意見反饋
義工

少年成長 今日: 12|主題: 14636

12
跳至
查看: 1667 | 回覆: 21
小朋友太多野講唔停口係好定唔好呢?


大宅

國民生產總值:1009


發表於 06-8-1 18:08 |顯示全部帖子

小朋友太多野講唔停口係好定唔好呢?

我仔仔今年4歲半,十分好動熱情,係過份熱情,見到任何人在他身邊都一定會主動逗人說話,如去吃東西,坐在隔離的人,他都一定會主動不停問人野,又不停講野,入電梯有任何人都好,一定又係主動不停問問問!,如有時遇到對方都是好NICE,當然感到無咩野,但有時他不停說,但別人是好酷沒反應,當他透明的人,我就感到好難為情,我是一個好被動,慢熱的人,剛才仔仔相反,所以好多事都令我不知怎算,不知應否罵他或怎樣,我只好叫他不要太多話,不要一見到任何陌生人都可以這樣熱情,因不是人人接受的,接受的當然好開心,不接受的就會好像感到自己仔仔不停煩住人,打擾別人,我叫他不要太多話說了,他又不會聽,還是不停地說,有人會話是件好事,我真不太懂,請給些意見!


男爵府

國民生產總值:5993


發表於 06-8-1 18:44 |顯示全部帖子

Re: 小朋友太多野講唔停口係好定唔好呢?

會吾會又係過度活躍呢?你囝囝除左多野講之外,佢平時失吾失控架?會吾會成日九吾答八講野(總之講好多野時,D講野內容好亂十句內已經轉左幾個話題)?人地明吾明佢講乜?或者佢有無意識有POINT咁講野???

因為我個仔依家都係咁,但係我個仔係過度活躍專注力缺乏症黎,佢又係講野吾停,連街外小朋友都吾知佢講乜或者嫌佢煩...EVEN我囝囝同學既家長,佢有次做學校義工湊佢地出去參觀,佢都話我個仔係咁掹住佢猛咁講野,見到乜都講,直頭搞到呢個家長都同我講佢都頂吾順...多野講到連個家長都話攰!!! 我個仔响街又係三吾識七都走黎同人地傾計問野...正如你所講,遇着D NICE既人咪無問題囉!但遇着D吾鐘意小朋友/吾友善既人,我做亞媽既都會覺得尷尬/吾好意思...

不過我就兩睇囉!查實佢地咁主動又吾怕人走去同人傾計,都係件好事,學下咩叫做社交/溝通嘛!尤其男仔我又覺得吾應該係咁細膽怕事,只要佢地吾係無禮貌話人,我平時都吾理咪由得佢點去同人溝通囉!遇到D吾係太友善既人,人地俾吾好既反應俾佢,只要吾係俾人打,我都吾會干涉,等個仔自己去解決去面對,有時俾佢地碰釘吸收下經驗,勝過我地費唇舌去教佢話佢鬧佢;

另一方面睇,如果真係認為咁樣真係好騷擾到人既話,間吾中拉一拉開個仔,叫停佢,同佢解釋番咁會騷擾到人地,都係件好事,至少佢都知道咁樣既行為吾係個個人接受到亦未必一定係好...提醒下佢,叫佢忍下,叫佢自我控制番自己高漲既情緒/行為囉! 吾駛太擔心既~~~
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

國民生產總值:1009


發表於 06-8-1 18:57 |顯示全部帖子

Re: 小朋友太多野講唔停口係好定唔好呢?

JAY媽:
十分多謝你意見!咁我個仔就唔係過度活躍這種,都好乖講野有文有路,只係他過份熱情,大部份人都會好鍾意他,只有時遇到木無表情的人我真有點不好意思!阿仔又好厚面皮不停講,人哋又當他透明,我就好難為情!如有次坐電梯去百坐,一入去,他見到一個在百佳工作的員工,,著白制服的,他就主動問:請問你係咪廚師?員工:唔係 仔仔:咁你係咪賣魚魚? 員工:都唔係喎!!仔仔:咁你做咩架? 員工:我做面包架!!之後同我講你仔仔都好多說話,好主動,係好事來的,我就說:可是不每個人都會理他呢!!他可以和一些沒見過面的人都可以好像好熟識好熱情,今天落樓下玩,和一個沒見過面的女孩現了一會,到別人要走時,他就不停跟住人,又話:好慘,你要回家,我見不到你,下次再來玩,之後好肉緊地在女孩背後做出KISS的動作,然後說:等我錫淡你先啦88,我真係好驚!嚇到女孩個老豆都好像有點怕!


男爵府

國民生產總值:5993


發表於 06-8-1 19:17 |顯示全部帖子

Re: 小朋友太多野講唔停口係好定唔好呢?

