吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 工人自己提出唔續約係唔使比長期服務金 ...

論盡家傭今日: 0|主題: 133700

收藏本版

發帖

返回列表

跳至頁

查看: 1362 | 回覆: 15

工人自己提出唔續約係唔使比長期服務金

billyyanst

大宅

積分: 2487

發表於 12-12-13 23:57 |顯示全部帖子

問左兩個agent都係話當工人自己提出唔續約我係唔需面要比長期服務金，但我好多朋友都唔知以為一過5年就要比...

我工人做左8年，工作都算係唔差。年頭將會完約唔再續約返鄉下結婚，今日叫佢寫封辭職信比我keep返record但話佢啲朋友都唔使寫所以拒絕左。跟手我提佢話你自己唔做我唔使比長期服務金(其實對上一次續約個agent佢有同佢講，唔知係唔明定扮失憶)，佢即時好訝異咁話佢啲朋友個個都有得陪，跟住話成晚黑面同當我透明。

其實都知佢冇得賠呢筆錢好可憐咁，已經應承佢會比多一個月人工佢，仲帶佢買左3仟幾蚊金飾比佢嫁妝，都算係咁啦！

如果佢仲想我比多啲我應唔應該理佢呢？

私人傳訊

sillything

水晶宮

積分: 67642

2024年龍年勳章 HiPP勳章(1) 開心吸收勳章美好大世界2017勳章想生BB熱投好媽媽勳章醒目開學勳章畀面勳章大廚勳章 BK Milk勳章

發表於 12-12-14 00:17 |顯示全部帖子

billyyanst 發表於 12-12-13 23:57
問左兩個agent都係話當工人自己提出唔續約我係唔需面要比長期服務金，但我好多朋友都唔知以為一過5年就要比 ...

佢唔續約係唔駛比長服,你都講咗會比多個月人工同買咗三千幾金飾比佢,我唔佢再額外比

,由其是佢黑面,我更唔會理佢:;pppp:
不過佢未比書面信你通知你唔再同你續約,我諗佢好快會駁你炒架啦,到你頂唔住炒佢,佢咪有長服落袋囉

我們都以為，很努力去做，就可以做好一件事。但原來我們是很用力地，去做錯一件事。

私人傳訊

billyyanst

大宅

積分: 2487

發表於 12-12-14 08:26 |顯示全部帖子

引用：Quote:billyyanst+發表於+12-12-13+23:57+

原帖由 sillything 於 12-12-14 發表
佢唔續約係唔駛比長服,你都講咗會比多個月人工同買咗三千幾金飾比佢,我唔佢再額外比,由其是佢黑面 ...

佢唔肯比辭職信我已經驚驚地，好彩同佢傾果時我用手機影低左當時對話，佢應該冇得唔認係佢自己提出唔做。如果佢玩野我就改機票要佢提早返歸...

但我仔係由佢湊大，佢知道都好唔開心，所以真係唔想搞到不歡而散

私人傳訊

chan803

翡翠宮

積分: 83153

貢獻勳章 BK猜猜猜慶中秋 +5熱血勳章

發表於 12-12-14 10:28 |顯示全部帖子

billyyanst 發表於 12-12-14 08:26
佢唔肯比辭職信我已經驚驚地，好彩同佢傾果時我用手機影低左當時對話，佢應該冇得唔認係佢自己提出唔做。如 ...

你影低咗又如何? 佢一日未辭職, 一日都可以改變主意架...

唔想搞到不歡而散, 咪照俾長服佢囉.

你同佢續約時已經打算要俾呢筆錢架啦....

私人傳訊

porkchop

大宅

積分: 3570

發表於 12-12-14 10:37 |顯示全部帖子

如佢唔肯比辭職信，樓主不如採取主動，比封信向佢提出續約，限時要佢回覆，唔比答覆就當作拒絶續約，將來如有爭駁，要去勞處都多Ｄ證據。

樓主你太好心，要比佢地任何奬償，都應該留在最後一天至比。將來如你要比長俸，你現在已給她的金飾又不能計算在內，到時真係揼心口。佢哋一心要攞盡著數，唔會想什麼不歡而散。對佢唔需要放太多感情，只要合理，準時出糧就可以。如做得好，過年就封利事，生日、聖誕就比份禮物已經好好。其如唔需要比，就唔好因為佢黑面就比，要我睇你面色，no way!!

