Re: Prudential <新生代19>儲蓄計劃回報很好, 是真的嗎?還是<取巧>?
如果保證加非保證,呢個計劃平均每年回報大約有六厘,如果只係計保證部份,咁平均每年回報就只有大約三厘。但係近年非保證部份一般情況下都達唔到,所以你最好預佢平均每年四厘回報左右,回報算幾低,同定期差唔遠。
如果你真係想用有保證o既保險儲蓄計劃,有d公司可以保證四厘或以上,加埋非保證部份,回報會好過Prudential、Manulife等計劃,如果你可以接受冇保證o既基金儲蓄計劃,回報更加會高好多。
klwy 寫道:
最近幫bb睇緊儲蓄計劃, 銀行推介Prudential 呢個計劃, 供10年, 合共10萬, 到18年後可取<<保證部份>>約(HK$148,000), <<花紅方面>>約(HK$70,000), 即合共HK$220,000
講明保證部份, 即供10萬可取回14萬8千, 但花紅就會浮動, 假設花紅方面不理想, 只有保證金部份, 咁10萬本金在18年後只有4萬8千利息係咪好少?
因為呢個plan 好耐歷史, 請問有冇人18年前買過, 而花紅方面同當初建議書出入差唔遠?
我唔想買完後, 18年後得個吉, 唔夠錢比bb讀書, side 時間.如果冇呃人成份, 咁睇數字回報又真係幾吸引.
請分享, 唔該哂!
我們勞苦努力,正是為此,因我們的指望在乎永生的神。他是萬人的救主,更是信徒的救主。<提摩太前書 4:10>