夫婦情感

收藏本版
發帖
返回列表
跳至頁

首頁
12

尾頁
   0
李卡卡


洋房

積分: 212


1#
發表於 06-10-18 10:40 |只看該作者

如何衡量應否繼續同老公一齊???

同老公係閃電結婚的, 結左婚兩年。由認識至今, 相處三年有多了, 在拍拖的一年裡, 分過一次手, 在結婚的兩年裡, 鬧交鬧到差點離婚的都有兩次! 我們之間無第三者, 我地每次鬧交都係因為小問題而起。

我覺得愛一個人, 係會為對方付出、以對方的快樂為自己的快樂等等, 如果話不求收獲, 坦白講, 我做唔到, 至少我希望對方都一樣重視我、著緊我! 我唔知呢d係咪算係要求收獲。

起初我覺得花多少精神、多少時間、多少金錢去令老公快樂, 我就快樂。但漸漸地, 我覺得佢好自私! 佢樣樣事都以自己為中心, 我完全感受唔到佢愛我。

之前大家話想生BB, 我話應該要去見醫生做左檢查先, 叫佢同我一齊去抽血check, 佢叫我自己去 :tongue:

我想買的東西(無佢份用的), 佢就話我洗錢, 如果係大家都用到的, 佢就舉腳贊成, 如果佢買自己野(無我份用的), 佢就多多藉口講到好抵買咁! :tongue:

總之每次同佢有爭執, 最後都係講到我無聲出, 佢好似岩哂咁 :tongue:

每次無論因為咩事搞到唔開心都好, 佢都唔會tum我:tongue:

我個心態好似變左, 覺得唔洗對佢咁好, 但如果我個心態真係咁, 咁仲同佢一齊做咩呢???? 我好亂呀 :-(
私人傳訊

張毛毛


複式洋房

積分: 132


2#
發表於 06-10-18 12:03 |只看該作者

Re: 如何衡量應否繼續同老公一齊???

你既情況同我以家既一樣 ,我都係同我老公閃電結婚 ,同你時間差唔多 ,唔同既係我有左bb ,都就來生lu ,我同你既諗法都係一樣 ,咩都諗左佢先 ,咩都為左佢先 ,只要佢開心自己就會開心 ,奇實係錯的 ,2個人月行得耐會月睇得多野 ,好老實 ,大家都未了解大家就結左婚 ,確實會有好多問題的 ,好似我咁 ,未有bb既時間都ok既 ,但一有左 ,可能冇做野 ,成日都好得閒 ,就會見到好多好多既野係有問題的 ,覺得一直以來所做既野都係白做 ,轉來既係傷心同失望 ,我唔開心佢唔會知 ,我喊佢只會命令你唔好喊 ,你嬲佢咩???佢唔會tum你 ,你冇錢咩 ,佢唔會理你 ,就算理都理左自己先 ,你病咩???佢未去打機囉 ,你就生得咩???佢未成日同d同事呀 ,朋友呀出街囉 ,你 ,向home一個人囉 ,你同佢講你衰要佢多d向你身邊咩 ,有 ,一 ,兩日囉 ,你要知道男人就係咁 ,你月對佢好 ,就月老馮 ,你對佢羞d咩 ,佢又話你唔愛佢 算啦 ,佢對你唔好 ,你都唔屎對佢好 ,佢點對你你點對佢囉 ,佢話你既 ,你未同返佢講 ,你都係咁ja ,你都唔like 啦 ,我都係架 ,佢係好既當然會明啦 ,唔好彩既 ,就好似我個個咁 ,但有樣野我係剛學會的 ,女人唔係冇左男人唔得既 ,女人要學會對自己好 ,你仲話想生bb ,我諗你唔好啦 ,起碼你地攪好大家之間既事先再諗個bb，唔係就會好似我咁＝．＝ｂｂ是無罪的
私人傳訊

happydaughter


大宅

積分: 4949


3#
發表於 06-10-18 12:46 |只看該作者

Re: 如何衡量應否繼續同老公一齊???

