意見反饋
義工

婆媳關係 今日: 10|主題: 26231

查看: 1103 | 回覆: 13
我只想呻下,呻完還是一樣對你好


男爵府

國民生產總值:5913


發表於 13-6-5 00:50 |顯示全部帖子
奶奶有病,情況反覆,近來好轉了,精神好左又回復多野諗和不知足的心態。跟她同住,只因愛c6要愛屋及烏,眾子女中只有我們算可以跟她相處到,她有病,如我們不跟她住她要獨居,就算有姐姐其實都慘,又七十多,不想跟她計較,但她一好轉就回復看不起人,yim占聲悶,自我中心的壞習慣。例一,眾子女回來時間不一,有些周五有些周六有些周日,但只要有人來就不想我帶bb回外家,說我媽可以來探望,說她健康嘛,行得走得點解佢唔過黎,我不理會,照去,因為解釋了都不聽,於是她跟親友說我們不陪她,只懂返外母度 (而我只逗留3個鐘)。例二,不喜歡我請的姐姐(主要照顧bb) 奶奶自己有兩個工人,一個她請了10幾年,一個我地搬埋一齊後另外再請,因為間屋大。兩個都是她10幾年工人介紹的,但她扮大家姐,洗死人,篤背隻,講真我3個工人都不會信哂,我自己observe, 佢地做野無問題其實野我唔想理咁多,奶奶話我唔識教,而我真係唔識對唔住。好,不如由你教啦(佢由細到大都有工人)但佢又陪埋工人癲埋一份,開隻窗閂隻窗都要mom主持公道,日日家嘈屋閉,收尾佢自己都搞唔掂拋返俾我,我決定強硬執行邊個再挑起紛爭家嘈屋閉邊個走,但奶奶果頭又做好人話我好惡同刻薄對工人。我刻薄?
我刻薄就唔會當佢地真係大姐姐咁對待,買野食買埋佢果份,去旅行手信唔會少,驚佢地凍/熱/病,虛寒問暖,準時出糧,大時大節醒多幾舊,無話要佢地捱更抵夜,工人房三張床全部舒舒服服,客氣對佢地永不黑面,(除左呢輪佢地玩野我真係發火講到清清楚楚)我刻薄既咁出面既世界係地獄,佢地咁唔開心要玩野既可另謀高就,我賠足當送瘟神,但搞到咁又係我唔岩咁樣,又話唔係麻麻請佢無實權,又話請姊妹唔岩,但當初係佢話請姊妹好的。例三,開始話我唔識湊仔,我是working mom, 工作壓力大,c6仲大,我無本事有好多錢可一炮過俾哂父母養起佢地然後返屋企湊仔,我嫁後家用一個崩都無俾少,我一定要工作才能養父母,我無怨無悔,因為work life 本來好balance . 但奶奶說我成日唔嚮屋企唔知發生咩事,唔係全職點識湊仔d野,於是當bb開始學爬和食固體時她就開始意見多多,我要俾的她就說不好,如俾粥仔而他又finish到又話我夾硬質佢,俾埋衛生署出的指南都當耳邊風,我返工時她就叫姐姐餵兩匙就好停,姐姐不肯她就在我回家連鞋都未除就話我姐姐唔聽佢話,我解釋了就說我唔識,我好想寸她 “你幾個子女夠時工人湊大,自己返工唔得閒理,你夠話過自己唔識啦,我細個嚮菜檔幫手湊細佬果陣你個細仔都未出世“ 但沒說出口。仲有更多,先save再續。。。


王國熱話
【快閃優惠】永安全線機票滿$1,500減$150!(...
[有時去旅行唔駛好貴嘅] 歐洲Free Local Tour...
HK Express 飛峴港 一千蚊有找!
中文版韓國地圖App面世


