夫婦情感

跳至

首頁
12

尾頁
   0


男爵府

積分: 9042


發表於 06-10-3 13:01 |顯示全部帖子

男朋友要跟我分手

不好意思,我還沒結婚,我知道這個貼子不應放在這裡,但我真的很想你們把我罵醒。

我覺得很傷心,失落。自信心跌到谷底。以為我們經過了不少的考驗終於守得雲開,之前還是好好的正在計劃我們的將來,跟我說一齊買樓,屋子要怎麼裝修,然後又說我們的收入要怎麼分配,還說我們要生多少個小孩,生到第三個就讓我退休,照顧小孩。上個月初我還把部份的錢轉了給他作投資之用,忽然間一下子說分手就分手。我真的接受不了。但這也不能怪他,只怪我自己不夠好,不自量力高攀了他。

他一直以來給我的感覺是很飄忽的,今天愛你愛得要死,離他遠一點也生怕我會走失了似的。明天可能因為一些什麼原因,他又動搖了。一直以來我們都是好一段時間,然後他覺得要泠静一下的時候我們就分開。這樣離離合合的都好幾遍了。我知道某程度來說我也要負部份的責任,我知道是我不夠好他才會猶疑,他應該可以找到比我更好的。也是因為我三番四次的縱容,讓他走了又讓他回來,才換來一次又一次的傷心。以前曾經我也以為我們已經完了,我們事情也開始在我的心裡淡化的時候他又回來找我,我知道我還是愛他的,我知道你們會罵我犯賤,但對著他我就是硬不起心腸來。我明白我是不需要聽命於他的,我有自己的工作和收入,一直以來我也不靠他生活,但我明白我在感情上是過份依賴他,一切的喜怒哀樂也是源於他。除了他,我根本不屑於跟其他人溝通。我知道我這樣做是自挖坟墓,但我知道他不喜歡我跟其他的男性接觸,所以慢慢的就變成了是我自己不想跟其也的人接觸,工作上的接觸是迫不得已。

我知道他之前說要跟我買樓結婚是認真的,因為有兩次去看城中駅和翔龍灣時我知道他很有衝動要買,只是讓我按住了。

我現在覺得很矛盾,我真的希望可以跟他結婚,自頭到老,就算真的結婚,我知道前面也是荊棘滿途的。而且我更怕的是重蹈覆徹。叫我放手我又不捨,但似乎也別無選擇。
睇錢份上,我要忍忍忍~


伯爵府

積分: 17708

好媽媽勳章 醒目開學勳章 畀面勳章 環保接龍勳章 BK Milk勳章


發表於 06-10-3 13:22 |顯示全部帖子

Re: 男朋友要跟我分手

佢似攞左你d錢就走左多d喎, 咁我覺得你地又未結婚怕咩, 你而家都睇真佢個人, 仲因為咩事要傷心呢, 真係唔明, 唔係無選擇, 係你自己唔去選擇, 比個機會自己出去搵啦, 呢個世界有好多好男人, 我一d都唔覺你男朋友係好男人.自己諗真d啦
[img][/img][img align=left


禁止訪問

積分: 12931


發表於 06-10-3 13:28 |顯示全部帖子

Re: 男朋友要跟我分手

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


別墅

積分: 731


發表於 06-10-3 14:02 |顯示全部帖子

Re: 男朋友要跟我分手

milkbear23 寫道:
佢似攞左你d錢就走左多d喎, 咁我覺得你地又未結婚怕咩, 你而家都睇真佢個人, 仲因為咩事要傷心呢, 真係唔明, 唔係無選擇, 係你自己唔去選擇, 比個機會自己出去搵啦, 呢個世界有好多好男人, 我一d都唔覺你男朋友係好男人.自己諗真d啦


Agree....

我以前個男朋友都係性格好飄忽,
又係唔鍾意我同d男性接觸,
就連女仔fds o既約會都唔鍾意,
我個時都好唔開心....
覺得好似無哂朋友咁....
到左最後真係我忍受唔到....分手...
分左手....反而仲開心....可以再出入識返多d 朋友
我而家呢個男朋友都係咁識返離....
好過你男朋友o既男人出面大把(個人認為)
唔好再為呢個人傷心....唔值得....


