心聲留言

跳至

首頁
1

尾頁
   0


洋房

積分: 121


發表於 06-8-2 11:25 |顯示全部帖子

唉!借個位黎呻

我個小朋友和大伯個小朋友都係放係老爺度湊,我小朋友就大過大伯個小朋友小小,所以乜都要我小朋友讓大伯個小朋友,講真依家個個都係獨生,唔似得我地以前咁屋企一大班兄弟姊妹,所以我個小朋友又點肯去讓,而且係每次都要讓,完全無理由可講,我會同自己個小朋友講,叫佢忍讓,雖然自己個心都唔願意,但都要安撫下佢,相反,大伯個小朋友,大伯兩公婆唔會同佢講理由,小朋友話乜就乜,要風得風,要雨得雨,我老爺奶奶又係咁,攪到我個小朋友日日都同我講唔開心,我又無錢請工人,咁可以點呀!唯有辛苦下個小朋友,叫佢忍下先,有次大伯同我老公講,叫我不如搵人湊,大佬,我有錢請人,唔洗你開聲啦!我真係好想講,大伯,你兩公婆咁有米,點解你地唔請工人湊個小朋友,反而叫我地兩公婆請呀!

不過我真係好想請人湊亞B,唔洗佢係老爺度日日話慘,我都好心痛. :-( :-( :-( :-(


別墅

積分: 678


發表於 06-8-2 11:53 |顯示全部帖子

Re: 唉!借個位黎呻

你可不可以自己湊番個小朋友呀!試計算若自己不工作(我估你有工作),單靠老公份糧,慳少少,可否支持頭家.


男爵府

積分: 8342

2020勳章


發表於 06-8-2 11:55 |顯示全部帖子

Re: 唉!借個位黎呻

比著我每日比人蝦, 仲要每次都要讓人, 我都唔開心啦, 更何況係一個小朋友, 2個小朋友一齊比你老爺度湊難免會有比較, 你小朋友大d應該係先比老爺湊的, 點解你老爺仲要湊多一個小朋友呢? 湊2個小朋友好辛苦的, 你大伯又點解明知你老爺湊緊一個仲要比自己個小朋友佢湊呢?

依家咁的情況, 你大伯一定唔請工人, 只得你要諗下比其它人湊, 因為你自己都唔想小朋友成日唔開心oY


翡翠宮

積分: 76971


發表於 06-8-2 12:03 |顯示全部帖子

Re: 唉!借個位黎呻

若然比你個小朋友返全日班有託兒個隻又比唔比得起呀 仲有你大伯有錢都開聲叫你請工人, 我係你我真係會老實不客氣話佢點解你有錢你唔請呀 :tongue:


大宅

積分: 1760


發表於 06-8-2 12:12 |顯示全部帖子

Re: 唉!借個位黎呻

恕我直言......我覺得你做人處事都幾膚淺.

以下是我小時與人相處得到既經驗

爭霸,系人都做到
忍讓,系叻人至做到
磨練,系最痛苦的經驗
經驗,系可能終身受用的知識


在沒有重大傷害下,
從生活中比小朋友試下"磨練",得到生活"經驗"
學識與人相處要"忍讓"
小朋友成長後,就吾需要系bk借個位黎呻 lor.


子爵府

積分: 11995

好媽媽勳章


發表於 06-8-2 12:44 |顯示全部帖子

Re: 唉!借個位黎呻

其實小朋友返學未...如果已經返學...或者可以讀全日...如果因為暑假先比你奶奶佢地湊...或者可以放係託兒所...或者你屋企有無人可以幫你湊...



