Re: 我想講，我愛我太太
to man4good,
成日聽到身邊既朋友及同事話：「貓見到魚點會唔食呀？」，現今的婚姻實在太兒戲。
我好感動及欣賞你對太太的一份熱誠，難得在人海中找到另一半，好好珍惜，因為幸福就在你的身邊。
俗語所謂「執子之手，與子偕老」，這樣才是婚姻。
man4good 寫道:
在別人眼中我的太太是一個樣貌唔起眼，無太高學識的女子，而我可算是一個外表出眾，讀書工作都算成功的男士，起初有朋友好驚訝問我點解會選擇我太太（因當時有幾個很漂亮的女性追求），間唔中在街上，都有人用奇怪的眼光眼望望，前幾日有個男人望實我倆，“嘩”一聲，然後陰笑，但係我想講，在我心中，我太太係最美，咁多年都一樣，因她內心真的真的很好，對我很好。
昨日是太太的生日，我親手整左一份小禮物給她，其實是過去的一個月多，每晚趁她睡著的時候，我起身逐少逐少來整的一份禮物，當她收到份禮物時，她哭了。
我唔相信經營一段感情唔需要努力，係需要珍惜，記得數年前，前度女友搵返我，當時大家都已有家庭，自己的生活，我好了解佢，佢係好率直既人，佢坦然講佢有點後悔與我分手，佢問我想唔想去酒店“聚一聚”，好老實講，佢係我生平當中見到係身材最好既女人，我真係有掙扎，因為無手尾送上門既ｓｅｘ係好難抗拒，但當我靜下來想想自己身邊的太太，我又怎可瞞住佢，做違背良心的事呢，最後我拒絕左我前度女友的“要求”。
我想講並不是我要炫耀自己，我反而覺得自己不足，睡在我旁的太太是有今生無來世，我只想當我老了，我還可以同佢一起好開心拖住手在沙灘公園傾計，離世時可對佢講我已盡了力，比到幸福佢。
世間最美妙的事情，就是擁有一個溫馨的家庭。我們可自然從容地回到家中，無拘無束地被家庭接納為其中的成員。 ;-) (維斯各特)
發表於 
[img]
返回列表
