論盡家傭 今日: 12|主題: 133698

我剛剛請左個菲傭一個月都無,已經要炒...因為我阿媽突然話幫我湊仔,我覺得個菲傭好慘,所以我想睇下有無人想要菲傭,謝謝!

我剛剛請左個菲傭一個月都無，已經要炒...因為我阿媽突然話幫我湊仔，攪到我唔推唔得我覺得個菲傭好慘，所以我想睇下有無人想要菲傭，當幫下佢；佢黎自(得成)，今年30歲，未婚，肥肥矮矮，用英文溝通，第一次黎香港做，之前響菲律賓做左8年，個家庭有兩個大人，兩個小朋友，而小朋友係佢湊大既。
至於佢工作方面，我客觀講，佢算係幾肯學肯做，家務方面都無乜大問題，只要安排好timetable比佢就ok。當然，煮中國菜仲要努力學習，佢響僱傭中心學過煮部份大路菜式，我睇過佢本[天書]，佢真係有寫低好多notes，我又買過d家常小菜食譜比佢睇，煮過涼瓜炒牛肉，螞蟻上樹，洋蔥豬扒，都ok架 :-P 。
不過，我有d問題想請教各位有經驗既前輩：
1)如果我即刻炒佢，隨左補番一個月比佢，應該仲要買機票比佢走既，但係佢係咪可以選擇留低唔走或等人請?咁佢留低響香港，我仲駛唔駛買機票比佢?
2)係唔係自己去旅行社買機票會平過agent買??因為有人話agent會收貴幾百蚊...如果係，有無d乜旅行社可以推介下呢??
3)我除左要去agent辦手續之外，仲要做d乜保障自己？？

請各位幫忙，因為已經火燒到上頭頂，謝謝!!