跳至

首頁
1

尾頁
   0


別墅

積分: 780


發表於 06-5-21 14:41 |顯示全部帖子

唔知有無mami可幫我解決到呢?

好耐無上黎, 見你地d bb大頭相轉晒, 大個左好多呀。

i). 最近我隻曳b凱暘唔肯食奶呀, 早餐開左支奶食得4oz, 午餐食飯仔就ok, 下午再開奶比佢就唔食, 見到支奶好開心, 但放入口啜左兩啖就唔要, 攪到我要用奶開麥皮比佢食, 但佢又食喎, 晚餐比飯仔食都ok, 到瞓時開支奶比佢食左瞓啦, 點知佢又放入口啜左兩啖就唔要。

如此推測我自己想的可能性: 1).吽牙仔, 因為下排出緊第二隻, 但已爆了出來。
2). 轉奶期, 食開a+, 現已用#2混#3了。
3). 唔知係唔係唔鐘意a+的味道, 我轉唔轉另一款奶粉呢?

但一日都飲唔到2支奶點算好?

我想帶佢去打針時問問醫生, 但呢兩日亞b微燒無帶佢去打針, 所以問唔到, 而家好番我想過幾日先帶佢去見醫生打針。

ii). 我而家同亞b齊齊瞓大人床, 但佢都勁踢被同勁反瞓, 成晚床頭瞓到床尾, 循環咁兩邊瞓, 攪到我都無覺好瞓, 有時仲瞓上黎我地大人枕頭, 成個鐵頭撞埋黎, 真係成個人醒晒, 都唔知點好?不過我都比長衫長褲佢穿了。

iii). 唔知大家有無比學習杯亞b用呢? 用到第幾step呢? 我而家教佢用第3step, 但唔成功, 因為佢唔肯放支管入口啜, 放左入口又唔識合口啜, 唔知係唔係唔同奶咀咁, 因為奶咀係大個小小的。如果是你地又會係點做呢?


大宅

積分: 1622


發表於 06-5-21 15:44 |顯示全部帖子

Re: 唔知有無mami可幫我解決到呢?

3). 唔知係唔係唔鐘意a+的味道, 我轉唔轉另一款奶粉呢?
----如果係就先食返原有的, 過幾日再試轉
但一日都飲唔到2支奶點算好?
----如身體無特別不妥, 都唔晒太擔心瓜 ? 或者食多的糊仔/粥仔, 當然, 幾日就話ok, 成日都係咁就有的問題 ??

ii). 我而家無同亞b齊齊瞓大人床, 但佢都勁踢被同勁反瞓, 成晚床頭瞓到床尾, 循環咁兩邊瞓, 攪到我都無覺好瞓, 有時仲瞓上黎我地大人枕頭, 成個鐵頭撞埋黎, 真係成個人醒晒, 都唔知點好?不過我都比長衫長褲佢穿了。
---------芷殷一早間中都係咁, 有時我瞓到朦下朦下, 一摸身邊唔見她, 吓到我成個人彈起, .....原來她去左床尾, 好在無跌落床...吓 C 人咩

iii). 唔知大家有無比學習杯亞b用呢? 用到第幾step呢? 我而家教佢用第3step, 但唔成功, 因為佢唔肯放支管入口啜, 放左入口又唔識合口啜, 唔知係唔係唔同奶咀咁, 因為奶咀係大個小小的。如果是你地又會係點做呢?
----無分咁多STEP, 煩 !!!! 開始俾吸管杯她試, 唔中意, 停一排, 又試....試幾次後, 而家她識自己飲了... 而家又對我用杯飲水有興趣, 一見我飲又要俾她飲


別墅

積分: 780


發表於 06-5-21 17:25 |顯示全部帖子

Re: 唔知有無mami可幫我解決到呢?

芷殷 寫道:
3). 唔知係唔係唔鐘意a+的味道, 我轉唔轉另一款奶粉呢?
----如果係就先食返原有的, 過幾日再試轉
但一日都飲唔到2支奶點算好?
----如身體無特別不妥, 都唔晒太擔心瓜 ? 或者食多的糊仔/粥仔, 當然, 幾日就話ok, 成日都係咁就有的問題 ??
唔止幾日啦, 都有成個月啦, 就係咁先驚!!!

ii). 我而家同亞b齊齊瞓大人床, 但佢都勁踢被同勁反瞓, 成晚床頭瞓到床尾, 循環咁兩邊瞓, 攪到我都無覺好瞓, 有時仲瞓上黎我地大人枕頭, 成個鐵頭撞埋黎, 真係成個人醒晒, 都唔知點好?不過我都比長衫長褲佢穿了。
---------芷殷一早間中都係咁, 有時我瞓到朦下朦下, 一摸身邊唔見她, 吓到我成個人彈起, .....原來她去左床尾, 好在無跌落床...吓 C 人咩
哈哈, 如來你都係咁呀?真係嚇到成個人彈起!!!

