嬰兒醫護 今日: 0 | 主題: 79094

積分: 1820

1^#

發表於 06-7-20 09:40 |只看該作者 |倒序瀏覽 |打印

hello, 各位媽媽, 你們好呀 :-P

我 b 係一個早產兒, 佢快出院啦, 但唔知出左院後, 有咩野要注意 & 要做既, 可否分享及交流下......bb 出左院後, 係咪要成日去覆疹, 要去做 d 物理治療呢? 開支大唔大? 我係一個在職媽媽, 咁我需唔需要 resign 份工去 takecare bb?

唔好意思, 咁多問題, 原因係有關早產兒既資料實在太小, 我都唔知可以係邊到云到更多資料 & 早產兒日後點行佢地每一步路 :-( :-(

0 0 0

私人傳訊

浩霆豬豬

公爵府

積分: 27564

好媽媽勳章畀面勳章

2^#

發表於 06-7-20 09:53 |只看該作者

Re: 早產嬰兒交流站..

你個B早產咗幾多呀!我仔33週5天出世,出院時係冬天,醫生話佢完全無脂肪要留意沖涼水不能太熱,否則會灼傷佢,你可唔可以講多小小資料!

我要記得幸福......

私人傳訊

conniesm

複式洋房

積分: 469

3^#

發表於 06-7-20 10:05 |只看該作者

Re: 早產嬰兒交流站..

hi過客,

你bb早產多久?體重幾多? 有無complication?住左幾奈e阮?
你唔使擔心禁多, 我孖b早產2個月+超超超輕bb, 出院後so far 好好, 其實prem baby 同普通bb唔會有好大分別, 你自己既mindset千其唔好禁諗, 否則你會好大壓力, 同埋對bb都唔係太好. 當然有d野係要比較注意:
1. 勤洗手: 盡量每當touch bb前都洗手
2. 環境清潔
3. 少到公共場所/人多地方: 直至夠3/4個月
4. 如可以, 最好餵人奶.
以上係base on 因prem baby禁細時佢既抵抗力係會弱d, 同埋會比較容易受感染. 不過你b出院時, 我相信姑娘都會remind你, 你亦可以問佢地. 亦要因應bb有什麼complication 而要額外多加注意d野.

有時間大家交流下, 我以前都有你既疑問, 加上我有2個b, 我都明白你.總之你放心, 我孖b係依度e療水平一般既地方都無問題, 你地係hk e療水平一流既一定唔使怕.

努力!願神保守你及你既b!

私人傳訊

積分: 1820

4^#

發表於 06-7-20 10:08 |只看該作者

Re: 早產嬰兒交流站..

多謝你地,

我個 b 25 週出世, 而家都有一年時間啦, 重係醫院, 佢食奶成日嘔, 吸收唔到, 而家都係得 10磅.......好擔心, 唔知點算 :-( :-( :-(

係呢, 請問你地咪第一個 b 呀, 請問你需要 resign 份工去照顧 bb 嗎?

私人傳訊

conniesm

複式洋房

積分: 469

5^#

發表於 06-7-20 10:21 |只看該作者

Re: 早產嬰兒交流站..

過客,

你唔好擔心, e生俾得佢出院, 就即係有改善, 嘔奶/食奶問題你可以請教姑娘睇下佢既case應點照顧.bb仔生命力係好強架! 我孖b依家9個幾月(足7個幾月)都係得6.幾kg(上月check係6.5kg), 聽到都嚇死人!.不過佢健康就ok. 有時唔好因為磅數而嚇親自己.最緊要健康.

我係第一胎呀!我係全職湊孖b, 不過唔係因為佢地早產既原因,我一早都諗住自己湊

私人傳訊

積分: 1820

6^#

發表於 06-7-20 11:38 |只看該作者

Re: 早產嬰兒交流站..

Thanks!

私人傳訊

mchan

積分: 1889

7^#

發表於 06-7-20 12:02 |只看該作者

Re: 早產嬰兒交流站..

