大仔大女媽媽會 今日: 0 | 主題: 177860

積分: 12158

2024年龍年勳章

發表於 06-8-29 17:11 |顯示全部帖子

Re: 彥媽與你 BB 讀書/學習交流站

helenjoe:

Welcome to join us~~

klwy:

你工作係咪教育界? ==> 嘻嘻...係d唔係d喇....我商界跟教育界都有做.....同教育有關既野...so 我特別對呢d topic 有興趣囉... :mrgreen: :mrgreen:

私人傳訊

FiFi618

積分: 2142

發表於 06-8-30 01:29 |顯示全部帖子

Re: 彥媽與你 BB 讀書/學習交流站

彥彥媽咪,
我住港島區想問下你意見對港大同學會的評價如何呢?
因聽聞如要入呢間,都要選返活動教的幼稚園會易入D.
上年聽聞有成千幾人考wo!

真係唔想等運到,因一向都較黑仔,所以想選直資有安全感D.

同想問下如果直資收左,係咪唔可以再參加大抽獎呢?

Fi Fi

私人傳訊

積分: 12158

2024年龍年勳章

發表於 06-8-30 01:59 |顯示全部帖子

Re: 彥媽與你 BB 讀書/學習交流站

Fifi618:

對港大同學會的評價如何呢?
==> UGS 係新既 DSS, 在我嚟講, 我一向揀學校會傾向睇"過去紀錄", 即係佢做得到d乜俾我睇我先會信, 因為好多學校 (尤其係新開個d DSS) 佢地可以問阿公攞幾多津貼係好睇收到幾多個學生, so 一定要收得多學生先可以保住間學校, then 佢地就一定講到自己間學校點好點好, 教育理念有幾高, etc 去吸引家長報讀....well ...對呢d, 我唔會信十足喇....因為..講丫嘛...邊個唔識呢...我亦唔係話個校長呃人, 我只係更信有好多野唔係想做就做到架...要好多人開會通過....家長支持, 校董會同意 etc etc...所以有時校長都會好難做, 因為太多 stakeholders la....

所以.....與其信d唔知會唔會實現既承諾, 我會較 prefer 睇已有往績睇到既學校去判斷我是否接受喇..

不過我都明, 好多野依家都係要靠估...但我諗到我地d BB 考小學都睇到起碼 4, 5 年既成績架喇...到時再 finalise 都未遲哇....依家...我 no comment....持觀望態度~~

因聽聞如要入呢間,都要選返活動教的幼稚園會易入D.
==> 唔一定....反而你俾bb 去真係好活動教學個d 就真係要留意因為始終大部分 HK 既小學都係傳統教學, 咁若小朋友在幼稚園時期太活動怕第日會"易放難收"喎...同將來要佢習慣番傳統教育會有d辛苦....unless you already prepared to send the kid to 活動教學 primary school (e.g. 啟思之類)

上年聽聞有成千幾人考wo!
==> 咁係因為全世界都係同一心態 : 報定 DSS 打底丫嘛....真係最後 confirm 讀佢既有幾多人先....另..因為港島區唔多 DSS, St Paul Co-ed 要成 $4,800 per month, 又相對較貴, 住 HK island 既又唔會想小朋友去九龍架嘛 (Kowloon side 既 DSS 會較多)...so 僧多粥少下, 自然爭崩頭喇...

同想問下如果直資收左,係咪唔可以再參加大抽獎呢?
==> yes...你一旦 accept their offer 佢地就會 send the name of your kid to EMB, and then EMB 就唔會放你小朋友個名去 2nd round.

私人傳訊

rabbitjc

積分: 1668

畀面勳章爸B勳章

發表於 06-8-30 02:27 |顯示全部帖子

Re: 彥媽與你 BB 讀書/學習交流站

Hi 彥媽,

我想問下咁如果父母都讀同一間小學，媽媽讀上午校，爸爸讀下午校，咁又點計分丫？現在的小學好多又轉左全日際，咁又應該點揀呢？謝謝！

彥彥媽咪寫道:
AngieTinna:

如父母兩個都係舊生, 應該計10分 or 20分呢? (純百卦, 我同老公唔同校的)

==> 1st round 只可以報一間架之嘛, 何況你兩公婆都唔同校, 咁你想阿女報你個間定你老公個間都係得 10 分 only la.... :mrgreen: :mrgreen:

2nd round 完全唔駛計呢d分架喇....

