amymiss 寫道:
我囡囡也有,她一個月前在耳朵附近起了三個小紅點,然後三個星期前在同一位置腫起來,(初初我仲以為不小心撞親),我一共帶bb看了四個醫生:
第一個普通科醫生話佢比蚊蟲咬親,比咗d藥膏消腫,搽咗二個禮拜都冇消腫,(真係比佢吹脹!)
第二個健康院的醫生話佢係血管腫脹,可以唔洗理住,但我話好擔心 ,所以佢寫咗紙叫我去排期睇皮膚專科,但要等成幾個月,於是我帶bb去咗法國醫院睇皮膚專科,遇到一個令我諗起都好火滾嘅衰醫生
佢淨係用個死人電筒照住我個女塊面腫起嗰度,掂都冇掂我個女,然後同我講話我個女有血管瘤,而家乜都冇得做,個瘤仲會越來越大,隨時會流血出來,到時要按實佢幾分鐘才可以止血,除非做手術,但面上會留下疤痕...一共三分鐘都唔夠就叫我走得!臨走我問佢用冰幫佢 有冇用,個醫生好寸咁話:我都話乜都冇得做囉!
我一聽到個瘤字已經嚇到三魂唔見七魄,個衰人仲嚇我話呢d瘤應該唔會生到個腦入面,我當時差d喊了出來!
好彩有人介紹我去中環睇一個兒科醫生,佢好詳細地解釋比我聽,話我知唔係冇得醫,but not necessary,如果個瘤太大時可以做激光or 注射類固醇,但一般都會自己消失,而家只是定期check住個瘤有冇變大,我個心先安樂番咋!