夫婦情感

跳至

首頁
12

尾頁
   0


民房

積分: 7


發表於 06-10-4 18:02 |顯示全部帖子

我要點樣先可以放開?

我十年前同我老公仲拍緊拖時, 有了bb,

當時我並無打算過生bb
一直我都話要小心, 但老公要求我便心軟讓他"不小心"過數次; 結果便中了; 但雖然無計劃過, 我都不想落, 我不想殺自己的骨肉, 我想生

當時我只得20歲, 老公同年; 我因為家庭常有糾紛, 一早已很自立;我有工作, 有儲蓄; 那時炒外匯令我有900k, 我覺得養得起bb; 而且我同老公感情雖然當時未算深厚, 但很夾; 我很愛他, 他也對我很好(當然過了這麼多年我現在很清楚很有信心他也是很愛我的)

但老公的阿媽說不能要, 因我們會養不起bb; 而且咁細個, 容乜易散?

我有同老公(當時bf)講過我有錢養, 你唔要bb, 我自己養! 我相信佢無同佢阿媽講 ?! 或者佢阿媽唔信我有錢養?驚我呃佢個仔?

在他家裡開談判: 當時佢好無用, 咩都唔出聲, 變左我係同佢阿媽求點樣發落我bb; 我喊,我鬧, 我求, 我甚至跪; 我唔要落!
佢亞媽話我做戲!

老公唔忍心我咁, 拉左我入房; 攬住我, o可我, 錫我, 幫我抹眼淚; 佢當時應承我要bb, 我地組小家庭. 我以為雨過天青

過左幾日, 佢阿媽約我哥出來講我有左, 應該要落左佢; 因為我地細, 未定性, 佢話唔想個仔咁快俾細路舵住. 當時我老公唔出聲

我哥問我係咪有了, 我認了; 佢問我人地有無呃你----咁我係自願同老公親密----咪話無呃我;

阿哥就話咁你地打算點, 我老公無出聲; 我好想我老公出聲, 我以為佢會開聲講話應承左我要bb; 但無, 結果無人出聲, 佢個阿媽就話: 咁落左佢對大家都好! 我又喊, 想駁; 佢個阿媽就話: 公眾地方, 唔好噪!

我無用, 我懦弱; 我淨係識喊, 但佢地帶到我去醫院, 我都係受佢地擺佈

我相信會回應的應該都會話我無用, 點解唔離開? 點解唔真係自己養? 不過現實發生左就係咁, 無勇氣就係無, 唔捨得就係唔捨得, 我唔捨得我老公, 我仲想同佢一齊, 所以就範

幾年後我地結婚, 佢阿媽對我無衰, 仲好好; 外人一定會以為她對我好得不得了添, 連出去飲茶都拖住我手, 常買d小東西給我, 同我說話又好親切; 如果唔係有當年件事, 心有條刺, 淨係睇而家, 佢對我真係當自己女一樣; 但我心有刺, 我只能對她平平淡淡, 不過也都沒有好憎恨佢.

但現在我有了bb, 一切當時事都一幕幕出番來眼前, 我甚至唔想聽佢提任何bb的事; 偏偏佢又好雀躍, 又買bb衫, 我同老公去照ultra sound佢又來; 其實我內心好唔想將"bb" 同"佢" 聯想埋一齊; 我好唔開心, 唔係癡到去想佢會害我呢個bb, 只係"bb" +"佢" 在我心裡就=不安!

我唔想同老公提, 因為當年事我地一早埋葬o左; 係2個人重要o既經歷, 但係我地好似默認左唔再講

呢十年間, 我讀書,老公讀書,老公搞生意,俾佢阿媽搞生意, 錢已經用晒; 如果講養唔起,而家無積蓄先係養唔起, (佢阿媽仲周身街數), 真係諷刺.

我唔想咁樣"唸"o野, 側埋一邊淨係"唸"衰o野, 咁做人太慘; 我唔想"唸"佢阿媽衰; 但我現在越來越會覺得佢係衰人, 佢害我無o左個bb! 佢而家點對我好佢都係衰!
我唔想咁"唸", 再咁"唸"我會癡線! 我淨係想我bb好, 我知咁"唸"對我肚入面bb唔好, 仲知我要開心先得.

但係, 我要點樣先可以放開?


王國長老

積分: 116201

2019勳章 王國長老


發表於 06-10-4 18:22 |顯示全部帖子

Re: 我要點樣先可以放開?

好同情妳既遭遇,不如睇心理醫生,醫好個心病...

我自己最近工作壓力太大,會上網睇多d佛理,慢慢心情回復平靜.我唔係要sell宗教,或者妳有妳相信既宗教,可以從果個方向尋求情緒既平伏.