有時我地做大人既,真係吾可以用大人既角度去睇細路仔,始終童言無忌嘛!只要吾係講粗口或者講不雅既野,查實我地都吾需要介懷既!佢話要鍚啖人地先,你地吾需要SERIOUS去話佢睇佢,咪照樣用輕鬆既態度同佢講:"吾係人人都俾你鍚架!剩係爸爸媽媽至可以俾你鍚鍚!"有次我個仔仲誇啦!响學校拉住個女同學走黎介紹俾我識:"媽咪!佢係我老婆呀!"個班主任就即刻好緊張咁話佢:"亂講野!" 但係我即刻笑我個仔咁話:"你讀好書大個左搵番D老婆本先至搵老婆啦!" 不過D細路真係人細鬼大,我個仔前後介紹兩個女同學話係佢老婆(之前嗰個佢話俾第二個男同學搶走左,佢好嬲!),但兩個'老婆仔'都好似好受咁,笑到好甜咁好有禮貌同我打招呼又自我介紹~! 我差D忍吾住笑左出黎!D小朋友有時真係好得意!竟然咁早熟!想當年我中一嗰陣,有D同學剩係走黎同我呻話怕大個左無男朋友,我都已經覺得好難為情,因為嗰陣我都吾認為嗰個年紀已經要諗埋呢D野!

吾怕啦!咪俾多D機會佢同人地溝通社交下囉!總好過佢吾識得同人社交嘛!

老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

國民生產總值:1009


發表於 06-8-1 19:30 |顯示全部帖子

Re: 小朋友太多野講唔停口係好定唔好呢?

JAY媽:
其實我自己和身邊的朋友都覺得兒子好可愛,好識講野,把口好逗得人開心,我一向都感到無咩問題,但呢排唔駛上學,我多咗和他出街,就發現陌人生都分兩種,好怕遇著好冷酷的人,情況會好少,但總係感覺不好受!也許是我太在乎別人的眼光吧,或我自己想多了吧!也有人和我說過這種小孩才得人鍾意,才可愛,好有童真,好過一舊飯十問九不答!哈哈 !他是世界仔一名,見到女人就叫靚女,見人講人話這種,好懂說話的!只是有時會過份擔心,應否阻止他,或怎樣好,那現在你這樣說,我就随他吧,不好罵他,就算罵他,他都不懂,我剛才和他說,可否以後不好太多話說,和陌生人不用這樣多事,問東問西,因都不是認識的人,別人也不一直鍾意你不停問他東西,但他還是有點不懂的樣子,那就隨他好了,再大一點才看看怎樣


男爵府

國民生產總值:5993


發表於 06-8-1 20:01 |顯示全部帖子

Re: 小朋友太多野講唔停口係好定唔好呢?

慢慢黎啦!始終佢一路長大,遇既事同經驗多左,再加上你教導,自自然然會識得得體!最緊要佢識得講野討人喜愛而吾係下下腰到人地頂心頂肺嘛! 佢想講野,都無壞既!
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

國民生產總值:1009


發表於 06-8-1 20:16 |顯示全部帖子

Re: 小朋友太多野講唔停口係好定唔好呢?

JAY媽:
咁你又講得好對,最緊要佢又唔係講粗口或講野令人反感,都是好攪笑好純真的這種,都唔會頂到人個肺 只係好像機關槍唔停咁發子彈姐 鍾意的人,會感到他好攪笑好可愛!都係20個人才遇上1個是木口木面令我難為情的


男爵府

國民生產總值:5993


發表於 06-8-2 02:19 |顯示全部帖子

Re: 小朋友太多野講唔停口係好定唔好呢?

查實都吾需要介懷嗰D木口木面既人既...我遇到好多人就算係女人都好憎好吾鐘意小朋友架!佢地講得出口,咁真係好抗拒既!始終我地呢D亞媽,個個都鐘意自己小朋友,個個都認為自己既小朋友係世上最得意最可愛既,都好難理解到點解佢地咁吾鐘意小朋友...算啦!無謂迫人鐘意小朋友!只要個仔吾係過份咪無問題囉!
老公VOICEMAIL 1 2 3 愛是恆久忍耐又有恩慈,愛是不嫉妒不自誇不張狂,不作害羞的事,不求自己益處,不輕易發怒,不計算人的惡,不喜歡不義,只喜歡真理,凡事包容,凡事相信,凡事盼望,凡事忍耐,愛是永不止息


大宅

國民生產總值:3732


發表於 06-8-2 10:19 |顯示全部帖子

Re: 小朋友太多野講唔停口係好定唔好呢?

davidmarco,

咪講話您個仔 4 歲半啦, 我個仔 2 歲半都係唔停口嫁, d 人仲成日話佢咁快識講咁多嘢tim, 我又覺得冇所謂 bor, 始終接受 ge人多過木口木面 ge 人, 我個仔喺電梯見到 d 唔識 ge 人都會叫姨姨或叔叔, 之後就會同人講佢去邊, 所以看更或停車場管理員見我哋同佢出街一定知我哋去邊. 我就未聽過人話佢多口, 而且童言童語咁可愛





複式洋房

國民生產總值:382


發表於 06-8-2 20:13 |顯示全部帖子

Re: 小朋友太多野講唔停口係好定唔好呢?