HI 過客,
其實bk呢度都有好多早產b既mami, 並非只有你一個, 而且絕大部份既早產b回家後都可以好好地成長, 過程可能會慢dd, 但唔緊要, 佢地好快會追到, 唔好太灰。有mami講過, 早產b比足月b更有生命力, 更有鬥心, 所以都唔係完全負面ka...
講番我, 我陀大囝時因前置胎盤, 經常流血而要臥床, 懷孕中有一半時間係訓o係醫院, 到了31週因流血過多而要緊急開刀, 大囝出世時1.72kg, 佢住左一個月醫院先可以返屋企。我係全職mami (因為我唔想做野, 唔係因為亞囝係早產b), 所以睇住亞囝一日一日長大, 由開頭細細粒, 到幾個月後追上同期足月b, 好開心, 所以你都唔好氣餒, 要同亞b一齊努力, 一齊加油, 佢最大既支持來自mami(即係你!)
希望你亞b快高長大, 快d肥肥白白...

私人傳訊

積分: 1820

8^#

發表於 06-7-20 13:12 |只看該作者

Re: 早產嬰兒交流站..

Thanks!

其實我真係好擔心.. :-( :-( :-( , 佢太細週數出世, 出世幾日後就有腦出血 (3-4級, 4級係最嚴重), 之後腦積水, 做過手術, 醫生話一定有後遺症... :-( :-( :-( :-( :-( :-(

私人傳訊

blue0

積分: 3194

9^#

發表於 06-7-20 13:33 |只看該作者

Re: 早產嬰兒交流站..

過客,
你好, bb就出院係好事, 你唔需要担心啦, 出院時姑娘係會同你講要注意嘅事.

我個b都係27週出世, 得1.097kg 咋, 好鬼輕, 佢都有腦出血,2-3級架, 不過佢就好快冇再出血. 但醫生佢實會話有後遺症架, 所以有時唔好太介意佢講d野... 我個女而家有20個月, 好鬼活潑又百厭, 雖然只係有好深嘅近視, 但身體健康就已經足夠架喇....而我係在職媽咪, 如果你經濟許可, 自己湊bb係好d嘅.....

希望你好好take care your baby 啦, bb好感受到媽媽嘅愛架..你有唔明就問啦...

:pint:

私人傳訊

積分: 1820

10^#

發表於 06-7-20 13:43 |只看該作者

Re: 早產嬰兒交流站..

blue0,

請問你比邊個湊呀? bb 出左院後, 係咪成日要返醫院覆診, 又要去做咩咩治療, 咁在職, 邊有咁多時間呀, 如果請工人湊, 佢地可以嗎, 同覆診, 去做治療唔洗一定要媽媽去架咩?

我係在職媽媽, 我地都計過, 如果一個做野, 銀根真係好緊 (我重有個大仔, 就快返學啦), 但我又想湊細 b, 都唔知點好 :-(

私人傳訊

blue0

積分: 3194

11^#

發表於 06-7-20 23:12 |只看該作者

Re: 早產嬰兒交流站..

我b係由工人湊嘅, 個工人係有湊bb經驗, 有時唯有睇緊d, 不過佢都ok, 因為我老公係返shift, 所以好多時工人同bb獨處時間唔多..
至於覆診, 好多時係我同老公輪流去囉, 基本上醫院覆診係三個月一次, 眼科就兩個月一次囉...
如你想搵工人湊, 又担心嘅話, 不如有冇老人家可以幫忙睇下架.
早產b開頭個半年除左覆診之外, 盡可能唔好去多人嘅地方, 冇咁多細菌嘛(醫生都咁講架)..我bb出左院一年內冇點出街, 所以都冇病過, 到1歲至敢帶佢去街咋..

:pint:

私人傳訊

conniesm

複式洋房

積分: 469

12^#

發表於 06-7-21 00:27 |只看該作者

Re: 早產嬰兒交流站..

mchan,

你個b好cute呀! 佢幾大同幾重呀?

blue0 ,過客,
係呀, 我孖b開頭出左院我都唔敢帶佢出街(e生叫我最好等到6個月), 淨係去e院follow up咋! 到4個月先至淨係去教會, 6個月先有帶佢去shopping, 不過人多地方都係無去

私人傳訊

積分: 1820

13^#

發表於 06-7-21 09:15 |只看該作者

Re: 早產嬰兒交流站..

blue0,

請問你住邊區, 係返 bb 住開間醫院覆診 or 就近醫院覆診? 你就好, 你隻佬可以幫下手, 我隻佬

你 b 吞嚥有冇問題呀, 我 b 由於長時間用胃喉, 所以而家都重係唔識用口食, 要 train........