希望妳bb健康,唔好諗太多令自己唔開心,珍惜眼前幸福!


大宅

積分: 1507


發表於 06-10-4 18:43 |顯示全部帖子

Re: 我要點樣先可以放開?

I have a daugher.
Franky speaking, if my daughter was in your same case, I would ask her to abort the baby also.
It is because first of all, I believe it is too young at 20 to have a baby, and secondly, I also believe that mentally you two are not well prepared to do so.
Bringing up a baby is no easy task.
Having a baby at that moment might cause a lot of difficulties to you all. Besides, I don't believe your baby can be brought up healthily under such condition.
So, may be her mother had actually done a good job, though 'abortion' is not to be encouraged.


民房

積分: 7


發表於 06-10-4 19:07 |顯示全部帖子

Re: 我要點樣先可以放開?

edea:
多謝, 講得o岩, 係心病
我內心現在很痛苦, 或者心理醫生是一條出路; 但我又好怕要解鬱結要撩番晒舊事出來

Alanhoky:
我唔想承認我當時心智唔成熟照顧唔好bb (你是說"當時", 是嗎?), 但可能是真的? 我或者用點時間消化一下, 呢個想法會幫我解到呢個心結... 不過現在還未得, my heart is still contorted!

多謝你地


大宅

積分: 3148


發表於 06-10-4 19:35 |顯示全部帖子

Re: 我要點樣先可以放開?

睇你的留言, 感受到你的痛。
無可否認,對方的確傷害得你好深,令你好難受,不過你一日唔將條刺攞出黎,個心都會好難過,而接受輔導係一條出路,唔好怕要舊事從提,因為一定要咁做你先可以得到釋放,如果你想可以早日做到把問題放開,就要勇敢d去見輔導嘞!

放心, 你一定做得到的,支持你!


超級版主

積分: 76131

2019新春慶豚圓 2019勳章 2018復活節勳章 KMALL特別版勳章 好媽媽勳章 醒目開學勳章 畀面勳章 版主 BK猜猜猜慶中秋 15週年勳章 親子王國15週年勳章 親子王國15週年勳章


發表於 06-10-4 20:20 |顯示全部帖子

Re: 我要點樣先可以放開?

你寫晒我 d 經歷出黎呀!
不過我就無錢養 bb,最終都係落左個 bb•
其實我開頭同你一樣有個心結係度,我 94 年結婚,跟住 97 同 99 年兩老分別病左,媽咪就意外個頭受傷,好彩發現得早,遲 d 可能無左個媽咪,爸爸就要做手術•係媽咪意外受傷個一年真係對我奶奶咩恨意都無晒,
細心 d 諗,我同老公都係好細個結婚,全無經濟能力,生左個 bb 出黎邊有錢養,唔通要奶奶養埋咩•
再加上有咩事分開左,個 bb 又點算•
頭個幾年真係唔想見到奶奶,憎佢憎到死,最好一年剩係見兩次•
到 97 年,差 d 同媽咪經歷生離死別,個一刻我真係諗做乜重要恨奶奶憎奶奶•
唔係當年奶奶咁決絕,我同老公唔會有今日,搵o既錢雖然唔多,但足夠養起一家三口•
亦都令我知道人o既生命唔知會幾時被收返,難道到奶奶死個一刻我都重要恨佢咩,我重要多謝佢當日咁狠心,令到我有今日o既安穩,亦令到我老公好錫我,因為佢知當年真係欠左我•
入門後我真係無諗住奶奶會再有湊抱,因為我真係好恨好恨佢,後來我都生左囡囡,點解會生,因為我對佢再無恨•
與其花一生精力去恨佢,點解我唔睇開一 d,更何況無佢就唔會有我老公存在,我就唔會搵到一個咁錫我o既老公•
恨一個人真係好辛苦,恨佢自己會有得著咩?
老爺奶奶而家搬左返大陸住,係我唔再將個恨字掛係心口時,我真係有同老公講,佢兩老年紀再大o既時候不如同佢地一齊住,早排同佢兩老飲茶時自己都覺得放低恨意係岩o既,因為我唔知重有幾多年會見到佢地兩老,係個日都係我第一次以媳婦身份俾錢佢地當零用,以前我老公俾錢佢地我會鬧佢架•
我唔知我所講o既你明唔明,但全部都係我呢十二年o既心路歷程,我都唔明我呢個咁硬頸o既人可以做到咁,可能真係年紀大喇!
任何人士未經本人同意不得轉載本人所發表之文章到任何媒體 (包括報章、雜誌及網站)

各位~~~我唔會介紹補習社或興趣班, 唔使 PM 問我呀, 我係唔會覆架~~~


男爵府

積分: 8556

好媽媽勳章 大廚勳章 畀面勳章


發表於 06-10-4 20:40 |顯示全部帖子

Re: 我要點樣先可以放開?