男爵府

國民生產總值:5913


發表於 13-6-5 01:21 |顯示全部帖子

回覆:我只想呻下,呻完還是一樣對你好

到bb 學反身果陣,我在睇住佢的情況下俾佢反轉,自己伸手出來撐起個人,佢未夠力,撐撐下當然累然後呱呱嘈,佢會話我玩個仔,迫個仔,學人做虎媽,我話個仔要自己學先識,我無理佢照繼續,佢就在我離家後禁止姐姐俾佢學轉身和坐,我唔俾,佢就話我同姐姐夾埋蝦佢。例四,是今天發生的,thats why 我遲遲未能入睡,我c6打工,但有些家族生意,幾兄弟無人想理,只要有花紅分就是,奶奶也只信他,所以交哂俾佢,可想而知佢幾多野做。最近佢打果份工出多左trip, 所以我暗裡有幫佢,如整理文件交給會計報稅 (好煩的,成日唔齊),交差嚮地稅牌費商業登記等,處理告票有時要代佢出庭認罪交罰款。呢d同利潤和支出無咩關係所以我想幫輕c6就幫佢做,最近有d約完左要再傾,關係到價錢所以我唔想做,我一路都嚮度叫jm們不要插手c6屋企生意因為一定多恩怨,但最後我竟犯上這個錯誤,由於c6真係太忙又返唔切香港,我c6想我幫佢傾,也先徵求各兄弟姊妹同意,因為他們真的不想理,都幾煩的,又無格可落,又信得過我有些經驗就同意我代c6傾,然後也問過奶奶因為佢都有份,她當時話好的,於是我就去傾了。。。(夠鐘同c6 video call..後續)



男爵府

國民生產總值:5913


發表於 13-6-5 02:22 |顯示全部帖子

回覆:我只想呻下,呻完還是一樣對你好

(講完了,開心返少少,繼續交代故事)於是我上星期去傾份新約,傾到某個t&c發現有問題,其實有d風險同唔著數,於是hold住先,先同佢地一家滙報 (我地即時用whatsapp group chat, 除了奶奶因為佢唔識用)佢地都覺有問題要再傾,我將佢地既決定同奶奶滙報因為佢亦有權知,佢就話人地係佢邊個世姪,人地做生意都好艱難,點解你地咁計較,我話我只是代理人,你問返你d仔女,佢地決定既,然後佢哦左我幾晚叫我唔好咁樣算住人,人地好有power又係世姪點會呃我地,我照叫佢同返自己的子女講,唔好問我,但佢又唔敢,因為仔女實鬧返佢。今晚我放工返黎,已好累,又係剛入屋未除鞋就走黎講,話佢個世姪今日打黎唉佢,叫佢幫幫手簽左份約佢,話自己好掂,然後佢應承哂人不突止仲減哂價,我已嬲嬲地,因為佢地叫我幫手我先幫,我都唔知點同其他人交待,不過都唔緊要,有乜咪佢地怪佢地個阿媽。最令人嬲既係奶奶竟然話我知,佢世姪話 “你個新抱咩野人黎唔,態度又差,又唔識野,又學人霸住做唔知想搏乜“,奶奶居然同返我講,我問佢 “咁你點答,你認同佢咁講?“ 佢竟然話 “唔係,不過新抱都係做返本份夠喇。“ 我話 “好,我明哂,我唔岩,對唔住,我唔會再做。“ 我好嬲,跟住我藉口話去維園燭光晚會就出左去 (本來諗住早少少食埋飯先過去) 去到半路落大雨,但不想回去,繼續前行,除了真是想燃點多一些燭光,回走這個覺得我不守本份的家真是有點心傷,越想越嬲就哭了,幸好雨實在太大,我全身濕透了,連是雨是淚都不能分辦,能在鬧市痛哭是何等痛快。(對不起,抽了晚會的水)