iii). 唔知大家有無比學習杯亞b用呢? 用到第幾step呢? 我而家教佢用第3step, 但唔成功, 因為佢唔肯放支管入口啜, 放左入口又唔識合口啜, 唔知係唔係唔同奶咀咁, 因為奶咀係大個小小的。如果是你地又會係點做呢?
----無分咁多STEP, 煩 !!!! 開始俾吸管杯她試, 唔中意, 停一排, 又試....試幾次後, 而家她識自己飲了... 而家又對我用杯飲水有興趣, 一見我飲又要俾她飲
佢係唔識用吸管飲, 你點教芷殷用吸管呀?佢只識用奶樽加條飲筒入去啜的, 我比盒裝維他奶佢飲都唔識啜。我已經暫定再試暫停再試啦, 都唔成功!!! :-(


別墅

積分: 548


發表於 06-5-21 18:53 |顯示全部帖子

Re: 唔知有無mami可幫我解決到呢?

圓圓一試飲管就識飲喇
不過, 佢到而家都唔會拎住D食物自己食,佢只會渣住, 唔放入口..佢識放牙擦仔入口,識放其他野入口,但係一比食物就唔肯食!有幾次比D包包佢拎住食,佢望住我,跟住隊番比我好似請番我食咁..激c!..我都唔知點教佢好 

我個囡囡叫做Hayley~2005年4月13日出世~ 歡迎參觀圓圓搗蛋樂園


大宅

積分: 1708


發表於 06-5-21 23:42 |顯示全部帖子

Re: 唔知有無mami可幫我解決到呢?

1. 我個都係食好少奶. 有時都係食三四安. 其實可能性有好多, 吽牙, 厭奶, 胃口唔好都有可能. 我個女而家一日三餐奶, 總共都係 17-18 安左右. 我個人覺得, 佢而家主要食糧係粥仔, 奶類反而係副食品, 所以少 d 都唔緊要. 只要佢有食, 大小便都 ok 就可以. 我覺得如果佢一餐唔肯食, 不如唔好迫佢, 可能佢真係冇胃口, 到下一餐, 如果佢真肚餓, 佢一定會食番夠皮.

有時我都會比零食, 主要係芝士, 面包, 蛋糕之類. 當然要留意成份啦.

轉奶方面, 據我所知, 轉奶係一餐餐咁轉. 不過我唔知係咪唔同牌子有唔同轉法. 我會首先同佢轉一餐, 到佢適應左, 大小便冇問題, 再轉兩餐, 之後再轉三餐............


2. 我個女就一直自己訓. 但有時都會扭計, 唔肯自己訓. (落雨, 打風, 發惡夢等都會扭計). 咁到半夜, 佢嘈喧巴閉, 咁都會比佢上大人床訓. 佢個睡姿同你講都係一樣, 由床頭訓到床尾, 打直訓到打橫. 我同我老公, 加埋個女, 訓左個 H 字出黎. 有時佢一腳伸過黎, 有時伸向我老公, 有時一巴摑埋黎, 仲要霸左我個枕頭, 攪到我要同我老公訓一個枕頭.............我諗都冇乜辦法. 個個小朋友都係咁....... :-(


3. 幾個月前我比個女用過扁咀學習杯, 佢用唔到, 因為個水流較快. 咁我比佢用飲管, 初初都唔得, 因為佢唔識啜. 之後吸到, 但係 d 水未到就跌落去, 唔夠力吸上黎. 跟住會吸到上黎, 但係唔識吞, 所以會享咀邊流番出黎. 再之後, 就可以自己吸啜呀. 要識多幾次. 我諗前前後後都有兩三個禮拜.

最近比佢用番個扁咀, 飲到少少, 都唔係好叻. 飲到頭兩啖, 吞唔切 d 水又係流番出黎. 我諗都要比佢用多兩三個禮拜先會成功.

各位媽咪, 我覺得教小朋友係要好多耐性. 佢個能力未去到果個階段就唔會做到你要求. 只要你唔好放棄, 多 d 鼓勵佢, 你會見到佢進步同成功. 不斷提醒同教導係最好方法, 佢會突然間做到, 你個成功感係超大架..........各位媽咪加油!!


大宅

積分: 2474


發表於 06-5-22 00:25 |顯示全部帖子

Re: 唔知有無mami可幫我解決到呢?

Nancykit

(i) 其實a+3係好勁雲呢拿味, 我初初同琪琪轉3號既時候, 佢都係食得個2至3安, 我無迫佢食呀, 也無混埋2號, 食咗3至4次, 佢就好似接受咗喇!