私人傳訊

bb01

男爵府

積分: 6058

14^#

發表於 06-7-21 11:22 |只看該作者

Re: 早產嬰兒交流站..

我個B都係早產，出世得5磅，而2個月都有11磅。如果可以，早產B餵人奶好好，我睇過D資料話﹐人奶會有齊BB所需要的營養，即係話如果你個BB 28周出世，你泵出來的人奶就係佢在28周需要的野。人奶成分會隨住BB大而改變，好奇妙。我果時BB住醫院，我都係泵出來帶去醫院比佢食。

另外，早產BB你要多些身體接觸，比佢多D安全咁﹐咁佢就會乖D，食得好D(我個B係咁)。

私人傳訊

積分: 1076

15^#

發表於 06-7-21 11:37 |只看該作者

Re: 早產嬰兒交流站..

過客,
我囝囝同blue0個女一樣27週出世, 但就只得0.835kg, 輕過佢囡囡好多, 2磅都無. 我係一個在職媽媽, 當囝囝係醫院, 我就日日都5點放工趕去醫院, 一直留到8點幾, 如是者直到囝囝出院, 風雨不改. 我唔知你依家仲有無餵人奶, 我果時就算返工都有pump人奶俾囝囝, 返工前pump, 我媽媽就約9點幾就將前晚pump左既奶同朝早既奶送奶去俾bb, 我5點幾到醫院又會pump奶, 所以bb係可以全人奶, even我果時已經返工.

我bb果時都要插胃喉, 到差唔多33週職業治療師就日日都train囝囝用奶樽飲奶, 後來發覺囝囝飲奶時好容易跌機, 所以雖然已足月但都未出得院, 醫生同我講, 話bb只差條氣, 可以係屋企裝呼吸機, 食奶先用. 不過好神奇, 囝囝突然有一日好進步, 成日都唔無跌機, even食奶都係, 咁醫生先俾我囝囝出院.

我囝囝已經9個幾月大(corrected age 6個幾月), 到依家都只係13磅, 去唔到3%條生長線. 有時食奶都會嘔少少出來, 同埋氣管容易敏感. 雖然佢細細粒但好鬼靈活無時停. 剛出院時覆診都幾密, 唯有坦白同老細講話bb覆診要請假. 我囝囝最緊要就算佢唔鍾意都無辨法, 同埋有我媽幫手真係好好多, 起碼我返工都返得好安心.

私人傳訊

積分: 1820

16^#

發表於 06-7-21 12:02 |只看該作者

Re: 早產嬰兒交流站..

podi,

我個 b 有一歲啦 (出世計), 而家都係得果 11 磅, 出世至半年, 我都係 pump 人奶, 半年後, 佢冇咩肉及冇咩重, 而且隻佬成日叫我放棄比人奶佢食, 足之半年後放棄左啦, 改食奶粉, 但而家成日食幾多嘔幾多, 睇到真係好心痛, 佢吸收唔到, 惟有食夜奶, 訓覺用胃喉, 都 ok 既, 不過就好辛苦, 冇得訓, 要睇實佢, 驚佢嘔.....我公司唔會比我請咁多假架 :-( :-( :-( , 工人又驚信唔過, 就算信得過, 都驚佢地冇咁多心機去湊佢地, 但如果我重返工, 我又好似冇盡過做媽媽既責任.....好難選擇

私人傳訊

積分: 1076

17^#

發表於 06-7-21 16:38 |只看該作者

Re: 早產嬰兒交流站..

過客,
我想問你bb出左院未? 你係咪都只係可以係探病時間探bb呢? 如果係醫院就有姑娘睇實, 你唔會無得訓架wor.