私人傳訊

積分: 12158

2024年龍年勳章

發表於 06-8-30 02:46 |顯示全部帖子

Re: 彥媽與你 BB 讀書/學習交流站

好...又再 continue 先....

第 5 講 : 3rd Round 叩門遊戲
=================

其實呢個 round 機制好簡單, 一般嚟講, 即使係名小學, 校長點都手上仲有 1-2 個位俾佢走盞既 (慢吓手會唔止, 因為校長有幾多個位可以自行收生係好睇 2nd round 最後真係有幾多人會 confirm 去讀個間學校) , 因為有d家長派完位後可都想俾小朋友讀私校呀, International school ar 咁, so 絕對會有位剩, 不過就一定唔多...

亦因為學校 1st + 2nd round 都受盡 EMB 操控...冇哂自主性, 嘩~~~ 到呢個 3rd round 仲唔盡情去揀d佢地 likey 既學生咩...so 要叩門真係一d都唔易....不過又係個句, 六合彩咁難中都有人中, so if 真係好 likey 某學校, 我又會 support 家長老虎都盡力再試多一次囉......唔得都叫同自己/bb 有個交待嘛...起碼叫做試過....

好嘞.....通常叩門就係要等 2nd round d小朋友註哂冊之後先去學校攞 form 同交 profile 既....因為係各學校各自收叩門生, so 究竟佢地收唔收叩門生, 又或幾時收, 就要睇番各自學校既 policy, 到時你地要 gup 緊d你地既心儀小學呢方面既資料....

叩門手續通常係:

1) 攞 form + 填 form (if 該校要做的話)

2) 寫封"賺人熱淚"既信以表誠意, 講吓 why 我咁想個小朋友讀到之類, 話時話, 要表現"誠意", 當日就要響 1st round 同 2nd round 都揀呢間學校做 1st choice 先得, 即使 1st round 係陪跑 (15 分抽都冇得抽) 都要"送死", 因為咁先顯得出你俾學校睇你真係"好鍾意佢"丫嘛~~ 好多學校 (尤其係 heat 個d )if 佢地見你 1st round 同 2nd round 唔係揀佢就根本唔會俾你叩門, 因為你"三心兩意"丫嘛)

呢 part 最好自己有"創意"d , 因為你地都知喇...你叩人又叩, heat 個d學校分分鐘都成幾廿人去叩個三幾個位, then 校長收收埋埋咁多 letter, 唔搞d 特別又點可以 attract his/her attention lei?? right? 我指 attract attention 唔係整d colour 呀, 公仔個d呀...而係諗d 好d既理由喇...convincing d 既 (唔好又係"你學校德高望重, 喜歡你既教育理念之類咁 vague 又行既野....) 咁 chance 面 (有得 interview) 點都會高d既....你地可以幻想吓你搵工個時點樣可以令 HR 響幾百個 candidate 中留意到你封信丫...差唔多係咁 feel ga la....

3) 夾一份細路既 profile ==> 呢樹就勁咯, 有d媽咪為左呢 part 可以 "豐富" d , 個細路由識行開始怕且已 send 佢學野呀, 考乜考物呀, cert 都一大堆, 就係等呢一日放響呢樹...希望憑籍小朋友呢d "特異功能" 可以"為校爭光"..咁校長就會對佢"青睞"...之類...If 打算咁做, then 就真係要"由細做起"喇...

但依家因為越嚟越多人識咁做 (我見過出面有d公司專幫家長做添呀, 收錢之嘛...幫做 editing, packaging ar gum...又係搶錢...我至唔 likey 呢d咁既公司 :evil: ), 所以依家有 18 般武藝反而唔係好吸引到個校長喎...因此唔係一定個 profile 厚就有用既....