你地根本都未考慮清楚，未了解對方，知唔知拍拖和結婚生活根本就好大分別，無番咁上下功力都好難維擊！
女人結咗婚就要求多咗、樣樣嘢都好似應份！
男人就相反，佢會覺得攪掂咗，就無咁多心思啦！
其實大家都要互相付出、努力協調，否則好難維持下去！

大家傾下啦！如果只得單方面付出，就只有痛苦收塲！ :-(
私人傳訊

小天使bb


複式洋房

積分: 108


4#
發表於 06-10-18 12:49 |只看該作者

Re: 如何衡量應否繼續同老公一齊???

我既情況又係同你地差唔多，我同我老公一齊已經有9年幾差唔多10年啦！我同佢係奉子成婚，其實未結婚之前，好多人都覺得我應該離開佢，因為佢打過我幾次，但係我好死心眼，因為一開始同佢一齊既時候，佢做過好多o野令我好感動，令我覺得佢係我遇過咁多個男人之中最好既一個，所以我唔捨得離開佢，但係日子越耐，我就越唔開心，佢唔會關心我，我話俾佢知我唔舒服，佢會話咁點呀！佢曾經同佢d朋友傾計講過，話佢又唔係醫生，同佢講都無用o架！我無錢問佢，佢就黑口黑面，搞到我好似問佢乞咁，我每做一件事都係第一時間諗左佢先，但係佢做乜都無諗過我，從來都唔會抽時間俾我同個仔，禮拜六、日都只係我自己帶個仔去街，從來都唔會有family day，原本舊年我地已經搞到差唔多要離婚架啦！但係我接受唔到無左佢，我拋低尊嚴去要求佢唔好離開我，我地既感情初初都好似好似d咁，仲意外有左添，佢話想要，我又諗住我地會一路慢慢好落去，結果生左個細仔，大肚個陣佢真係對我好好，變左好多，但係到生左之後，一齊都唔同晒，我連坐月都無坐足，就要湊個大仔落街坐校車，又要落街買送，咩都唔肯幫手做，生完無耐佢就要求ML，我話俾佢知個傷口仲未好番，佢就黑面，跟住就唔係好願啋我，我身心都覺得好疲累，每日一早起身搞掂完個大仔，就輪到個細仔，又要湊仔又要做家務，無晒自己既時間，都唔緊要，個老公仲要唔幫手，唔關心，唔會同我傾下計，有咩都唔會同我講，佢去邊我唔知，佢做緊乜我唔知，從來都唔鐘意帶埋我出去同佢d朋友一齊玩，連佢轉工我都唔會知，要我開口問佢，佢先至講聲(係呀！你唔知咩！)一日一個電話都無，仲要小小事就嬲，真頭連交都唔會鬧，我連佢嬲咩都唔會知，好似尋日咁，一早起身就已經嬲，我叫佢起身唔啋我，到晏d我打電話問佢嬲咩，佢又話無，問佢返唔返黎食飯，佢又話唔返，但係佢夜晚返到黎對住我係黑口黑面o個喎！佢仲自己煮麵食添！到今朝佢真情連我買俾佢個包都無拎返工食，結果我一時火遮眼，係佢面前將個包掉落垃圾筒，跟住佢出門口個陣，大大力咁刪門，我覺得好唔開心，究竟我舊年係咪唔應該留住佢呢？究竟呢個男人係咪已經唔愛我呢？點解我咁愛佢，為佢付出咁多，但係換黎既就只係佢既冷淡、唔關心？我可以點做？ :-( :-(

私人傳訊

麟媽媽


王國長老

積分: 84800

好媽媽勳章 王國長老


5#
發表於 06-10-18 12:59 |只看該作者

Re: 如何衡量應否繼續同老公一齊???

