添,又忍唔住買左幾件衫,行完涉谷,買左個窩夫食之後,再買個肉醬包比亞仔食,就出發往代官山,明明有間狗店係車站附近,但搵黎搵去都搵唔到,問當地d人,個個講既方向都唔同,最後搵到個可疑既位置,但已經唔係賣狗野,相信間shop已執左,再去另外個兩間pet shop同狗狗bakery,買左d 狗精品同homemade既狗小食,行下行下,竟然返左去涉谷站,仲好,轉少程車,下一站,五反田. 去到五反田,唔知TOC係邊,問完人後一直行,短短10分鐘,但行到我死死下,到左TOC先見到佢有free shuttle bus係JR站接送,上左5樓打算行下Akachan,o下,佢正在關門,原來呢隻收6點,依家6點零2分,好失落,唯有聽日黎過啦. 係樓下其他童裝店行下,再落1樓間UNIQLO睇下,之前用email問UNIQLO佢條叮噹lined衫邊間分店有得賣,佢叫我黎呢間,點知d款仲小過係池袋個間. 行埋地下個間鞋店,買左對波鞋.今次精喇,坐返shuttle回去,唔使行咁多.返到新宿又去行下地下食街,買左100g既芥辣八爪魚刺身返酒店食,嘩,好正,超好味,直頭上晒腦呀,開左支奶比亞仔,第一次食晒成支,仲一食飽就訓,睇黎佢真係好累喇. 落大堂book定回程既巴士票,返出去搵晚餐,又係百果園買左盒菠蘿,之後係附近一間拉麵店食拉麵,亞仔成程都訓,終於有得靜靜地食返餐. 食飽行一陣,又返酒店食生果同宵夜.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-21 10:32 |顯示全部帖子

Re: 一歲bb東京遊-分享篇

2006年5月19日(FRIDAY) 有雨

原定行程: 新宿--成田--香港
結果行程: 新宿--五反田--新宿--成田--香港

今日要返香港喇,為左一定要去到Akachan,我一早就起身喇,酒店有留言,話我回程既機6:50,機場話唔可以坐3:50班巴士,要提早一個鐘,o下,咁我咪要快d行.第一站要返去高島屋退稅先,去到高島屋只係9:50,都未開門.係附近既café食西式麵包做早餐,原來化妝品無得退稅,早知個日我等比錢時就叫老公上樓上退稅啦,唔使走多轉. 退完稅就要去下一站,TOC喇,今次識坐shuttle,唔使行去,間野真係好大,咩都有,我直頭買到失控,係咁幫亞b掃d衫落籃度,行左成個幾鐘先行晒一圈,老公見我癲左咁,唔比我去玩具部,又唔比我行回頭路,一睇埋單個價錢,老公頓時呆左一呆.行完Akachan,要返新宿喇,係酒店附近食左個烏冬,就返上樓執行李,開支奶比亞仔,食完仲有dd時間,落大堂check-out,將行李keep係佢度,就出去行下d電器店,老公等左咁多日,依家先有時間比佢行下.差唔多時間,要上巴士喇,點完名,開車.1個鐘20分鐘就到機場,check-in後行左一陣就過關,係機場度食野,叫左個咖哩飯同燒雞飯,食完四圍行下,係登機處附近比我搵到個兒童playroom,有毛公仔,滑梯,馬仔,仲有得睇卡通片,同亞仔玩左一陣,換埋片,買份三文治比佢食,就上機喇. 今次既bb餐有炒飯,雜菜魚魚同芝士蝦,亞仔一起飛又訓lu,今次訓得個幾鐘,醒左搵空姐要bb餐,過一陣有個日本空姐拎住個公事包,一打開有好多餅仔,樽裝嬰兒菜,同我地一一介結,問我地要邊d,老公第一時間唔係幫亞仔拎食物,而係拎d靚靚餐具,空姐比左一樽野菜飯亞仔,點知轉頭,亞仔既熱盤到喇,個空姐唔好意思咁係咁同我say sorry,我諗佢誤會亞仔無野食啩,正當亞仔食佢既熱飯,個日本空姐又返黎,手上拎左撙bb果蓉,話比亞b食既,佢真係好好,仲問我要唔要d果汁等等. 可能程機比較少人,而亞仔亦算安靜,耐唔耐都有空姐埋黎同佢say hi,香港空姐見亞仔醒左,拎左個玩具比佢玩.話咁快就到香港lu. 希望快d可以再去玩過啦.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 6583


發表於 06-5-22 17:25 |顯示全部帖子

Re: 一歲bb東京遊-分享篇

Hi tantub,

Thanks for sharing. Your trip to Japan seemed well-planned and very enjoyable.