你地問我咁校長要個乜 profile ar, 我都好難答到你..因為個個校長 preference 都唔同架嘛...有d真係想揾武學奇材, 有d就想揾溫馨家庭 (我見過有d家長響個 profile 樹唔係 highlight 個小朋友有幾叻, 而係佢地家庭有幾 warm 俾哂d一家三口家庭歡樂照 , 父母對小朋友有幾關心之類...想証明比校長睇...see!? 我地好緊張仔女學業架...之類)...有d校長又 buy 呢套架...

so...see?! 真係五花八門, 乜都有架....呵呵...呢 part 係考父母多過個仔喇.... :mrgreen: :mrgreen:

4) 之後, if lucky enough, shortlist 到你地, 就會 normally call for interview 既...咁...嗱...又要一家大細出席喇 (咁先叫 support 丫嘛...考 DSS/私校時 interview 都係), 不過就唔駛一定成身 LV 呀, GUCCI 呀咁既, 除非你真係考貴族學校喇...否則一家人企企理理已好足夠...

我記得當年我大彥考 DSS 個時我真係見到有對父母帶住個 5 歲小朋友 (考小一丫嘛) ...嘩...個日 3x 度, 熱死人...個對父母成身名牌不特止, 仲要個女一身 Burberry, 格仔裙配長袖白恤衫 (d 料真係好鬼厚), .....嘩~~~

大佬...真係..佢地熱就好喇...唔好搞到個女熱成咁嘛....佢地一去到 (因為學校好多地方都係冇 a/c 架喇) 就係咁同個女撥扇, 又問個女熱唔熱

嘿...我真係想代答 : 比你咁著丫, 睇你熱唔熱...?? 個女都"吽"哂, 我個心真係唔知好嬲定好笑....

小朋友, 斯文整齊咪得囉....好多野係父母想當然而已...唉~~

Interview 都係普通對答喇....又唔係考試...係傾吓偈咁喇...最緊要小朋友肯出吓聲已經好好架喇...

5) Few days later 就知得唔得架喇...得就有 call, otherwise 即係肥-ed....得就恭喜, 唔得...都冇計架喇...讀住 2nd round 原先派到個間先囉...又或 if 有私校/DSS 打底, then 就去囉....再等 P2, P3 呀睇有冇機插班喇...

彥媽心聲後記
========

1) 我就冇呢個叩門經驗, 因為某程度上我信"東家唔打打西家", 全世界又唔一定得一間係好, so 唔存在"非君不嫁"此情況...好多野係"塞翁失馬"而已~~~

2) 講到呢度, 大家已應發現....若你地係 go for 阿公個 system, 咁小朋友讀邊間幼稚園根本扯唔上關係, 係 luck only, 要真係計...maybe 3rd round 怕都有d機既, 不過為左搏個幾個位既 3rd round 而去考某幼稚園好似有d "浪費資源"噃, 又唔係包得....

3) 若真係要計...if 考私小/DSS 的話, 係邊間幼稚園先會有較大既 impact , 一般嚟講, 其實唔係"某小學特別鍾意收某幼稚園既學生", 當然我唔排除 maybe 真係有, 但就算係都唔會多, 因為...其實大家有"某小學特別鍾意收某幼稚園既學生" 呢種感覺係因為該幼稚園d學生有某d能力 (e.g. 英語) 係較強既...所以咪收多d 囉 (if 間小學又係咁著重英語), so 多數家長為左令小朋友"競爭能力"高d, 都會 send 佢地去d較深既幼稚園, 因為咁佢地既小朋友會比一般幼稚園小朋友"識多d野", 自然獲取錄機會較大了...但點都好, 最緊要都係睇個個小朋友, so if 小朋友表現唔得, then 就算係同一間幼稚園畢業生都會係 A 考到, B 考唔到架喇...所以唔單憑呢樣就 conclude 話 ""某小學特別鍾意收某幼稚園既學生" 咁啦.....

