意見反饋
義工

少年成長 今日: 0|主題: 14634

查看: 538 | 回覆: 2
遇著D 咬人的小朋友,點算好?


男爵府

國民生產總值:6325


發表於 06-8-3 15:01 |顯示全部帖子

遇著D 咬人的小朋友,點算好?

表弟BB 時已放在我家同我BB 一齊湊,上年我BB 開始返學 ( 全日) ,放學回家已 5:00 ,未見有很大麻煩,但近來因我BB 放暑假,在屋企時間多了,2 個小朋友( 表弟 yr 2.5 & 我個仔 yr 3.5 ) 成日爭野,咩都爭一餐 : 玩具 / 電視 / VCD / 工人姐姐 / 爺爺......,上星期姐姐同我講佢兩個又爭野,跟住表弟咬左我BB 一啖,我放工都已經 7:00 ,重見到個牙印,我同老公都好肉痛,但沒有追究。點知第二日又發生一次,我就同老爺及姐姐講叫佢地多D 留意,及有同姑奶講,姑奶都第一時間有鬧表弟及教佢以後唔好,我同老公都冇再放係心上。
點知昨晚9:00我同BB 沖涼,發現又有一個牙印,我問BB 係唔係表弟又咬你,佢話係。我即時問我老爺,佢答話冇,我即刻比個牙印佢睇,佢就冇出聲!我問姐姐,佢話煮飯時聽到BB 喊,出來以為佢地只係爭野,唔知表弟已出口。我今次有D 嬲,我老爺知都唔出聲,又唔同我講,又唔同姑奶講。
我唔係想怪表弟,其實我都好錫佢 (因為由細睇到大) ,但我真係唔知點解決好?請各位媽咪教我可以點做!


大宅

國民生產總值:2804


發表於 06-8-3 15:37 |顯示全部帖子

Re: 遇著D 咬人的小朋友,點算好?

2歲半,就算你姑奶做甚麼也無辦法的,只可以靠看管的人睇緊d.那麼細小朋友只要一爭,就會用口.到他大點,就無事的.我對孖仔也有互咬的時期,只有叫工人大部份時間都和他們玩,到他們訓時才做少量必要的家務.


珍珠宮

國民生產總值:42820


發表於 06-8-3 23:34 |顯示全部帖子

Re: 遇著D 咬人的小朋友,點算好?

好可惜果個咬人既bb唔係你自己既bb,我同一些讀過兒童心理既社工都傾過呢個問題,我地都話會咬返佢一啖(要痛的),話佢知咬人人地會好痛,人地好唔舒服同唔鐘意,所以記住唔好再咬人。我個仔2歲半時比人咬過,重係瘀左1個星期果隻,到而家佢都好記得唔可以咬人,重成日教妹妹唔可以咬自己/人。


© Baby-Kingdom.com Limited. All rights reserved.