我呢個菲律賓藉工人叫MonXXXXXXX FloralXX DallXXX, 1983年11月出生, 護照號碼UU003XXXX。佢琴日去一戶有錢人家度試工要湊老人家的,希望嗰位
“準僱主”見到我呢個POST, 再諗吓請唔請佢, 我唔想佢累到個老人家。
工人15大罪狀:
1.
我個仔放假, 帶埋佢去樓下超市買餸時, 發現忘記帶銀包, 於是叫我個仔自己一個喺超市等佢, 然後佢自己返屋企攞銀包。我放工返去個仔先同我講發生件咁嘅事。自從呢件事我出咗部電話俾我個仔出街用。
2.
喺超市買餸, 不停講電話, 講到唔見咗我個仔都唔知。好彩我買咗部電話俾我個仔, 我個仔喊住打俾我, 我叫我個仔企喺收銀處等個死X街, 等咗一陣個X街先發現我個仔。
3.
一啲common sense都無, 竟然用不锈鋼碟放入微波爐加熱啲餸!好彩我發現到, 唔係爆炸都唔知咩事!佢呢啲白痴死咗無所謂呀!我一家四口無辜架!
4.
每日接小朋友放學時, 不停講電話, 由等校車講到入LIFT先收線。回家途中小朋友走開咗、百厭都不聞不問不理。
5.
每星期煮晚飯總有一碟雜丸炒腸仔, 食到唔生癌都偷笑。炒菜咸到盲公都開眼, 但係工人食得好滋味。
6.
天氣潮濕, 洗完我哋啲衫唔識開抽濕機, 但係洗佢自己啲衫, 就算28度出猛太陽都開抽濕機淨係抽佢自己啲衫。
7.
用我俾佢啲買餸錢買超市韓國或日本進口嘅飲品俾佢自己飲。
8.
日日食肥豬肉/肥排骨。
9.
我兩個小朋友日日7點出門口返學、夜晚6點半先返, 每日已經R到爆,”難得”小朋友放假喺屋企, 佢都要匿喺床煲電話上網, 極度無責任心。
10.
無大無細, 夠膽坐梳化睇電視。
11.
玩我小朋友部iPod, 我改咗密碼仲夠膽死問我個仔新密碼係咩!所以我將屋企電腦和iPad、iPod都用晒密碼。
12.
夠膽死拔咗我個iPhone叉電器喺佢張床度叉佢自己部電話!
13.
最後6個月已經開始玩野, 逢星期日放假唔準時返!叫佢9點返, 次次諸多藉口11點先返!服從性係「零」!
14.
同小朋友無接觸, 瞓喺上格床, 晚晚半夜起身屙尿都唔會幫我個仔蓋被, 話知佢死!
15.
星期六下午話要試工, 仲想去佢阿媽度瞓, 我話好呀扣半日大假啦, 佢話「搞錯!」喎!你成日唔準時返, 同埋我無理由俾你喺工作時間去試工搵錢喎!唔知邊個搞錯呢X街!
大家可能會問, 點解個工人咁多問題唔一早炒佢?唉~有頭髮邊個想咁?唔通炒佢唔駛錢?換過個工人唔駛錢?請過第二個係咪一定好過佢?我有無限大假可以放黎教新工人?不過咁, 佢唯一好處係真係唔貪心, 目前為止無論屋企值錢和唔值錢嘅野都無唔見 (可能我發現唔到掛?!), 所以先忍到而家兩年。
佢阿媽同而家個僱主打咗18年工,成日招呼我工人去佢度玩同過夜。個女僱主請咗我工人個阿媽個妹同COUSIN照顧婆婆(即女僱主個阿媽)。而家個COUSIN想4月去杜拜打工, 想我工人頂佢個位。3月我已經同我工人講唔同佢續約, 佢大支野又唔去見工, 琴晚化濃粧著短裙魚網絲襪話去佢COUSIN到試工, 可能佢到時換衫掛?唔知邊個有錢人咁好彩請佢囉!我呢啲小家庭, 屋企細、無乜家務,小朋友同大人早出晚歸,呢啲工都做成咁, 我唔相信佢會湊到老人家囉!我唔希望累到下一手, 我希望嗰位“準僱主”見到呢個POST PM我, 等你知道呢個工人請唔過。如有人懷疑自己請咗呢個工人, 可PM我問我攞相。
祝好運!