下回預告:　何謂一條龍?
~~~~~~~~~~~~~~

私人傳訊

積分: 12158

2024年龍年勳章

發表於 06-8-30 02:56 |顯示全部帖子

Re: 彥媽與你 BB 讀書/學習交流站

rabbitjc:

計分係計父 or 母個間既...so if 間學校轉左做全日, then 佢應該會變做兩間唔同既學校, so 就睇你報邊間喇...then 就跟個個 (父 or 母), so 都係 10 分

應該點揀?
==>你係指揀唔揀全日制學校 or what ar? 其實睇你係唔係想小朋友一定入番你母校喇...if yes, 梗係用個 10 分喇...but if 間學校麻麻, 我就寧願搏過第二間, 反正大家一齊搞珠仔之嘛~

私人傳訊

積分: 12158

2024年龍年勳章

發表於 06-8-30 03:14 |顯示全部帖子

Re: 彥媽與你 BB 讀書/學習交流站

突然"抄"番呢個 topic 出嚟, 因為都同學習有關...唔好嘥, 放埋響樹...未睇過既家長可以 look look

DISNEY WORLD OF ENGLISH VS. ENGLISH TIME

私人傳訊

AngieTinna

積分: 4204

發表於 06-8-30 09:21 |顯示全部帖子

Re: 彥媽與你 BB 讀書/學習交流站

彥媽,

聽你話揀學校"唔係 only 著眼成績, 我要既係"德育"......training up 細路鬥志, positive thinking, 不易言敗, 跌低再

私人傳訊

積分: 12158

2024年龍年勳章

發表於 06-8-30 09:46 |顯示全部帖子

Re: 彥媽與你 BB 讀書/學習交流站

AngieTinna:

創價幼稚園我冇朋友讀過....但我有聽d人提過口碑都唔錯, 之但係程度上深又唔夠 St Cat ar, Kentville ar 個d 深, 活動得嚟又唔夠啟思呀, 靈糧堂呀個d咁活動, so 係介乎兩者之間, 若以咁睇的話, 佢又冇連繫/直升既私小, so 睇唔出有乜突出之處喇...

雖則有家長會話 : "唔係喎...我小朋友返創價返得好開心呀, 日日都喜歡返學...etc"...咁我會話你知返屋村幼稚園既小朋友都會咁形容佢地自己間幼稚園架喎....事實上 all 幼稚園都係會令到小朋友返得開心 (但有個別係差d既咁都唔出奇, but 一定唔多喇), 幼稚園d老師係有佢地既一套既, 小朋友都唔識分咩叫深, 咩叫淺架喇, 係我地大人先 feel 到之嘛...所以就算人人話 Kentville 深 (take as an e.g), 但有小朋友讀緊 Kentville 既家長都覺係 OK ga...

so 綜合上述而言, 咁考創價幼稚園係為乜呢....為開心的話, 好多就算係普通幼稚園都唔差架喎....為升學? 佢又冇特別優勢, 平學費? 佢又唔算最平, 教學內容 (e.g. English?), 佢又唔係特別多英文, 講德育? 亦有好多 other 幼稚園有呢個 focus, 講距離? 又唔係近我屋企, so 計計埋埋, 樣樣都係"中級"的話, then 在我嚟講佢就係學校一間囉, 唔係差, 不過又唔見得特別吸引而已, so if 係我, 我就會先試另一d先, 唔得先再諗都未遲~~

私人傳訊

helenjoe

伯爵府

積分: 16095

發表於 06-8-30 10:02 |顯示全部帖子

Re: 彥媽與你 BB 讀書/學習交流站

彥彥媽咪,

多謝你歡迎我呀~~

彥彥媽咪寫道:
helenjoe:

Welcome to join us~~

私人傳訊

AngieTinna

積分: 4204

發表於 06-8-30 10:58 |顯示全部帖子

Re: 彥媽與你 BB 讀書/學習交流站

彥媽,

多謝你回應. 其實對於揀邊種教學形式ge幼稚園, 我個人都幾芧盾, 而家先幫個27月大

私人傳訊

積分: 1239