I'm going to 新宿 with my 老公 & bb (19 months) for 5 days on 27/5. Would you pls kindly tell me which travel book you were using in Japan? (I would be very grateful if you don't mind lending me the book. ) I would like to go to AKACHAN as it seemed very attractive according to you, but I just don't know the addresses.

Many thanks.


大宅

積分: 1377


發表於 06-5-22 23:37 |顯示全部帖子

Re: 一歲bb東京遊-分享篇

hi tantub,

睇倒你個行程好精彩呀. 我7月頭都會同bb去東京, 到時佢就1歲3個月. 有d問題想請教你:
1. 你book架車去disneyland, 係其他酒店有冇架呢? 點book法?
2. 你係咪坐JAL去? 好似D service同bb餐都幾好. 個bb籃幾大架? 我之前住nw個籃好細, bb6個月個時都好迫.

thanks.


大宅

積分: 1377


發表於 06-5-22 23:39 |顯示全部帖子

Re: 一歲bb東京遊-分享篇


大宅

積分: 1377


發表於 06-5-22 23:40 |顯示全部帖子

Re: 一歲bb東京遊-分享篇

sorry, 仲想問你, 池袋間toyrus係邊? 有冇bb野買?


大宅

積分: 1498


發表於 06-5-23 10:08 |顯示全部帖子

Re: 一歲bb東京遊-分享篇

Hi Tantub,

It must good trip with all of your family. I am happy to reading your sharing that made me recall my last experience with my hb and bb is 2 yrs & 8 mths at past March 06 in Tokyo.

絕對是一個好開心的東京遊呀. 係呢請問您在飛機時有沒有遇上"氣流"呢? 我們就遇上了囝囝仲有想嘔的不適. 至今還記得呢遇上"氣流"的情況同mo彷比人睇tim...

Please check PM to visit my son's website (with tokyo trip's photos) and please comments after your visit.


男爵府

積分: 7703


發表於 06-5-23 13:33 |顯示全部帖子

Re: 一歲bb東京遊-分享篇

chingchingb.ma

AKACHAN 係五反田(jr站)toc building 5樓, 出去有shuttle坐, 直頭係toc building度落. 好大, 我買左好多衫仔,鞋仔..., 日本奶粉同toyrus好似差唔多價錢. 如果寄倉就抵(大約100蚊罐)可惜我怕超重, 無買到. 聽講比少少錢,好似可以送貨去hotel, 但要2日左右. 你可以問下.

本旅行指南, 我返屋企睇下叫咩名,再話你知. 我見老公返左黎都仲日日當係寶咁睇.

不過坦白講,帶住咁細既bb, 你唔好期望可以睇到好多野, 去完disney, 我都唔係好記得睇過d咩卡通人物, 玩game時排到時又訓左,連最好睇既舞台劇都無去睇.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-23 13:42 |顯示全部帖子

Re: 一歲bb東京遊-分享篇

nibikalea,
睇倒你個行程好精彩呀--多謝, 可能只係會憶總比事實美好o者 :wink:
keio就一定有free shuttle bus 去disney, 其他hotel真係唔係好清楚lu.
係呀,我坐JAL, 幾好架, 老公話唔知點解,香港d人多數坐 cathy/ana, jal service都幾好o丫, 又平過cathy. 仲可以request bb餐, bb尿片添, 佢個籃for 10.5kg以下既bb, 我個b好細粒, 訓係度仲有位剩喎.



