意見反饋
義工

夫婦情感 今日: 52|主題: 38908

查看: 1628 | 回覆: 13
是他錯? 還是我錯?


大宅

國民生產總值:1283


發表於 06-8-3 16:02 |顯示全部帖子

是他錯? 還是我錯?

昨晚我跟朋友去睇軟硬show, 佢就同佢d同事去食飯飲酒,他只在他放工時打過一次電話俾我,跟住就一個電話到無。到半夜,因大風大雨關係,雨水由冷氣機位入屋,窗台都濕晒,又驚大風到吹左d窗或冷氣機落街,總之當時心情好驚,望下個鐘已是5點多,想關心佢問佢係邊及叫他早d返黎,點知佢個電話竟然關左,最後我只留言話我好驚。到佢差不多7點滿身酒氣返到黎,我喊住同佢講我感受,我話佢成日顧住玩,唔理我,已經唔係第一次係咁,佢覺得無問題,又唔係晚晚!安撫左我一陣佢就訓左,完全無say過sorry! 我真係心都淡,佢12點起身返工到而家就黎4點,一個電話都無打俾我,佢真係唔覺自己有錯?


男爵府

國民生產總值:7615


發表於 06-8-3 16:25 |顯示全部帖子

Re: 是他錯? 還是我錯?

我覺得兩個都冇錯。你有節目,所以先出去,放工打左电話比你ok啦,唔通你要佢每小時佈告行中!!佢电話熄左咁你有冇問点解我覺得佢冇必要熄电話呀...
咁你話佢成日出去玩,咁一個禮拜又玩幾多次呢?每人都需需娛樂,咁你咪一齊出去囉!
男人唸野好簡單,冇唸過好大雨加上窗台又入水,你打比佢又唔通,令你咁驚,完全係因為昨晚佢出左去....不過佢都安撫左你啦!都冇乜好嬲啦


公爵府

國民生產總值:27091


發表於 06-8-3 16:36 |顯示全部帖子

Re: 是他錯? 還是我錯?

我諗你最好問清楚你老公點解要熄電話&點解要成晚唔返屋企lor,玩唔係唔比佢玩...大家都應該有自己空間&朋友...但點解要玩到唔返屋企呢...就算一次半次都唔可以接受啦,如果佢咁鍾意玩...就無謂結婚啦


男爵府

國民生產總值:6946


發表於 06-8-3 18:23 |顯示全部帖子

Re: 是他錯? 還是我錯?

個男人覺得安撫


別墅

國民生產總值:525


發表於 06-8-3 20:59 |顯示全部帖子

Re: 是他錯? 還是我錯?

我覺得雙方係有責任關心,照顧同諒解對方! 唔係女人幫女人, 如果丈夫玩到唔返屋企兼唔聽電話, 佢係有d過份, 玩都要有分寸, 打個電話唔係好哂時間je, 起碼老婆知老公做緊咩, 無謂要老婆擔心啦, 唔知仲以為老公有咩事發生tim!
我覺得你地應該坐低傾下, 唔好諗埋一面, 否則會吵大獲ga!


子爵府

國民生產總值:11965

好媽媽勳章


發表於 06-8-3 21:25 |顯示全部帖子

Re: 是他錯? 還是我錯?

其實每個人既諗法唔同...你覺得佢應該打電話比你...應該同你傾下偈...佢可能覺得又無野好傾...所以唔駛日日都打電話比你...其實兩夫妻有唔開心就要講出黎...可能講左出黎...個答案未必係你想要...但係起碼你都講左出黎比佢知道...你唔講...佢又唔知你嬲咩...



[url=http://lilypie.com][img]


禁止訪問

國民生產總值:6433


發表於 06-8-3 22:37 |顯示全部帖子

Re: 是他錯? 還是我錯?

提示: 作者被禁止或刪除 內容自動屏蔽


翡翠宮

國民生產總值:75436


發表於 06-8-3 22:46 |顯示全部帖子

Re: 是他錯? 還是我錯?

我同你個情況會調返轉囉, 反而出去玩到咁夜, 留响屋企等門果個會係我老公多啲囉 .....


複式洋房

國民生產總值:381


發表於 06-8-3 23:33 |顯示全部帖子

Re: 是他錯? 還是我錯?

如果佢肯坐低同你傾,俾個答案你,好過佢唔出聲,怕彩你都費事......................... :-(


別墅

國民生產總值:970


發表於 06-8-4 00:33 |顯示全部帖子

Re: 是他錯? 還是我錯?

我件死野都試過咁,佢話飲大左乜都唔知咁大個人自然有分寸唔使擔心喎,所以---係覺得自已無錯的!
D男人係咁架喇,總之話佢就會話唔比空間佢,乜都關空間事的!
成長的代價,就是家人一個一個地離我而去嗎? 長大,正是越來越多的痛苦與孤寂. 他們的離開叫我心痛... 我永遠記得,他們給我的就是一生中最好的東西。


洋房

國民生產總值:127


發表於 06-8-4 01:03 |顯示全部帖子

Re: 是他錯? 還是我錯?

一定係男人錯,佢未明白你既感受,好好廣清楚.


琥珀宮

國民生產總值:171231

親子達人勳章 畀面勳章


發表於 06-8-4 01:50 |顯示全部帖子

Re: 是他錯? 還是我錯?

我個c6又係每次出親去飲野都會搵唔到人, 佢個電話無熄到既, 只不過係佢聽唔到電話响, 有時搵到佢, 問佢幾時返, 佢就話好快, 玩多半個鐘就走, 但係半個鐘後再打比佢佢就會聽唔到電話响, 到佢返到屋企個時已經係2-3個鐘頭後既事, 返到黎仲要醉到成隻野咁(佢十次出去玩得一次係唔會醉), 醉左都唔緊要呀, 係佢醉到返黎拆房, 沖足一個鐘頭涼呀, 打橫訓係張床度呀呢下野先死, 佢自己就醉到同死豬無分別, 可憐我要無得訓

每次佢去玩之前我都有提佢唔好飲咁多, 唔好放低個電話, 佢隻c6就會搭我知啦, 得啦之類, 點知一去到玩就會乜都唔記得!我唔係唔比佢去玩, 但係佢每次都玩到無晒分寸, 我就好火滾



複式洋房

國民生產總值:413


發表於 06-8-4 14:42 |顯示全部帖子

Re: 是他錯? 還是我錯?

我男朋友都係咁,次次同d friend 食飯就靜音個電話,我打極都係冇人聽,佢完全唔覺得有問題, 同佢傾,佢仲話我不對,根本溝通唔到,很討厭! 我決定以後佢同d 豬朋狗友去玩,我都不打電話俾佢, 搞到我cheap 晒 !



複式洋房

國民生產總值:451


發表於 06-8-4 16:08 |顯示全部帖子

Re: 是他錯? 還是我錯?

男人就係咁0架喇...我都試過打比老公問佢幾時返,佢成日都會話夜d,正常聽到夜d,咪至多係1,2點,我老公既夜d係第二朝既5,6點或更晏,但又唔會同你講確實時間,試過有次諗住佢夜d返咪等佢門囉(仲未知夜d係5,6點),打親比佢都話就返就返,打都自己都發晒皮氣,真係好嬲好嬲,咪整爛晒屋企d電話囉,橫掂佢唔返都唔會打返黎,跟住第二朝佢返黎見到電話爛晒無好緊張咁同我say sorry不止,仲鬧番我轉頭呀..
咁樣是佢錯定係我錯...


© Baby-Kingdom.com Limited. All rights reserved.