意見反饋
義工

少年成長 今日: 9|主題: 14713

查看: 894 | 回覆: 11
超級野蠻仔


洋房

國民生產總值:55


發表於 13-6-4 12:50 |顯示全部帖子
我有個3yrs的囝囝,佢性格越來越野蠻,
1,得不到佢想要ge野就會勁扭或者大哭,尖叫,有時會坐係條街到添
2,佢宜家讀N1,每天返學都唔話唔返學,甚至唔肯換校服,每次都要我又氹又駡,攪到哭鬧收場,為咗這件事老師同佢傾過,佢答老師“唔使返學”老師同佢講一至五都要返,朋友奕教我比月历佢劃,但都冇用
3,例如带佢出街食早餐,佢每次都坐唔定,攪完個样就攪個,叫佢快d食,食完又攪過,試過駡過打過都係咁

小妹只想教好仔仔
請各位多多指教謝謝


王國熱話
10萬港幣半年或1年定期邊間比較高
存款80萬,但係完全唔識投資,可以點做?
2019年第一季部署: 黎明前的黑暗
中電、港燈、煤氣比較


大宅

國民生產總值:3726


發表於 13-6-4 23:54 |顯示全部帖子

回覆:超級野蠻仔

我仔仔而家都3歲。。。
不過我從小到大都會好狠心,唔會有一次比佢扭就買,去到玩具反斗城我只係會同佢睇,玩完就走。。。
到而家,佢唔會扭,知道「有需要」先會買,唔太鐘意送都唔要。
其實小朋好叻捉大人心理,當佢知道扭係無用就會唔扭。。。一定要狠心,定力夠。


返學,初時有喊,到而家會係佢話要返學。。。
我會同佢講,返學就好似媽媽要返工一樣,係自己要做既事,多啲問佢學校生活,例如有邊個朋友仔,今日返學玩咩。。。

食飯都會扭,但一定要有限時,食唔完都要收碗,我仲會罰,罰下午無茶點。。。

其實對小朋友一定要佢好清楚家長既位置。。。會驚,係因為自己做錯。但父母會愛佢,因為有獎勵,去行街玩,做得好有新玩具。




伯爵府

國民生產總值:15923


發表於 13-6-5 10:39 |顯示全部帖子
1,得不到佢想要ge野就會勁扭或者大哭,尖叫,有時會坐係條街到添 <-- 講定數先出街或者入鋪頭睇野. 等佢預先知無得買/食的, 我仔3歲半, 都無賴死要買野.

2,佢宜家讀N1,每天返學都唔話唔返學,甚至唔肯換校服,每次都要我又氹又駡,攪到哭鬧收場,為咗這件事老師同佢傾過,佢答老師“唔使返學”老師同佢講一至五都要返,朋友奕教我比月历佢劃,但都冇用 <-- 佢在學校有無咩想玩的? 如車車? 我仔就係用好玩黎引佢返學.
3,例如带佢出街食早餐,佢每次都坐唔定,攪完個样就攪個,叫佢快d食,食完又攪過,試過駡過打過都係咁 <-- 比筆同紙佢畫, 比書佢睇, 玩具車等. 因為佢無野做, 先會搞東搞西.


伯爵府

國民生產總值:19069


發表於 13-6-5 11:32 |顯示全部帖子

回覆:超級野蠻仔

有無問佢點解唔想返學?N班正常會好鍾意返學架…我阿仔病唔比佢返,佢都唔開心架…



洋房

國民生產總值:55


發表於 13-6-5 12:07 |顯示全部帖子

回覆:ilikethis2005 的帖子

問過佢好多次點解唔使返學“佢話今日礼拜唔使返”我同佢講一至五都要返,每朝起身第一件事就同我講我日唔使返學,我答佢今日星期X,要返學,佢就開始扭喇,佢心情靚時都好乖咁換校服,但佢放學又好鐘意留係學校玩千秋,每次玩到佢肯走,有時佢病冇返成個星期,佢又會問我媽咪"XXX"同學仔呢,乜乜老師,我就會問佢你掛住佢地嗎?佢話係呀,其實我覺得佢鐘意返學,但唔明點解佢每朝都要扭一扭先得囉


伯爵府

國民生產總值:19069


發表於 13-6-5 12:31 |顯示全部帖子

引用:問過佢好多次點解唔使返學“佢話今日礼拜唔

原帖由 PangCarol 於 13-06-05 發表
問過佢好多次點解唔使返學“佢話今日礼拜唔使返”我同佢講一至五都要返,每朝起身第一件事就同我講我日唔使 ...
咁你試下問佢係咪驚d乜丫,可能佢係驚緊某樣野呢!