發表於 06-8-30 12:01 |顯示全部帖子

Re: 彥媽與你 BB 讀書/學習交流站

彥彥媽咪,

你開左呢個tropic 後, 不愁無fans 啦 ! (剛睇完dwf v et).
你簡直係我生命中一棧明燈, 我的長輩, 真係要講句<多謝家姐>呢句經典對白(既然你成日話自己老, 就比你<做大>啦!)
隔住空氣送上飛吻以示感謝 ...

私人傳訊

積分: 12158

2024年龍年勳章

發表於 06-8-30 12:14 |顯示全部帖子

Re: 彥媽與你 BB 讀書/學習交流站

AngieTinna:

唔...依你個個案...先問自己以下問題:

1) 你係唔係唔想俾小朋友響 TKO study 小學先, 因為老實講, TKO 既學校都係較一般 (我咁講唔係話d學校差, 唔好誤會, 不過學校既差異真係可以好大, 而係唔會響某一方面會較突出, 即係同天水圍呀, 元朗呀呢d差唔多類似情況), 英中又只得一間, 所以我知好多家長住就住 TKO, 但就全部將d細路 send 哂出去 (e.g. Kowloon Tong ar, HMT ar gum) 讀書....我都明既....但你係咪都係咁諗先, 因為我認為, 雖然 TKO 冇 super 名校, 但 Band 1 尾/Band 2 頭既學校都仲有唔少, 唔係冇得諗既...因為始終返學距離都係一個問題嚟架, so if 創價響你屋企附近就話 je, otherwise 我又睇唔到佢有乜可以吸引到我千里迢迢帶個女出去讀咁喇...

2) 幼稚園開始考入到一條龍學校, 無後顧之憂.
==> 呢d學校唔多架喎...in fact , so far 未有一間係可以 claim 係幼稚園直上中學都係包收 (即係一條龍), 而且, 呢d多數係私校

3) 入間程度高d ge KG, 希望到時可以憑 '實力' 考間好小學.
==> 我認為你可以 try both (2) and (3) here, 多考一兩間都無妨...一般嚟講, 響得九龍塘個d 私立幼稚園因為冇連繫小學, 所以佢地一定要俾小朋友"學多d野" , 咁先可以令佢地較易考到好小學 (因為好小學實要求多d, 咁小朋友識得多野就會有 jetso) , then 佢地個招牌先可以保住 (可以好似現代補習社個停賣行廣告, 我地 XXX 幼稚園有 N 個學生考到 Band 1 xxx 小學呀,.....之類嘛) so 若你見囡囡都可以 afford 到, 都可以俾佢一試既....我明你既苦心, 話哂第日佢地既世界競爭會好大, 你都想佢條路易行d 既...

St Cat/Kentville 呢d咁 'Brand' ge KG
==> 咁講喇....呢兩間係響 Kln Tong 較有名氣係佢地既教學手法較獨特, 所以小朋友吸收得唔錯 (我係講受得個d) , so 先其門如市.....St Cat 既英文水平要求會高, Kentville 就較"谷" (K1 已寫字, K2 都學單位加數 ga la) .. 家長為求子女第日條路好行d, 其實好多都係中產 family 而已, 不過為子女好, 寧願食少d都俾佢地好d既教育 (in their eyes) je...都唔係個個"富貴人" as you think ga....都係普通人而已, so 我又覺得你又不必為呢個理由而唔揀佢啦...若你認為佢既教學內容 ar..etc 唔夾你要求就另計~~~

3) 低人一等既感覺係你自己製造俾自己而已, 無必要咁諗, 人地有人地既"高等", 我有我 enjoy 我依家既生活, 唔通見人人坐飛機都坐 1st class, business 我自己只坐 economy 我又覺不足, 什至唔去坐呀?.....傻既...我自己坐得開心先係最緊要, 感覺係自己架嘛....唔好咁易受人影響....只要你令囡囡唔覺自己比人差, 佢就會有自信, then she will be able to overcome all the obstacles ga la....家人要先支持佢地先企得硬架....

