我女一歲時再佢去台北, 之後到2歲時已去左4次~ (台北3次, 高雄1次)
BB食物果度, 我當時係帶一個保暖壺(象印果D呢), 每朝早食早餐果陣裝D粥, 到12點左右就加一包日本即食調味送包, 有時就加一罐罐果D~
晚餐就睇下果陣有D咩食, 例如烏冬, 或者麵包, 亨氏一罐罐有埋意粉果D~
(不過囡囡通常都想食我地既野食, 我地會搵碗熱水過一過先比囡囡食)
至於飲用水, 我自己買左一個旅行水煲, 因為唔知酒店果D乾唔乾淨架麻, 自己帶去最安心, 我會係7仔果D買蒸餾水(如果酒店送既係蒸餾水, 我會打電話叫佢送多幾支上黎, 咁就唔洗去買), 通常都係NT39一大支~
洗奶樽呢, 我用PLAYTEX, 所以只需要消毒奶咀就可以, 咁我會係廁所洗乾淨D奶樽奶咀之後, 可以直接熱水加熱既部份, 就放入自己既旅行水煲度, 加蒸餾水, 然後按制, 等佢煲滾後, 就可以倒D熱水出黎, 浸一浸D不能直接加熱既PARTS, 就已完成消毒~
另外, 如果BB可以食白烚蛋, 你可以係當地超市度買一PACK蛋, 放入旅行水煲煲滾, 滾左之後唔好開蓋, 等20-30分鐘, 蛋黃會全熟, 正確時間忘記了, 上次去新加玻囡囡病左, 咩都唔想食, 附近D野又唔係好岩佢食, 於是去超市買左PACK蛋, 自己試下整, 估唔到又OK, 囡囡仲好鐘意食~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!