各jm,以下係發生喺我身上ge一件事,藉住呢一件事我想鼓勵各jm無論咩事都唔好輕易放棄原來要黎到這世上ge小生命
2012年1月23大年初一,我地4兄弟姊妹跟住媽媽返大陸過新年,原因係已經好多年冇返過去過年,今年難得幾個人一齊放假,所以就決定一齊返去,嗰日真係好凍好凍,上車前、上左大巴後我一樣凍得全身發震,4個小時後我地終於返到目的地;第2日我地4個會跟舅母回娘家度過一個下午,但我食完早餐後身體真係好攰好攰,於是又走左去訓,訓到舅母黎叫醒我,但我依然攰到唔想起身,但舅母興致勃勃,我就起身同大家一齊去舅母外家。
食完晚飯後,細佬去左搵阿姨陪佢一齊去買第2日過深圳ge車飛,因為我同細佬打算年初3就回港。當晚有落雨,雨後舅母問我係唔係想出街行下,就係咁我同舅母、舅母ge外姪女敏敏,3個人一齊去行夜街,行行下我覺得我俾一鼓力量喺後面推左一下,推到我雙腳離地,然後成個人訓左喺濕立立ge地下,跟住就係舅母同敏侯ge驚叫聲,我好聲起身,但我發現我全身冇力,起唔到身,我被扶起後先知我係俾綿羊仔撞左一下,回頭,我見到個男人手中仲有一支煙,佢向舅母解釋係因天雨路滑先會失控撞到我,仲自動請纓車我走醫院,坐上架綿羊仔伏喺個男人背上,嗰下我好肯定個男人一定飲左唔少酒,送到醫院醫生同我做最初步檢查,當醫生接落我盤骨位,真係有dd痛,於是佢地就安排我照x光,基本上我當時係嚇到呆呆滯滯,佢地安排我做咩我就做咩,等緊照x光時,黎左一大班人,(我ge親人同對方ge親人),醫生見我冇咩反應就問我舅母我嫁左未?我舅母話未,於是我就被送左去照x光,前後照左3-4張,再開左一張藥單,叫我地自己去藥房買;離開醫院前個醉酒男係都係俾d錢我地,我舅母死都唔肯要... ...喺我地大陸發生呢d事,如果收左人錢,日後有咩事都冇得追究... ... 返屋企前舅父車我地去買左d藥,食左藥後我就去左訓,媽媽叫我唔好如期回港,但我一定要返
返左香港我依然有食嗰d藥;然後有一日,我突然醒起好似好耐冇黎過m,睇返記事薄,果然,已經接近2個月冇黎,即刻去買左支驗孕棒,未驗前我真係好驚,我照過x光、食左d藥,我反覆睇過嗰2樽藥,當我睇到"孕婦忌服"四個大字,我更加驚... ... 當晚一驗,我真係晴天霹靂,2條紅線!!!!係2條紅線!!!!! 我真係好希望我只係眼花,但根本係事實! 朋友介紹我去見一個c家醫生,見完個醫生行出診所,我覺得成個世界都好灰好灰,我d眼淚喺眼內打轉,個醫生一聽我話照過x光就即叫我落!! 我同男朋友(當時未結婚)講,男朋友話再過些日子先;幾日後男朋友叫我去政府健康所見一見醫生,呢一次個醫生話其實影響好微。就係因為呢個醫生我決定無論如何一定要生落黎