唔好怪我咁講，你地都唔係真正甘心為對方付出過。
我同老公結左婚10年，相識22年，
我為佢做過的，我從沒投訴過，因為只要佢開心，
我便覺得開心，那我何來投訴呢？
佢為我做好少既野我都欣賞，好似佢琴日係地鐵等埋我，
我都欣賞，因為早兩日我病，佢陪我回家，唔係好好咩？
兩個人要相處，仲要好好地相處幾十年不容易，
要多點包容，多點欣賞，咁先可以「執子之手，與子皆老」嘛。
私人傳訊

小天使bb


複式洋房

積分: 108


6#
發表於 06-10-18 13:19 |只看該作者

Re: 如何衡量應否繼續同老公一齊???

你講得o岩，要兩個人真心付出，互相欣賞、包容，先可以維系到大家既感情，但係只係單方面付出就唔係咁講，我老公忽然之間做左小小o野令我估佢唔到，我都覺得好開心架！但係如果一年裡面只得一、兩次係咁，咁又點會維系到，唔會無人真心為自己既婚姻付出o架！雖然付出係唔應該計較回報，唔應該計較邊個付出得多，但係只有單方面付出、欣賞！都係維系唔到，好似我咁，如果我唔係真心為佢付出，我點解要為佢生仔，仲要18歲就為佢生仔，為佢無晒朋友，因為佢唔鐘意我同我d朋友去街，我無包容佢咩？佢從來無幫過我手湊仔，剩係識得自己去玩，如果講未玩夠既話，我咪仲未玩夠，每次我想同佢傾計，佢都唔理我，再唔係就講多兩句黑面，我做乜佢都會有o野挑剔，平時佢唔理個仔，到個仔病個陣，佢就會唔客氣咁話(做乜個仔會病架)，咁我可以點？ (唔好意思！我只係有個句講個句，並非惡意，大家交流下意見！)
私人傳訊

麟媽媽


王國長老

積分: 84800

好媽媽勳章 王國長老


7#
發表於 06-10-18 13:36 |只看該作者

Re: 如何衡量應否繼續同老公一齊???

小天使bb ,

Sorry,我出去買lunch 前未睇到你個post，
我寫既野唔係就你個case發表的，
唔好誤會，食埋外賣先再傾。

小天使bb 寫道:
你講得o岩，要兩個人真心付出，互相欣賞、包容，先可以維系到大家既感情，但係只係單方面付出就唔係咁講，我老公忽然之間做左小小o野令我估佢唔到，我都覺得好開心架！但係如果一年裡面只得一、兩次係咁，咁又點會維系到，唔會無人真心為自己既婚姻付出o架！雖然付出係唔應該計較回報，唔應該計較邊個付出得多，但係只有單方面付出、欣賞！都係維系唔到，好似我咁，如果我唔係真心為佢付出，我點解要為佢生仔，仲要18歲就為佢生仔，為佢無晒朋友，因為佢唔鐘意我同我d朋友去街，我無包容佢咩？佢從來無幫過我手湊仔，剩係識得自己去玩，如果講未玩夠既話，我咪仲未玩夠，每次我想同佢傾計，佢都唔理我，再唔係就講多兩句黑面，我做乜佢都會有o野挑剔，平時佢唔理個仔，到個仔病個陣，佢就會唔客氣咁話(做乜個仔會病架)，咁我可以點？ (唔好意思！我只係有個句講個句，並非惡意，大家交流下意見！)
私人傳訊

小天使bb


複式洋房

積分: 108


8#
發表於 06-10-18 13:44 |只看該作者

Re: 如何衡量應否繼續同老公一齊???

慢慢食啦！有人同我傾o下計我已經好開心架啦！唔使sorry！大家分享下意見之嘛！係咪？
私人傳訊

ru_663th


珍珠宮

積分: 38862

畀面勳章 BK Milk勳章


9#
發表於 06-10-18 13:46 |只看該作者

Re: 如何衡量應否繼續同老公一齊???

i agree"張毛毛 "及"happydaughter"~~~
因為你同他相識太淺,所以大家唔了解大家想法,我個人嘅意見係...如大家有咩問題,你又好、佢又好!點都揾d time出嚟坐低傾吓大家嘅想法唔係單方面估估吓(對方)想乜?
另外,你話生bb嘅question,我個人應該你暫時唔好想住!!
一定要解決咗你同你老公d事先,才說~~~
希望你開心d生活!
私人傳訊

irenec


大宅

積分: 1596


10#
發表於 06-10-18 13:53 |只看該作者

Re: 如何衡量應否繼續同老公一齊???

