以前既我曾經係貓義工,由未開眼既貓b到成貓都照顧過,做過暫托直至貓貓搵到新主人為止,而我亦識到好多貓義工,佢地可以為啲流浪小動物盡心盡力去幫佢地搵暫托家庭,搵新主人,做家訪,時間,金錢,精神,體力少一樣都唔得,有時要設定啲籠捉佢地絕育,又或者病左帶佢地睇獸醫,漁農署有個計劃叫cccp,即係絕育後剪耳後放回原地生活,有啲貓貓因為習慣自由所以唔適合比人收養,不過漁農署竟然收到人投訴後明知隻貓已參加呢個計劃但係照捉,好多義工變到每日又要抽時間去spca贖貓,所以我係面書見到佢地既情況我係非常支持佢地無私既精神
今日我係面書見到某位義工同一時間盡力拯救左起碼都超過5隻貓bb,全部都有病,有隻仲2隻眼盲晒,我睇到非常之心痛唔開心,所以我即時聯絡呢位義工問清楚情況,因為我得1隻貓,想搵多隻陪佢,而我選擇既就係2隻眼全盲既貓女,健全既我唔簡係因為我知道佢地好番之後一定有人收養,而有缺陷既貓貓係比較難有人收養,所以我決定照顧佢一生一世,而義工知道後好開心,不過就話要確定貓貓係健康先會比我收養,今晚做左呢個決定後,我要開始諗搬屋後點樣擺設確保貓貓唔會周圍撞,因為我未試過養隻全盲既貓,我怕隻小貓亂撞會傷到佢,我相信我可以做到,希望大家支持領養,有缺陷既小動物佢地都好慘,我地可以決定佢地生存權利,但係佢地無得簡主人,多謝各位睇晒我打既野
除了你我誰都不愛,to have but not to hold