點評

estherlai

發表於 12-12-14 10:50

私人傳訊

sorman

男爵府

積分: 7278

發表於 12-12-14 11:22 |顯示全部帖子

同意版主所講，你當日同佢續第三份約，都係覺得佢做得好，預左要俾長服o架啦（冇理由續約時一心諗住佢會到時主動唔續吧？）
既然預左就俾囉。你一講話要俾resign letter佢先知冇得收長服，我諗佢真心唔知到自己唔續冇長服。

雖然權益應該係佢自己需要了解先作出決定，但你睇下，呢到大把老細都唔知自己都唔了解法例，唔知自己責任啦，係咪？

就算你話俾多一個月加三千蚊金器，你計下我當佢人工係指＄3740，佢本來有兩萬蚊長服，同家下得5千幾，足足爭左成萬五蚊呀！係四個月糧呀，俾著你自己，無啦啦（自己以為係無啦啦）冇左四個月糧，你會唔會黑面？？？

現實o的去睇一換著我，我會照俾喇，好過佢聽日就玩野，整單大大鑊過你，等你抄佢。到時係長服＋一個月代通知呀～仲未計佢隻鑊所帶黎後果

坦白講，做左四個約，即係雙方關係一向都好。當日佢主動話唔續約，我一定主動同佢講，「咁你冇左長服o架喎，你諗清楚未？」

我唔係要扮聖人，只係我一直視長約係一個報答個長期關係，係一種反影你一直滿意佢工作o既必然付出，而唔係當作一個法律要我受o既苦。

私人傳訊

billyyanst

大宅

積分: 2487

發表於 12-12-14 11:34 |顯示全部帖子

引用：如佢唔肯比辭職信，樓主不如採取主動，比封

原帖由 porkchop 於 12-12-14 發表
如佢唔肯比辭職信，樓主不如採取主動，比封信向佢提出續約，限時要佢回覆，唔比答覆就當作拒絶續約，將來如 ...

幸好金飾由保管打算臨上機先比佢。

但如果我真係出左封信比佢而佢又話同我續約咁我咪大劑? 因為新工人入境處已經批左一月中就到，我根本冇可能比offer佢，更何況咁情況佢肯做我都唔敢請啦

私人傳訊

sasatt

伯爵府

積分: 18574

發表於 12-12-14 11:46 |顯示全部帖子

sorman 發表於 12-12-14 11:22
同意版主所講，你當日同佢續第三份約，都係覺得佢做得好，預左要俾長服o架啦（冇理由續約時一心諗住佢 ...

我都贊成比,佢做得好先做到8年遮
你慳左不斷炒人比果D錢都唔止呢個數啦
當中仲要無數勞氣呢?

同埋佢到時會同D鄉里講
來HK打工,做得好做得長真係有回報架

唔使佢地下下來駁炒

私人傳訊

karenng115

男爵府

積分: 7044

陪月勳章

發表於 12-12-14 11:56 |顯示全部帖子

回覆：工人自己提出唔續約係唔使比長期服務金

樓主，咁樣睇，佢同你都做左咁多年，睇得出佢都為左你個屋企出心出力過，令你可以安心工作。佢既付出你有眼睇，如果唔係你都唔會同佢續約。
如果你同佢關係係好既，無謂為左少少錢搞到大家大吵收場，亦令仔女有唔開心既回憶，d仔女會點諗你呢個做媽媽既。
法律不外乎人情。如果個姐姐真係好既，我會俾長服+嫁妝。佢咁多年令你可以安心返工，你升職加薪時，有冇感激佢既付出？
你而家咁樣做，只會令一個好姐姐變做衰姐姐。

私人傳訊

billyyanst

大宅

積分: 2487

發表於 12-12-14 12:18 |顯示全部帖子

引用：樓主，咁樣睇，佢同你都做左咁多年，睇得出

原帖由 karenng115 於 12-12-14 發表
樓主，咁樣睇，佢同你都做左咁多年，睇得出佢都為左你個屋企出心出力過，令你可以安心工作。佢既付出你有眼 ...

其實我都明白佢有貢獻，你話佢好好又唔係，其實呢兩年佢已經好hea做得好求其，但我怕煩先隻眼開隻眼眼閉。早兩次續約agent都真係有提過佢佢自己唔做係冇呢筆錢，唔係我今日先欺騙佢。

但見佢都做左咁多年唔想佢心唔開心咁離開，所以先決定會買金比佢同出多個月人工，其實呢筆錢對我來講話多唔多話少都唔少。

多謝大家陪我呻下，我決定返去同佢傾下再比多啲，除左叫佢簽返封信辭職信仲有咁要注意地方?

:

私人傳訊