復活節5天假期2大1小帶阿仔8歲去北京旅遊,上網見安安旅遊行程吾錯,5天團費4,299另加稅/附加費和領隊費2大1小共15000蚊。其實吾算好平。
1.強迫參加自費項目:
第一晚回酒店途中,導遊突然吾該前吾該後叫我地幫幫忙參加自費項目:1.夜晚外觀水立方2.車上外經長安街3.功夫表演4.人力車遊四合院(我們行程都有人力車遊胡同,只是不經四合院)共收300人民幣1位。講完即刻收錢,吾比你思考參吾參加。好彩前面有2 pair 人吾參加,領隊同果2pair人講吾參加要留起旅遊車上,跟住黑面,我地3個都話吾參加,又系超黑面。
到左酒店2pair人都有同香港領隊講點解自費項目加插起行程當中,吾參加無地方去要留起旅遊巴?領隊好黑面話個個團都系甘架,跟住拂袖而去無解釋。
2.觀光景點走馬看花:
到左天壇得半小時遊覽影相買紀念品,長城得個半鍾,包括上長城去廁所,影相同買紀念品,我地3個系跑到上跑到落,頤和園半圈就回程,去王府井大街2小時包自己食晚飯,食得飯黎無時間行街。
3.去果D賣絲綢賣玉器賣藥同人堂,保藥党就無限時停留…閑閑地2小時以上。果D成藥都賣萬幾2萬蚊…
講真,你話團費1000蚊去北京5日,大家知道一定有問題,不過成5000蚊一個都系甘真系怕怕…我70歲前我吾會再跟團,就算跟都吾會跟安安…