論盡家傭

跳至

首頁
1

尾頁
   0


男爵府

積分: 7205


發表於 06-10-8 21:46 |顯示全部帖子

咁樣可唔可以扣工人錢?

印印成日整唔見嘢, 一係就話唔知幾時唔見, 一係就話bb (我大囡, 啱啱2歲)整唔見, 整爛嘢又當冇事, 話唔知點解爛咗

中秋嗰日同我出街, 等小巴嗰陣我比張八達通佢, 因為太晒, 我叫佢拖埋我囡囡 (當時佢揹住我囝囝) 行埋樹蔭底下, 上車嗰陣佢話張八達通係bb度, 但係我囡囡淨係拎住我嗰張八達通, 佢仲死口話"太太, 張八達通bb一早比番你啦, 我嗰張頭先比咗bb啦", 我話"唔係, 我上車先係bb隻手拎番我張八達通, 你做乜比你張八達通佢呀", 印印話"咁bb要嘛, 我唔比佢佢會喊嘛", 落車之後印印比我鬧咗一輪, 內容大概係話佢不負責任, bb喊就咩都比佢係唔可能, 話佢成日搵bb做藉口, 發夢之類啦

咁我覺得係咪要比一次教訓佢呢? 成日整唔見嘢, 整爛嘢, 佢都話唔關佢事, 成日都推卸責任, 而我哋次次都係話下佢就算, 未試過扣佢錢, 我諗住今次扣佢$50, 淨係扣張八達通既deposit, 唔計裡面既餘額, 大家覺得合唔合理, 同埋我係咪有權咁做呢, 我記得工人整爛嘢上限係扣佢$300, 咁整唔見嘢又可唔可以扣佢錢呢?

請有經驗既mami指點下我啦


男爵府

積分: 9853


發表於 06-10-8 21:53 |顯示全部帖子

Re: 咁樣可唔可以扣工人錢?

我都試過扣菲菲錢, 但就真係象徵式的, 我扣過佢打爛家具, 好才我有單據, 唔係就扣唔到了, 因為我曾經問過勞工處的職員, 佢地話要有單據, 你應該快快去買過另一張八達通, 比番張收據個印印, 當然仲要佢比番五十元.


男爵府

積分: 7205


發表於 06-10-8 22:30 |顯示全部帖子

Re: 咁樣可唔可以扣工人錢?

乜要收據先可以扣錢架, 咁我諗住出糧嗰陣先扣又得唔得呢?


民房

積分: 5


發表於 06-10-9 12:43 |顯示全部帖子

Re: 咁樣可唔可以扣工人錢?

My previous bunbun also lost the octopus card I gave her. I will deduct her money because it is another format of money I've given her. But of course, it will depend whether the bunbun is trustworthy/responsible not. If she is good, and it is her first time, I will not deduct her money and only tell her be careful next time (like me first bunbun). But if she is always day dreaming, nor responsive, then I will deduct from her salary the octopus deposit & the value.



男爵府

積分: 7205


發表於 06-10-9 18:52 |顯示全部帖子

Re: 咁樣可唔可以扣工人錢?

vchan1013,

係啦, 佢就係成日發夢, 都唔係第一次整唔見嘢, 係屋企同bb食飯, 把交剪用完包埋落張膠枱布度掉埋, 第二日搵唔到就問我, 我話冇見過, 佢就話"唔係喎, 太太尋日同bb出街, 係咪攞咗去用呀" 諗諗下佢就話"好似尋晚用過架喎"

屋企有兩個保溫袋, 放埋同一個櫃筒, 唔見咗個我以為佢收埋咗, 佢話"冇唔見呀, 我用完都係放係嗰度之嘛", 結果得番一個, 成屋都唔見, 我都唔明點解唔見咗都唔知, 佢仲話"太太點解搵唔到你會問我既" & "太太係咪你自己比咗人呀"

屋企新買既貓碗, 掃地都可以打爛埋, 仲大聲係廚房叫出黎"太太打爛咗個貓碗呀, 點呀", 我話"點呀, 咪掃咗去囉, 都爛咗啦, 唔通痴返去呀"

總之就激死, 所以諗住今次比個教訓佢, 唔好以為唔見嘢, 整爛嘢當冇事囉 :tongue:


洋房

積分: 431


發表於 06-10-9 19:26 |顯示全部帖子

Re: 咁樣可唔可以扣工人錢?

我都試過印印整爛我個浴缸(崩左一忽), 整左1500元, 扣佢300元. 佢都話唔係佢整爛, 不過照扣, 之後佢做野都比較小心d la.

首頁
1

尾頁

跳至