夫婦情感 今日: 16|主題: 42421

袁太 寫道:
你不如教你仔問番佢公公有無返來訓，有無同佢去街之類，又或者每日有咩有趣野發生就叫你仔記得係電話度話俾婆婆知。

麟媽媽 寫道:
咁你亞媽可能擔心你老公唔痴家，
驚你老公成日出去唔理你兩母子呢。
講真，「好女兩頭瞞」，你亞媽問你，
你老公就算成日出左去你都話唔係喇，
免得亞媽再哦你唔好放個老公出去 (長氣煩嘛)

咁你亞媽可能唔敢問又或是想知真相，
咪問你個仔囉，小朋友直接唔講大話吖嗎！
我覺得佢問你亞仔呢D 問題無咩問題，
小朋友唔會諗得咁複雜，因佢唔知婆婆對爸爸不滿的。
不過，如果你仔講完「Daddy 好少同我地去玩」，
而你媽咪又加意見如「你Daddy 都唔錫你兩母子既…..」
咁就唔係咁好喇，如果係咁你要同你媽咪傾下。