綜合以上所言, 我建議你可先考一d有私小 back up 既 KG 先...e.g. 禮賢, 宣道, 培正, 民生, 呢d....再考一d TKO 入面程度較深既幼稚園 (e.g. 好似有間叫 Deborah? 我聽人講係英文幼稚園...) then if 前者唔收, 就可以以阿女能力到 P1 時再去考d 好d既私小/DSS 做 back up...then 亦可試去搞珠....(有d私小係俾你又留位又搞珠既)

唔知我咁講可否解答到你既問題...??

私人傳訊

積分: 12158

2024年龍年勳章

發表於 06-8-30 12:15 |顯示全部帖子

Re: 彥媽與你 BB 讀書/學習交流站

klwy:

好彩你叫我"家姐"咋...唔係"阿姨" :lol: :lol: 唔係我唔啋你架...

多謝各位捧場就真, 因為平時冇人聽我講 (我老公都唔聽既, 又唔同我研究d仔讀書既野, 咪要響樹講囉...

)

私人傳訊

積分: 1239

發表於 06-8-30 12:28 |顯示全部帖子

Re: 彥媽與你 BB 讀書/學習交流站

彥彥媽咪,

我都做左阿媽咯, 已經升左級, 都唔敢扮到咁細.
我對面屋d小朋友都已經叫我姨姨, 冇得唔認老囉!
以前比人叫慣左姐姐...姐姐....好懷念......

男人邊樹得閒理呢d野, 有時間講波講馬講股, 都唔會講下仔仔讀邊間學校啦!

只要你肯打, 我實會追住睇, 放心! 你o既心機係唔會白費o既! 學戲院話齋, 得一個觀眾都會開場. 不過, 你十萬個放心, 你<粉絲>絕對唔會得一個, 我已經號召朋友去捧你場啦! 咁你有<粉絲>, 打都打得起勁啦! 好似明星咁, 有<粉絲>支持, 有人欣賞, 先係good show.

私人傳訊

積分: 1239

發表於 06-8-30 13:09 |顯示全部帖子

Re: 彥媽與你 BB 讀書/學習交流站

彥彥媽咪,

我又想問下, 而家好多學校係<中英普>, 係幼稚園令到小朋友有二文三語<基本語言>概念係好, 我都唔expect 在幼稚園小朋友會學到好多, 佢地講緊都係1星期有1堂係咩咩外籍老師主教, 我見你揀培正, 印象中係<中>一樣, 咁你即係唔太care <中英普>與否, 如似迦南為例, <中英普>學費會貴過<中英>, 靈糧堂又係咁, 九龍城果間係<中>, 鑽石山係<中英普>,雖然同一個阿媽但係學費唔同, 咁係咪有得揀, 都係<中英普>好d呢? 定係讀得中文小學&中文中學, 要學生自己惡補英文呢? 唔知好彩定唔好彩, 到我仔仔時已經係冇左會考呢樣野, 冇公開考試公開計分, 只係鬥校內成績, 咁英文叻唔叻就睇個人要求呢?

私人傳訊

AngieTinna

積分: 4204

發表於 06-8-30 16:45 |顯示全部帖子

Re: 彥媽與你 BB 讀書/學習交流站

彥媽,

實在感激你

私人傳訊

積分: 1239

發表於 06-8-30 17:05 |顯示全部帖子

Re: 彥媽與你 BB 讀書/學習交流站

AngieTinna,

呢d媽咪咪係為左將來舖路囉! 好多名小學係要睇你學左幾多樣樂器, 咩咩咩咁.
好多小朋友朝早忙返學, 放學忙<課外活動>, 真係忙足7日, 真係見怪不怪, 咁又睇下小朋友比唔比你谷囉! 有d會反抗, 有d會好enjoy, 不過, 我就發現咁樣長大o既小朋友往往係冇左童真, 可能換來將來<好大成就>都未定! 你睇下比朗朗仲要細兩歲個鋼琴天才(腦裏面一時記唔到個名), 得10歲人仔, 上鏡個<老成樣>, 只可以話佢見慣<大場面>, 見慣咁多人圍住自己囉 ! 都係果句, 小朋友某程度上係白紙一張, 想小朋友點樣成長, 好睇家長點樣<對待>囉! 凡事都要有平衡點, 不要過火位, 個個都想望子成龍, 但都要比小朋友有佢地自由空間, 我身邊亦有朋友太迫個小朋友, 壓力太大, 長大後都做成悲劇.

私人傳訊

積分: 12158

2024年龍年勳章