nibikalea 寫道:
hi tantub,

睇倒你個行程好精彩呀. 我7月頭都會同bb去東京, 到時佢就1歲3個月. 有d問題想請教你:
1. 你book架車去disneyland, 係其他酒店有冇架呢? 點book法?
2. 你係咪坐JAL去? 好似D service同bb餐都幾好. 個bb籃幾大架? 我之前住nw個籃好細, bb6個月個時都好迫.

thanks.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-23 13:44 |顯示全部帖子

Re: 一歲bb東京遊-分享篇

http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-23 13:44 |顯示全部帖子

Re: 一歲bb東京遊-分享篇

nibikalea,
睇倒你個行程好精彩呀--多謝, 可能只係會憶總比事實美好o者 :wink:
keio就一定有free shuttle bus 去disney, 其他hotel真係唔係好清楚lu.
係呀,我坐JAL, 幾好架, 老公話唔知點解,香港d人多數坐 cathy/ana, jal service都幾好o丫, 又平過cathy. 仲可以request bb餐, bb尿片添, 佢個籃for 10.5kg以下既bb, 我個b好細粒, 訓係度仲有位剩喎.

池袋toyrus係 sunshine city basement度.

nibikalea 寫道:
hi tantub,

睇倒你個行程好精彩呀. 我7月頭都會同bb去東京, 到時佢就1歲3個月. 有d問題想請教你:
1. 你book架車去disneyland, 係其他酒店有冇架呢? 點book法?
2. 你係咪坐JAL去? 好似D service同bb餐都幾好. 個bb籃幾大架? 我之前住nw個籃好細, bb6個月個時都好迫.

thanks.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


男爵府

積分: 7703


發表於 06-5-23 13:45 |顯示全部帖子

Re: 一歲bb東京遊-分享篇

nibikalea,
睇倒你個行程好精彩呀--多謝, 可能只係會憶總比事實美好o者 :wink:
keio就一定有free shuttle bus 去disney, 其他hotel真係唔係好清楚lu.
係呀,我坐JAL, 幾好架, 老公話唔知點解,香港d人多數坐 cathy/ana, jal service都幾好o丫, 又平過cathy. 仲可以request bb餐, bb尿片添, 佢個籃for 10.5kg以下既bb, 我個b好細粒, 訓係度仲有位剩喎.

池袋toyrus係 sunshine city basement度.

nibikalea 寫道:
hi tantub,

睇倒你個行程好精彩呀. 我7月頭都會同bb去東京, 到時佢就1歲3個月. 有d問題想請教你:
1. 你book架車去disneyland, 係其他酒店有冇架呢? 點book法?
2. 你係咪坐JAL去? 好似D service同bb餐都幾好. 個bb籃幾大架? 我之前住nw個籃好細, bb6個月個時都好迫.

thanks.
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


大宅

積分: 1314


發表於 06-5-23 13:55 |顯示全部帖子

Re: 一歲bb東京遊-分享篇

Sorry, 我想問下Akachan 係買d 咩, 係唔係好"底" :-P


男爵府

積分: 7703


發表於 06-5-23 14:04 |顯示全部帖子

Re: 一歲bb東京遊-分享篇

akachan既web site
http://www.akachan.jp/web_shopping/
http://hk.myblog.yahoo.com/tantaub/
http://www.fotop.net/tantaub
http://www.pugmart.com/portal/?uid/16


大宅

積分: 4861


發表於 06-5-23 15:47 |顯示全部帖子

Re: 一歲bb東京遊-分享篇

tantaub
請問akachan最主要係埋買bb野?
我囝囝快4歲,d野係埋適合佢呢?


大宅

積分: 1377


發表於 06-5-24 00:08 |顯示全部帖子

Re: 一歲bb東京遊-分享篇

唔該晒tantub,

唔知keio去disneyland d shuttle可唔可以比錢坐呢? 因為坐jr真係幾煩. 又上又落行好遠去轉車.
我上之同bb去係坐nw, 因為班機時間最早, 不過個時bb 6個月, 個籃都已經頂頭頂腳. d baby food都只係gerber個d. service只係一般. 而且勁迫. 放

首頁

尾頁

跳至