你講嘅嘢我完全明白,只不過樓上有JM啲小朋友嘅case同我好類似,母親係中國籍、小朋友喺外國出生、持外國出世紙及護照,但就申請到回鄉證!嗰位JM跟指引申請係帶小朋友外國出世紙及護照,而佢自己係中國籍,仲話因為呢個原因佢嘅小朋友有權入中國籍,而事實上佢嘅小朋友係雙重國籍。我舊年申請回鄉證時帶嘅文件同呢位JM一樣,唔同嘅係我無帶阿媽一齊去啫 我估因為當初我問入境處時嘅政策唔同(???),入境處好明確指示如果我要入中國籍就要放棄原本國籍,我所收到嘅訊息同呢位JM好唔同,因此我係非常confused!!!! Btw,我一向擁有香港永久居留權,不過咁唔代表我係中國籍。
至於我朋友個case,我只係話中旅社只要input申請者HKID no就會知道佢前半生嘅所有record,我無質疑過點解中旅社唔process佢個申請喎,我梗係知佢要帶整文件先可以申請啦,我唔係傻嘅。
我覺得有回鄉證係比較方便同慳錢,唔使下下申請visa入中國境,不過人哋都唔批,學你話齋,一定有原因,可能以為我係「滋事份子」啩!