大宅

積分: 1420


發表於 06-10-3 14:12 |顯示全部帖子

Re: 男朋友要跟我分手



我覺得你男朋友係擺明呃你d錢多d喎, 你有無去追番佢先, 數還數呀, 我諗你唔會咁蠢話比佢知d錢係你比佢唔係你借比佢呀, 分手咪分手囉, 不過如果我係你, 我會去追去還錢囉, 以後就唔好咁輕易借錢比人喇, 老公都係咁話, 人變起上黎咩都會變, 身為女人, 就算嫁左都要留番d錢自己去旁身啦, 你多d上黎bk網, 就會睇到好多野, 吸收下多d"知識"做人都會清醒d. 不過係都係唔好咁唔開心啦, 總會有過去既一日既, 咁發生左果一刻當然係唔開心架喇, 不過時間一耐左, 你就會無依家咁唔開心, 不過最緊要一樣野, 你記得要追佢還錢呀, 唔好咁蠢益左佢呀.


複式洋房

積分: 432


發表於 06-10-3 15:09 |顯示全部帖子

Re: 男朋友要跟我分手

我覺得你好蠢, 又冇咩腦.... 簡直是自挖墳墓, 好心你醒下啦
他分明是一個 ﹕大男人、 專制、 自私自利 ( 鐘意來就來,鐘意走就走 ), 咁既男人, 冇嫁他, 先係最好彩呀 !
既然你都知道如果大家繼續 / 結婚, 會荊棘滿途, 咁就索性分手, 以後大家不相往來,
記得追回自己的錢 !
也有可能, 藉追錢機會 ( 如果他不還 ), 咁你就會睇到他的真面目啦 , 就算有還錢, 咁既男人, 要來做乜, 你洗驚冇男朋友咩 , 俾他搞到好像和世界隔絕一樣, 為咩呢 !?
你現在一D都不慘呀, 和他結婚你先最慘, 唔好再理他啦,
他在你身邊只是一種習慣, 慢慢你就可以重新開始新生活
拿點勇氣出來 ! 俾自己一個重新機會啦 !


侯爵府

積分: 22851


發表於 06-10-3 15:23 |顯示全部帖子

Re: 男朋友要跟我分手

真係比人鬧得冇錯,呢個男人究竟有咩好?

第一,只係呃你錢
第二,你想黎就黎,你想走就走

做咩要咁作賤自己,要比人牽住個鼻走,你可以頂到幾年,又可唔可以頂到下半世呀?如果明知結左婚會荊棘滿途,咁真係結黎做乜?結婚真係要諗清諗楚呀!唔好因為一個愛字就盲目去做任何決定呀!


大宅

積分: 3112


發表於 06-10-3 15:27 |顯示全部帖子

Re: 男朋友要跟我分手



要有一段開花結果


複式洋房

積分: 212


發表於 06-10-3 17:19 |顯示全部帖子

Re: 男朋友要跟我分手

你真係好鬼死蠢!條友擺到明係呃你錢啦!你仲話自己高攀呀?佢同你去睇樓,一定買俾你架?分分鐘買左層樓要你一齊供但係唔落你名添呀!男人啫,通街都係啦,大把荀盤等住你啦!而家未結婚已經唔俾你做呢樣做果樣,結左婚佢咪對你仲衰?你地離離合合咁多次,你自己都唔識反省下呀?你無左佢係唔係唔得呀?你自己都話過有次分手之後你可以忘記佢啦!你係唔係真係咁犯賤呀?唔該你清醒d啦!(以上既句子係"鄧"你唔抵,希望咁可以鬧醒你同唔好介意!)


男爵府

積分: 7649

2019新春慶豚圓


發表於 06-10-3 17:50 |顯示全部帖子

Re: 男朋友要跟我分手

真係傻,現在比個甘好的機會你,看清他的為人,你仲不醒覺,
不通等到人黃珠老,一拖幾件你看來后悔咩
真係不知,情為何物
不要自討苦吃啦


男爵府

積分: 9042


發表於 06-10-3 18:04 |顯示全部帖子

Re: 男朋友要跟我分手

謝謝各位的關心、回應以及善意的批評,放心好了,錢,我一定會拿回來,但我相信他不會騙我錢的,這個你們可以不用為我擔心。可能我表達得不好,讓你們誤會他拿了我的錢跑了實在不該。