發表於 06-8-30 17:31 |顯示全部帖子

Re: 彥媽與你 BB 讀書/學習交流站

klwy:

唔, about your point....let me start like this: 首先, 就小朋友既學習家長會大致分兩派:

一派係支持自小要耳濡目染, 即係最好幾個月就開始睇 VCD, 同佢講...比佢學...etc (無論英語定普通話 (PTG) 都係), 咁佢第日語文能力就可以更高了...通常有呢種心態既家長都係"希望小朋友第日條路好行d, 識多d野, 咁競爭能力都會高d"咁喇...所以家長好早就會問定讀書呀, 升學呀, 邊樹有好 playgroup ar...etc...etc....怕"遲"左會過左個"黃金時期", 起步就會比人慢了....

另一派就支持小朋友要生活愉快先叫好...即係唔係一定要係咁塞塞塞比佢既....語文既野, 由得佢自由發展, 只係當中間唔時同佢講故事, 比佢聽吓唔同語文既 CD 呀咁....係就可能係冇前者咁學得咁多, 但佢亦有多d時間可以 "free flow" , 因為冇學得咁多, 家長同子女亦唔駛咁細個就為呢d 野去煩....開心多一兩年先算, 因為佢地信"早學 =/= 效果係好d" , 但咁唔等於唔理佢既....到時間咪去囉...

兩邊之中冇話邊個至岩, 我只係會諗....幼稚園係學前教育, 一個建立小朋友對學習感興趣既地方, 咁我認為除非本來小朋友既母語已經係英語/PTG, otherwise 佢上堂學學埋埋回去其他世界都係變回廣東話的話, 咁意義就不大....

在我而言, 我一向都話...讀書條路係好長既, 所以我唔係唔贊成早學不同語言, 但真係唔駛太快, 我會較 prefer at KG stage 先搞好中文同英語, Then 上小學先加 PTG 都未遲丫....唔係真係慢人好多 je...等小朋友響 KG 時 enjoy 多d free time 都好嘛..

個人而言, 我較 prefer 去到小學先再加強多d佢語文上既訓練, 幼稚園我會想佢開心d, 玩吓呢樣玩吓個樣...

當然, 有人會話...唔係丫...就算幼稚園中英普都係玩玩吓咁教 je....我都同意, 但亦就係因為咁你付出 additional $1000 可能只得回 $200 impact, 可能我份人較著重 training effectiveness la....我從來唔係介意要用錢, 但我介意用出去既錢 (尤其係學習上) 有冇成效, 以我大彥為例, 佢 3 歲幾時我都有試過 send 佢去學d e.g. "英語 fun fun fun" ar, "普通話唱遊"呀...個d咁既 course, 我當時見既係佢好似從同我家賓賓講野仲學得多響學校, 梗係喇...要注意, 語文學習係要師生比例越小越好...咁先可以多d attention to improve, 但觀乎依家好多 public courses (even KGs), 好多都成十幾廿人一班, and 當中只有 1 hour only (得幾歲人仔點可能上太耐丫, 佢地都冇 patience la...) 好嘞....咁有數得計....一班 if 12 人, 60 mins only, then 你諗諗...每人得個 5 mins , 你又認為學到學唔到呢咁....?? 你諗番中學個陣我地學就知喇...人一多....嘿...老師都顧唔到咁多喇...

於是你會諗, then 揾d 1:3 etc ga lor...同意...this proportion is much better (no matter English or PTG) 但對一個得 3 歲既小孩 (or even younger) 嚟講我又唔認為有此必要丫....不如先用一d唔駛錢既方法 (e.g. 睇下 Pearl Channel, go to library to read whatever story books) 去先建立佢對英語好, PTG 也好既"學習興趣" (learning motives) 咁會仲有用....當中父母可以不斷用 d story ar...cartoon ar...咁引吓佢地...等佢地可以先學懂聽, 認, then 再等佢地大少少, (about 5+ la) 可再以較有 system 既方法去教佢地會好d...