對不起.我知你好唔開心,要放棄自己嘅骨肉的確係一件令人傷心嘅事.
但,當你有一日成為媽媽後,看着他/她長大成人,你一定唔想佢行差踏錯.如果你的兒子20歲的時候也跟你說要結婚生仔,你作為媽媽又會點諗呢?喺bk 裏也有不少媽媽訴說他們的不如意婚姻生活,而大多數都是較年輕的一群,當然,唔係一定早結婚就有問題,我自己都21歲結婚,22歲生仔,我老公同我結婚時24歲,剛大專畢業一年,我99都唔係好鍾意.(我唔係有咗先結婚)到我而家個囝13歲,個女14歲嘞,我會明白作為父母嘅擔心. 當然,我唔係話你99喺10年前嘅行為,態度係啱,但係,人誰無過呢? 放開一切,開開心心迎接bb 嘅來臨,10年前嘅bb ,今日可能再重投你嘅懷抱.
take care


複式洋房

積分: 111


發表於 06-10-4 22:11 |顯示全部帖子

Re: 我要點樣先可以放開?

我唔係好識安慰別人,但我希望你能真惜現在和BB最親密的連繫,開心地其望未來,慢慢地等BB對你說:媽媽。唔好處在舊日的回憶中。

願你母子平安,一切順利!


瑪瑙宮

積分: 131365

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


發表於 06-10-4 22:24 |顯示全部帖子

Re: 我要點樣先可以放開?

我想你應該搵多些親人, 朋友, 或者心理輔導的確是個好辦法. 總好過屈屈埋埋, 終有一天可能對你自己,丈夫, 99 什至BB....產生更大的傷害呢


子爵府

積分: 13759


發表於 06-10-4 23:00 |顯示全部帖子

Re: 我要點樣先可以放開?

smpoon

妳講得好好呀,其實我都有佢既經力架,重要係比我以前個男朋友媽咪逼我番大陸落架,當時我18歲,我真係憎到佢阿媽死呀,o個個死八婆起幾前因病而死左la,(可能係報應啦)同時有時我會諗唔係多得佢,我都唔會識左一個好老公,我既日子唔會咁開心啦.

而家做左人媽咪,先知到做阿媽的感受,我有兩個仔,妳講對如過仔仔到20歲就同我講佢要結婚因女朋友有左bb我真係接受唔到呀,我而家先知當時我同媽咪講我有左佢係咩感受la.

同時我都希望版主會明白早日打開心結,其實有好多好似我地咁的人,有好多更比我地慘,但係而家的妳不但只老公同奶奶冇放棄妳,而重更愛護妳關心妳,放下妳的心結重拾一個開心的家庭,有奶奶對自己好同關心自己係好難的事,有好多人想奶奶關心都冇,所以妳要好好珍惜呀,加油,支持妳


[size=x-large]祝妳同妳老公生一個肥肥白白既BB!!


王國長老

積分: 116201

2019勳章 王國長老


發表於 06-10-4 23:49 |顯示全部帖子

Re: 我要點樣先可以放開?

很傻嗎 寫道:
edea:
多謝, 講得o岩, 係心病
我內心現在很痛苦, 或者心理醫生是一條出路; 但我又好怕要解鬱結要撩番晒舊事出來


一日諱疾忌醫,個心病唔會好,直至妳有勇氣面對佢,唔再逃避!

或者妳可以考慮第二個方法,唔係逼妳返教會,去佛堂(我自己都冇),但係睇下d道理,個心會舒服好多,仲唔駛錢 (我唔知睇心理醫生幾錢,我妹妹就有睇開,不過佢公司有cover)

最重要係目前妳先生同奶奶對妳好,我諗妳既感受係見過奶奶最無情既一面,覺得唔可以再同佢交心,但站在當年奶奶角度去睇,佢覺得至少佢個仔都未ready做人爸爸,所以佢堅持要妳落bb,而當年妳先生亦未有勇氣去面對,分擔唔到妳既痛苦.不過,正如Alanhoky所言,當年冇生落黎或者係一件好事,如果生左落黎,冇錯妳係有經濟能力照顧,但係同時你地兩夫婦關係未必會和諧,可能會好多問題叢生,你地仲年輕又未識應付,所以當時生左bb都未必會幸福,到今時今日或者妳經濟能力比當日差,但係你地已經成熟,可以俾到一個好既環境bb長大,與其被過去既不快牽絆, 倒不如抱開芥蒂,開開心心展望即將誕生既小生命,用最快樂既心情去待產, 記住唔好俾唔開心既舊事影響妳對奶奶既感受,最重要係一家人可以開心和諧.


