婆媳關係

跳至

首頁

尾頁
   0


大宅

積分: 3035


發表於 12-12-6 13:58 |顯示全部帖子
上年我通知屋企人結婚, 我問老豆需唔需要擺酒(男家唔擺), 佢話無所謂...
之後佢仲問我媽: 點解唔旅行結婚唧?
咁我認為佢乜都無所謂, 諗住自己係大女, 想搞到體面d, 自己搞得掂咪擺囉。所以最後決定剩係擺女家再加幾圍朋友 ,酒席由我同未來老公出。

到半年前, 我問屋企想要幾多禮金, 我老豆話 8萬8, 我同呀媽講, 結婚要好多支出,比住6萬先好唔好?果2萬一年內再比。
但我叫我媽同我老豆講比6萬,如果佢ok,果2萬比呀媽收。(因為我老豆自己有$, 但對屋企極少付出,我媽咪好照顧我,佢自己好辛苦返工供我幾個妹讀書)
最後我老豆覺得6萬都無問題。

上個月, 我老豆同一個好8婆既親戚飲茶,個親戚無啦啦發表偉論,話當年收禮金10萬,都用哂黎買金啦~ 咩都無得剩~ 我老豆好驚訝咁 "下~"左一聲
我媽亦都同老豆講: "係啊, d金咁貴, 6萬都無點剩啦~"

直到前日,我媽既朋友比人情我,我爸見到,佢臨訓前係度鬧我呀媽: "做咩比人情佢? 呢d係父母收ga!! 張帖係寫父母名ga!! 呢d係傳統黎.... 你唔識野..*&#^%$%"
我媽第日打比我同我呻,我O哂嘴!! 我幾時有講過要出酒席 +人情先? 我未來老公肯請女家都算係咁啦... 我老豆D親戚咁孤寒,其實收埋人情隨時要貼幾萬出來!!
呢幾萬預左要支出,但如果收唔到D人情,我地真係負擔唔到囉!!
我自己問左唔少人... 佢地都覺得邊個埋單就邊個收人情。


仲有, 我由上年問佢, 佢都問 "點解唔旅行結婚", 到過大禮時時候都無講明要收埋人情!!
我媽明白我... 但我老豆D脾氣好火,佢叫我自己同老豆講清楚...
我幾日後就結婚啦,呢幾日都訓得唔好, 諗緊點開口同老豆講... 因為佢都幾大男人, 好惡!
而家好唔開心...好大壓力, 又唔敢同未來老公講,費事影響佢心情。

今晚我老豆, 我未來老公同我會到教堂採排行禮... 諗住採排完先再算... T.T



子爵府

積分: 11322


發表於 12-12-6 14:11 |顯示全部帖子

回覆:fululu13 的帖子

先放下婚禮人情…等等問題先,佢係妳爸一定錫妳,做返做女嘅態度,氹下爸爸…問題就自然有解決辦法走出黎。


公爵府

積分: 28707

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


發表於 12-12-6 14:18 |顯示全部帖子
傳統計, 的確女家親戚人情係俾父母的, 係男家俾女家嘅禮金一部份. 唯有當你地當初冇講清楚, 一場誤會. 如果要傾清楚, 應該講明幾多禮金, 幾多酒席, 幾多餅咭. 女家父母會買乜嘢金器俾個女做嫁妝, etc.


翡翠宮

積分: 77737

畀面勳章


發表於 12-12-6 15:05 |顯示全部帖子
傳統計,男家俾幾多圍酒女家,果d圍數既人情就由女家收,否則,又如何為之俾酒席?只是單單俾幾十個位女家既親友坐嗎?

你爸爸並沒錯,只係你地既溝通不足,你想要番人情,就要同佢講清楚。

日日是好日


水晶宮

積分: 74328


發表於 12-12-6 15:32 |顯示全部帖子
你老豆話旅行結婚時,你順勢唔擺酒,就無煩惱啦.
依家係你決定要擺酒,計正傳統,人情係比父母,呢點係真既.
不過,如果唔夠錢,你咪先收晒D人情先,
然後再同老豆講話唔夠錢找數,所以用晒D人情來找數囉.
佢最多都係發下脾氣姐,唔通逼你去財仔借錢比番人情佢咩.
之後先至諗辦法氹番佢啦.


男爵府

積分: 8777


發表於 12-12-6 15:33 |顯示全部帖子

引用:傳統計,男家俾幾多圍酒女家,果d圍數既人

原帖由 mother904 於 12-12-06 發表
傳統計,男家俾幾多圍酒女家,果d圍數既人情就由女家收,否則,又如何為之俾酒席?只是單單俾幾十個位女家 ...
其實都無一定,通常女家說要幾多圍,不是指個坐位,而是指收番幾多圍錢。




水晶宮

積分: 74328


發表於 12-12-6 15:34 |顯示全部帖子
計傳統,女家都要買金比你.
咁你老豆買左金比你未?
如果佢逼你比番D人情佢,你咪賣左佢買比你既金口器來還比佢囉.
之不過,蝕晒手工費、金價差額姐.


男爵府

積分: 8777


發表於 12-12-6 15:35 |顯示全部帖子

回覆:ferferfer 的帖子

其實你父母用番d禮金俾你,真係好錫你!




