麟媽媽 寫道:
有時老人家唔好眼又無記性,
好多時都發生D 唔知好嬲定好笑既野!!
有一次我媽咪打開雪柜,之後佢大叫「唉吖!!」
原來係一條濕既底褲放左係個雞蛋格度…..
我地幾個女大笑!真係笑到流眼淚!
但我媽咪面色都變晒…仲問我地好好笑咩?!
之後我亞嫲走出黎話︰「唉吖...係我架…….
我洗完本來想掠起佢….但行過雪柜想攞個橙…..
轉頭又唔記得放左係邊….原來係呢度……」
我地而家講起都仲笑架,但我媽咪好嬲架,
其實都好喇,起碼條底褲洗過,未洗咪仲衰!
[quote]
羊咩咩太太 寫道:
我奶奶都試過炒白菜仔,成碟菜炒得好嫩綠,挾下挾下又好好味;點知亞女挾到一大片好嫩綠既白潔布,嘩,真係睇佢唔到架,我即刻想嘔呀!
ha8mo 寫道:
我媽脾氣愈來愈差
就算好聲氣D話佢
佢都會發爛渣
[quote]
羊咩咩太太 寫道:
唉,有時d老人家,越老就越似小朋友,好似佢地玩完玩具無手尾咁,咪幫下佢地loh;其實我地可以比兩個反應佢,一係就鬧,一係就笑,我情願笑下解決佢算了,反正老人家真係好難改架.