婆媳關係

跳至

首頁

尾頁
   0


大宅

積分: 1683


發表於 12-12-29 02:01 |顯示全部帖子
kayingivy 發表於 12-12-28 23:45
對唔住,佢係有工人,我亦無話要中風嘅人執屋,唔執屋係未中風前都已經係咁,我一向都無迫c6見我屋企人,佢 ...

sorry,因為你原先無講你奶奶點對你,我以為你地係關係無問題,!!
如果果邊d人都係咁自私,咁我都贊成你唔使join得太多佢地d家庭


伯爵府

積分: 18129

好媽媽勳章 醒目開學勳章


發表於 12-12-29 09:09 |顯示全部帖子

引用:Quote:kayingivy+發表於+12-12-28+23:45+對

原帖由 JasmineCheung 於 12-12-29 發表
sorry,因為你原先無講你奶奶點對你,我以為你地係關係無問題,!!
如果果邊d人都係咁自私,咁我都贊成你唔使jo ...
一早已話關係有問題





洋房

積分: 54


發表於 12-12-30 01:02 |顯示全部帖子

回覆:kayingivy 的帖子

冷靜......唔好誤會~我冇一句字眼形容閣下係“千古罪人“~~只係想講:係女人都鍾意人愛鍚!!!.......再者妳又冇做錯d乜,其實妳已經好好,平時妳過時過節都會大大方方陪男友返屋企比佢地團聚,過下天倫樂,會身體力行一齊去,妳又肯小朋友認伯母做嫲嫲,唔多唔少都認同咗佢地有血緣關係......妳生日可以帶小朋友周圍去玩去慶祝,但阿伯母奶奶要被動式等大家返去團聚,同埋佢可以一次過見哂妳地,享受一刻熱鬧感,要佢分段時間輪流去迎接應酬,對佢嚟講太吃力啦~~等同妳生日有班親朋想陪妳慶祝,點知個個時間都難遷就,原本食一餐,變食足七日,湊埋小朋友去,又要裝扮自己又要搞埋小朋友,真係忙到暈又腰骨赤...剛發完個忙亂脾氣,轉頭又要對朋友笑笑口感謝佢,唔知以為精神分裂.........又唔係私人補習,一次過點都好過分幾餐 重點係:往年新年都係咁過,今年少咗妳地,心地唔好嘅人,就會借題講下妳地是非,激下伯母奶奶令佢唔開心嚟娛樂自己......然後再度比黑心人激到中風,到時妳就真係含冤成為千古罪人~~意義重大~~


伯爵府

積分: 18129

好媽媽勳章 醒目開學勳章


發表於 12-12-30 01:19 |顯示全部帖子

引用:冷靜......唔好誤會~我冇一句字眼形容閣下

原帖由 luzieoo 於 12-12-30 發表
冷靜......唔好誤會~我冇一句字眼形容閣下係“千古罪人“~~只係想講:係女人都鍾意人愛鍚!!!..... ...
其實佢中風兩年,除咗頭一年齊人,舊年佢二女無黎,只派兩個女黎,仲要唔夠30分鐘走,佢最愛嘅大仔一家直頭去咗旅行,至於你話我有機會俾人話,我又唔係唔去,只係比佢地原先時間早,咁都要話,我無嘢講
血緣呢樣,我係無得否認,呢個係事實,但唔代表我認佢係親人,因為佢無當我係,我d仔亦如是,係我c6太天真,"一相情願"咋,甚麼聚天倫,我d仔去到,無人理,仲要望住人地玩,搞到好似乞x仔咁,我有同c6講過,佢話唔覺,梗係啦,佢返到去,都無理我地






洋房

積分: 54


發表於 12-12-30 02:11 |顯示全部帖子

回覆:我係咪好過份(唔知有冇POST錯地方)

