烹飪搵食今日: 0|主題: 138976

收藏本版

發帖

返回列表

跳至頁

查看: 803 | 回覆: 6

[麵包糕點] 特式小食分享 ~ 千層芝士火腿酥 (附簡易多變酥皮製作教學) [複製鏈接]

tsznok

侯爵府

積分: 21494

好媽媽勳章

1^#

發表於 13-5-1 10:45 |只看該作者 |倒序瀏覽 |打印

今日放假，專登做左款特式早餐俾三個小朋友食。呢款千層火腿芝士酥，先要預備酥皮，我嘅酥皮製作好簡易，方法如下：

先預備油皮，用100克牛油，切細粒，放軟少少後加入40克低粉混合，用保鮮袋入好後輕輕壓成方形平薄磚狀，放雪櫃等佢變番硬身少少。之後預備水皮，用10克菜油，60克低粉，20ml水，攪勻成團，休麵十五分鐘。

之後用保鮮紙墊好檯面，灑少少低粉，將麵團放上，再灑少少低粉，滾平成長方形，大少係油皮嘅三倍，將油皮放係水皮中間，水皮兩邊覆合油皮，放雪櫃雪十五分鐘左右，之後取出，九十度轉向，滾平成長方型，先兩邊對摺，再對摺，又雪十五分鐘，重覆呢個步驟兩次，最後滾平就可以用得喇。

呢片酥皮其實好多變，不過性質上比較軟身，建議全程用保鮮紙底面墊住麵團去做滾平操作，天氣回暖，手亦要快。

今次我就用來間入火腿及芝士做咸食嘅芝士火腿酥，大家亦可以放麵包麵團面做出近似菠蘿包面嘅酥脆面麵包，更可以原片烘烤，再切開，中間間入打好嘅cream ，夾入各種自己鍾意嘅生果做鮮果拿破崙，記得烘烤前用叉係表面吉小孔，咁就可以令酥皮烘得更香鬆。

烘烤時間要視乎你用嚟做乜，以原片烘焙計，用180度烤約25分鐘至表面金黃就得。