我信唔信佢好呀!
我工人做左2個月, 每次放假都8:00pm前回家, 今日9:00pm都唔見人, 9:10pm打電話返來話搭錯車, 又話周圍冇人, 所以借唔到電話(佢本身係冇手提), 到借到電話打返來又話唔知自己響邊, 隔離有個男人好似講印尼話, 又好似講英文, 但我又聽得好清楚, 跟住就斷線, 再打去個來電顯示電話, 個男人就話唔識中文, 佢用英文講又唔知佢講咩! 唉! 而家都唔知佢走鬼左去邊, 我老公揸車出去搵又搵唔到, 放咁多次假都識搭車, 今日就話搭錯車, 仲要咁遲先打電話俾我, 都唔知信唔信佢好? 不如你地俾d 意見呀! 如果佢返到黎我應該點做?
佢平時做野都o.k., 但今次咁鬼樣, 都唔知有冇講大話, 咁點呀?
我是你的血液 通過你的血管 經過你的心臟 走遍你身體每一個地方--I Love You 小俊B & 細細妹