[url=http://lilypie.com][img]


侯爵府

積分: 24705

好媽媽勳章


發表於 06-8-2 13:17 |顯示全部帖子

Re: 唉!借個位黎呻

嘮叨老婆
我都好同意sa_628的意見!!
坦白講,妳個case比我既感覺係:妳地同大伯佢地都係唸住係老爺奶奶到攞着數,重要因為對方攞得多過自已而吾開心!!
妳都識講自己冇$請人揍,禁妳又點可以要求老爺奶奶點樣揍小朋友(因為佢地係人情上幫緊妳地)。
再講,而家冇$請人湊亞B,要佢係老爺度就日日話慘,就好心痛,
過幾年冇$比亞B讀直資/國際學校,又好心痛,.....
跟住又冇$比亞B買名牌、去歐洲旅行見識,又好心痛,...
跟住又冇$比亞B出國留學,買個學位返黎,又好心痛,...
然後又冇$比亞B買樓結婚,又好心痛,...
既然係禁,做乜要生個B出黎?
其實妳比起好多mami已經好幸福,起碼老爺奶奶肯同妳揍亞B!!
坦白講,如果我係妳老爺奶奶,知妳禁唸,就直情吾同妳揍亞B,等妳自己唸掂佢,冇謂自己攞黎辛苦跟往重要比妳話對亞B吾好!!


珍珠宮

積分: 31871


發表於 06-8-2 13:30 |顯示全部帖子

Re: 唉!借個位黎呻

我諗樓主既意思係因為自己無能力請工人湊亞b,而要亞b 受苦係因為2位老人家偏幫大伯個囝,坦白講,10隻有指有長短,人總有偏心的,只不過在於過唔過份偏愛,我絕對明白樓主既意思,佢唔想亞b再留係果度受苦,但自己又確實無能力搵人湊 :cry: 小朋友應該童年係最開心的,作為一個媽咪見到自己
小朋友日日都咁唔開心,自己梗係心痛啦 :cry:
而且佢都係想搵個地方呻下,舒解下自己吧了!


複式洋房

積分: 224


發表於 06-8-2 18:22 |顯示全部帖子

Re: 唉!借個位黎呻

我都好同意sa_628和ac321的意見!!
ac321你所講的我都好想講比我好多朋友聽,
因為我發覺好多朋友都係你所講咁!

比人湊洗乜咁緊張, 而且仲要係老爺奶奶,
唔通同你有仇咩, 如果有仇就會唔幫你湊啦,
依家幾多老人家都唔肯幫自己仔女湊,
放鬆d啦, 成日咁緊張攪到d小朋友乜都鐘意投訴或喊來解決問題,
有時有d小朋友係要靠其他人來教才會改善態度的,
小朋友打架或吵鬧當然會有的, 就算兄第妹都必經的,
唔可以成日以為小朋友喊住投訴就係慘,
當你接受小朋友投訴, 就會攪到小朋友以為自己好慘,
唔通係學校打架向你投訴或老師遍心,
你又轉學校呀,
第時點係社會自立呢?




其實妳比起好多mami已經好幸福,起碼老爺奶奶肯同妳揍亞B!!
再講,而家冇$請人湊亞B,要佢係老爺度就日日話慘,就好心痛,
過幾年冇$比亞B讀直資/國際學校,又好心痛,.....
跟住又冇$比亞B買名牌、去歐洲旅行見識,又好心痛,...
跟住又冇$比亞B出國留學,買個學位返黎,又好心痛,...
然後又冇$比亞B買樓結婚,又好心痛,...
既然係禁,做乜要生個B出黎?


大宅

積分: 1170


發表於 06-8-3 11:28 |顯示全部帖子

Re: 唉!借個位黎呻

好似我個女甘, 都係成個投訴專家.
小小事就向我投訴, 呢個蝦佢, 果個蝦佢.
跟住我多數話番佢好小事蔗, 小問題自己應該識得去解決.
唔使甘介意, 你太小氣啦. 次次應成我唔在小氣.
最后都係甘, 無改善.

我覺得係小朋友自己下下都太計較, 所以成日唔開心.
真係唔識得點樣教佢做人應豁然開朗.
有句說話我好鐘意就係:
(一個人的快樂, 不是因為他擁有得多, 而是因為他計較得少)



性格問題, 真係比讀唔倒書更煩更難教.

喜歡的金句:
己所不欲.勿施於人
世界本來就不公平,但快樂卻是公平的,只要你知足.
一個人的快樂, 不是因為他擁有得多, 而是因為他計較得少

首頁
1

尾頁

跳至