同埋我都會明妳感受,我同男友拍拖十五年有一仔一女(大仔11,細女六個月大)都冇結婚冇註冊,我以前都係會覺得奶奶一家好戀煩好多無謂是非好多面色要睇,佢都一樣做過好多令我難堪好過分嘅事,就算我幾憎佢都好,都會做好本份,唔會離間男友同佢嘅關係,當大家經歷多咗,年紀又大咗,開始睇化咗,主動去關心佢去氹佢開心,佢都軟化咗,變得慈祥咗,由以前見親面好似世界末日反哂枱咁嘅樣,變到依家笑臉迎對方,大家生日就算唔正日過,點都前後食餐飯,好幾年嘅生日都撞正農曆新年,佢除咗派利是比孫仔,都會封番封利是比我過生日~~~~其實只要心態轉變,誠心當佢係一份子,係生活一部分,佢都會感受到,當然唔係一兩次就KO到,要關係變好唔係一朝一夕嘅事,需要慢慢經營,呢個世界真係冇人鍾意比人敵視,佢地年紀唔細,冇可能要長輩降下身份同尊嚴去迎合非親生女,唯有我地去適應佢接受佢,我地哩一代女人最強就係適應能力強,迎合到任何處境,好似用電話咁,由家用電話到手提電話去到mp3電話再到相機電到依家智能電話,我地都適應到用得著,點解我地肯花心機時間去迎合世代電話氹個電話開心...而唔肯落少少功夫去氹人地媽媽開心??話哂佢都係我地愛嘅男人嘅媽媽,我地疼愛仔女嘅嫲嫲,冇佢就唔會有我地自己家庭嘅存在~~妳都好有良心咁問大家自己係咪好過份...證明妳係善良嘅人,心底裡對佢地好好,上年個個放飛機,妳地一家大細都有出席,只係一時生活疲倦想呻下訴下苦啫~~


伯爵府

積分: 18129

好媽媽勳章 醒目開學勳章


發表於 12-12-30 11:07 |顯示全部帖子

引用:同埋我都會明妳感受,我同男友拍拖十五年有

原帖由 luzieoo 於 12-12-30 發表
同埋我都會明妳感受,我同男友拍拖十五年有一仔一女(大仔11,細女六個月大)都冇結婚冇註冊,我以前都係會 ...
或者我無你咁多年(識佢地都未夠6年),未去到咁化,又或者,你有同佢地反枱嘅機會,我無(應該話果幾次我忍咗),你同佢地反到枱,某程度上都叫有溝通,但我無,同佢地只係陌路人,要反枱嘅機會過咗(其實我等緊機會爆某人兩公婆一次),我實在做唔到當佢地係親友,其實我係自私,去,只係為咗c6無機會黑我面,佢地做乜、講乜,只要唔涉及我d仔,我唔會理,我由細到大人際關係都唔叻,所以從來都係做一d唔使掂對人嘅工,係私生活,我更加唔想逼自己咁,所以我唔簽紙就係為咗他朝有日,佢班自大嘅人想"教訓"我時,我都可以有say,因為我唔係佢地家人,我自私,唔想為其他人改變,但亦無要其他人為我改,其實佢地絕對可以繼續我未出現前嘅生活,咪當我透明囉,有乜必要我融合佢地呢?佢地都唔like我,咁唔係大家都舒服咩?





別墅

積分: 784


發表於 12-12-30 12:28 |顯示全部帖子

回覆:kayingivy 的帖子

我都係2月11生日架,咁岩既




洋房

積分: 54


發表於 12-12-30 18:17 |顯示全部帖子

回覆:kayingivy 的帖子

咁妳好好保重 唔想迫妳改變心中所想,最重要都係令自己舒服,過自己想過嘅生活,有時冇婚姻束縛都幾好,自由自在唔需要睇人臉色做人,可能大家水瓶座嘅性格都係咁 ...... 對婚姻冇乜特別期望,只係想同另一半安穩愉快咁生活,唔想太多顧慮亦唔想迫另一半去為自己承諾乜野~~..........之前以為妳對男友屋企人有留戀成份,先想勸下妳睇下有冇意欲同伯母有進一步感情發展,既然同佢地感情不合又要勉強自己咁辛苦咁難過,不如見少d,還掂大家都唔自在,冷靜下過下冷河對大家都好,想自己生活安寧唔打擾對方唔算自私丫~~多多保重


伯爵府

積分: 18129

好媽媽勳章 醒目開學勳章


發表於 12-12-30 20:52 |顯示全部帖子

引用:我都係2月11生日架,咁岩既 +

原帖由 Joeychow0211 於 12-12-30 發表
我都係2月11生日架,咁岩既
生日快樂





伯爵府

積分: 18129

好媽媽勳章 醒目開學勳章


發表於 12-12-30 21:10 |顯示全部帖子

引用:咁妳好好保重+++唔想迫妳改變心中所想,最

原帖由 luzieoo 於 12-12-30 發表
咁妳好好保重 唔想迫妳改變心中所想,最重要都係令自己舒服,過自己想過嘅生活,有時冇婚姻束縛都 ...
好多你都講中咗,我曾經對婚姻有憧憬過,只係c6令我太失望,可能水瓶嘅真係難服侍(阿葛都咁話過我),其實溝通到,我都鐘意熱鬧,一家人開開心心,而家,我只想係唔影響人又唔使強迫自己下過開心生活





別墅

積分: 784


發表於 12-12-30 21:31 |顯示全部帖子

回覆:kayingivy 的帖子






首頁

尾頁

跳至