你們罵得好,我真是沒腦,我說我沒腦不是因為這些錢的關係,而是自己的不能自拔。有腦的話我就不應該一次又一次的再回頭,我有時候也覺得自己這幾年好像迷失了一樣。我甚至懷疑自己讓他洗腦了,把他那一套當作了真理,把他的準則當作了自己的準則。我知道正常和健康的關係不應該是這樣的。

我知道他有他的立場,我也知道他離開我的原因,也許我們根本就不應讓開始。我現在有一個想法,就是把他離開我的原因寫出來,讓自己不開心的時候看一下,強化自己的記憶,提醒自己不要再回頭,以後也不再犯相同的錯誤。

其實我經常在這個網站看你們的留言,從你們的經驗中也學了很多。只是我比較少發言而已。我知道這裡大部份的人都很樂意提出自己的見解幫助別人,我以前也有想過把自己的問題也拿出來看看大家的意見,只是當時對這段感情仍然抱有希望,也不希望把話說得太盡了搞到沒灣轉。也希望用自己的方法來解決。但現在我覺得是時候完結了,你們說得對,既然預期結婚之後也是荊棘滿途,又何苦死死得留守這段五朥七傷的感情?!放手也是一種解脫,我以後也不用再因為他而覺得內疚和自責了。
睇錢份上,我要忍忍忍~


男爵府

積分: 5810


發表於 06-10-3 18:27 |顯示全部帖子

Re: 男朋友要跟我分手

我只係想講,

愛一個人唔係咁
唔會做出一些傷害對方的事
你好好想清楚,他真的愛你嗎??????


大宅

積分: 3665


發表於 06-10-3 21:46 |顯示全部帖子

Re: 男朋友要跟我分手

一次又一次既欺騙,一次又一次既信任,換黎係一次又一次既失望.......
你都仲信佢!?
nochoice83佢講得好岩,"愛一個人唔係咁,唔會做出一些傷害對方的事"...........

今次當俾錢買個教訓,你之後唔好再盲中中咁鍾意佢喇,佢就係知你仲會鍾意佢,所以次次hurt完你之後又再氹番你.....
你要俾佢知道,你唔係冇左佢唔得.......

  


子爵府

積分: 13191


發表於 06-10-3 22:07 |顯示全部帖子

Re: 男朋友要跟我分手

你係一個單純既好女仔, 你男友分明唔係一個好人你都咁唯護佢, 唔好咁死心眼喇, 女人青春有限呀, 既然離合幾次都係咁, 就無謂浪費時間


男爵府

積分: 7943


發表於 06-10-3 22:48 |顯示全部帖子

Re: 男朋友要跟我分手

你嘅世界唔係得佢一個,仲有你嘅朋友,屋企人....仲有好多你可以關心嘅事,何必為左一個男人而收埋自己呢!
我覺得佢只愛自己是一個好自私嘅人!
你唔好再理佢啦,好多mama都幫你分析左e 個係乜人!
你試唸下佢咁對你,仲有乜係值得你愛佢!(唔好再咁盲目啦)
有時鍾意末必適合!!


伯爵府

積分: 18932

2019新春慶豚圓 2019勳章


發表於 06-10-3 23:25 |顯示全部帖子

Re: 男朋友要跟我分手

貓,
你聽一聽'好心分手'就明晒架啦
唔好點評我


複式洋房

積分: 212


發表於 06-10-4 00:14 |顯示全部帖子

Re: 男朋友要跟我分手

agree!係喎,有隻咁好既歌都唔記得添!

你好嗎 寫道:
貓,
你聽一聽'好心分手'就明晒架啦


大宅

積分: 4061


發表於 06-10-4 00:28 |顯示全部帖子

Re: 男朋友要跟我分手

佢咁飄忽,我諗佢還$比你時都會好飄忽,好自為之啦姊妹


別墅

積分: 858


發表於 06-10-4 00:45 |顯示全部帖子

Re: 男朋友要跟我分手

貓,
你真的要小心,你們離離合合幾多次? 每次係咪關係到$$? 清醒d好好統計一吓, 聽過幾多超乎想像既甜言蜜語??你又有幾多$係過左佢手?? 你遇到高手啊! 小心d


侯爵府

積分: 20817

月餅勳章 好媽媽勳章 畀面勳章


發表於 06-10-4 02:10 |顯示全部帖子

Re: 男朋友要跟我分手

你個男朋友擺明昆你錢啦
仲諗咁多做乜丫
一收到錢就飛起你
要佢都多余

首頁
12

尾頁

跳至