公爵府

積分: 29294

畀面勳章 BK Milk勳章


發表於 12-12-6 15:37 |顯示全部帖子
方方媽媽 發表於 12-12-6 15:34
計傳統,女家都要買金比你.
咁你老豆買左金比你未?
如果佢逼你比番D人情佢,你咪賣左佢買比你既金口器來還比 ...
人情還人情, 禮金又還禮金.. 辦金器係應該用禮金辦, 唔係用人情辦架wor
不過我認同你一點.. 就係如果樓主爸爸真係要收, 樓主同佢傾唔掂數.. 咁賣金都係一個辦法.. 唔值得為左幾萬蚊同老豆反面.. 除非本身你地關係已經唔好.. 反面都無所謂咁啦


伯爵府

積分: 19952


發表於 12-12-6 15:41 |顯示全部帖子
比女家D酒席既人情不嬲都係女家收架啦係你唔知啫

點評

wongjoetabo    發表於 12-12-6 16:50
肥妹心    發表於 12-12-6 16:42


水晶宮

積分: 74328


發表於 12-12-6 15:47 |顯示全部帖子
michelin888 發表於 12-12-6 15:41
比女家D酒席既人情不嬲都係女家收架啦係你唔知啫

樓主都係因為問左幾個"唔知傳統"既朋友,話人情係出錢擺酒既人收,所以先至覺得"老豆令我好唔開心".
依家真係好多人都用人情來補貼擺酒錢,都好普遍.
我都係我自己收.男女家都無人開聲話要.


男爵府

積分: 7178

熱血勳章 爸B勳章


發表於 12-12-6 15:59 |顯示全部帖子
女家父母朋友來飲, 人情係父母收. 你俾幾多圍佢係預左俾晒無人情收. 你自己朋友同事果D就你自己收返...

除非你一早講, 可能你一早講,你阿爸會叫你唔好充大頭鬼, 唔使擺....

佢問你旅行結婚, 咁就大家唔使使無謂錢, 唔使買金器, 唔使請朋友.

由頭到尾係你自己想擺酒, 想開心威下, 但要阿爸阿媽的親友, 你的朋友夾錢0羅...

你話你同老公俾, 咁你地係出住先, 人地埋單......

我建議你直接你同阿爸講左先, 人情你要袋返, 因為無預俾佢...
俾d時間佢諗下俾幾多金你呢個孝順女....


男爵府

積分: 6507


發表於 12-12-6 16:11 |顯示全部帖子
我當年結婚由租場到花球所有野都係我C6一個人俾晒$$, 我爸媽都知,而我C6又有做足禮金+餅咭+我媽的租衫$$等等....可能因為咁,當時我話女家人情都俾晒C6,我爸媽都無反對。


珍珠宮

積分: 38899


發表於 12-12-6 16:51 |顯示全部帖子
回覆 kawan1117 的帖子

叫你唔好充大頭鬼 = good


子爵府

積分: 10994

BK Milk勳章


發表於 12-12-6 17:04 |顯示全部帖子
講返我自己case, 我係男女家一齊擺, 因為親戚朋友真係唔多, 女家要左4圍, 呢4圍係包括(2圍女家親戚, 2圍父母朋友)
呢4圍既人情, 係父母自己落袋的, 因為通常都係男家會問女家”要幾多圍”, 如果d人情要比返男家, 咁就前後矛盾, 唔係叫做”比幾多圍女家”喇.
酒席條數係我c6埋既, 我實質”落得袋”既, 係自己請既朋友.
不過, 我有d friend 既父母真係好好, 將收返來既人情比哂自己女兒!


水晶宮

積分: 74328


發表於 12-12-6 17:39 |顯示全部帖子
puilam714 發表於 12-12-6 15:37
人情還人情, 禮金又還禮金.. 辦金器係應該用禮金辦, 唔係用人情辦架wor
不過我認同你一點.. 就係如果樓主爸 ...

我知係兩樣唔同既野.
不過樓主如果唔收番D人情,就無錢找酒樓條數既話,咪賣金囉.


水晶宮

積分: 63131


發表於 12-12-6 17:45 |顯示全部帖子
樓主你而加知道甘多jm都話係應該攵母收啦,所以你爸爸甘做係冇錯,不過你
地係拮據既就同爸爸相量,有時女家親D既會送金器,剩番既禮金唔會好多啫,
唔好因為甘同爸爸鬧翻,到時場面尷尬,你係男家都冇面架。


子爵府

積分: 10994

BK Milk勳章


發表於 12-12-6 17:56 |顯示全部帖子
樓主唔好唔開心啦, 我一結完婚, 阿媽就好快叫我比返d人情佢, 我都好唔開心…
駛唔駛咁急呀…..明明自己有錢都咁緊張d人情…
但阿媽又真係攞左唔少錢出來買金比我, 所以唔好諗d 唔開心既野了.


大宅

積分: 4584


發表於 12-12-6 18:06 |顯示全部帖子
各處鄉村,各處例, 一般係男家比礼金+酒席, 女方家長比嫁妝. 傳統上, 妳爸爸係無講錯.


男爵府

積分: 5503


發表於 12-12-6 18:24 |顯示全部帖子

回覆:結婚人情問題... 我老豆令我好唔開心 T.T

我結婚冇擺酒,但當年我姐結婚時女家的 人情都是比左我爸,當時我姐都是同你一樣諗法攞嚟找數,最後點就唔知啦


首頁

尾頁

跳至