多嘢講, 好過吾講說話, 第日作文 都 順d 呀...


民房

國民生產總值:82


發表於 06-8-2 21:47 |顯示全部帖子

Re: 小朋友太多野講唔停口係好定唔好呢?


複式洋房

國民生產總值:382


發表於 06-8-2 21:56 |顯示全部帖子

Re: 小朋友太多野講唔停口係好定唔好呢?

小朋友肯講, 梗係好啦...起碼吾怕醜, 縮埋一角...嘻


大宅

國民生產總值:1009


發表於 06-8-2 22:22 |顯示全部帖子

Re: 小朋友太多野講唔停口係好定唔好呢?

Small_Cloud :
哈哈,我個仔自小都和你個仔一樣咁多口水,我依家都一樣,有咩唔舒服要去看醫生,成條村都知啦,他一出門口見到任何人都打招呼,又自己和別人說,我邊度唔舒服啦,又話比人知我哋依家坐咩車去邊度看醫生,哈哈,你都講得好好,就係其實木口木面的人不算多,時運低先遇到!


大宅

國民生產總值:1009


發表於 06-8-2 22:23 |顯示全部帖子

Re: 小朋友太多野講唔停口係好定唔好呢?

colour75:
真係,哈哈,咁又唔錯喎
colour75 寫道:
多嘢講, 好過吾講說話, 第日作文 都 順d 呀...


大宅

國民生產總值:1009


發表於 06-8-2 22:24 |顯示全部帖子

Re: 小朋友太多野講唔停口係好定唔好呢?

jj-egg :
佢真係會自編自導自演,總之口不停,唔係唱歌就係咁老作故仔,都好攪笑吓!


大宅

國民生產總值:1009


發表於 06-8-2 22:27 |顯示全部帖子

Re: 小朋友太多野講唔停口係好定唔好呢?

colour75:
從小到大他都很不知醜,我和老公都話佢真係好唔知醜,又臉皮厚 任何人都唔驚,一見面就好像識咗人好耐,好好感情咁,超熱情,如對方接受到咪開心,有些人會用奇怪眼光,好像感到怪,感到三唔識七點解會咁熱情,應是對方有問題,不是小孩子有問題吧!


大宅

國民生產總值:3015


發表於 06-8-3 00:09 |顯示全部帖子

Re: 小朋友太多野講唔停口係好定唔好呢?

原來有咁多小朋友都係會咁樣,老師也封了我個仔叫口水仔,佢又係乜都講又長氣又大聲,佢永遠好主動同其他小朋友打開話題好似好熟咁,亦試個有小朋友冇禮貌對佢,佢就迫住問點解你會咁樣,但這個小朋友的媽咪叫我用牛皮膠紙封住個仔包口,話聽到佢把聲好煩。因她的小朋友要睇心情先會和你說話。 [quote]
davidmarco 寫道:
colour75:
從小到大他都很不知醜,我和老公都話佢真係好唔知醜,又臉皮厚 任何人都唔驚,一見面就好像識


大宅

國民生產總值:3732


發表於 06-8-3 09:45 |顯示全部帖子

Re: 小朋友太多野講唔停口係好定唔好呢?

KEOROR 寫道:
原來有咁多小朋友都係會咁樣,老師也封了我個仔叫口水仔,佢又係乜都講又長氣又大聲,佢永遠好主動同其他小朋友打開話題好似好熟咁,亦試個有小朋友冇禮貌對佢,佢就迫住問點解你會咁樣,但這個小朋友的媽咪叫我用牛皮膠紙封住個仔包口,話聽到佢把聲好煩。因她的小朋友要睇心情先會和你說話。


係呀, 我個仔好主動同人打招呼嫁, 我又唔覺得唔好, 始終 "禮多人不怪" 嘛 大部份人都好受落 tim, 呢 d 係家教問題. 邊有家長叫人封住 d 小朋友巴口嫁 :tongue:





大宅

國民生產總值:1009


發表於 06-8-3 13:35 |顯示全部帖子

Re: 小朋友太多野講唔停口係好定唔好呢?

KEOROR:
如果我係你,聽到這位家長咁講,要用牛皮膠紙封住我仔仔個咀的話,我真會即時黑臉,咩人來架,咁講野,她當自己個小朋友係咩,皇帝嗎?咁細個就教成咁無禮,將來出社會工作真有問題,不會太受歡迎!這種小孩更煩更令人感可怕!


大宅

國民生產總值:1009


發表於 06-8-3 13:36 |顯示全部帖子

Re: 小朋友太多野講唔停口係好定唔好呢?


Small_Cloud :
我都好同意你咁講,禮多人不怪!
總好過見到人當透明,就真係無家教了!


12
跳至
© Baby-Kingdom.com Limited. All rights reserved.