子爵府

積分: 11965

好媽媽勳章


發表於 06-10-5 10:38 |顯示全部帖子

Re: 我要點樣先可以放開?

其實或者你諗下...你奶奶叫你唔好要個bb...係因為個陣時覺得你地仲細...有邊個父母想自己既仔女咁早結婚...而且驚你地照顧唔到bb...而且你奶奶可能後悔...既然佢對你好...而且對呢個小生命好雀躍...就試下放開d...



[url=http://lilypie.com][img]


侯爵府

積分: 21477

2019新春慶豚圓 畀面勳章


發表於 06-10-5 11:36 |顯示全部帖子

Re: 我要點樣先可以放開?

如果你不想找心理醫生,不如和社工傾傾.我很明白你的感受.在非自願的情況下被迫落BB,真係發夢都會想起.你99有她的立場.你又有你的立場.很難說是誰對誰錯.一定要說,就當是和那個BB少了點緣份.都過去了.現在又有了BB,你應該很開心才是.這是個適時而來的BB,大家都歡迎他的到來.KEEP住好心情,生個健康精靈BB.將十年前的遺憾補回來.放開與否,只是一念之間.


別墅

積分: 958


發表於 06-10-5 12:11 |顯示全部帖子

Re: 我要點樣先可以放開?

既然個包袱係放唔低的話..不如肯定佢..&克服佢..比如當時如生佐bb..而家都未必會同老公咁開心(因當年紀咁細,就有bb,唔係你想像中咁易,大家未定性等等)........將個心放係你未來的bb身上...會開心o的!


別墅

積分: 845

睛靈勳章


發表於 06-10-5 12:39 |顯示全部帖子

Re: 我要點樣先可以放開?

原先睇完你既經歷覺得很同情你 , 同時亦都為你擔心 , 因為心痛真係好難E同放開 .. 看完其他 mami 既回覆 , 我諗你既心情都會好左 , 因為我都覺得好左 ! 有時d野唔
~ KIT KIT & KIT KIT DADDY , I LOVE U ~


民房

積分: 7


發表於 06-10-5 15:06 |顯示全部帖子

Re: 我要點樣先可以放開?

多謝各位回覆, 原先我以為會被很多人罵: 為什麼那時沒主見呀, 現在又後悔呀 等等

但是結果沒有, 各位的回答真的讓我感到很溫暖

我從沒想過別人也有這樣的遭遇, 受過這樣的傷; 我只是很自私的以為自己最慘; 我也沒有從別的角度看過這件事, 只是浸沉在自己的悲傷情緒裡

我很感激各位 (特別是alanhoky, 他是第一個)給我當頭棒喝,叫我從老公的媽媽那角度想想.
說真的我從來沒從這角度想過, 我雖然一直掩埋這件事, 但每當想起,我沒有不怪她的. 我只會想: 能不怪她嗎?

我也從沒想過, 這事竟會給了我們一些時間, 讓我和老公成長, 然後才迎接小生命
如果沒有人跟我說, 我是萬萬不會去這樣想的; 其實即使現在, 大家都跟我這樣說了, 我也還很難消化這點. 理性上知道了原來還有這點, 看到一些媽媽過來人的經歷也很明白大家的心路 但心裡呢, 卻還很難接受...... 給我些時間, 應該會好些?

其實我自嫁給先生後, 他媽媽一直對我很好; 我很清楚, 我也沒恨她, 是真的! 但是自從有了bb, 人便常常想起往事, 變得很不安, 很不舒服, 很難受... 我真的真的不想將bb和她想像在一起; 想著她現在對我很好, 又想著她從前怎樣, 爭掙扎在兩極, 很難受很難受

我一直都只是將這難受埋葬在心裡, 每次想著心真的似有一塊鉛墜著; 這次打出來, post 出來, 好像真的放輕了一點重量;

多謝edea的建議, 但我無信仰, 應不會去教會等等的了; 心理醫生也怕會很貴...... 不過我昨晚已跟老公說了我的感受, 想不到的是他都一樣在這段時間常想起往事; 他說他很明我會對他媽媽有這樣的感覺, 他說這樣想是難怪的, 他也有暗暗這樣想過...

同他說了出來, 雖還未至於完全放開了, 但起碼我覺得不用再只是孤孤單單的傷心了

謝謝

也謝謝各位祝我bb好, 祝大家生活愉快!