我囝囝到依家都會食夜奶, 我想佢食多1餐, 所以有時我會攪到好夜, 餵埋奶先訓, 如果囝囝半夜哭我又會餵少少俾佢. 好似我囝囝個case, 佢又係唔係好提起勁去食奶, 就算好餓都只係4安, 又唔吸收, 每次餵奶我/我媽媽都要俾好多好多心機, 又要tum又要唱歌, 務求佢食多2啖, 1餐奶要食成30分鐘, 我想如果我交俾工人湊就一定唔會咁好心機. 如果你有媽咪/奶奶幫手應該會好d, 唔好靠哂工人. 仲有你bb住左咁耐醫院佢一定好需要媽媽既呵護, 我仲記得囝囝足月都未能出院, 次次我地走佢都會喊, 睇見都心痛, 醫生同我講話唔想俾bb住咁耐, 怕影響佢心理成長. 如果你經濟許可既自己湊番就最好.

私人傳訊

積分: 1820

18^#

發表於 06-7-22 10:40 |只看該作者

Re: 早產嬰兒交流站..

podi,

我個 b 重未出院, 而家欠吞嚥問題 (唔識食), 食 lee 家野係要好有心機去 train, 分分鍾飲 3 安要一個鍾頭 (如果佢肯食的話), 話就話係醫院有 nurse 睇住, 但佢地成日都話好忙, 冇時間同你 train, 用胃喉啦.....所以咪到而家都唔識 lor....

其實呀 b 係 4-5 月時我個工人係完全可以 train 到佢用口食奶架, 點知因一 d 事炒左個工人, 呀 b 冇端端又比人隔離成個月, 佢地又唔 train 佢 (醫生都講話要呀 b 用口食), 但 d 死人 nurse 成 q 日都話忙 (實質係度吹水, 偷懶), 用胃喉, 攪到佢又唔記得晒點食, 左攪又攪, 而家先開始好返 d, 而家惟有我一放假, 就帶呀 b 返 home 度假 train 佢, 所以攪到冇得訓架........

係呢, 我個 b 都有成一歲啦 (足月計都有 9mths), 我想比 d 米水佢濕濕口 (當水飲), 唔知可以嗎? 請問你有冇比米水佢飲呀?

私人傳訊

積分: 1076

19^#

發表於 06-7-22 11:43 |只看該作者

Re: 早產嬰兒交流站..

過客,
我睇到你既message都心痛, 點解d姑娘咁得閒都唔train下個bb用奶樽食奶呢? 我囝之前都要train食奶, 咁職業治療師1日只會train1餐, 咁我咪特登請假走去學la. 不過我見其他職業治療師train其他bb都幾粗魯, 好似d bb唔願食就會鬧, d b點識聽呢? 不過我仔係icu時, d姑娘真係好好, 因為佢地全日只會睇住果2-3個bb. 我都有問佢地點解唔餐餐train用奶樽, 佢地都話因為人手唔夠, 同埋b咁細其實佢地用樽食一次奶要好多氣力, 所以唔可以一來就餐餐用奶樽.

原來你bb係home leave. 不過如果我係你我就quit左份工自己湊番, 始終自己會有心機train bb, 唔好旨意人地咁多, bb係自己既就一定會好有心機湊啦, especially你個bb其實真係好需要你, 我想如果你quit左份工湊bb, 佢日日都有機會train到用樽食奶, 我想好快就可以餐餐用樽啦, 你以前個工人做到你都可以, 因為有專人成日train佢, 佢都進步得好快. 同埋你bb依家好需要多d同人接觸, 你諗下如果佢訓醒唔見人, 哭都無人理真可憐. 我仔條氣初時都唔好, 食奶要戴呼吸機, 果時我都唔想只係為左呢樣野而要囝囝住醫院, 我寧願屋企裝個氧氣筒, 食奶先用. 因為我知道囝囝再住落去既話我怕會影響佢既心智發展. 依家我囝囝見我放工一返到屋企就第一時間對住我笑, 已經開始認人啦.

你bb係仔定女呢? 依家係邊間醫院? 你bb依家係icu定係新生嬰兒加護病房呢? 我仔上年9月尾出世, 你bb應該大我仔3個月.

私人傳訊