Baby_Boy 寫道:
朗仔, 我揾私家醫生抽, 所以唔知政府果邊係點, 不過你可以考慮吓幾方面:
1. 醫生經驗: 私家醫生你話事揾邊個, 政府就無得揀醫生.
2. 錢: 政府抽係咪免費定要俾幾錢呢?
3. 時間: 睇下政府俾你個期係幾時, 私家醫生可能會快啲(同埋有啲私家醫生15w都可以抽).
4. 報告: 你最好問下政府幾耐出報告, 好似要成個月, 加錢可能有快速報告嘅; 私家就幾日有快速報告, 三四星期有詳細報告.
5. 地點: 私家醫生通常响診所抽, 休息一陣就可以走; 政府好似响醫院手述室抽架.
6. 陪診: 私家醫生通常都俾屋企人陪住你抽(因為都幾驚架), 政府唔知可唔可以陪.
7. 病假(如果你要返工): 政府抽好似只俾一日假紙, 私家醫生通常會俾兩三日假紙. 嗱…你抽完最好休息吓以減低流產風險呀.
希望你BB平平安安、健健康康.
hellokitty1011 寫道:
朗仔, 唔駛甘驚, 不過我都好明白你的心情, 因為我之前都係星期六才知道可能要考慮抽洋水, 等左3日先同我的主診醫生傾, 到下一個星期三才抽, 當中的幾天, 真係渡日如年, 不過都好彩係這裡有好多人傾下, 個心才定左d. 不過抽洋水最恐怖係當你對這件事唔清楚,個心好多個問號的時候. 其實抽洋水都係幾分鐘的事, 香港唔係好多醫生可以做這件事, 所以佢地都好有經驗, 醫生會一路望住個超聲波, 一路落針, 痛都係有少少. 最緊要抽完要休息, 唔好周圍走.
祝你同bb平安健康! 你地一定無事的.