別墅

積分: 845

睛靈勳章


發表於 06-10-5 15:25 |顯示全部帖子

Re: 我要點樣先可以放開?

原諒她 , 放下這個心理包袱 , 會令你有更多的快樂 , 同時你知道你老公跟你心同感受 , 作為她的兒子 , 比你更親 , 感覺可能比你更難受 !
~ KIT KIT & KIT KIT DADDY , I LOVE U ~


別墅

積分: 688


發表於 06-10-5 15:35 |顯示全部帖子

Re: 我要點樣先可以放開?

其實做亞媽ge真係好簡單,淨係想自己d仔女好,想佢地第日行ge路會順d,我諗你地當年比佢ge刺激其實都唔細,又或者咁講,你估佢好想隨便去扼殺一條小生命?嗰個都係佢ge孫嚟,但如果你地當年生咗佢出嚟,你地真係有把握可以成熟d咁處理咩?你估一對年輕父母要面對ge問題小咩,睇得出你99好錫你地兩公婆,佢就係因為錫你地所以先幫你地揀一條佢認為啱你地ge路去行,講真陀bb都唔算會有好辛苦,因為起碼身邊人會錫你,但揍bb真係辛苦都嘔,同埋好大壓力,有d問題仲唔係可以講咁簡單添呀,你99只不過認為你地無能力去處理所以先做個咁ge決定啫,我諗就算你而家諗唔通你第日bb出世時你就會知道點解喇,望住自己個bb,你真係會覺得比埋條命佢都甘心架,所以真係唔好再怪你99喇,對大家都無好處,而家你最緊要ge就係食得瞓得兼笑得,咁你地ge bb先會健康架,知無?

同埋,你真係要珍惜有個咁ge 奶奶,唔係個個99都好以做到當新袍係女咁錫,仲話拖住你隻手行街喎,有d,唔比說話你聽都偷笑喇,你99真係想彌補你地之間ge 關係架,你諗吓啦


民房

積分: 7


發表於 06-10-5 15:37 |顯示全部帖子

Re: 我要點樣先可以放開?

是的, 老公的確更難受! 我也不想他難受.

我知道我應該下這個包袱, 我也在努力這樣做, 只是很難做到.

謝謝你的關心!

我的心本來好像被人用手緊抓住一樣;看到大家的回覆, 知道有人明白, 那隻無形的手已經放鬆了點了

[quote]
細may 寫道:
原諒她 , 放下這個心理包袱 , 會令你有更多的快樂 , 同時你知道你老公跟你心同感受 , 作為她的兒子 , 比你更親 , 感覺可能比你更難受 !


民房

積分: 7


發表於 06-10-5 15:46 |顯示全部帖子

Re: 我要點樣先可以放開?

其實我知她對我好的, 不過就是她現在對我好, 我才心裡要兩極掙扎; 我一面又想起佢以前點, 一面又想她現在對我好好呀; 我唔知咁講是否很"低b", 但這樣我真的快癡線了

我唔係淨係得個講字的, 我真心都想放低個包袱

多謝你提點! 我都想bb健健康康!

peddymama 寫道:
其實做亞媽ge真係好簡單,淨係想自己d仔女好,想佢地第日行ge路會順d,我諗你地當年比佢ge刺激其實都唔細,又或者咁講,你估佢好想隨便去扼殺一條小生命?嗰個都係佢ge孫嚟,但如果你地當年生咗佢出嚟,你地真係有把握可以成熟d咁處理咩?你估一對年輕父母要面對ge問題小咩,睇得出你99好錫你地兩公婆,佢就係因為錫你地所以先幫你地揀一條佢認為啱你地ge路去行,講真陀bb都唔算會有好辛苦,因為起碼身邊人會錫你,但揍bb真係辛苦都嘔,同埋好大壓力,有d問題仲唔係可以講咁簡單添呀,你99只不過認為你地無能力去處理所以先做個咁ge決定啫,我諗就算你而家諗唔通你第日bb出世時你就會知道點解喇,望住自己個bb,你真係會覺得比埋條命佢都甘心架,所以真係唔好再怪你99喇,對大家都無好處,而家你最緊要ge就係食得瞓得兼笑得,咁你地ge bb先會健康架,知無?

同埋,你真係要珍惜有個咁ge 奶奶,唔係個個99都好以做到當新袍係女咁錫,仲話拖住你隻手行街喎,有d,唔比說話你聽都偷笑喇,你99真係想彌補你地之間ge 關係架,你諗吓啦

首頁
12

尾頁

跳至