我都幾認同麟媽媽所講既："兩個人要相處，仲要好好地相處幾十年不容易 ！"
我18歲就同而家個老公拍拖 (佢大我2年), 一拍8年到我26歲至同佢結婚, 我30歲至做人亞媽, 而家個B都4歲喇！呢十幾年如果我話無 argue 你地都唔信？咁何況人大左, 問題又多左, 所以呢.....呢段咁漫長既日子, 好多野再乎兩公婆點溝通？唔掂傾到傾, 有商有量嘛！更可況生兒育女呢 d 問題, 係我同老公決定要 BB 以前, 我亞媽提醒我地："生ＢＢ唔係玩玩下, 唔好好管教將來就害左佢一世, 而且好多好實際既問題接踵而來, 你倆公婆既經濟、BB既教育、你地點教.......！！" 到而家我信, 所以如果兩個人既感情真係唔穩定, 完全係唔多了解對方, 只為一時衝動而結婚, 咁我都好認真咁講: 唔好生BB, 無謂一錯再錯！最終痛苦會係個BB！　　 :-(
私人傳訊

小天使bb


複式洋房

積分: 108


11#
發表於 06-10-18 14:09 |只看該作者

Re: 如何衡量應否繼續同老公一齊???

唉！傾到、商量到就梗係好啦！只可惜另一半唔肯傾既話，真係好無奈，唔知點做好！我諗係女人都希望可以同老公白頭到老既！包括我都好希望，可惜我睇唔到將來！ :-(
私人傳訊

ru_663th


珍珠宮

積分: 38862

畀面勳章 BK Milk勳章


12#
發表於 06-10-18 14:09 |只看該作者

Re: 如何衡量應否繼續同老公一齊???

小天使bb ,
你寫到"我無錢問佢，佢就黑口黑面，搞到我好似問佢乞咁，我每做一件事都係第一時間諗左佢先，但係佢做乜都無諗過我，從來都唔會抽時間俾我同個仔，禮拜六、日都只係我自己帶個仔去街，從來都唔會有family day"
我都同你差唔多嘅情況!(:-( 我老公每個月有1 day假,佢都唔放假陪我和囡囡,只愛工作!) :-(佢對同事重好過我,一日都無10句說話同我傾計(包括囡囡都係)
平時,佢又唔識冧吓我(硬班班甘樣),我sick,佢都未試過問下我?換轉係囡囡sick,佢會打phone 6,7次比我問「囡囡好d未?」 :tongue:對我又忽冷忽熱,好難頂佢! :tongue:
所以,做老婆最慘係對住d甘嘅"軟皮蛇"老公! :-((我已經係)
*最緊要,自己開心d (包括囡囡) ,唔洗理d甘嘅男人.. :tongue:*
私人傳訊

麟媽媽


王國長老

積分: 84800

好媽媽勳章 王國長老


13#
發表於 06-10-18 14:19 |只看該作者

Re: 如何衡量應否繼續同老公一齊???

我自己覺得閃電結婚同奉子成婚都好危險的，
兩個人相愛容易，但相處難，拍拖都是美好的，
女孩子都比最溫柔一面，男的又比到最柔情既一面，
但咁快同屋共住，總會表露出真性情架，
咁相處時間短，咩都幻滅了，仲唔出事？
奉子成婚更甚，兩個人都未能適應一齊生活，
仲整多個BB，成日分工唔平均，跟住咪再嘈交囉。
私人傳訊

小天使bb


複式洋房

積分: 108


14#
發表於 06-10-18 14:19 |只看該作者

Re: 如何衡量應否繼續同老公一齊???