大宅

國民生產總值:3315

認識瑞士牛牛第二回 BK Milk勳章


發表於 13-6-5 14:07 |顯示全部帖子
我個仔都3歲半, n1到而家k1都係唔鐘返學, n1同k1係唔同學校, 之前問佢點解唔返學, 唔識講點解, 而家問佢, 佢會答係前一日畀老師閙, 點解會畀人閙, 多數都係佢自己鐘意講嘢, 成日撩同學仔傾偈. 我就同佢講: 你唔想返學, 係因為老師閙你, 但係因為你上堂曳, 如果你唔曳, 老師係唔會閙你架, 你乖d咪得囉. 唔知佢會唔會記住, 因為佢好無記性.

佢係受硬唔受軟的人, 好好耐性對佢, 都會畀佢磨走晒, 好多時都係用硬來搞掂佢.


子爵府

國民生產總值:14790


發表於 13-6-5 14:51 |顯示全部帖子
不如講下你平日點教佢﹖
平日係咪你負責湊同教﹖
小朋友平時鐘意做咩﹖有咩同佢玩/ 做﹖
囝囝性格本身好動???文靜???


洋房

國民生產總值:55


發表於 13-6-5 22:18 |顯示全部帖子

回覆:貓山公主 的帖子

平時係我湊佢同埋1yr嘅細佬,囝囝性格喜愛好動,好喜歡聽音樂同埋唱歌,在家我會比佢2兄弟玩玩具和聽歌,有時會带佢地去下公園,可能以前就得佢太勁,攪到宜家極之難教,本人宜家點样才可教好佢呢,請多多指教


子爵府

國民生產總值:14790


發表於 13-6-6 10:31 |顯示全部帖子
PangCarol 發表於 13-6-5 22:18
平時係我湊佢同埋1yr嘅細佬,囝囝性格喜愛好動,好喜歡聽音樂同埋唱歌,在家我會比佢2兄弟玩玩具和聽歌,有 ...

你有2個囝囝...2個都會就佢地﹖
定只對哥哥有要求﹖弟弟仲細....會否較愛鍚細佬﹖
做哥哥係咪成日讓弟弟﹖
哥哥見弟弟不用上學,有冇事先解釋過﹖
有冇了解過哥哥會否係唔捨得你﹖
學校老師其實有冇諗過去幫你﹖
你有有配合學校方法﹖

小朋友心思上可能因有些事而"CAKE"住左..
所以難教同反叛...(當然本身小朋友都係難教的..HAHA..我囝3歲時都有段時間好惡教...)
同埋細老出世後,係咪少左心思擺係哥哥到﹖

我囝讀的學校都有同學仔唔愛返學....
CASE1:父母放棄同小朋友惡鬥,交祖母照顧...想返就返...唔返就算...最後退學...
CASE2:老師父母協調好...除病外點都要返...唔著校服都攞晒D野(校服、鞋、書本等)返學校...搬都搬個小朋友返學....老師話佢喊左4個月...宜家日日都好正常咁返學了...同埋開始同小朋友有正常社交....當然中間老師同父母都好合作同一致LA...

如果學校唔啱囝囝..建議轉校!

我覺得...任何難教都好...先了解...再解決....
了解小朋友的感受先LA...
凡事都有原因的...
抱持信念...對父母黎講都好重要....





洋房

國民生產總值:55


發表於 13-6-6 12:01 |顯示全部帖子

回覆:超級野蠻仔

Dear 貓山公主,首先謝謝你的教導和幫助,想問點先知小朋友心思有冇“cake"住呢?同埋我使唔使带個仔去評估呢,我只想慢慢咁教番好佢,但自己又唔知點教才好,請多多指教謝謝


男爵府

國民生產總值:6262


發表於 13-6-7 02:13 |顯示全部帖子

回覆:超級野蠻仔

我女女有一排又係咁,就同佢講老師同同學仔好掛住你.媽媽送你返學.或者會讚佢套校服好靚,返到學校老師一定讚你.之後就乖乖上學了.




© Baby-Kingdom.com Limited. All rights reserved.