當然....咁你放佢去中英普幼稚園都冇話唔得, 點都有dd help ge, 但就正如我上面所言, 成效點都唔會大得過 if you spend time with kids to speak and listen and learn既, so 某程度上我地只係將個波比左學校想佢地幫手搞掂? 以為咁就一天光哂??...er...er...唔好怪我直言 ....咁就真係有點貪心囉......

再者, 語文....在我眼中係一種用嚟 commmunicate 既工具而已 (多過其他 (e.g.成績)), 因此我就會更在意小朋友既"表達能力"同"思考能力"多過佢既講...因為有前者後者要解決問題不大, 多練發音, 多講都就可以了 (好多成功人士都唔係牛津出身, 英語亦有濃重其他口音, 但 OK wor...聽得到, 睇得明就可以), 但冇前者, 英文幾叻都冇用, 隻隻字係標準牛津發音又如何? 我都聽唔明佢講野, 佢表達唔到, 又係得個桔, 須知道...將來要佢要 work independently, 我見過唔少英文攞 A 架...咁又點....同佢講野都 lak lak kut kut....問佢佢都要諗一大輪先逐隻字 dun 出嚟..唉呀...咁就死得喇.....

反而我見過唔少 (以前我大學有d professor 就係) 佢地 grammar 唔係最叻, pronounciation 又唔係最好, 但 they can speak very "fluent" English....and present logical ideas ...呢點先會重要d.....

又好似長氣左d 添...我只係想講....if 唔太介意用多少少錢, 但都等小朋友有個 learning environment ge...then go to 中英普 KG 都未嘗不可既 (不過要留意佢地d師資是否 OK), otherwise 可考慮用同樣既金錢 (or even dun need so) 先去令佢地較 expressive (方法好簡單, 多同佢地傾偈....講得多 = practice 多喇嘛 ==> 要注意, 係佢地講得多, 唔係做阿媽個個講得多喎), 令佢地先習慣同願意去表達自己想法...likes or dislikes (先用中文, 唔係一陣要將諗到既野又要轉台先講, 都好難架對佢地...) 等佢適應了, 再輔以另一語文, 咁個成效會更大....

(請注意, 以上係個人意見 only, 亦係我既 "priority" 當然唔同家長係有唔同睇法....所以當我地個個 priority 唔一樣, then decision 就唔同架喇 :mrgreen: )

到我仔仔時已經係冇左會考呢樣野, 冇公開考試公開計分, 只係鬥校內成績, 咁英文叻唔叻就睇個人要求呢?
==> 我就會咁睇.....呢個係好事壞事都未知....因為係得 HK , 就算唔考試, 個個都有大學讀又如何??....始終 if 供過於求的話 (想揾好工人人都想, right?) 咁就有比較 and choices ga la...employer 梗係會想揾叻個d la (in terms of language, communication skills, results, etc)...咁就算冇公開試你估d employer 分唔分到邊個好邊個更好呢....?? 只係個時 (study 個陣) 你唔知, 到揾野做個陣咪知囉....so somehow 有時考試都係一個 feedback to myself 自己 performance 係點嘛...係就係殘忍d...但都起碼知道自己水平如何, then 就諗諗如何提升囉...

私人傳訊