男爵府

國民生產總值:5913


發表於 13-6-5 02:44 |顯示全部帖子

回覆:我只想呻下,呻完還是一樣對你好

晚會完了,我還是要回家,回到去她又說 “都唔知去來做乜,唔洗理下個仔,咁熱心做乜,死老豆唔見你地咁傷心。“ 扯到我仔和老豆我大怒了,我說,“奶奶,第一,我無唔理到個仔,不過趕住出去一次半次望少一陣,又有姐姐睇住,第二,我老豆生牛牛嚮度未死,你唔好咁講,而且點解唔可以關心屋企同時間關心社會,我只係去下維園行行企企,兩者根本無抵觸,我唔想個仔第時大個嚮個無公義既社會成長。“ 講時事佢一定唔夠我講,於是佢又拉去第二度,話佢無講過我老豆唔洗咁大反應,佢係話人地而唔係話我云云,又話c6唔嚮度我搞你唔掂。我問佢 “點樣搞我唔掂?你覺得我好差?對你好衰?定點?“ 佢無野講,我估佢係根本找不到理由去支持佢咁講所以無聲出。我繼續話 “如果我有咩唔岩,你同我講,我道歉。“ 佢又話算喇唉,我好累我去訓唔想講,然後佢就回房了,我覺得很委屈,好唔開心,我沒話俾c6知,因為佢好忙,好大壓力,我唔想佢知佢一行轉背屋企就嘈嘈閉,我好想佢返來見到屋企人開開心心,所以我一直無講,我諗個個男人都想辛苦做野後,返到去有個home sweet home. 但頭先video call忍唔住講左少少,佢安慰我話知我只是為頭家,知我份人唔係咁,我才感覺好些。我開始有些懷念奶奶身體差時的日子,雖然好似好黑心,但果陣我幾乎每星期陪她到醫院覆診和接受治療,佢唔舒服時我替她揉肚,按穴位,我親自整野佢食,同佢傾計等佢有生存意志,在醫院時我請假陪佢傾計,等佢唔驚,開刀前一晚我留宿陪佢在病房過夜等佢唔好驚,那段日子雖然擔心,但過得幾開心,因為好齊心對打病魔,奶奶果陣都有講過好在有我嚮身邊。我這樣不盡本份?我唔知搏乜?我唔知為乜就真。




男爵府

國民生產總值:8594


發表於 13-6-5 12:48 |顯示全部帖子

回覆:我只想呻下,呻完還是一樣對你好

你係一個100分的太太&新抱,呻晒出黎啦,唔好屈喺心入面。

點評

lovely_nurse    發表於 13-6-10 11:34


男爵府

國民生產總值:6163


發表於 13-6-5 14:57 |顯示全部帖子
本帖最後由 tsoi520 於 13-6-6 09:59 編輯

相信你99都係一D古板的人, 佢唔識點同人相處, 點同人溝通,
佢講講埋埋咁多廢話, 可能目的都係想同你多D話題,
不過佢唔識點表達, 次次講完出黎好似係度挑剔人咁,
態度好黑人憎, 令人唔舒服。
其實你已經做得好好, 反而我覺得你唔洗點理你99講乜,
你就當佢係有病, 自己控制唔到自己講乜啦~
最緊要係你C6了解你姐


男爵府

國民生產總值:9829


發表於 13-6-5 16:40 |顯示全部帖子

回覆:我只想呻下,呻完還是一樣對你好

支持你
你已經做得好好架喇
繼續頂住


男爵府

國民生產總值:9433


發表於 13-6-5 16:55 |顯示全部帖子
本帖最後由 海獅媽媽 於 13-6-5 16:55 編輯

有D老人家係甘, 未到寒冬不知暖衣好


大宅

國民生產總值:1914


發表於 13-6-5 18:18 |顯示全部帖子

回覆:我只想呻下,呻完還是一樣對你好

唔開心就上來呻下,你99病時你肯這樣照顧她你已經是一個非常好的新抱!!
當佢有病把囗唔受控制


公爵府

國民生產總值:29595


發表於 13-6-5 18:40 |顯示全部帖子

回覆:我只想呻下,呻完還是一樣對你好

繼續照顧佢,但態度上可以冷淡d。


別墅

國民生產總值:811


發表於 13-6-5 18:42 |顯示全部帖子
你加油!!你的付出会有回報!


大宅

國民生產總值:4473

畀面勳章 BK Milk勳章


發表於 13-6-6 09:00 |顯示全部帖子

回覆:我只想呻下,呻完還是一樣對你好

支持你,樓主!!其實你已經係一個好妻子及好新抱!其實你99都知你對佢好,但有時d老人家,係得把口,明明知你對佢好,都係要揾d嘢嚟攪攪你先安樂,可能唔識表達自己喇!!唔好唔開心喇,明白你都係呻吓!!加油呀!!


子爵府

國民生產總值:14310


發表於 13-6-6 09:40 |顯示全部帖子

回覆:我只想呻下,呻完還是一樣對你好

你係好太太好新抱,其實你99心知你好,但口硬,又要面,就變咗囉唆!




伯爵府

國民生產總值:18292


發表於 13-6-8 04:29 |顯示全部帖子

引用:晚會完了,我還是要回家,回到去她又說+“

原帖由 RockMusicLover 於 13-06-05 發表
晚會完了,我還是要回家,回到去她又說 “都唔知去來做乜,唔洗理下個仔,咁熱心做乜,死老豆唔見你地咁傷 ...
妳對妳99算好好! 係佢唔識珍惜!


© Baby-Kingdom.com Limited. All rights reserved.