夫婦情感 今日: 9|主題: 42418

母情節當日，C6話要OT，約三點多返到屋企，咁當日亞女係YMCA學跳舞(學到2:45完，咁我話一齊接亞囡然後行街(已經幾個星期無一齊行街，個個星期日及假期都話要OT，我忍)，我三點打畀佢，佢話係屋企，我叫佢即刻去YMCA接亞女，佢話好攰要休息要3:45先到，我都算忍你，我已經由2:00係YMCA坐到3:00，再由3:00坐到3:45，我3:45打去佢仲係屋企，佢要發我脾氣CUT我線，我好嬲自己同個女行街，行到5:00返屋企。

一返到屋企，C6就接咗亞女返佢亞媽屋企(之前同C6及佢屋企發生好多不愉快的事，所以我無再見C6屋企人，但每星期我都由得佢帶埋個女返佢亞媽度)，我個心好嬲，之前講好咗去街，失約都算，當日係母情節，C6要陪佢亞媽我唔會阻止，但當日係母親節，C6完全無尊重過我，無問過我就帶走亞女。

去到9:30返到屋企，C6幫個女剪咗頭髮，剪到好肉酸，亞囡仲留晒我買畀佢啲嘢係C6亞媽屋企，我已經提咗亞女好多次唔可以拎過，拎咗要記得拎返屋企，亞女無記住，我話咗亞女幾句，C6就鬧我，跟住亞女扭計，我鬧咗亞女幾句，C6爭住亞女，我無再鬧，我只係同亞女講：「你咁洩唔聽媽咪話，咁你叫你爸爸

幫你沖涼洗頭(C6唔會幫個女沖涼洗頭)，你叫你爸爸教你做功課(C6唔識教)。」之後C6抱住個女，怒啤我，但我無再理佢兩個做自己嘢。

之後亞女瞓著咗，C6叫我同個女換衫，我全日積埋的氣仲未落，我無睬佢，佢搵粗口鬧我，我唔理佢上網，佢熄咗我個寬頻，我當時真係著晒火，我又諗返我哋之前唔開心的事，我諗返佢答應過我的事，但一件都無做到，我病到死死下，我叫佢幫手同個女沖涼佢唔幫，我真係忍忍埋埋爆咗出嚟，我走去打佢，佢打返我，佢之前打過我，打到我暈，我知我唔夠佢打，我走咗出街。當時約10:00

我12點多返到屋企，佢已經帶埋個女同亞女啲校服去咗佢亞媽屋企，到今晚佢返嚟拎咗亞囡其他校服走咗，佢唔諗住湊返亞女返屋企(或者佢根本無當過呢度係屋企)，我亦都唔想同佢講嘢，每次講到離婚，佢都話畀多次機會佢，我次次都原諒佢，畀佢呃完一次又一次。

到今次我又諗離婚，但我近排失業，我屋企同朋友無人可以收留我，我亦都無晒錢離開，我好辛苦，好大壓力，佢日日畀面色我睇，返到屋企從來唔會幫手做家務照顧個女(佢無畀家用我，就算現在都冇，我返工都無幫手仲話我唔做家務，我好炆，我覺得佢唔當呢度係屋企，只係當呢度係酒店，而我只係工人)，放工返到屋企成身臭汗唔沖涼就上床瞓，去完廁所/摸完腳唔洗手畀我見到，叫佢洗手仲鬧返我，我真係怕有日我會忍唔住殺咗佢。

我每次叫佢星期日一家人出去玩，佢次次都話要返工，唔返唔得話放工返嚟再出去玩，但次次都好夜先返，我好天真信佢，但佢屋企人或朋友有活動，佢就可以唔返可以出到。所以點解我母情節當日咁嬲。