(ii) 琪琪都like瞓我地大人床架, 而家唔知點解, 佢like瞓上我地大人pillow, 或者瞓上堆被到, 但佢就好快瞓著覺喎, 咁我同我老公咪由得佢囉, 等佢瞓著先抱番佢落bb床

(iii) 琪琪都唔識用飲筒架, 不過我有個bottle係支硬飲管嚟既, 初初佢唔識啜嚟飲, 但你可以好似我咁, 將支飲管放上少少, 因為bb未識用舌頭頂上去, 你要助佢一擘之力, 之後我就成功咗喇


洋房

積分: 122


發表於 06-5-22 13:12 |顯示全部帖子

Re: 唔知有無mami可幫我解決到呢?


大宅

積分: 3416


發表於 06-5-22 14:27 |顯示全部帖子

Re: 唔知有無mami可幫我解決到呢?

Nancykit,
i) a+3係好甜架,,所以我係亞囝食2號奶粉時由a+2轉左做雪印2, 而家就快食3號,,其實甜都唔緊要既,,只要佢習憤左就會食架啦,,,我果時係因為亞囝食左a+2痌唔到屎屎所以我先轉左雪印咋,,所以如果佢肯食就唔好轉了,,

ii)我冇比意粉仔訓大人床..除左病果陣時,,因為唔想佢第日痴身,,佢而家一訓就會"達"落佢自己張床度訓,,,唔會扭上大人床,,,所以要由細習慣佢,,

iii)意粉仔而家都係用飲管飲水同湯,,,佢初初都唔肯,,但試試下就好仲意,,,我諗讚下佢係好緊要既,,佢會有多d自信心去學識..同埋佢飲到,,讚下佢,,佢會開心到拍手..所以鼓勵好緊要,, 你慢慢比佢試..唔好迫佢,,一日唔得, 兩日唔得,,第3日就可能開始感興趣,,,加油呀,,


別墅

積分: 610


發表於 06-5-22 15:09 |顯示全部帖子

Re: 唔知有無mami可幫我解決到呢?

Nancykit:

我仲未轉3號奶粉, 但係我記得
該用戶已被刪除

發表於 06-5-23 14:36 |顯示全部帖子

Re: 唔知有無mami可幫我解決到呢?

提示: 作者被禁止或刪除 內容自動屏蔽


大宅

積分: 3416


發表於 06-5-24 01:09 |顯示全部帖子

Re: 唔知有無mami可幫我解決到呢?

cherie..
教momochu用學習杯真係要慢慢黎,,我都用左差唔多成個月意粉仔先肯飲,,所以你唔好放棄,,慢慢試丫,,你試下放D鮮橙汁比佢飲,,等佢有d甜頭先,,嘿嘿..

奶粉果度,,仲未轉3號呀,,原來諗住打左針轉,,點知改左幾次期,,而家都未轉,,棕櫚油既問題,,我初初都擔心,,我個friend既囝囝又係食雪印,,所以email問雪印公司有關棕櫚油既問題,,佢地回覆左我地好詳細,,所以我都覺得照食都唔緊要既..我pm封email內容你睇,,而你而家轉左森永,,只要momochu食得好,,就ok啦..唔駛轉黎轉去了,,


民房

積分: 84


發表於 06-5-24 01:25 |顯示全部帖子

Re: 唔知有無mami可幫我解決到呢?

唔知大家有無比學習杯亞b用呢? 用到第幾step呢? 我而家教佢用第3step, 但唔成功, 因為佢唔肯放支管入口啜, 放左入口又唔識合口啜, 唔知係唔係唔同奶咀咁, 因為奶咀係大個小小的。如果是你地又會係點做呢?

用飲管對口腔肌肉發展係好重要, 千萬唔好miss咗. 開始時可以將飲料唧到飲管盡頭, bb只要輕輕一吸就飲到, 慢慢就唧少d, 等bb自己吸. 囡囡都係甘, 好快就學會, 不過開始時就會吞唔晒, 飲到成身都係.
俾耐性試吓, 再唔得, 我有特製樽, 有個小朋友3歲幾都唔識用飲管, 用咗個樽2個月就可以飲樽裝維他奶 :lol:


別墅

積分: 696


發表於 06-5-24 09:21 |顯示全部帖子

Re: 唔知有無mami可幫我解決到呢?

Nancykit,

i) 吾好甘擔心, bb自己識調節, 可能佢而家厭奶期, 所以吾想飲奶, 你可以噚住開4-6oz奶俾佢, 飲得幾多得幾多. 不過如果你好吾放心, 可以睇吓醫生既...

iii) 我第一次俾支管我囝囝啜, 初時佢都係唔識合口啜, 我咪鏈住佢個鼻, 佢就即合口一啜, 跟住就識啜, 仲好鍾意用飲管, 你不妨試吓...

吾記得自我介紹, 我囝囝同你凱暘都係4月4日出世!!!


大宅

積分: 1708


發表於 06-5-24 16:27 |顯示全部帖子

Re: 唔知有無mami可幫我解決到呢?

原來個個小朋友都中意訓大人床, 同埋中意訓大人枕頭, 迫開人, 仲有訓享被上面...........

首頁
1

尾頁

跳至