估唔到你都同我差唔多，唉！對住呢種男人真係好慘，唔係話唔愛佢，但係就愛得好辛苦囉！真係(佢有佢自由，理得你感受)，真係好心痛！ :-(
私人傳訊

ru_663th


珍珠宮

積分: 38862

畀面勳章 BK Milk勳章


15#
發表於 06-10-18 14:29 |只看該作者

Re: 如何衡量應否繼續同老公一齊???

i agree
希望你生活開心d~~~
起麻唔洗理我老公有無假放?
我哋有自己節目,想去邊就去邊! 開心過同佢!:tongue:
我哋現在生活好開心!

私人傳訊

tungtung020807


複式洋房

積分: 398


16#
發表於 06-10-18 14:33 |只看該作者

Re: 如何衡量應否繼續同老公一齊???

2個人都係想開心
:-P :-P
私人傳訊

irenec


大宅

積分: 1596


17#
發表於 06-10-18 14:38 |只看該作者

Re: 如何衡量應否繼續同老公一齊???

Hi 小天使 BB, 唔好咁無奈啦！既然大家傾都無得傾, 就算見到對方又點呀, 如同陌路人！咁你有冇諗過大家分開下, 俾D時間、空間等你地自己泠靜下, 或者諗下而家既生活方式係咪適合大家, 我絕對唔係教你地 "離婚" 事關我本人都唔贊成呢樣野, 只不過見你而家咁樣, 再落去你會好辛苦！又或有建議下你有冇其他人幫你湊BB, (BB幾時返學呀？) 咁你可以做野或有學下野, 咁個人都開心 d 嘛！
私人傳訊

禮媽


子爵府

積分: 11343

2018復活節勳章 好媽媽勳章


18#
發表於 06-10-18 14:44 |只看該作者

Re: 如何衡量應否繼續同老公一齊???

其實對對夫妻相處都會有問題架啦，兩個唔同性格ge人住埋一齊，點會無爭執，夫妻相處梗係要互相包容，一個人點衰都好點都會有佢ge好處，試吓揾吓佢ge優點出嚟，重新去欣賞呢個身邊人啦
私人傳訊

小天使bb


複式洋房

積分: 108


19#
發表於 06-10-18 14:44 |只看該作者

Re: 如何衡量應否繼續同老公一齊???

我真係唔知繼續同佢一齊仲會唔會有開心既日子，我好想可以同佢一齊過d開心既日子，但係回顧返咁多年，唔開心既事多過開心，我係一個EQ十分低既人，我既情緒會俾佢影響，開心唔開心都係因為佢，我都知咁樣係無用，但係我控制唔到自己唔受佢影響，我真係唔知到底呢個男人仲愛唔愛我？ :-(
私人傳訊

李卡卡


洋房

積分: 212


20#
發表於 06-10-18 14:47 |只看該作者

Re: 如何衡量應否繼續同老公一齊???

傾唔係無傾過, 因為嗌交都唔係第一次了, 但每次都係我主動撩番佢, 我試過好聲好氣同佢講：『老公呀, 不如我地而家坐低傾下大家之間的問題.........』佢即時的回應係：『唉~ 傾咩唧! 係你自己覺得有問題之嘛! 我無問題喎!』 :tongue:

付出..........當然有付出啦, 邊有人結婚望離婚架 , 一味付出、付出、再付出, 我唔係要佢樣樣野都好似拉線公仔咁任我擺佈, 但至少都比我feel下佢愛我丫, 我真係feel唔到佢愛我, 我覺得佢同我一齊好似係一種習慣 :-(

尋晚我地又冷戰, 到今早佢出門口返工都無錫我(每朝我未夠鐘起身, 佢就要出門口返工, 佢次次都會錫我一啖)~~ 到我出門口返工, 我打比佢問：『老公, 你今朝早做漏左d野呀....』佢話：『哦~ 趕時間丫嘛~~ 好忙呀, 唔講啦~』 :cry:
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見